23.04.2024 | 11:42
Ադրբեջանում պահանջել են նաև չորս «անկլավային գյուղերը»...23.04.2024 | 11:23
Վաղը ուշադիր եղեք հատկապես Ոսկեվանի և Բաղանիսի մոտակա դիրքերին․ Նաիրի Հոխիկյան...23.04.2024 | 11:06
Ի՞նչ կապ ունեին Արայիկ Հարությունյանի հարցազրույցի անոնսն ու հետագա «զարգացումնե...13.04.2024 | 13:57
Մենք այլևս չունենք ԱԱԾ, այդ հաստատությունը Նիկոլի ռեժիմի հերթական գործիքն է․ Կար...13.04.2024 | 13:26
Վթարի հետեւանքով մահացած բոլոր չորս զինծառայողները ժամկետայիններ էին....13.04.2024 | 13:06
Արարատի մարզում հայտնաբերվել է 36 կգ ոսկի գողություն կատարող կասկածյալներից մեկը...13.04.2024 | 12:59
Ղազախստանում ձերբակալել են ռուսաստանցու, որը մեղադրվում է տաջիկներին այլ երկրներ...13.04.2024 | 12:28
Փաշինյանի «լռությունը» վախեցնում է «ուսապարկերին»․ «Հրապարակ»...13.04.2024 | 11:29
Գեղարքունիքում զինվորական «ԿամԱԶ» է վթարի ենթարկվել...12.04.2024 | 14:08
Ոսկեպարցի Սամվելի խոհանոցի և հողամասի մի մասը մնալու է ՀՀ-ում, իսկ տունը և տնամե...12.04.2024 | 13:56
Ավազակություն՝ հոր և որդու կողմից. հոր գործը ուղարկվել է դատարան, իսկ որդին ինքն...12.04.2024 | 13:00
Դպրոցներից տարհանման կարիք չկա. ԿԳՄՍ նախարարը` ահաբեկչության կեղծ լուրերի մասին...12.04.2024 | 2:20
Մի կողմից նույն մարդիկ մեզ ասում են, թե «սահման չկա, սահմանները հստակեցված չեն»,...10.04.2024 | 15:10
Ահազանգ ենք ստացել զինվորական ծառայությունից հրաժարվելու հիմքով ՀՀ-ում ապաստանած...10.04.2024 | 14:10
Փաշինյանը Շոլցի հետ հեռախոսազրույցում անընդունելի է համարել Պրահայի, Բրյուսելի և...10.04.2024 | 13:10
Թքած ունեմ նրանց վրա, ովքեր հրաժարվում են «Միր» քարտի ծառայություններից. Պետդում...10.04.2024 | 12:10
Մենք չգնացինք այդ ճանապարհով և հայտնի աշխարհաքաղաքական կենտրոններում որոշվեց հար...10.04.2024 | 11:10
Եթե շատ լինեք, մենք կշրջափակենք կառավարությունը․ Հրանտ Բագրատյան...09.04.2024 | 15:10
Հրաժարվելով ռուսական МИР քարտերից՝ մենք ակամայից հայտնվում ենք պատժամիջոցների տա...09.04.2024 | 14:10
Ուկրաինան և Ռուսաստանն Աբելն ու Կայենն էին. Լեոնիդ Կուչման` Կիև-Մոսկվա հարաբերու...09.04.2024 | 13:10
Մարտական հենակետում երեք զինծառայողի սպանության գործով դիրքի ավագի պաշտպանը դիմե...09.04.2024 | 12:10
Հայկազ Բարսեղյանի սպանության գործով ամբաստանյալները դատապարտվեցին 18 տարի ազատազ...09.04.2024 | 11:10
Կռիվ լինելու ա, ու ես գիտեմ, որ մենք պիտի հաղթենք. Մեր թշնամին էսօր Ադրբեջանում ...08.04.2024 | 15:10
Իսրայելի ՊՆ-ն հայտարարել է Իրանի հետ հարաբերություններում «ցանկացած սցենարի» պատ...08.04.2024 | 14:10
Անիմաստ կրակում են, ոչ մի բան չեն թիրախավորում, երևի վախից է․ Արավուսի նախկին գյ...08.04.2024 | 13:10
ԵԽ-ն Հայաստանի «լամպոչկա» իշխանություններից պետք է պահանջի անհապաղ ազատ արձակել ...08.04.2024 | 12:10
270 մլն գնահատվող աշխարհաքաղաքական վեկտորի փոփոխություն և 0 երաշխիքներ․․․Լիլիթ Գ...08.04.2024 | 11:10
Եթե Արևմուտքը Հայաստանին ինչ-որ բան տա, Թուրքիան Ադրբեջանին եռապատիկը կտա. Չավու...06.04.2024 | 14:10
Գրողների միության նախագահը տեղյակ չէ իրենց շենքը թուրքական դեսպանատանը տրամադրել...06.04.2024 | 13:10
«Նիկոլիստներ, սորոսականներ ու արևմտամոլներ, ուշադիր կարդացեք գրածս»․ Էդուարդ Շար...06.04.2024 | 12:10
Բրյուսելում Հայաստան-ԵՄ-ԱՄՆ հանդիպումը «վտանգի ևս մեկ աղբյուր է ստեղծում» Հրվ. Կ...06.04.2024 | 11:10
Որեւէ մեկը չի կարող երաշխավորել, որ Իրանի թիրախներից մեկը չի դառնա Բաքուն. Վարդա...05.04.2024 | 15:10
Ռուսաստանը գրոհել է Ուկրաինան 13 անօդաչու թռչող սարքերով, բոլորը խոցվել են. Ուկր...05.04.2024 | 14:10
8,800 դոլարի և 5 մլն դրամի կաշառք ստանալու համար մեղադրվող պաշտոնյաների վարույթի...05.04.2024 | 13:10
Զորախաչ եկեղեցին՝ ադրբեջանական թիրախում05.04.2024 | 12:10
«Կրոկուս»-ում ահաբեկչության մեջ մեղադրվող անձի հեռախոսում հայտնաբերվել են Ուկրաի...04.04.2024 | 15:10
Ցեղասպանության վտանգը տարածվել է Հայաստանի ինքնիշխան տարածքի վրա. Լեմկինի ինստիտ...04.04.2024 | 14:10
Զազրելի է, որ որոշ թունավոր տհասներ սկսում են հայհոյել դասագիրք կազմողներին՝ իրե...04.04.2024 | 13:10
Թուրքիայում 2 հայի են բռնել, որոնց կոշիկներում 109 հազար դոլարի ոսկու ձուլակտորն...Նախագահ Սերժ Սարգսյանը ուղերձ է հղել Հայոց ցեղասպանության զոհերի հիշատակի օրվա կապակցությամբ դատապարտել է Օսմանյան կայսրության կողմից Ցեղասպանության իրագործումն ու նշել, որ հայերը չեն մոռացել և չեն մոռանա այն։
Ստորև ներկայացնում ենք նախագահի ուղերձն ամբողջությամբ.
Սիրելի՛ հայրենակիցներ,
Այսօր մենք, ինչպես և շատ շատերն ամբողջ աշխարհում, գլուխ ենք խոնարհում Հայոց մեծ եղեռնի անմեղ զոհերի հիշատակի առջև: Այսօր մենք լուռ բարձրանում ենք Ծիծեռնակաբերդի բարձունք, որովհետև անպատմելի բան է կատարվել: Եվ հուշահամալիրի պատերին մենք ոչինչ չենք գրել, որովհետև ոչ մի բառ չի կարող արտահայտել այն, ինչ մենք զգում ենք:
Սիրելի՛ հայ ժողովուրդ,
Մեր պատմության հազարամյակների մատյանում ոսկեհատիկ ցորենի պես հավաքել ու ամբարել ես էջեր, առանց որոնց հնարավոր չէ պատկերացնել այսօրվա ու վաղվա մեր կյանքը, մեր ազգային դիմագծի ամբողջականությունն ու առանձնահատկությունը: Ցավոք, այդ էջերը միայն հաղթանակների ու վերելքների մասին չեն:
Ցեղասպանության զոհերի հիշատակի օրը` սևահանդերձ ապրիլի 24-ը, ոչ միայն մեր համազգային սգի, այլև մեր ապրելու համառության և բարոյական նկարագրի օրն է: Չլիներ մեր հիշողության համառությունը, մենք ո՛չ Սարդարապատ կունենայինք 1918-ին, ո՛չ էլ ազատ ու անկախ Հայաստան ու Արցախ և մեր կողքին՝ Հայոց Սփյուռք:
Քույրե՛ր ու եղբայրնե՛ր,
Այս օրը կանցնի և մենք կշարունակենք ապրել առօրյա մեր կյանքը, սակայն ակնթարթներ կան ժամանակի հոլովույթում, երբ մենք առանձնահատուկ կերպով միասնական ենք, հավաքական, անբաժանելի ու անբեկանելի: Այս օրը հենց այդ ակնթարթներից է` ազգահավաքի ու հայրենահավաքի:
Երեք տարի հետո ոչ միայն Հայոց մեծ եղեռնի 100-ամյակն է, այլև հիշողությամբ ու կամքով ապրելու՝ «մի քանի հազար գումարած 100»-ամյակը: Ինչ ստեղծել ենք այսուհետև էլ տեր ենք, ինչ կորցրել ենք` չենք մոռացել և չենք մոռանա, որովհետև դարձյալ դրա տերն ենք: Մենք մանկուրտ չենք, մենք Հայոց Աշխարհն ենք:
Որպես առհավատչյա մեր չմարող հիշողության և կենաց երդման՝ մենք քաղաքամայր Երևանում ի հիշատակ բոլոր ժամանակների մեր նահատակների ու անմեղ զոհերի՝ Սուրբ Նահատակաց եկեղեցի կերտելու իղձն ունենք: Միասին ենք անելու՝ մեր հայացքն ուղղած ապագային: Միայն ազգովին:
Միասին էլ ամրացնելու ենք մեր պետությունը՝ Հայոց հայրենիքը ու միասին էլ գալիք սերունդներին ենք փոխանցելու նոր հաղթանակների հիշողությունը: Իսկ միասին նշանակում է մեծով ու փոքրով, հողի մշակով ու մտավորականով, սփյուռքահայով ու հայրենաբնակով և մանավանդ այն պետությամբ, որն այլևս թույլ չի տալու ցեղասպանական որևէ արարք կամ գործողություն հայ մարդու դեմ: Որևէ մարդու դեմ:
«Հայկական ժամանակ». Երեկ ինքնաբացարկի դիմում է ներկայացրել Կոտայքի մարզի թիվ 25 ԸՏ պատգամավորի թեկնածու, կապի և տրանսպորտի ՕԵԿ-ա-ան նախարար Մանուկ Վարդանյանը: Թերթի աղբյուրները պնդում են, սակայն, որ սա «Օրինաց երկիր» կուսակցության շուրջ տեղի ունեցող լուրջ խմորումների արդյունք է: Խմորումները ծայր են առել այն պատճառով, որ համընդհանուր տպավորությամբ` Սերժ Սարգսյանը «քցում է» կոալիցիոն գործընկերոջը, որին դեռ շաբաթներ առաջ համարում էր բարոյականության տիպար: Այս տպավորությունը ամրապնդվեց նախորդ շաբաթ Շենգավիթում Սերժ Սարգսյանի ելույթից հետո: Ըստ հավաստի տեղեկությունների, Մանուկ Վարդանյանն արժանանալու էր նույն ճակատագրին, դրա համար էլ որոշել է ինքնաբացարկի դիմում ներկայացնել: Չի բացառվում, որ Վարդանյանը լքի նաև ՕԵԿ-ը, քանի որ հասկանում է` կուսակցության լիդեր Արթուր Բաղդասարյանն այլևս չի կարողանում Սերժ Սարգսյանի հովանավորությունն ապահովել իրենց համար:
Ըստ իշխանական թերթի աղբյուրների, ՕԵԿ-ի ու նրա առաջնորդի հետ խնդիրներ ունի նաև գյուղատնտեսության ՕԵԿ-ական նախարար Սերգո Կարապետյանը: Դեռ շաբաթներ առաջ այդ աղբյուրները վստահեցնում էին, որ Վարդանյանի հետ ՕԵԿ-ից դուրս է գալու նաև Կարապետյանը, որը կուսակցության համամասնական ցուցակում 4-րդ համարն է: Իսկ ահա անցյալ շաբաթ լուր տարածվեց, որ փոխնախագահ Հեղինե Բիշարյանը նույնպես մտադիր է հանել թեկնածությունը Երևանի թիվ 11 ԸՏ-ից: Ի դեպ, որ Բիշարյանը, որն ամենուր ուղեկցում էր Արթուր Բաղդասարյանին, ապրիլի 21-ին Նոր Նորքում բնակիչների հետ հանդիպմանը չի մասնակցել: Երեկ ևս, երբ ԱԽՔ-ը հանդիպում էր Զեյթունի բնակիչների հետ, Բիշարյանը ներկա չէր: Մոտ մեկ ամիս առաջ թերթի իշխանական աղբյուրները վստահեցնում էին, որ Սերժ Սարգսյանն ՕԵԿ-ին չի օգնելու խորհրդարան անցնելու համար. ՀՀԿ-ն հազիվ փորձելու է իր գլխի ճարը տեսնել:
Նույն աղբյուրները պնդում էին, որ Սարգսյանը մտադիր է Արթուր Բաղդասարյանին պաշտոն տալ, պահպանել նրա բիզնես հնարավորությունները է, գուցե մի երկու պաշտոն էլ նրա մերձավորների համար է նախատեսել: Սերժ Սարգսյանի պլանով` Աժ րնտրութաւններիգ հետո ՕԵԿ-ը կվերանա որպես քաղաքական ուժ, բայց ԱԽՔ-ը կպահպանի ներկայիս պաշտոնը, իսկ արդեն 2013-ին, երբ կլրանա ՀՀ գլխավոր դատախազ Աղվան Հովսեփյանի պաշտոնավարման ժամկետը, այդ պաշտոնում կնշանակվի Արթուր Բաղդասարյանը (եթե, իհարկե, Սերժ Սարգսյանին հաջողվի պահպանել ներկայիս պաշտոնը):
Ամեն տարի այս օրը հազարավոր մեր հայրենակիցների համակում են հակասական զգացումներ:
Կորստի ցավի վերապրման, զոհերի ոգեկոչման հետ մեկտեղ՝ խորհում ենք ապագայի մասին:
Պատմությունը հենց նրա համար է, որ դրանից հետեւություններ քաղենք: Այդ հետեւությունները` եւ ոչ թե պատմության իներցիան, պետք է դառնան այսօրվա քաղաքականության, մեր բոլորիս վարքագծի առանցքը:
Ապրիլի 24-ը պետականազուրկ մեր իրականության, օտարին ապավինելու մեր միամտության, օտարների հաշվարկներում խցկվելու արկածախնդրության հետեւանքն է: Վերջին դարերի պետականազուրկ մեր պատմությունն ամբողջական չէ, ենթակա չէ միասնական տրամաբանության եւ ավելի շատ նմանվում է ռուս-թուրքական, ռուս-պարսկական պատերազմների տարբեր պատառիկների հավաքածուի:
Ապրիլի 24-ը, առնվազն դրա հետեւանքները շարունակական են այնքան, քանի դեռ չունես պետություն, որը քաղաքացու ազատության եւ անվտանգության հիմնական երաշխավորն է:
Առաջին Հանրապետությունը չլուծեց այդ խնդիրը: Աշխարհաքաղաքական միջավայրն էր անբարենպաստ: Բայց նաեւ՝ Հանրապետության ղեկավարների մաքսիմալիզմը, իրական քաղաքականությունը զգացմունքներին զոհաբերելու մոլուցքը: Արդյունքն այն եղավ, որ դաշնակցական գործիչներն Առաջին Հանրապետության փլատակների վրա խմում էին Սեւրի՝ երբեք իրականություն չդառնալու դտապարտված, դաշնագրի կենացը:
Երկրորդ Հանրապետությունը որոշակիորեն լուծել էր քաղաքացիների անվտանգության եւ բարեկեցության հարցերը, սակայն 70-ամյա այդ շրջանն ընդամենը խորհրդային օկուպացիայի քաղաքակիրթ եղանակ էր:
Երրորդ Հանրապետությունը մեր ժողովրդի կամքի, հավաքական ձգտումների արգասիքն է: Չհաշված որոշ շեղումներ՝ 1990թ-ից սկսած պետության արտաքին քաղաքականության հիմքում, հարեւան երկրների հետ հարաբերությունների առանցքում դրվել են իրատեսական մոտեցումներ: Սակայն հետեւողականությունն է պակասել, գերակա է եղել կիսատ-պռատությունը:
Ու Ապրիլի 24-ի արժեւորումը մեզանում չի փոխվել: Մեր վերաբերմունքի մեջ նույնն ենք մնացել՝ պետականազուրկ ժողովրդի բարդույթով, օտարից ինչ-որ բան մուրալու միամտությամբ, «թղթե շերեփի» կարծրատիպով:
Ապրիլի 24-ի հետեւանքները, ցեղասպանվածի բարդույթը հաղթահարելու լավագույն միջոցը՝ նորմալ, քաղաքակիրթ, իր քաղաքացուն արժեւորող երկիր ունենալն է: Ե՞րբ Օբաման կամ ԱՄՆ որեւէ նախագահ կարտասանի «Ցեղասպանություն» բառը՝ դա իրենց խնդիրն է: Հարկ չկա անընդհատ թափանցել ամերիկյան քաղաքականության խոհանոց կամ՝ ամերիկա-թուրքական հարաբերությունների դաշտ՝ լավագույն դեպքում չհրավիրված դիտորդի, հաճախ՝ սակարկվող մանրադրամի կարգավիճակով:
Նմանապես, Ցեղասպանության ճանաչումն առաջին հերթին անհարժեշտ է Թուրքիային՝ իր պատմության հետ հաշտվելու, իր քաղաքակրթական ընտրությունը համոզիչ դարձնելու համար: Դա մի օր լինելու է, այլապես իրականություն չեն դառնա Թուրքիայի խիստ բնական հավակնությունները:
Հայաստանի անվտանգության գլխավոր երաշխիքը՝ հարեւան երկրների հետ բնականոն հարաբերությունների հաստատումն է: Սա պատմության ուրացում չէ՝ պատմության դաս է:
Մենք իրավունք չունենք տրվելու պատմության իներցիային, մենք պետք է պատմություն կերտենք:
Սա է Ապրիլի 24-ի գլխավոր խորհուրդը:
«Հրապարակ». ԲՀԿ առաջնորդ Գագիկ Ծառուկյանի զենքի պատմությունը մեծ արձագանք ստացավ: Ի վերջո, Ծառուկյանն անձամբ հայտարարեց, որ ընտրողների հետ հանդիպման ժամանակ իր մոտ զենք է եղել: Երեկ Արարատում իր ելույթում նա ասել է. «Ման են գալիս, բայց ոչ մի բան էլ չեն գտնում: Ասում են, թե Ծառուկյանի կոստյումի տակ պիստալետ ա եղել: Պիստալետից ես չեմ հրաժարվում, բայց իմ խնդիրը ժողովրդի հետ չի: Ես ձեր ցավը տանեմ, ես՚ ձեզ սիրում եմ, դուք գիտեք իմ վերաբերմունքը»: Երեկ թերթը ոստիկանությունից փորձել է պարզել, թե Ծառուկյանին ինչ զենք է ամրակցված, սակայն պատասխանել են, որ դա համարվում է մարդու անձնական տվյալ, և իրենք չեն կարող այդ ինֆորմացիան տրամադրել: Թերթի տեղեկություններով, Ծառուկյանն անգամ զենքերի հավաքածու ունենալու թույլտվություն ունի: Պարզապես օրենքն արգելում է հանրահավաքների ժամանակ զենք կրել: Ի դեպ, երեկ ԲՀԿ առաջնորդի մամուլի խոսնակից թերթը հարցրել է, թե Ծառուկյանն ինչ զենք կրելու թույլտվություն ունի, սակայն այդպես էլ պատասխան չի ստացել:
«Չի» տեղեկություններով, Գեղարքունիքի մարգում, նախընտրական ֆոնի վրա զարգացող ինտրիգները նոր թափ են ստանում: Բանն այն է, որ ՀՀԿ-ական նախկին մարզպետ Ռուդիկ Ղուկասյանի` Ռուդոյի, ու վերջինիս թիմակից, նախկին ՀՀԿ-ական կարկառուն պատգամավոր Ալիկ Պետրոսյանի` «Լոբի Ալիկի» ճանապարհները խաչվել են, քանի որ նրանցից ամեն մեկը ընտրական գործընթացների մեջ իր դերակատարությունն է ստանձնել յուրովի: Եվ եթե ՀՀԿ-ական Ռուդիկ Ղուկասյանը մարզի որոշ ընտրատարածքներում «պադերժկա» է անելու հարազատ կուսակցությանն ու ՀՀԿ-ի կողմից մեծամասնական ընտրակարգով առաջադրված թեկնածուներին, ապա որոշ դեպքերում էլ, օրինակ` թիվ 23 ընտրատարածքում, նա սատար է կանգնելու իր մտերիմ ընկեր, ԲՀԿ-ական էդուարղ Սահակյանին, ում հետ բավականին երկար ճանապարհ է անցել:
Իսկ ահա ՀՀԿ-ական Ալիկ Պետրոսյանն էլ` «Լոբի Ալիկը», ում լավ աշխատելու դեպքում ՀՀԿ-ն մարզում պաշտոն է խոստացել, այս օրերին ամբողջ հոգով լծվել է ՕԵԿ-ի համար ձայներ բերելու գործին, ինչը նրան կարծես թե ամենևին չի հաջողվում: «ՉԻ» հասած տեղեկությունների համաձայն, «Լոբի Ալիկը» երեկ Ծովազյուղ և Նորադուս համայնքներում լուրջ դիմադրության է հանդիպել ընտրողների կողմից, որոնց նա փորձել է համոզել իրենց ձայնը տալ ՕԵԿ-ին և ուրիշ ոչ մեկին: Տեղի բնակիչներից շատերը մի լավ տեղն են դրել ՀՀԿ-ական կրծքանշանով ՕԵԿ-ական «լիազորին»` ասելով. «Ծոծրակներդ կտեսնեք, ձայն չեք տեսնի, էդ էր մնացել գնանք Արթուր Բաղդասարյան ընտրենք: Մինչև էսօր ավանդների ենք սպասում»…
Ապրիլի 20-ին Ֆրանսիայում կայացավ «Staps For Life» բարեգործական միջոցառում, որի հասույթը միջոցառման կազմակերպիչները նախատեսել էին տրամադրել «ՄաՄաՍյու» ֆոնդին:
«ՄաՄաՍյու» բարեգործական հիմնադրամը ստեղծվել է եզակի դեպքից՝ քաղցկեղով հիվանդ կնոջ համար դրամահավաք կազմակերպելու նպատակով: Այն շուրջ մեկ տարի է միջոցներ է հավաքում Սյուի մայրիկի` Օլգա Սեպետչյանի կրծքագեղձի քաղցկեղը հաղթահարելու համար: Սյուի մայրիկն արդեն ապաքինվում է: Սակայն խնդիրը գլոբալ է, և ֆոնդը որոշել է շարունակել իր գործընթացը հայ կանանցից յուրաքանչյուր 13-երորդին բաժին հասնող կրծքագեղձի քաղցկեղի դեմ պայքարելու համար:
Սյու Սեպետչյանը զրույցի ժամանակ իր խորին շնորհակալությունը հայտնեց Marne La Vallée համալսարանին եւ Սպորտային ֆակուլտետի ուսանողներին` Սոֆի Դուաքսի եւ Գասպար Մանիի գլխավորությամբ: Բարեգործական միջոցառումն անցավ բարձր մակարդակով, իր մեջ ներառելով տարբեր սպորտաձեւերի մրցաշարեր, փոքրիկ ճաշկերույթ ու համերգ, որի ընթացքում ելույթ ունեցան երեք երաժշտական կոլեկտիվ` «Lucky Charms» ֆրանսիական ռոք խումբը, «Anicide», ծանր մեթալ-ռոք խումբը եւ «Akete» ռեգիի խումբը, որոնց առանջին շնորհակալություն են հայտնում «ՄաՄաՍյու» բարեգործական ֆոնդն ու միջոցառման կազմակերպիչները:
«ՄաՄաՍյու» բարեգործական հիմնադրամը համախոհ և աջակից կազմակերպություններ ու անհատներ է փնտրում, ովքեր պատրաստ են օգնության ձեռք մեկնել և համամասնակից լինել գործին: Հիմնադրամի նպատակն է օգնել կանանց` պայքարելու կանացի վերարտադրողական ֆունկցիայի օրգանների քաղցքեղի դեմ:
Ապրիլի 24-ի խորհուրդը, թեև, կարծես թե, միևնույն ընկալումները պետք է ունենար բոլոր հայերի մոտ, սակայն տարբեր շերտեր դա ընդունում են յուրովի:
Անկախության տարիներին եղավ նաև այն, ինչը 1965-ից ի վեր երբեք իրենց թույլ չէին տալիս Խորհրդային Հայաստանի իշխանությունները` ՀՀ առաջին նախագահը սկսել էր արշավ` ընդդեմ ցեղասպանության միջազգային ճանաչման: Բանը հասել էր նրան, որ 1992-ի ձմռանը դադարեցվել էր հավերժական կրակի գազամատակարարումը, և այն ժամանակ Աշոտ Նավասարդյանի նախաձեռնությամբ ՀՀԿ անդամներն իրականացնում էին շուրջօրյա հերթապահություն` կրակը պահպանելով ցախի միջոցով:
Այսօր մեծամասնությունը մայրաքաղաքում կամ իր բնակավայրում գտնվող Մեծ Եղեռնի զոհերի հուշակոթողն է այցելում` ծաղիկներով և պսակներով, ոմանք նաև կրում են Հայ դատին վերաբերող պաստառներ: Իսկ արտերկրի այն քաղաքներում, ուր կա և՛ հայկական համայնք, և՛ թուրքական դիվանագիտական ներկայացուցչություն, բողոքի ցույցի անցկացումը միանգամայն օրինաչափ է:
Սակայն մեր հայրենակիցների մի մասը գերադասում է «ստանդարտից» տարբերվող ձևեր: Այսպես, դեռևս 1965-ին, երբ Երևանում առաջին անգամ եղան պահանջատիրական ցույցեր, հայ ազգայնականները ջահերով երթի տարբերակը նախընտրեցին: Հայաստանի անկախացումից հետո ջահերթերի ավանդույթը սկզբում շարունակեց Պարույր Հայրիկյանը, իսկ 1999-ից` ամեն տարի ապրիլի 23-ի ուշ երեկոյան այդպիսի երթ են իրականացնում ՀՅԴ երիտասարդական կառույցի ներկայացուցիչները: Սակայն ջահերթը կարծես կորցրեց իր սկզբնական իմաստը` հիշողության, վրեժի և կորցրածը հետ բերելու լուռ երդման…
Այսօր, երբեմն պատահում են տարօրինակ ընկալումներ: Այսպես, սփյուռքում որոշ գործիչներ ու կառույցներ (հատկապես ավետարանչականները) ապրիլի 24-ն անվանում են «ազգային սգատոն»: Դա արտացոլում է հայ հանրության մի մասի առանձնահատուկ հակումը դեպի սուգը, և դա առկա է ոչ միայն սփյուռքում, այլև հայրենիքում: Կա և հակառակ ծայրահեղությունը` Ծիծեռնակաբերդի բարձունքում ծլել են բազում զվարճավայրեր, ոմանք ագահաբար նույնիսկ սրբավայրը ձգտում են վերածել ռաբիզամուղամախառը քյաբաբնոցի:
«Սուգը հավերժ է, երբ պայքար չկա»,- լուսահոգի Մովսես Գորգիսյանի այդ խոսքը հնչեց 22 տարի առաջ, 1989 թվականի ապրիլի24-ին: Այո, ապրիլի 24-ի խորհրդում հիմնականը ոչ թե սգո, այլ պատմական հիշողության, պահանջատիրության, արդար վրեժի և կորցրածը հետ բերելու բաղադրիչներն են: Պահանջատիրության բաղադրիչը նույնպես կարևոր է ցանկացած առողջ ազգի համար, քանզի ոչ միայն իրավունք է, այլև պարտականություն` բոլոր հասանելի միջոցներով տեր կանգնել այն ամենին, ինչը քոնն է:
Վստահ ենք, որ վաղ թե ուշ ճանաչելու են բոլորը, նույնիսկ բացառված չէ, որ թուրքերը ճանաչեն ու ներողություն խնդրեն: Թող որ սխալված լինի Շահան Նաթալին, երբ պնդում էր, որ հայն ու թուրքը ԿԵՆՍԱԲԱՆՈՐԵՆ անհամատեղելի են, մեկի կյանքը պայմանավորված է մյուսի մահով: Թուրքը կճանաչի իր ոճիրը և ներողություն կխնդրի միայն այն ժամանակ, երբ կհայտնվի իր իսկ ժողովրդական խոսքով նկարագրած վիճակում. «Եթե չես կարող կտրել քեզ հարվածող ձեռքը` համբուրիր և դիր գլխիդ»:
Վաղ թե ուշ դա լինելու է: Մեզանից յուրաքանչյուրը սերնդե սերունդ ունի իր պապերի արյան սրբազան վրեժի պարտավորությունը, և ներողամտությունը ոճրագործության և անբարոյականության հավասար բան կլինի:
Դրանով մոտենում ենք արդար վրեժի և պատժի հարցին: Ցանկացած ոճիր, առավել ևս ցեղասպանության պես ոճիրը, անպատիժ մնալու դեպքում կրկնվելու հատկություն ունի: Ուստի պատահականություն չէ, որ 20-րդ դարը ծնեց բազում հայ վրիժառուներ, ինչպես նաև վրիժառությունը հիմքում դրած բազմաթիվ կազմակերպություններ, որոնց նվիրյալ մարտիկներն իրենց գործողություններով ոչ միայն պատժեցին ցեղասպանության գլխավոր կազմակերպիչներին, ոչ միայն ականջները փակած մարդկությանը ստիպեցին հայոց ցեղասպանության փաստի մասին հիշել` սկիզբ դնելով ճանաչումների շղթային, այլև ազգին վերադարձրեցին 1915-ին կորցրած արժանապատվությունը:
Սակայն յուրաքանչուր հայ, անկախ նրանից, քանի տարի է անցել 1915-ից (շուտով մեկ դարը կլրանա) նաև իր տոհմի պատիվը վերականգնելու խնդիրն ունի:
Հայկական Վարկած
Մենք արդեն անդրադարձել ենք այդ կառույցին և նրա գործունեությանը`«4 միլիարդ ռուբլու պարտք ունեցող MMM-ը ՀՀ-ում խոշոր հարկատու է» հրապարակումով. :http://www.armversion.am/2012/04/06/4-
Նշենք, որ հրապարակումը պատրաստելու ընթացքում խնդրել էինք Պետեկամուտների կոմիտեից պարզաբանում`գրանցված է արդյո՞ք MMM ֆինանսական պիրամիդան հարկային մարմիններում, որպես վարկային կազմակերպություն, որին ի պատասխան, ստացել ենք ՊԵԿ ի պարզաբանումը.
Ի պատասխան Ձեր հարցման` հայտնում ենք, որ
Համաձայն ՀՀ ԿԱ ՊԵԿ տեղեկատվական
բազայի տվյալների МММ ֆինանսական պիրամիդա անվանումով ֆինանսավարկային
գործունեությամբ զբաղվող հարկ վճարող ՀՀ հարկային մարմիններում հաշվառված չէ:
ՊԵԿ տեղեկատվության և հասարակայնության հետ կապերի բաժին:
Հ.Գ. Հուսով ենք համապատասխան մարմիններն առավել հանգամանորեն կանդրադառնան մեր բարձրացրած այս խնդրին:
Aravot.am-ը այսօր բանաստեղծ Արտեմ Հարությունյանից հետաքրքրվեց՝ Գրքի համաշխարհային մայրաքաղաք հայտարարված Երեւանում տոնի զգացողություն ունի՞: «Քանի որ մաֆիոզ խմբերը գրավել են ամեն ծակուծուկ, գրքի տոնը նախնադարյան դինոզավրիկի թափառումներ է հիշեցնում…. Շատ մեծ քաղաքներ կան, որ տարիներով հերթի են կանգնած, եւ լավ է, որ որպես հինավուրց մշակույթ ունեցող ժողովուրդ, գրքի տոնը մեզ էլ բաժին հասավ:
Մենք սիրում ենք Երեւանը եւ պետք է այնպես անենք, որ մեր սրբազան հողը այսպիսի միջոցառումները իմիջիայլոց չանի: Գրքի տոնի համար եկած մասնագետները երեւի ապշեցին, երբ երեկ գիշերը ծանր թնդանոթներից ժամը 1-ին սալյուտ պայթեց Կենտրոնում, Բոչելիի երգեցողությունն էլ վերածվեց ոռնոցի՝ բարձրախոսների պատճառով: Այդ ամենը վատ կազմակերպվածության արդյունք էր: Ես դրանից չեմ էլ զարմանում, քանի որ ավելի վատ բաներ կան: Բազմիցս դիմել եմ կաթողիկոսին, հարգարժան վարչապետին, որ գրողների միության՝ Տերյան փողոցում գտնվող բնակելի շենքից տակից «Օմեգա» ստրիպտիզանոցը հանեն, բայց պարզվում է մաֆիոզ խմբերն այնքան ուժեղ են, որ պետությունը չի կարող այդ քայլին գնալ: Ստրիպտիզանոցը կանգնած է իբրեւ երկաթբետոնե կոնստրուկցիա, իբրեւ Մասիս սար, նույն համառությամբ ռիթմերը հնչում են, վերջում էլ ռուս աղջիկները դուրս են թափվում ու կանչում իրենց հաստափոր ընկերներին»:
Գրող հրապարակախոս Մերուժան Տեր-Գուլանյանը, որը նույնպես հյուրընկալվել էր «Հայելի» ակումբում, բանաստեղծին խորհուրդ տվեց տունը փոխել, հետո էլ կատակեց, թե ստրիպտիզը վատ բան չէ, գրքի նման մի բան է:
Aravot.am-ը նրանից էլ հետաքրքրվեց՝ գրքի տոնի զգացողություն ունի՞: Հրապարակախոսն ասաց, որ գրքի տոնը իր համար գրեթե ամեն օր է, այս օրերին մասնակցել է հետաքրքիր ընդունելությունների ու համերգների եւ գոհ է մնացել. «Տոնին ուրիշ ի՞նչ պիտի աներ ժողովուրդը, գիրքն առներ ձեռին՝ մա՞ն գար փողոցներում»: Պարոն Տեր-Գուլանյանը փաստում է, որ տոնը կատարյալ կլիներ, եթե իշխանությունները այս տարի մի քանի գրախանութ բացեին. «Դա իսկապես կլիներ պրազդնիկ»: Նրա համոզմամբ, գրքի տոնը մեկ օր չէ՝ ամբողջ տարին է, հետեւաբար պետք է եզրակացությունները վերջում անել: Հրապարակախոսը գտնում է, որ քաղաքային իշխանությունները պետք է պարտադրեն , որ սուպերմարկետների մի անկյունում գրախանութ գործի, թե չէ քաղաքում դրանց թիվը 3-4-ն է:
Գրող հրապարակախոս Մերուժան Տեր-Գուլանյանը, որը նույնպես հյուրընկալվել էր «Հայելի» ակումբում, բանաստեղծին խորհուրդ տվեց տունը փոխել, հետո էլ կատակեց, թե ստրիպտիզը վատ բան չէ, գրքի նման մի բան է:
Արտեմ Հարությունյանը կարծում է, որ քաղաքապետ Տարոն Մարգարյանը պարտավոր է քաղաքը մաքրել իր ձեւակերպմամբ՝ աղբ եւ չարիքի կենտրոն համարվող սթրիփ-ակումբից. «Բա ինչի՞ համար եք էդտեղ նստած՝ Ուրարտուի մասին գիրք կարդալու՞, թե՞ մեր հինավուրց քաղաքը աղբից մաքրելու, չէ՞ որ ստրիպտիզանցը բնակելի շենքի տակ աղբ է: Բոլորը խոսում են մեր հինավուրց անցյալի, պապական ուժերի, տատական հմայքների մասին, բայց ոչ ոք ստրիպտիզանոցին մատով չի կպնում: Երբ բողոքում ես, ասում են՝ բա մեր ժողովուրդը սիրուն ռուսի մարմին չտեսնի՞»: Նրա խոսքով, գրքի անկումը սկսվում է նման բաներից, կապիտալիզմի ներխուժումից ու սխալ ուղիով գնալուց, դպրոցական, բուհական հայ գրականության դասագրքերից, աշխարհը տեսնելու ոչ ճիշտ ձեւերից:
Արտեմ Հարությունյանը կրկին կոչ արեց վարչապետին եւ քաղաքապետին գրողների միության բնակելի շենքի ու Ն. Աղբալյանի անվան դպրոցի հարեւանությամբ գտնվող ակումբից փրկել իրենց. «Հարգելի պարոն Մարգարյան կամ պարոն Սարգսյան, եթե Ձեր տան տակ լիներ ստրիպտիզանոց, դուք կհանեիք ձեր պետական տված «Մակարովը»,եւ կգյուլլեիք այն օլիգարխին, որոնք խայտառակ գործով են զբաղվում»:
Երեւանի ավագանու անդամ, ճարտարապետ Լեւոն Իգիթյանը եւս ցավում է հասարակության դեգրադացման ու արժեքների կորստի համար, նա պատրաստ է Գեղագիտության ազգային կենտրոնի մարզային մասնաճյուղերից առանց վճարի տարածք տրամադրել գրախանութներին, միայն թե մարզերում էլ կարողանան գիրք կարդալ: Նրա խոսքով՝ մնում է պետությունը գոնե մարզերում այդ «մասով» թեթեւացնի հարկային բեռը:
«Հայաստանն առանց ընտրակեղծիքների» քաղաքացիական նախաձեռնությունը հայտարարություն է տարածել հետևյալ բովանդակությամբ.
«Թիվ 6 ընտրատարածքում մեծամասնական ընտրակարգով պատգամավորի թեկնածու է առաջադրվել ՀՀ գլխավոր դատախազ Աղվան Հովսեփյանի եղբայրը` Ռուբեն Հովսեփյանը: Ավելին, լրատվամիջոցների համաձայն, նրա հաղթանակն ապահովելու համար Աղվան Հովսեփյանը գործուն եւ օրենքի շրջանակներից դուրս միջամտություն է ցուցաբերում: Մասնավորապես, մամուլից հայտնի է դարձել, որ Աղվան Հովսեփյանը դիմել է քրեական աշխարհի հեղինակությունների օգնությանը, որոնք Երեւանի Աջափնյակ թաղամասում փորձում են վախի մթնոլորտ սերմանել եւ սադրանքներ են հրահրում: Որոշ լուրերի համաձայն, ուրբաթ և շաբաթ օրերին այս խմբի անդամները զինված հայտնվել են ԲՀԿ նախընտրական շտաբների մոտ, փորձելով հրահրել հակաօրինական գործողություններ:
Միաժամանակ տեղեկություններ ենք ստանում, որ Աղվան Հովսեփյանն անձամբ է լինում իր եղբոր նախընտրական շտաբում:
Հայաստանում դիտորդական գործունեություն ծավալող ԵԱՀԿ/ԺՀՄԻԳ-ի դիտորդական առաքելության ղեկավար Ռադմիլա Շեկերինսկայային, ինչպես նաեւ հայաստանյան դիտորդական կազմակերպությունների ղեկավարներին կոչ ենք անում արձագանքել այս տգեղ եւ վտանգավոր երեւույթին, ինչպես նաեւ գլխավոր դատախազին կոչ անել անմիջական մասնակցություն չցուցաբերել նախընտրական պայքարին: Դիտորդական կազմակերպությունների ուշադրությունն ենք հրավիրում նաեւ այն փաստին, որ Աղվան Հովսեփյանը հովանավորյալներ ունի նաեւ այլ ընտրատարածքներում եւ հաճախ լինում է նաեւ նրանց շտաբներում:
ՀՀ իշխանություններին կոչ ենք անում անհապաղ արձագանքել այս մտահոգիչ երեւույթին եւ ամեն ինչ անել անցանկալի զարգացումներից խուսափելու համար»:
-
-
23.04.2024 | 11:06
Ի՞նչ կապ ունեին Արայիկ Հարությունյանի հարցազրույցի անոնսն ու հետագա «զարգացումները». «Փաստ» -
23.04.2024 | 11:42
Ադրբեջանում պահանջել են նաև չորս «անկլավային գյուղերը» -
23.04.2024 | 11:23
Վաղը ուշադիր եղեք հատկապես Ոսկեվանի և Բաղանիսի մոտակա դիրքերին․ Նաիրի Հոխիկյան
-
- Տեսանյութ
- Օրվա միտք
- Խմբագրի վարկած
- Ֆոտո
-
Հասցե` Հայաստան, 0023, Երևան, Արշակունյաց 2
Հեռ: +374 (10) 06 06 23 (413, 414), +374 (99) 53 58 26
Էլ. փոստ` armv12@mail.ru -
2010-2011 © Բոլոր իրավունքները պաշտպանված են:
Մեջբերումներ անելիս հղումը armversion.com-ին
պարտադիր է: Կայքի հոդվածների մասնակի կամ
ամբողջական հեռուստառադիոընթերցումն
առանց armversion.com-ին հղման արգելվում է: -
Կայքում արտահայտված կարծիքների համընկնումը
խմբագրության տեսակետի հետ պարտադիր չէ:
Գովազդների բովանդակության համար
կայքը պատասխանատվություն չի կրում:
Բոլոր իրավունքները պաշտպանված են: Copyright “Armversion.com” 2010.