23.04.2024 | 11:42
Ադրբեջանում պահանջել են նաև չորս «անկլավային գյուղերը»...23.04.2024 | 11:23
Վաղը ուշադիր եղեք հատկապես Ոսկեվանի և Բաղանիսի մոտակա դիրքերին․ Նաիրի Հոխիկյան...23.04.2024 | 11:06
Ի՞նչ կապ ունեին Արայիկ Հարությունյանի հարցազրույցի անոնսն ու հետագա «զարգացումնե...13.04.2024 | 13:57
Մենք այլևս չունենք ԱԱԾ, այդ հաստատությունը Նիկոլի ռեժիմի հերթական գործիքն է․ Կար...13.04.2024 | 13:26
Վթարի հետեւանքով մահացած բոլոր չորս զինծառայողները ժամկետայիններ էին....13.04.2024 | 13:06
Արարատի մարզում հայտնաբերվել է 36 կգ ոսկի գողություն կատարող կասկածյալներից մեկը...13.04.2024 | 12:59
Ղազախստանում ձերբակալել են ռուսաստանցու, որը մեղադրվում է տաջիկներին այլ երկրներ...13.04.2024 | 12:28
Փաշինյանի «լռությունը» վախեցնում է «ուսապարկերին»․ «Հրապարակ»...13.04.2024 | 11:29
Գեղարքունիքում զինվորական «ԿամԱԶ» է վթարի ենթարկվել...12.04.2024 | 14:08
Ոսկեպարցի Սամվելի խոհանոցի և հողամասի մի մասը մնալու է ՀՀ-ում, իսկ տունը և տնամե...12.04.2024 | 13:56
Ավազակություն՝ հոր և որդու կողմից. հոր գործը ուղարկվել է դատարան, իսկ որդին ինքն...12.04.2024 | 13:00
Դպրոցներից տարհանման կարիք չկա. ԿԳՄՍ նախարարը` ահաբեկչության կեղծ լուրերի մասին...12.04.2024 | 2:20
Մի կողմից նույն մարդիկ մեզ ասում են, թե «սահման չկա, սահմանները հստակեցված չեն»,...10.04.2024 | 15:10
Ահազանգ ենք ստացել զինվորական ծառայությունից հրաժարվելու հիմքով ՀՀ-ում ապաստանած...10.04.2024 | 14:10
Փաշինյանը Շոլցի հետ հեռախոսազրույցում անընդունելի է համարել Պրահայի, Բրյուսելի և...10.04.2024 | 13:10
Թքած ունեմ նրանց վրա, ովքեր հրաժարվում են «Միր» քարտի ծառայություններից. Պետդում...10.04.2024 | 12:10
Մենք չգնացինք այդ ճանապարհով և հայտնի աշխարհաքաղաքական կենտրոններում որոշվեց հար...10.04.2024 | 11:10
Եթե շատ լինեք, մենք կշրջափակենք կառավարությունը․ Հրանտ Բագրատյան...09.04.2024 | 15:10
Հրաժարվելով ռուսական МИР քարտերից՝ մենք ակամայից հայտնվում ենք պատժամիջոցների տա...09.04.2024 | 14:10
Ուկրաինան և Ռուսաստանն Աբելն ու Կայենն էին. Լեոնիդ Կուչման` Կիև-Մոսկվա հարաբերու...09.04.2024 | 13:10
Մարտական հենակետում երեք զինծառայողի սպանության գործով դիրքի ավագի պաշտպանը դիմե...09.04.2024 | 12:10
Հայկազ Բարսեղյանի սպանության գործով ամբաստանյալները դատապարտվեցին 18 տարի ազատազ...09.04.2024 | 11:10
Կռիվ լինելու ա, ու ես գիտեմ, որ մենք պիտի հաղթենք. Մեր թշնամին էսօր Ադրբեջանում ...08.04.2024 | 15:10
Իսրայելի ՊՆ-ն հայտարարել է Իրանի հետ հարաբերություններում «ցանկացած սցենարի» պատ...08.04.2024 | 14:10
Անիմաստ կրակում են, ոչ մի բան չեն թիրախավորում, երևի վախից է․ Արավուսի նախկին գյ...08.04.2024 | 13:10
ԵԽ-ն Հայաստանի «լամպոչկա» իշխանություններից պետք է պահանջի անհապաղ ազատ արձակել ...08.04.2024 | 12:10
270 մլն գնահատվող աշխարհաքաղաքական վեկտորի փոփոխություն և 0 երաշխիքներ․․․Լիլիթ Գ...08.04.2024 | 11:10
Եթե Արևմուտքը Հայաստանին ինչ-որ բան տա, Թուրքիան Ադրբեջանին եռապատիկը կտա. Չավու...06.04.2024 | 14:10
Գրողների միության նախագահը տեղյակ չէ իրենց շենքը թուրքական դեսպանատանը տրամադրել...06.04.2024 | 13:10
«Նիկոլիստներ, սորոսականներ ու արևմտամոլներ, ուշադիր կարդացեք գրածս»․ Էդուարդ Շար...06.04.2024 | 12:10
Բրյուսելում Հայաստան-ԵՄ-ԱՄՆ հանդիպումը «վտանգի ևս մեկ աղբյուր է ստեղծում» Հրվ. Կ...06.04.2024 | 11:10
Որեւէ մեկը չի կարող երաշխավորել, որ Իրանի թիրախներից մեկը չի դառնա Բաքուն. Վարդա...05.04.2024 | 15:10
Ռուսաստանը գրոհել է Ուկրաինան 13 անօդաչու թռչող սարքերով, բոլորը խոցվել են. Ուկր...05.04.2024 | 14:10
8,800 դոլարի և 5 մլն դրամի կաշառք ստանալու համար մեղադրվող պաշտոնյաների վարույթի...05.04.2024 | 13:10
Զորախաչ եկեղեցին՝ ադրբեջանական թիրախում05.04.2024 | 12:10
«Կրոկուս»-ում ահաբեկչության մեջ մեղադրվող անձի հեռախոսում հայտնաբերվել են Ուկրաի...04.04.2024 | 15:10
Ցեղասպանության վտանգը տարածվել է Հայաստանի ինքնիշխան տարածքի վրա. Լեմկինի ինստիտ...04.04.2024 | 14:10
Զազրելի է, որ որոշ թունավոր տհասներ սկսում են հայհոյել դասագիրք կազմողներին՝ իրե...04.04.2024 | 13:10
Թուրքիայում 2 հայի են բռնել, որոնց կոշիկներում 109 հազար դոլարի ոսկու ձուլակտորն...Օրեր առաջ ATV հեռուստաընկերությունում եթեր հեռարձակվեց նոր հաղորդաշար՝ «Սպիտակ անկյուն», որը վարում է Հրաչուհի Ութմազյանը: «Հայկական Վարկածը» այդ թեմայի շուրջ զրուցեց նրա հետ:
—Որտե՞ղ, ե՞րբ, ինչպե՞ս առաջացավ հաղորդման մտահաղացումը
-Մտահաղացումը եղել է հաղորդման պրոդյուսր Սերինե Ղազարյանինը: Առաջարկը ստացել եմ ATV հեռուստաընկերության տնօրեն Վահագն Խաչատրյանից: Ինձ համար հետաքրքիր էր վերադարձս ATV, որովհետև ես 2009թ-ից դեռևս աշխատում էի անտեղ, «Cosmopolitan» ամսագրի բացվելու հետ կապված ժամանակավորապես լքեցի ալիքը, հետո վերադադարձա «Cosmic show»-ով, հետո մոտ մեկ տարի եթերում չէի: Սա վերադարձ էր: Ինչպես ընկերներս են ասում. «Վերադարձար տուն»:
-Ինչու՞ չշարունակվեց «Cosmic show»-ն.
— «Cosmic show»-ն կարծես իր ժամանակն ապրեց. մեկուկես տարի եթերում էր, իսկ ամեն ինչ ինչ-որ պահի պետք է ավարտվի և տեղը զիջի մեկ այլ բանի: Ինձ համար ևս դա այդպես էր: Ես վարդագույն տաղավարից տեղափոխվեցի սպիտակ անկյուն:
—Ո՞րն է հաղորդման բուն նպատակը.
— Բուն նպատակն է, մարդկանց, ում մենք տեսնում ենք հեռուստատեսությամբ և, թվում է, թե մենք գրեթե ամեն ինչ գիտենք նրանց մասին, տեսնենք մեկ այլ տեսանկյունից, տեսնենք սպիտակ անկյան մեջ, որովհետև յուրաքանչյուր մարդ ունի անկեղծության միայն իր սպիտակ անկյունը, որտեղ գրեթե ոչ մեկին ներս չի թողնում: Մենք փորձում ենք բացահայտել այդ սպիտակ անկյունը, որտեղ ոչինչ գրված չէ , փորձում ենք գրել պիտակ թղթի վրա՝ նոր ձեռագրով:
-Ի՞նչ սկզբունքով եք ընտրում հյուրերին.
-Ընտրում ենք մարդիկ, որոնք հետաքրքիր ճանապարհ են անցել և հետաքրքիր են թե՛ իրենց անձնական կյանքով, թե՛ կատարած աշխատանքով: Փորձում ենք այդ սկզբունքով ընտրել:
-Ի՞նչ սպասելիքներ ունեք հաղորդումից.
-Շատ կցանկանայի, որ սիրվի հեռուստադիտողի կողմից, դառնա իր ամենօրյա կյանքի մի մասնիկը, իր օրվա մի անբաժան մասը, այսինքն՝ միշտ սպասեն, որ, ա՛յ, ժամը յոթին միացնեն հեռուստացույցը ու դիտեն «Սպիտակ անկյունը», միանան մեզ ու շատ հարցեր, որոնք տրվում են հյուրին, գուցե իրենք իրենց էլ տան ու փորձեն պատասխանել:
-Հաղորդումն արդեն երեք օր է՝ եթերում է. Ի՞նչ արձագանքներ եք ստացել
-Ի ուրախություն ինձ, արձագանքները շատ լավն են: Իհարկե, դեռ նոր ենք եթերում, բայց արձագանքները, որոնք ստանում եմ թե՛ զանգերի միջոցով, թե՛ ֆեյսբուքյան ակտիվությամբ շատ դրական են: Դա շատ պարտավորեցնող է, որպեսզի մենք հետագայում անենք ավելին:
-Ասում են՝ միայն հաղորդավարի ընտրությունը և հյուրի ներկայությունը դեռ շատ քիչ է, որ հաղորդումը ստացված համարվի. ովքե՞ր են աշխատում ձեր թիմում, ովքեր են այն մարդիկ, որոնց շնորհիվ հաղորդումն այսօր ստացված է: Գո՞հ եք նրանց աշխատանքից.
-Մենք այն երջանիկներն ենք, ում վրա վառվում են լույսերը, ու թվում է, որ մեզանից այն կողմ ոչ ոք չկա, բայց եթե չլինեն այն մարդիկ, որոնք աշխատում են տեսախցիկի մյուս կողմում, ամեն ինչ ուղղակի անիմաստ կլինի: Ինձ հետ աշխատում է մի հրաշալի թիմ, որից շատ գոհ եմ: Շատ արհեստավարժ թիմ է աշատում, որի հետ շատ հաճելի է աշխատել և իհարկե աջակցութուն, որ մշտապես ստանում եմ իմ գործընկերներից՝ Հրաչ Մուրադյանից, Հակոբ Հակոբյանից և Արթուր Մանուկյանից: Շնորհակալ եմ օպերատորներին, մոնտաժողին և իմ թիմին, որն ինձ հետ աշխատում է տարիներ շարունակ:
-Ասմունքող, խմբագիր, հաղորդավար. ինչպե՞ս եք համատեղում.
-Ես ամեն տեղ ինձ եմ գտել: Ես փորձում եմ ներկայանալ իմ տարբերակով: Դրանցից յուրաքանչյուրն ինձ հոգեհարազատ է և ամենակարևորը՝ ես ինչ անում եմ, անում եմ սիրով:
-Ո՞րն է լինելու Ձեր հաղորդման այցեքարտը.
-Գուցե ես չէ, որ պետք է ասեմ, թե որն է այդ այցեքարտը, ժամանակի ընթացքում հեռուստադիտողն ինքը կորոշի, թե որն է իր համար հաղորդման այցեքարտը:
Հռիփսիմե Գալստյան
Պաշտպանության նախարար Սեյրան Օհանյանն, անդրադառնալով զինված ուժերում տեղի ունեցող բարեփոխումներին, երեկ ԵՊՀ-ի ուսանողների հետ հանդիպման ժամանակ պատմեց, որ առաջին հերթին զինված ուժերն իր կառուցվածքային առումով օրըստօրե համապատասխանեցվում են այն խնդիրներին, որ այսօր դրված են ՀՀ ԶՈՒ-ի վրա:
Լուրջ ուշադրություն է դարձվում ԶՈւ-ի համալրման խնդրին. «Զինված ուժերի բարեփոխումների կարևոր ուղղություններից մեկը ղեկավար օրգանների հրամանատարական կազմի պատրաստությունն է, ասել է թե կրթական, ռազմակրթական խնդիրները և կադրային քաղաքականությունը: Այսօր, ի տարբերություն մի քանի տարի առաջվա, ռազմակրթական համակարգն ամբողջությամբ ինտեգրված է ՀՀ-ում ստեղծված կրթական համակարգին, որոշված են այն բոլոր չափորոշիչներն ու ծրագրերը, որն անհրաժեշտ է մեր սպայական, ենթասպայական կազմին պատրաստելու համար»:
Ըստ պաշտպանության նախարարի՝ զինված ուժերի պատրաստութունն այսօր ընթանում է համապատասխան պահանջների համաձայն: Ստեղծված են դաստիարակության այն մեթոդներն ու ձևերը, որը, հրամանատարները ռազմական ինստիտուտում առաջնորդություն և ղեկավարում առարկայի շրջանակներում անցնելով ՝ կարողանում են ամբողջ ուսումնադաստիարակչական գործընթացն այսօր իրականացնել:
Մյուս կարևոր խնդիրը ԶՈՒ-ի համապատասխան նյութատեխնիկական մատակարարման խնդիրների իրականացումն է:
Նախարարը փաստում է, որ լուրջ ուշադրություն է դարձվում հայրենական արտադրանք ունենալուն և նոր միջոցների ձեռքբերմանը: Այսինքն՝ համապատասխան միջոցներ, որոնք ստեղծվում են հակառակորդին զսպելու համար.
«Այսօր ուշադրություն ենք դարձնում ղեկավարում առաջադրանքի միջոցով համակարգի ստեղծմանը: Դա նորություն է: Յուրաքանչուր օղակի հրամանատարական կազմ լիակատար ազատություն կունենա իր առջև դրված խնդիրները իրականացնելու համար: Այսինքն՝ վերևից ներքև իրար փոխլրացնելով, համարձակ որոշումներով ու գործուղություններով հասնել արդյունքի:
Խոսելով Արցախի և ՀՀ-ն սահմանների պաշտպանության մասին, պարոն Օհանյանը նշում է, որ և՛ Արցախում, և՛ ՀՀ-ում առաջին հերթին ստեղծվել է համապատասխան անվտանգ այնպիսի միջավայր, որը հնարավորություն է տալիս դիտարկմամբ, հայտնաբերմամբ և խելացի գործողության արդյունքում պաշտպանել այն սահմանները, որոնք այսօր ունենք: Նաև ավելացնում, որ վերջին տարիներին հաառակորդի դիվերսիոն գործողությունների դեմ պայքարի համարակարգ է ստեղծվել.
«Դա ինժեներական այնպիսի սարքավորումներ են, որոնք թույլ չեն տալիս հակառակորդի հետևակին անմիջապես մոտենալ դիրքերին: Բոլոր այն դիվերսիոն հետախուզական գործողությունները, որոնք հակառակորդի կողմից իրականացվել են հասել են մինչև այդ սարքավորումներ և էլ չեն կարողացել առաջ գնալ»:
Իսկ թե ո՞րն է պատճառը, որ ՀՀ սահմանները լիովին չեն վերահսկվում մարդիկ հեշտությամբ անցնում են հակառակորդի սահման, և հակառակը, պաշտպանության նախարարը ասաց, որ մեր աշխարհագրական պայմանները, մանավանդ լեռնաանտառային գոտին, այսօր հնարավորություն չեն տալիս սահմանային ծառաություն այնպես իրականացնել, որ ամբողջությամբ յուրաքանչյուր մետրը փակի.
«Առաջինը հակառակորդի հետ կնքված չէ խաղաղության լիակատար պայմանագիր, հետո պետք է չափագրումներ տեղի ունենան ամբողջ սահմանով մեկ, որոնք պարունակում են բավականին մեծ ֆինանսական միջոցներ և այդ ամենը փախադարձ համաձայնության շրջանակներում նաև հետագայում պետք է կարգավորման ընթացք ստանա: Այդ է պատճառո, որ որոշ տեղերում կան բաց տարածքներ, չնայած որ այդ տեղերը կարմիր գծերով նշված են»:
«2014թ-ը զինված ուժերի համար եղել է առանձնահատուկ տարի. այն սանդրանքների իրականացմամբ հակառակորդի կողմից եղել է շարունակական: Առաջինը սկսվել է հունվարի 19-ին, անուհետև և՛ մարտ ամսին, և՛ ապրիլին, և՛ մայիսի 27-ի լուս 28-ի գիշերը, և՛ նաև հուլիս-օգոստոսյան այս իրադարձությունները ցույց են տալիս, որ հակառակորդը չի կարողանում հանգիստ նստել, հակառակորդը որդեգրել է մի այնպիսի քաղաքականություն, որ ԼՂՀ-ի հարցի լուծման բանակցային գործընթացին զուգահեռ պետք է լարվածություն ստեղծի, պետք է փորձի դրանով ազդել բանակցաին գործընթացի վրա, փորձի ուժի դիրքից խոսել ՀՀ ղեկավարության հետ, բայց և անցած տարիների ընթացքում և նաև այս տարի հակառակորդի մոտ դա չի ստացվում: Հակառակորդը ստացել է արժանի հակահարված և՛ ԼՂՀ-ում և ՀՀ հյուսիս-արևելյան սահմաններում(Տաուշի մարզ) »,- փաստում է պաշտպանության նախարարը և ավելացնում.
«Մենք ստեղծել ենք այնպիսի պայմաններ, որ այլևս պարտադրանքի լեզվով խոսելն անհնարին է: Մենք չենք ուզում երկորդ անգամ գտնվել պարտադրված վիճակում, մենք առաջին անգամ պարտադրված մտանք պատերազմի մեջ ու պաշտպանեցինք և՛ մեր ինքնությունը, և՛ Արցախը հայաթափումից ու ոչնչացումից, և հաղթանակներ կրեցինք, և ստեղծեցինք համապատասխան պայմաններ առաջին հերթին Արցախի համար: Եվ ամեն ինչ ցույց է տալիս, որ Արցախն այսօր՝ որպես ժողովրդավարական երկիր, ոչնչով չի զիջում տարածաշրջանի մյուս երկրներին»:
Հռիփսիմե Գալստյան
Սեպտեմբերի14-ը կապավորների օրն էր: Շուրջ 22 տարի առաջ հայկական բանակը համալրվեց նաև կապի զորքերով: Ինչպես ասում են՝ չկա կապ, չկա կառավարում:
Օրվա առթիվ երեկ Արտաշատի ռադիոկապի զորամասում տոնախմբություն էր կազմակերպվել: Բազմաթիվ զինվորականներ, պարի- երգի խմբեր, համալսարանականներ եկել էին կապավորների հետ նշելու նրանց տոնը:
Տոնախմբությանը ներկա էր նաև Երևանի ավագանու «Բարև Երևան» խմբակցության անդամ Անահիտ Բախշյանը, որի խոսքով՝ կապավորը բանակում նույնն գործառույթն է կատարում, ինչ մարդու մարմնում՝ նյարդային համակարգը:
Ազգային հերոս Թաթուլ Կրպեյանի քույր՝ Ռուզան Կրպեյանը, նույնպես եկել էր այդ օրը զինվորների հետ անցկացնելու.
«Շատ ուրախ եմ, որ ունենք ուժեղ և հաղթական բանակ: Թող միշտ հզոր լինի հայկական բանակը: Մեզ այսպիսի զինվորներ շատ են հարկավոր: Ինչպես Կոմանդոսն է ասում. «ժամանակն է, որ մենք նախահարձակ լինենք, դուրս գանք լացկան վիճակից»: Թող այսպիսի ուրախ առիթները հաճախ լինեն հայոց բանակում»:
Հռիփսիմե Գալստյան
Գաղտնիք չէ, որ աղանդավորական շարժումներն ակտիվ գործունեություն են կատարում երկրի տարածքում. գրքերի վաճառք, այցելություն տներ, գյուղերում դասընթացներ փոքրիկների, ինչու չէ նաև մեծերի հետ: Թե ինչ հակակշիռ քայլեր է ձեռնարկում հոգեորսության դեմ Հայ առաքելական եկեղեցին, փորձեցինք պարզել Զորավոր Սուրբ Աստվածածին եկեղեցու հոգևոր հովիվ տեր Զենոն քահանա Բարսեղյանից:
‹‹Մենք կարիք չունենք հակակշիռ քայլեր ձեռնարկելու աղանդների դեմ, որովհետև հայ ժողովուրդը Հայ առաքելական եկեղեցու հետևորդ է: Երբ Միքայել սրբազանին հարց տվին և ասացին՝ ինչպե՞ս եք պայքարում աղանդավորների դեմ, պատասխանեց՝ պահպանելով մեր արժեքները: Եթե կարողնանք պահպանել մեր արժեքները և հայորդիների սրտից հոգիներից ներս ամուր պահել քրիստոնեական և հայկական արժեքները վստահաբար աղանդներն անելու գործ չեն ունենա: Մենք պետք է ժողովրդից ներս պահպանենք քրիստոնեական արժեքները, Առաքելական եկեղեցու ցանած սերմերը, որ ամեն հայորդի դարեր շարունակ կրում է››:
Տեր Զենոնը պատմեց, որ Արարատյան հայրապետական թեմի առաջնորդի օրհնությամբ Զորավոր եկեղեցու երիտասարդաց միությունը արդեն երկու ամիս է տարբեր այգիներում կազմակերպում է հոգևոր զրույցներ, դասընթացներ: Դասընթացները կազմակերպվել են սիրահարների և Անգլիական այգիներում, Մաշտոցի պուրակում, Մարտիրոս Սարյանի արձանի մոտ. ‹‹Մի միջադեպ եղավ, երբ զրուցում էինք մորմոնների՝ Քրիստոսի վերջին օրվա սրբերի եկեղեցու մասին, նրանցից մի խումբ էր անցնում, ու երբ տեսան, որ հոգևորականներն ու ժողովուրդը զրուցում են, անակնկալի եկան››:
Տեր Զենոնը նշեց նաև, որ նախաձեռնությունը ժողովրդի կողմից շատ լավ արձագանք է ունենում, շատ են լինում հետաքրքրվողները և զրույցին միացողները. ‹‹ Ծրագրեր կան այդ ամենը ընդլայնելու, որպեսզի ամեն համայնքից ներս այդ ծրագիրն ի կատար ածվի››:
Հռիփսիմե Գալստյան
Արարատյան հայրապետական թեմի առաջնորդական փոխանորդ տեր Նավասարդ արքեպիսկոպոս Կճոյանի հայրական օրհնությամբ` շուրջ 147 ուխտավորներներ օրերս ուղևորվել էին Արևմտյան Հայաստան` մասնակցելու Վանի Աղթամար կղզու արդեն ավանդություն դարձած տարեկան մեկ անգամ տրվելիք պատարագին:
Սուրբ խաչի սուրբ պատարագին իրենց մասնակցությունն էին բերել եղել հույն եկեղեցու տիեզերական պատրիրարք Բարդուղիմեոսը, Ասորիների մետրոպոլիտը, ՀԱԵ արևելյան թեմի առաջնորդ` Խաժակ սրբազան Պարսամյանը, բազում սփյուռքահայեր, հյուրեր տարբեր երկրներից:
Ուխտավորների խմբում կային Զորավոր Սուրբ Աստվածածին եկեղեցու երիտասարդաց միության, Մարմարաշեն գյուղի սուրբ Գևորգ եկեղեցու համայնքի անդամներ և այլ հավատացյալ հայորդիներ: Խումբն առաջնորդել են Զորավոր Սուրբ Աստվածածին եկեղեցու հոգևոր հովիվ տեր Զենոն քահանա Բարսեղյանը և Մարմարաշենի սուրբ Գևորգ եկեղեցու հոգևոր հովիվ տեր Թաթուլ քահանա Գասպարյանը:
Ուխտագնացության մասին պատմում է տեր Զենոն քահանա Բարսեղյանը. ( Չնայած զրույցի ընթացքում հավատացյալների հոսքն եկեղեցի անսպառ էր և անընդհատ հարցով մոտենում էին հոգևոր հովվին, սակայն տեր Զենոնը սիրով պատասխանեց մեր հարցերին).
«Եղանք Արևմտյան Հայաստանում, ինչպես մեր պապերն են ասել`մեր էրգրում: Մի հրաշալի զգացում էր. և ուրախություն էր, և տխրություն: Ուրախություն էր, որ քո հողում ես, որ ոտքդ հայոց հողի վրա է, և տխրություն էր, որ այս ամենը եղել է քոնը, և դու կորցրել ես այն:
Ես ծառայության բերումով եղել եմ տարբեր երկրներում: Ինչքան էլ գեղեցիկ ու լավը լինի, դու զգում ես, որ վերջիվերջո օտարության մեջ ես, օտար երկիր է, օտար հող : Երբ մուտք ես գործում Արևմտյան Հայաստան, այդ օտարության զգացումը չկա` չնայած շրջապատին, չնայած թուրքերով, քրդերով բնակեցված տարածքներին: Սա նշանակում է, որ մեր արյան մեջ կա այդ հողի կանչը: Տա Աստված, որ Աստծո օրհնությամբ մեր հողը վերադարձնենք»:
Բնականաբար, այցելությունը միայն Աղթամար կղզով չէր կարող սահմանափակվել: Տեր Զենոնը`դեմքի հիացական արտահայտությամբ պատմեց, թե հատկապես, որ տեղերում են եղել, ու թեպետ հավատացյալների հոսքը չէր դադարում և հաճախ ընդհատվում էր մեր խոսակցությունը, բայց տեր հայրն ամեն անգամ վերականգնում էր դեմքի հիացմունքը` հիշելով ապրած պահերը.
«Մենք եղանք Կարսում, տեսանք Կարսի բերդը, Առաքելոց վանքը, որը, ցավոք սրտի, դարձրել են մզկիթ, բայց մենք այնտեղ մեր աղոթքն արեցինք, տեր ողորմյան երգեցինք, խունկ ծխեցինք: Եղանք Կտուց կղզում, մեր Սուրբ Կարապետ վանքը տեսանք, որը կառուցվել է 17-րդ դարում, բայց, ըստ ավանդության՝ հիմքը դրել է Գրիգոր Լուսավորիչը: Այնտեղ մեր աղոթքը բարձրացրեցինք, հոգեհանգստյան կարգ կատարեցինք՝ ի հիշատակ Եղեռնի զոհերի: Եղանք նաև Բերկրիի ջրվեժում, (Եղեռնի ժամանակ այս ջրվեժի ջուրը հաճախ է ողողված եղել հայկական արյունով) Վանում, տեսանք Վան- Տուշպա հայկական ամրոցը, նաև Մհերի դուռը տեսանք, Վարագա վանքը, որի որոշ մասեր խոնարհված են: Ըստ ավանդության` Հռիփսիմե կույսը, երբ գալիս է Հայաստան, բերում է իր հետ տիրոջ խաչափայտից մի մասունք, որը հենց այնտեղ է թաղվում, և Ներսես Տայեցի կաթողիկոսի օրոք այդ մասունքը գտնվում է և այնտեղ մեծ, հիասքանչ եկեղեցի է կառուցվում: Ըստ ավանդության` հենց նա էլ հիմք է դնում խաչին նվիրված մեր ազգային տոնին` Վարագա սուրբ խաչի տոնին:
Ինչպես նաև այցելեցինք Անի՝ մեր հազար ու մի եկեղեցիների քաղաքը: Երբ մտնում ես Անիի մայր տաճարը, անհնար է չզգալ տիեզերքի ներկայությունը»:
Հռիփսիմե Գալստյան
Oգտվելով ՀՀ գլխավոր հոգեբույժ Սամվել Թորոսյանին հանդիպելու հնարավորությունից, (քանի որ նա իրեն անցանկալի հարցերի դեպքում խնդրում է 10 րոպեից զանգահարել, ապա դառնում է անհասանելի) որոշեցինք պարզել «Հայկական վարկած»-ին հասած տեղեկությունը, թե՝ Սևանի հոգեբուժարանում հիվանդներից մեկի մահվան հետ կապված հետաքննություն է սկսվել:
Ըստ մեր տեղեկության, հիվանդներից մի կին կոտրել է թևը: Հիվանդանոցի երկու աշխատակից թաքցրել են դեպքը, և համարժեք օգնություն չի եղել. կինը, հավանաբար, տրավմատիկ շոկից, մի քանի օր հետո մահացել է: Այժմ երկու աշխատակիցներն ազատվել են աշխատանքից, իսկ դեպքով զբաղվում են իրավապահները:
Տեղեկության ստույգ լինելը փորձեցինք ճշտել ՀՀ գլխավոր հոգեբուժ Սամվել Թորոսյանից, որը նշեց, որ տեղյակ չէ նման դեպքից. «Եթե տեղեկություն ունենամ, բնականաբար՝ կասեմ»:
Զրուցեցինք նաև առողջապահության նախարարի մամլո քարտուղար Անահիտ Հայթայանի հետ, որը պատասխանեց, թե նման բան անհավանական է. «Ես երեկ եմ խոսել հոգեբուժարանի տնօրենի հետ, ինձ նման տեղեկություն չեն հայտնել»:
Տիկին Հայթայանը փոխանցեց, որ վերջերս հոգեբուժարանում մի կին ոտքն է կոտրել, այն հիմա գիպսի մեջ է, և կինը շատ լավ վիճակում է:
Հռիփսիմե Գալստյան
Օրերս երկրորդ Մասիվի այգիներից մեկում աչքովս ընկան ճեմուղու երկայնքով շարված քարեր,որոնցից յուրաքանչյուրի կողքին կար «Վկայագիր», թե որտեղից է բերված տվյալ քարը և ինչ է այն իրականում:
Ուսումնասիրելով ճեմուղու ողջ երկայնքով մեկ շարված քարերը, պարզեցինք, որ դրանք տապանաքարեր են, բերված Հայաստանի տարբեր բնակավայրերից:
Իհարկե ողջունելի է այն փաստն, որ այսօր կառուցվում, բարեկարգվում են հանրային զբոսայգիները, սակայն ո՞րն է իմաստն այնտեղ տեղադրել ասենք՝ ձիատապան, կամ Գեղարքունիքից բերված ձկան տեսքով քար, (երբ շրջակայքում առհասարակ ջուր չկա), կամ այլ տապաններ:
Եթե խնդիրը դրանք պահպանելն է, հաստատ, շատ վատ տարբերակ է ընտրված, քանի որ այսօր երեխաների համար դրանք որպես կարուսել են ծառայում: Եթե մայրաքաղաքի բնակիչներին ծանոթացնելն է իրենց պատմական անցյալին, ապա դա անհնար է, դրանք պարզապես սովորական հին տապանաքարեր են, որոնց միջով ճեմելն այնքան էլ հաճելի չէ:
Այս առումով՝ զբոսայգու պատասխանատուները վրիպել են. այգին կարելի էր ավելի ճաշակով ձևավորել. Ո՞րն է տրամաբանությունը. Տիգրան Մեծ արքայի արձանի հարևանությամբ, ազատամարտիկի հիշատակի խաչքար տեղադրել,իսկ քիչ ներքև միջնադարյան տապանաքարեր… մինչդեռ այգին ակնհայտորեն ջրի և խնամքի կարիք ուներ:
Հռիփսիմե Գալստյան
ԵՊՀ զոհված ուսանող ազատամարտիկների հիշատակի «Վարդանանք» ռազմահայրենասիրական դաստիարակության ակումբի սաները, «Միացյալ Հայաստան» ծրագրի շրջանակներում, 7 օր անցկացրին Արցախում:
Ակումբականները եղան մի շարք զորամասերում, ծանոթացան իրավիճակին, զինվորների պատրաստվածությանը, զրուցեցին նրանց հետ, ծանոթացան զինվորի առօրյային և միջոցառումներ կազմակերպեցին նրանց համար:Կային զինվորներ, որոնք մեկ ժամից պետք է դիրքեր գնային, բայց ոգեշնչում ու քաջալերում էին բոլորին: Երբ ակումբականներն ասում էին, որ իրենք նույնպես կգնան կռվի, զինվորների պատասխանը հիմնականում նույնն էր լինում. «Քանի մենք կանք, դուք հանգիստ եղեք»:
Վարդանանքցիները շփվեցին նաև կամավորների հետ, որոնց հայրենասիրական երգ ու պարով ճանապարհեցին դիրքեր: Վարդանանքցիների հետ էին նաև լեգենդար գեներալ Արկադի Տեր-Թադևոսյանը, ազատամարտիկների հարազատներ և ծնողներ: Նախագծի հեղինակը ակումբի նախագահ Սաթենիկ Աբրահամյանն է:
Շուրջ յոթ տարի է այս նախագիծը իրագործվում է ՀՀ Պաշտպանության նախարարության աջայցությամբ և շուրջ յոթ տարի՝ վարդնանքցիները տեսնում և ճանաչում են իրենց հայրենիքը՝ Արցախը:
Հ.Գ. Ակումբականները մնում էին Վանք գյուղում, որի բարերարը Լևոն Հայրապետյանն է: Գյուղը հրաշալի վիճակում էր. մանկապարտեզը, դպրոցը, տարածքը բարեկարգված էին: Լևոն Հայրապետյանը հոգացել է, որ գյուղացիները ոչ մի խնդիր չունենան:
Տեսանյութն ու լուսանկարները՝ ստորև
Հռիփսիմե Գալստյան
Կենտրոն Նորք-Մարաշ վարչական շրջանների ընդհանուր իրավասության դատարանում՝ դատավոր Մեսրոպ Մակյանի նախագահությամբ, շարունակվեց ոստիկան Էդգար Վարագյանի գործով դատական նիստը:
Հիշեցնենք, որ Էդգար Վարագյանը մեղադրվում է ՀՀ քրեական օրենսգրքի 5 հոդվածներով, այդ թվում՝ տուժող կնոջ բռնաբարության, նրա ու նրա անչափահաս դստերը առևանգելու և ավազակային հարձակման մեջ: Ինչպես ավելի վաղ հայտնել էինք, այս նիստին ամբաստանյալ Վարագյանը պետք է շարունակեր իր ցուցմունքը:
Սակայն, մինչ ցուցմունքին անցնելը՝ նա հանդես եկավ հայտարարությամբ, նշելով, թե՝ ինչ այս դատական գործընթացը սկսվել է, տուժող Քարոլին Բաղումյանը նիստերից հետո և ընդհանրապես՝ հետապնդում ու սպառնում է իր ընտանիքի անդամներին և ընկերուհուն՝ Համասիկին: Սակայն, Քարոլին Բաղումյանը հերքեց այդ հայտարարությունը, ասելով, որ ինքը նման բան չի արել:
Դատավոր Մակյանը հայտնեց, որ ամբաստանյալի ընտանիքի անդամները դատավարության մասնակից և կողմ չեն հանդիսանում, իսկ քրեական դատավարական օրենսգրքի համապատասխան հոդվածները և անվտանգության միջոցները կիրառվում են դատավարության կողմերի հետ կապված:
Հարցը հարթելուց հետո, Վարագյանն իր ցուցմունքում հայտնեց, որ ծառայութան ժամանակ մի երկու անգամ համազգեստով և պարեկային մեքենայով հանդիպել է Քարոլին Բաղումյանին Մոսկովյան-Թումանյան փողոցներում:
«Նկատելով իմ համազգեստն ու զենքը՝ մի երկու անգամ փորձեց ինձ ակնարկել, որ իրեն զենք է պետք, նպատակն ինձ անհայտ է, թե ինչու: Առաջարկեցի, որ բազմաթիվ խանութներ կան, որտեղ կան զենք-զինամթերք: 2013 թ., երբ ես Մոսկովյան փողոցում էի, համացանցով ինձ զգուշացրեց, որ կարող եմ գնալ գումարը ստանալ (խոսքը աշխատանքի դիմաց չվճարված գումարի մասին է-խմբ.): Գնացի իրենց տուն, ասաց, թե՝ «Շուտով գումարները կուղարկենք, հիմա ունենք հեռուստացույց, որը կարող եմ առաջարկել, նախնական կվերցնես հեռուստացույցը»: Ես էլ մտածեցի, որ մինչև հիմա չի տվել, կվերցնեմ, կվաճառեմ, Գևորգ Ղռաթյանի գումարն էլ կտամ: Համաձայնեցի, վերցրի:
Միասին տեղափոխեցինք իմ բնակարան, հետո դուրս եկանք քաղաք, զբոսնեցինք ու ադքանով վերջացավ: Ասաց. «Եթե հնարավորություն լինի, հեռուստացույցը չվաճառես, մեկ ամսից գումարը կտամ»:
Մեկ ամսից գնացել եմ իրենց տուն, որ որոշենք՝գումարն է տալիս, թե հեռուստացույցը վաճառեմ: Ներս հրավիրեց, երեխային բարձրացրեց վերև, եկավ, հրավիրեց սեղանի շուրջ նստել և ասաց, որ կարևոր բան ունի ասելու: Լույսն անջատելուց հետո, ասաց, որ ամուսնուց ուզում է բաժանվել, խնդիրներ ունի, ուզում է ամեն ինչ վաճառել, մեկնել Միացյալ Նահանգներ: Առաջարկեց միասին մեկնել Միացյալ Նահանգներ և այնտեղ ապրել: Առաջարկութուններ արեց, ես էլ համաձայնեցի, ասացի՝ բայց ամուսնուցդ բաժանվի, նոր: Տեսավ, որ ես այդ պահին համաձայնեցի, տվեց Նունուֆար Հովհաննիսյանի անուն-ազգանունը, հասցեն ու ասաց, թե խնդիրներ ունի նրա հետ: Պարզվեց, որ ինքն այդ կնոջը կոպիտ ասած քցելա 350. 000 ամերիկյան դոլար և իմ միջոցով փորձում է այդ կնոջը վնասել: Մի քանի անգամ փորձել է այդ կնոջը սպանել, վնասել: Այդ կինը ոստիկանություն է դիմել և ասել, որ Քարոլին Բաղումյանը ցանկացել է Նունուֆար Հայրապետյանին վնասի: Մի քանի անգամ գիշերվա ժամերին բնակարանում դռները ծեծել և սպառնացել է ընտանիքի անդամներին, բացի այդ՝ փողոցում հարձակվել է այդ կնոջ վրա: Սակայն, ոստիկանությունում նրան չեն պատժել ու, բնականաբար, ինձ փորձում էր ներգրավել ադ կեղտոտ հանցագործութունների մեջ:
Առաջնահերթ փորձեցի դարձի բերել, քանի որ ինքս էլ ոստիկան եմ, բայց ինքն իրենն էր պնդում, չէր ընդունում: Ասում էր՝ բա չե՞ս ուզում ինձ օգնել՝ ազատվեմ այդ մարդուց: Որ զգացի չի ուզում լսել, սկսեցի վիճել, որ ինքը պատասխան է տալու օրենքի առաջ նման բան ասելու և ինձ այդ պատմության մեջ ներգրավելու համար:
Ինձ բանալի էին տվել, որպես համակարգի աշխատող, որը ունի նաև ձայնագրելու հնարավորություն, ես սեղմել եմ, որ ձայնագրություն անեմ: Հետո ինքը նկատեց, որ ես ուրիշ ձև եմ վերաբերվում և կարող եմ բողոք ներկայացնել, փորձեց այլ թեմաներից խոսել և առաջարկեց հյուրասիրել: Ինչ-որ բաներ բերեց, ես էլի ասացի, որ էդպես չի կարելի: Հետո չեմ հիշում՝ ինչ կերա, բայց ինձ հետ անհասկանալի բան եղավ, ես հետո եմ հասկացել, թե ինչ եղավ. հայտնվել էի իր բազմոցին, ինքս էլ չգիտեմ՝ոնց, նաև՝գլխապտույտ ունեի: Հիշում եմ, որ ինքն է ինձ հասցրել տուն: Իմ տանն արդեն ես պառկել, հանգստացել եմ: Առավոտյան ժամը ութին մի կերպ արթնացել ու պատրաստվում էի գնալ աշխատանքի, երբ նկատեցի, որ դռան վրա բանալին չկա: Երկրորդ՝ «զապաս» բանալիով բացում եմ, շտապում աշխատանքի: Ու այդ ամբողջ օրը շատ վատ եմ ինձ զգացել»:
Ամբաստանալ Վարագյանը պատմեց, որ իրեն վերագրվող հանցագործության նախորդ օրը՝ Անկախության օրը ինքն ու իր ընկերուհին՝ Համասիկը, Նունե Եսայանի համերգին էին գնացել, ապա զգալով, որ իրեն վատ է զգում, միասին եկել էին տուն:
«Քանի որ տանեցները Շիրակի մարզում էին, նա մնաց մեր տանը, որպեսզի խնամի ինձ: Առավոտյան Համասիկն ինձ արթնացրեց, որ հաջող անի, գնա գործի: Իջել եմ կանգառ, որ ճանապարհեմ: Նրան ճանապարհել եմ, վերադարձել եմ տուն:
2013թ-ի սեպտեմբերի 23-ին ես ոչ մեկի տանը չեմ եղել: Եղել եմ Մոսկովյան փողոցում գտնվող ինտերնետային ակումբում: Դրանից հետո վերադարձել եմ տուն: Իսկ ամսի 24-ի առավոտյան նորից աշխատանքի եմ գնացել»,-մանրամասնեց նա:
Այնուհետև, ամբաստանյալը պատմեց, որ իրեն աշխատանքի վայրից եկել- տարել են, ու թե ոստիկաններն իր հետ շատ վատ են վարվել, մասնավորապես՝ բռնությունների ենթարկել.
«Երեք օր առանց ջրի ու հացի են պահել, նույնիսկ զուգարան չեն թողել գնամ»,-պատմեց ամբաստանյալը:
Վարագյանը նշեց նաև, որ սերմնահեղուկի և թքի անալիզ իրենից չեն վերցրել, փոխարենը՝ երկու անգամ արյան անալիզ են վերցրել:
Հռիփսիմե Գալստյան
Դատարանի որդեգրած գործելաոճը շատերին է զայրացնում՝ տուժողներ, դատավարության մասնակիցներ և ամենաանմեղ կողմ՝ լրագրողներ: Խոսքը մասնավորապես վերաբերում է դատավարության մասնակիցների բացակայություններին. հերթական նիստը հետաձգվում է, քանի որ չի ներկայանում մեկ մեղադրողը, մեկ վկան,մեկ տուժողը, մեկ չեն բերում կալանավորված անձին, իսկ այս անգամ Կենտրոն և Նորք-Մարաշ շրջանների իրավասությունների դատարանում չէր ներկայացել ամբաստանյալ Մնացական Սարգսյանի պաշտպանը:
Բավական չէ, որ նիստերը սովորաբար ուշացումով են սկսվում, նաև հետաձգվում են: Դրությունն էլ ավելի վատ է մարզերից եկողների համար: Արդյո՞ք հնարավոր չէ քայլեր ձեռնարկել, կանոնակարգել խնդիրը լուծելու համար:
Փորձեցինք հարցի պարզաբանումը ստանալ ՀՀ դատական դեպարտամենտի միջազգային համագործակցության և հասարակայնության հետ կապերի ծառայության պետ, ՀՀ դատական ծառայության 2-րդ դասի խորհրդական Արսեն Բաբայանից:
Ըստ պրն Բաբայանի. եթե բացակայությունը հարգելի է, ապա արդար դատաքննության և արդյունավետ պաշտպանության իրավունքն ապահովելու համար պետք է հետաձգվի նիստը։ Եթե անհարգելի է և կրկնվում է, ապա դատարանն իրավունք ունի պաշտպանին հեռացնել և դիմել Փատաբանների պալատ՝ կարգապահական պատասխանատվության ենթարկելու միջնորդությամբ: Իսկ մնացած դեպքերում(տուժողի, մեղադրողի, վկայի բացակայության), ըստ պարոն Բաբայանի, գործընթացը կարգավորվում է քրեական օրենսգրքով:
Հռիփսիմե Գալստյան
-
-
23.04.2024 | 11:06
Ի՞նչ կապ ունեին Արայիկ Հարությունյանի հարցազրույցի անոնսն ու հետագա «զարգացումները». «Փաստ» -
23.04.2024 | 11:42
Ադրբեջանում պահանջել են նաև չորս «անկլավային գյուղերը» -
23.04.2024 | 11:23
Վաղը ուշադիր եղեք հատկապես Ոսկեվանի և Բաղանիսի մոտակա դիրքերին․ Նաիրի Հոխիկյան
-
- Տեսանյութ
- Օրվա միտք
- Խմբագրի վարկած
- Ֆոտո
-
Հասցե` Հայաստան, 0023, Երևան, Արշակունյաց 2
Հեռ: +374 (10) 06 06 23 (413, 414), +374 (99) 53 58 26
Էլ. փոստ` armv12@mail.ru -
2010-2011 © Բոլոր իրավունքները պաշտպանված են:
Մեջբերումներ անելիս հղումը armversion.com-ին
պարտադիր է: Կայքի հոդվածների մասնակի կամ
ամբողջական հեռուստառադիոընթերցումն
առանց armversion.com-ին հղման արգելվում է: -
Կայքում արտահայտված կարծիքների համընկնումը
խմբագրության տեսակետի հետ պարտադիր չէ:
Գովազդների բովանդակության համար
կայքը պատասխանատվություն չի կրում:
Բոլոր իրավունքները պաշտպանված են: Copyright “Armversion.com” 2010.