13.04.2024 | 13:57
Մենք այլևս չունենք ԱԱԾ, այդ հաստատությունը Նիկոլի ռեժիմի հերթական գործիքն է․ Կար...13.04.2024 | 13:26
Վթարի հետեւանքով մահացած բոլոր չորս զինծառայողները ժամկետայիններ էին....13.04.2024 | 13:06
Արարատի մարզում հայտնաբերվել է 36 կգ ոսկի գողություն կատարող կասկածյալներից մեկը...13.04.2024 | 12:59
Ղազախստանում ձերբակալել են ռուսաստանցու, որը մեղադրվում է տաջիկներին այլ երկրներ...13.04.2024 | 12:28
Փաշինյանի «լռությունը» վախեցնում է «ուսապարկերին»․ «Հրապարակ»...13.04.2024 | 11:29
Գեղարքունիքում զինվորական «ԿամԱԶ» է վթարի ենթարկվել...12.04.2024 | 14:08
Ոսկեպարցի Սամվելի խոհանոցի և հողամասի մի մասը մնալու է ՀՀ-ում, իսկ տունը և տնամե...12.04.2024 | 13:56
Ավազակություն՝ հոր և որդու կողմից. հոր գործը ուղարկվել է դատարան, իսկ որդին ինքն...12.04.2024 | 13:00
Դպրոցներից տարհանման կարիք չկա. ԿԳՄՍ նախարարը` ահաբեկչության կեղծ լուրերի մասին...12.04.2024 | 2:20
Մի կողմից նույն մարդիկ մեզ ասում են, թե «սահման չկա, սահմանները հստակեցված չեն»,...10.04.2024 | 15:10
Ահազանգ ենք ստացել զինվորական ծառայությունից հրաժարվելու հիմքով ՀՀ-ում ապաստանած...10.04.2024 | 14:10
Փաշինյանը Շոլցի հետ հեռախոսազրույցում անընդունելի է համարել Պրահայի, Բրյուսելի և...10.04.2024 | 13:10
Թքած ունեմ նրանց վրա, ովքեր հրաժարվում են «Միր» քարտի ծառայություններից. Պետդում...10.04.2024 | 12:10
Մենք չգնացինք այդ ճանապարհով և հայտնի աշխարհաքաղաքական կենտրոններում որոշվեց հար...10.04.2024 | 11:10
Եթե շատ լինեք, մենք կշրջափակենք կառավարությունը․ Հրանտ Բագրատյան...09.04.2024 | 15:10
Հրաժարվելով ռուսական МИР քարտերից՝ մենք ակամայից հայտնվում ենք պատժամիջոցների տա...09.04.2024 | 14:10
Ուկրաինան և Ռուսաստանն Աբելն ու Կայենն էին. Լեոնիդ Կուչման` Կիև-Մոսկվա հարաբերու...09.04.2024 | 13:10
Մարտական հենակետում երեք զինծառայողի սպանության գործով դիրքի ավագի պաշտպանը դիմե...09.04.2024 | 12:10
Հայկազ Բարսեղյանի սպանության գործով ամբաստանյալները դատապարտվեցին 18 տարի ազատազ...09.04.2024 | 11:10
Կռիվ լինելու ա, ու ես գիտեմ, որ մենք պիտի հաղթենք. Մեր թշնամին էսօր Ադրբեջանում ...08.04.2024 | 15:10
Իսրայելի ՊՆ-ն հայտարարել է Իրանի հետ հարաբերություններում «ցանկացած սցենարի» պատ...08.04.2024 | 14:10
Անիմաստ կրակում են, ոչ մի բան չեն թիրախավորում, երևի վախից է․ Արավուսի նախկին գյ...08.04.2024 | 13:10
ԵԽ-ն Հայաստանի «լամպոչկա» իշխանություններից պետք է պահանջի անհապաղ ազատ արձակել ...08.04.2024 | 12:10
270 մլն գնահատվող աշխարհաքաղաքական վեկտորի փոփոխություն և 0 երաշխիքներ․․․Լիլիթ Գ...08.04.2024 | 11:10
Եթե Արևմուտքը Հայաստանին ինչ-որ բան տա, Թուրքիան Ադրբեջանին եռապատիկը կտա. Չավու...06.04.2024 | 14:10
Գրողների միության նախագահը տեղյակ չէ իրենց շենքը թուրքական դեսպանատանը տրամադրել...06.04.2024 | 13:10
«Նիկոլիստներ, սորոսականներ ու արևմտամոլներ, ուշադիր կարդացեք գրածս»․ Էդուարդ Շար...06.04.2024 | 12:10
Բրյուսելում Հայաստան-ԵՄ-ԱՄՆ հանդիպումը «վտանգի ևս մեկ աղբյուր է ստեղծում» Հրվ. Կ...06.04.2024 | 11:10
Որեւէ մեկը չի կարող երաշխավորել, որ Իրանի թիրախներից մեկը չի դառնա Բաքուն. Վարդա...05.04.2024 | 15:10
Ռուսաստանը գրոհել է Ուկրաինան 13 անօդաչու թռչող սարքերով, բոլորը խոցվել են. Ուկր...05.04.2024 | 14:10
8,800 դոլարի և 5 մլն դրամի կաշառք ստանալու համար մեղադրվող պաշտոնյաների վարույթի...05.04.2024 | 13:10
Զորախաչ եկեղեցին՝ ադրբեջանական թիրախում05.04.2024 | 12:10
«Կրոկուս»-ում ահաբեկչության մեջ մեղադրվող անձի հեռախոսում հայտնաբերվել են Ուկրաի...04.04.2024 | 15:10
Ցեղասպանության վտանգը տարածվել է Հայաստանի ինքնիշխան տարածքի վրա. Լեմկինի ինստիտ...04.04.2024 | 14:10
Զազրելի է, որ որոշ թունավոր տհասներ սկսում են հայհոյել դասագիրք կազմողներին՝ իրե...04.04.2024 | 13:10
Թուրքիայում 2 հայի են բռնել, որոնց կոշիկներում 109 հազար դոլարի ոսկու ձուլակտորն...04.04.2024 | 11:10
Քաշքշուկ Երուսաղեմի հայ համայնքի ներկայացուցիչների և իսրայելցիների միջև...03.04.2024 | 15:10
Փաշինյանն ավելի մեծ սպառնալիք է Հայաստանի անվտանգության համար, քան Արցախի վտարան...ՀՀ Տրանսպորտի և կապի նախարար Գագիկ Բեգլարյանը կարևորել է մամուլի աշխատանքը և առաջիններից մեկը փոխել իր խոսնակին: Այսօր նախարարի մամլո խոսնակ Սուսաննա Տոնոյանն աշխատանքից ազատման դիմում է գրել։
ՀՀ Տրանսպորտի և կապի նախարար Գագիկ Բեգլարյանի մամլո նոր խոսնակ կնշանակվի քաղաքապետարանի հասարակայնության հետ կապերի բաժնի նախկին պետը՝ Անժելա Մարտիրոսյանը, որը տարիներ շարունակ պաշտոնավարել է այս ոլորտում: Նա աշխատել է և Գագիկ Բեգլարյանի հետ և նախկին քաղաքապետերի օրոք, իսկ երբ Կարեն Կարապետյանը Մարտիրոսյանին ազատեց աշխատանքից, Բեգլարյանը նրան անգործ չթողեց։
Կարելի է ասել, որ նախարարությունում տրվեց փոփոխությունների մեկնարկը:
Այսօր՝ հունիսի 25-ին արտակարգ դեպք է տեղի ունեցել Արարատի մարզում: Ինչպես դեպքի վայրից հայտնում է ֆոտոլրագրող Գագիկ Շամշյանը, ժամը 15.30-ի սահմաններում Մասիս քաղաքի բնակիչ 74-ամյա Վոլոդյա Սահակյանը իր մոտ եղած դանակով հարվածել է հարսի՝ 37-ամյա Քրիստինե Զաքարյանի որովայնին:
Սպանությունը կատարելուց հետո Վլ. Սահակյանը նույն դանակով կտրել է իր կոկորդը: Հիվանդանոց տեղափոխվելու ճանապարհին երկուսն էլ մահացել են:
Հարևանները ֆոտոլրագրողին պատմել են, որ մահացած հարսը ուներ 4 երեխա, իսկ նրա ամուսինը մահացել էր 6 տարի առաջ: Ոստիկանները տանը հայտնաբերել են արյունոտված 2 դանակ, որոնք առգրավվել են: Ըստ նախնական տեղեկությունների՝ դանակներից մեկով սկեսրայրը սպանել է հարսին, իսկ մյուսով՝ կտրել իր կոկորդը:
Ստեղծվել է օպերատիվ խումբ Ոստիկանության Արարատի մարզային վարչության պետ Արսեն Աբրահամյանի գլխավորությամբ:
ՀՀ ԱԻՆ կայքն այսօր հրապարակել է 2012թ. հուլիս ամսվա եղանակային կանխատեսումը, ըստ որի Երևանում օդի միջին ջերմաստիճանը կլինի 24…26 0C: Սա 1 աստիճանով ցածր է բազմամյա միջին արժեքից:
Հուլիս ամսվա առաջին կեսին հնարավոր է ջերմաստիճանի նվազում` գիշերը մինչև 12…140C, առանձին օրեր ջերմաստիճանի բարձրացում` ցերեկը մինչև 36…380C (դիտված բազմամյա միջին նվազագույն ջերմաստիճանը 17…190C, բացարձակ նվազագույնը` 7…80C, միջին առավելագույնը` 30…330C, բացարձակ առավելագույնը` 40…420C): Ամսական տեղումների քանակը ենթադրվում է բազմամյա միջին քանակին մոտ (նորման 9-14մմ):
«Առավոտ» օրաթերթի գլխավոր խմբագիր Արամ Աբրահամյանի կարծիքով Կառավարության ներկայացրած ծրագրի վրա մեծ ջանքեր չեն թափել հեղինակները, քանի որ հակառակ դեպքում այն կլիներ առավել մանրամասն և սպեցիֆիկ, ճիշտ գնահատված կլինեին ցավոտ կետերը, որոնք եղել են կառավարության գործունեության մեջ։
Այսօր լրագրողների հետ հանդիպման ժամանակ Աբրահամյանը տեսակետ հայտնեց, թե օրեր առաջ ընդունված նոր ծրագրի վրա ջանք թափված չէ։
Նա ասաց, թե՝ 18 տարի տեքստեր է խմբագրում, ուստի ցանկացած տեքստ կարդալիս զգում ՝ քրտինք թափած է տեքստ գրելիս, թե ոչ. «Այսօր խոսքը նույն վարչապետի և նույն կառավարության մասին է, որը, մեղմ ասած, լավ չդրսևորեց իրեն նախորդ շրջանում։ Բնական է, որ հաջորդ հինգ տարվա ծրագիրը գրելիս՝ ակնկալելու էինք, որ կլինի վերլուծություն, թե ինչո՞ւ նախորդ ծրագիրը չի կատարվել։ Պարզապես ասել՝ տնտեսական ճգնաժամ է, քիչ է, որովհետև միշտ ճգնաժամ է լինելու։ Երբ քո աշխատավարձը 100 ռուբլի է, իսկ դու ծախսում ես 150 ռուբլի, ստացվելու է այն, ինչ ստացվել է Հունաստանի հետ»:
Արամ Աբրահամյանը կարծում է, որ եթե նախորդ ծրագիրը չիրագործելու պատճառները չեն ասվում, ուրեմն նոր ծրագիրը ևս կասկածելի է։ Նա հիշեցրեց, որ 2008 թվականին Տիգրան Սարգսյանի կառավարությունը տնտեսական աճի ինչ-որ թվեր էր ներկայացրել, որոնք, նրա խոսքով, չեն իրականացվել։ Աբրահամյանն ասաց, որ ակնկալում է՝ ասեն, թե ինչու՞ այդ թվերը չեն իրականացվել։
Ըստ խմբագրի՝ ծրագիրն արդարացիորեն է քննադատվել նաև ԱԺ-ում:«Չէի բավարարվի միայն միջազգային ճգնաժամի բացատրությամբ։ 5 տարվա ընթացքում նվազագույն աշխատավարձը դառնալու է 70 հազար դրամ, իսկ ո՞վ կարող է ապրել 70 հազար դրամով։ Ո՞ր տղամարդը, որը գնում է աշխատանքի ամեն օր, կարող է ընտանիք պահել 70 հազար դրամով։ Դա լուրջ աշխատավարձ չէ։ Ինձ թվում է, եթե նույնիսկ դա իրականացվի, բեկում չի մտցնի մեր սոցիալական վիճակի մեջ»,- համոզված է Աբրահամյանը։
ԱԺ Հանրապետական կուսակցություն խմբակցության պատգամավոր, ջավախքցի Տաճատ Վարդապետյանն այսօր լրագրողների հետ հանդիպման ընթացքում ասաց, թե՝ չնայած Ջավախքում խնդիրները շատ են, ինքն այս հարցում լավատես է: Թե ինչ հիմք ունի պրն Վարդապետյանը լավատես լինելու ինքը կիմանա այլ հարց է, թե որտեղից է վերցրել, որ դրանք աստիճանաբար լուծվում են:
ՀՀԿ պատգամավորը Ջավախքի հիմնական խնդիրը համարում է աշխատատեղերի բացակայությունը, որի մասին ինքը պատրաստվում է ԱԺ ամբիոնից բարձրաձայնել:
Զարմանալի է, հինգ տարի շարունակ իր բարձրաձայնելու արդյունքում որևէ դրական տեղաշարժ նկատելի չէ: Ջավախքի հայաթափման ծրագիրը շարունակվում է նոր թափով, ինչ հիմք ունի նորընտիր պատգամավորը, որ առաջիկայում ինչ որ բան կփոխվի: Իսկ խոսել պետք է, ևս 5 տարվա շահած ԱԺ մանդատը արադարացնել է պետք:
Ըստ Վարդապետյանի Ջավախքի հայաթափումը, ջավախցիների՝ մեծ քանակով արտագնա աշխատանքի մեկնելով է պայմանավորված:Իսկ դրա դեմ ուղղված ջանքեր կարծես թե չնշեց:
Չնայած նա ասաց, թե դրական է համարում որ«անցյալ տարի շահագործվեց «Բալիս» գարեջրի գործարանը, 120 աշխատատեղ հենց Ախալքալաքում բացվեց, և այն կրկնապատկվելու հեռանկար ունի, <բայց դրանով այդ խնդիրը չի լուծվում»,- ասաց նա:
Այնուամենայնիվ, Ջավախքի հայաթափման վտանգ՝ ՀՀԿ-ական պատգամավորը, չի տեսնում, չնայած, ըստ նրա, մտահոգվելու առիթ կա.«Ըստ վիճակագրության, Վրաստանում 400.000-ից ավելի հայեր կան և ամենահայահոծ տարածքը՝ ինքներդ գիտեք, Ջավախքն է, բայց նրա թիվը նվազել է: Չնայած վերջին տարիներին, կարծես թե, այդ նվազման ընթացքը նույնպես կանխվել է, չեմ կարող ասել, թե դադարել է, բայց նվազել է»,- ասաց նա՝ ավելացնելով, որ նույնիսկ կան Ջավախք վերադարձողներ:
Թեև Վարդապետյանը կամ չէր տիրապետում Ջավախքցիների հայրենիք վերադարձի վիճակագրական տվյալներին, կամ գերադասելի համարեց ընդհանուր ասել- անցնել, սակայն չկարողացավ ժխտել, որ Ջավախքում հայաթափմանը զուգահեռ ավելանում են թուրքերի և ադրբեջանցիների քանակը:
«Այո, այնտեղ իսկապես աշխատանքներ են կազմակերպվում, որին մասնակցում են նաև ադրբեջանցիներ: Մենք դրա մասին մեր մտահոգությունը հայտնել ենք և շարունակելու ենք հայտնել: Պարզապես, Կարս-Ախալքալաք երկաթուղու շինարարության մրցութում հաղթեց ադրբեջանական ընկերությունը, սակայն դա չի կարող ստիպել հայերին, որպեսզի նրանք թողնեն Ջավախքը»,-պատմեց Վարդապետյանը: Իսկ թե որտեղ է հայտնել իր մտահոգությունները և արդյո՞ք դրանք հաշվի առնողներ գտնվե՞լ են, չասաց:
Ամենակարևոր բանը, որ եկել էր ասելու ՀՀԿ պատգամավորը իրեն հատուկ եռանդով ժխտելն էր, թե Հայաստանի իշխանությունները նպաստում են Ջավաքի դատարկման գործընթացին, նրանց տալով երկքաղաքացիություն, ինչի արդյունքում վերջիններս մեկնում են Ռուսաստան:
«Ես բացարձակ դեմ եմ այդ տեսակետին, ինչպե՞ս կարող են Հայաստանի իշխանությունները նպաստել: Ընդհակառակը, Ջավաքի հայապահպանությունը, չդատարկվելը պետք է դառնա ազգային անվտանգության հայեցակարգ և Հայաստանի իշխանություններն այդպես էլ անում են»,- դարձյալ առանց հիմնավորման, թե օրինակ՝ ինչպե՞ս են անում իշխանությունները և այդ պարագայում ինչո՞ւ են ջավախահայերը համատարած դառնում երկքաղաքացի, հայտարարեց նա:
Նա արդարացում էլ ուներ. <երկքաղաքացիության, այդ օրենքը, հո, մենակ Ջավախքի համար չի՞ ընդունվել: Պարզապես, լավ օրից չէ, որ ջավախքցիներն այսօր շատ են դիմում երկքաղաքացիություն ստանալու համար, որովհետև արտագնա աշխատանքի մեկնելու խնդիր ունեն», փաստորեն ինքն իրեն հակասեց պատգամավորը:
Հ.Գ. Ի դեպ, 5 գումարման ԱԺ ում Հանրապետականի համամասնական ցուցակով պատգամավոր դարձավ ևս մեկ ջավախքցի՝ Ստեփան Մարգարյանը, որը լինելով ՀՀ Վարչապետի խորհրդականը, երկար տարիներ իրավմամաբ զբաղվել է Ջավախքի խնդիրներով:
ՀՌԱՀ փոխնախագահ Ժիրայր Դադասյանն այսօր լրագրողների հետ հանդիպման ժամանակ ասաց մի պարզ ճշմարտություն՝ <Սերիալը հեռուստատեսային կարևորագույն ժանրերից մեկն է, և հեռուստատեսությունը չի կարող լինել առանց սերիալների>։
Սակայն ըստ Դադասյանի, <Ուրիշ խնդիր է, թե դրանք ինչ բովանդակություն ունեն, ինչ որակի են և ինչ են քարոզում։ Խոսել սերիալները արգելելու և դրանք եթերից հանելու մասին, առնվազն չիմացության արդյունք է>։
Նա կարծում է, որ ԱԺ-ն պետք է նոր չափորոշիչներ սահմանի.<Մենք սահմանեցինք չափորոշիչներ, սակայն օրենքի փոփոխության հետևանքով, ցավոք սրտի, չափորոշիչները սկսեցին չգործել։ Այժմ ես կարծում եմ, որ հեռուստատեսությունները պետք է գնան ինքնակառավարման ուղղությամբ։ Այսինքն ոչ թե չափորոշիչների, արգելակների միջոցով ձևավորվեն, այլ՝ ինքնակարգավորման>։
Իսկ այն, որ՝ ըստ Դադասյանի դաժանության, էրոտիկ տեսարաններով հաղորդումները, պետք է ցույց տան 24։00-ից մինչ առավոտյան 6-ն ընկած ժամանակահատվածում: Պարոն Դադասյանը ինքն էլ հավանաբար լավ չի պատկերացնում, քանի որ մեր բոլոր հաղորդումները օրվա կամ շաբաթվա մեջ մի քանի անգամ կրկնվում են, պարզապես հնարավոր չի լինի դրանք սահմանազատել, այլ բան է, որ հեռուստաոլորտը շատ լուրջ կանոնակարգելու խնդիր ունի ու հիմա ինչ մատուցվում է հանրությանը ընդամենը տխուր ու զավեշտալի կրկնօրինակում է: Եվ այս ֆոնի վրա ինչքան էլ տարօրինակ լինի, գուցե սերիալները միակ բանն են, որ ուղղակի առումով կրկնօրինակված չեն:
Գարեգին Բ ամենայն հայոց կաթողիկոսը հունիսի 28-ից հուլիսի 4-ը հովվապետական այցով կլինի Ֆրանսիայի հայոց թեմում` Մարսելում, ուր կհանդիսապետի Սրբոց Թարգմանչաց եկեղեցու օծման 80-ամյակին նվիրված միջոցառումները:
Այցի շրջանակներում Մարսելում նա կմասնակցի նաև Հայ եկեղեցու եվրոպական համագումարին, կունենա պաշտոնական հանդիպումներ քաղաքային իշխանությունների, ինչպես նաև Ֆրանսիայի թեմական և համայնքային կառույցների ներկայացուցիչների հետ:
Գարեգին Բ-ին ուղեկցելու են գավազանակիր Տ. Անանիա աբեղա Ծատուրյանը, կաթողիկոսական գրասենյակի քարտուղարներ Տ. Խորեն քահանա Կիրակոսյանը, Տ. Ադամ քահանա Մակարյանը և պրոֆեսոր Դավիթ Մուրադյանը:
Երեկ գիշեր գրող – հասարակական գործիչ, «Հայկական Վարկածի» լրագրող Լուսինե Վայաչյանը մեկնեց Եվրոպա: Մեկնեց, ստանալու իրեն այնքան անհրաժեշտ բուժումը: Այս պատմվածքը իր մասին է, որ տպագրում ենք կրկին անգամ. Մաղթելով, որ քեզ` Լուսինե, բուժված երջանիկ ու ապահով տեսնեք:
Հետ չնայես, սխալներդ հետո կուղղես, կամ էլ չուղղես, թո տենց էլ մնա, քո համար չե՞ս գրում, հոգեւոր պրակտիկա ես անունը դնում, նա սամոմ դելե ձեւեր ես անում: Որոշել ես, որ գրելու, ես, որովհետեւ գրվում ա: Գրի, բայց մենակ քոնը գրի, քո համար արտաթորի միջիդ յախկերը: Հա, բան չկա, կարող ա կարդան, կարող ա` չէ: Դա կարեւոր չի: Դալշե: Ասում ես ֆալշ չես սիրում , բայց ախր նայի հլա, ամենամեծ ֆալշը դու ես: Քո մտքերը քոնը չեն նույնիսկ: Քո աշխարհահայացքը, որ էդքան գուրգուրում ես, փաթաթված ա քեզ: Ո՞ւմ կողմից ու ի՞նչ շահ ունես, Հայաստանում ոչ ընդունված աշխարհահայացքի քոնը դարձնելուց: Եսիմ, կունենաս, էլի: Ինքնամաքրում ա տալիս էդ աշխարհահայացքը:
Բա ինքնամաքրումն ինչի՞դ ա պետք: Որ մաքուր լինե՞ս: Հա, մի եղի: Ի՞նչ տարբերություն, ի՞նչ ես: Մեկ ա ձեւ ես, ինչ ուզես` էն էլ կերեւացնես: Սրա հետ ինտելիգենտ ես, նրա հետ հիպի ես, ծնողներիդ հետ եսիմ ով ես, երեխուդ հետ ես մենակ անկեղծ: էն էլ ոչ լրիվ: Դե երեխա ա, չես ուզում մոր մասին շատ վատ բաներ իմանա, ճիշտ չի, պիտի հարգի: Մեկ ա, էնքան գիտի, որ մի քսան կյանք հերիք ա իրան: Դե ասա, ինչի՞դ ա պետք էդ ինքնամաքրումը: Որ դու «դու» դառնա՞ս: Բա՞ էդ ինչիդ ա պետք: Չգիտե՞ս: Տենց լավ ես քեզ զգո՞ւմ: Հաստա՞տ: Չես խաբո՞ւմ: Լավ, հավատացինք:
Հայկը՞: Հա Հայկի հետ անկեղծ ես, բայց էլի լրիվ չես: Գրի, խի՞ չես գրում, վախում ես ուղարկես, կարդա ու ասի, արա ինձ գցել ե՞ն: Հա, ասա Հայկ, ես բան էլ ա չեմ հասկանում ի՞նչ եմ անում, ես բուդդիստ եմ, որովհետեւ մղում ունեմ, ինտուիցիաս ասում ա էդ ա, բայց թե ի՞նչի համար ա դա, չեմ հասկանում: Էլ մի ձեւացնի քեզանից բանիմաց, խորը մտածող, որ էնքան ես հասունացել հոգեպես, որ հանդիպել ես էդ ուսմունքին: Ասա ինքն ա եկել, ես արժանի չեմ եղել: Ուղղակի մի անգամ էլ սենց ոնց որ հիմա, եկել ա մեկ էլ՝ վերեւի եսդ, ու ասել ա արի ինքնամաքրվենք: Դու էլ պաս ես սկսել պահել: Մեծ պաս, քրիստոնեական: Հը՞, գործ ես սարքում էլի՞: Չհամարձակվե´ս: Գրի´, ուղղակի նստի ու պատմի ինքդ քեզ ու ինձ, մենք ենք ու մենք, վաղը կջնջես: Հա կկարդաս, լավ, հետո կջնջես:
Հոգնել ես, գիտեմ, մեջքդ ցավում ա: Մի քիչ էլ` ու պըրծ: Դե գրի: Պասը պահել ես, միս, յուղ, կաթնեղեն չես կերել ու ձեռնաշարժությունդ էլ թարգել ես էդ վախտ, ասել են չի կարելի: Մտածե՞լ ես: Հա, ապրես: Փորփրել ե՞ս քեզ: Յախկ ես ման եկե՞լ: Ճարե՞լ ես: Հա, էն վախտ ունեիր: Ալկոհոլ էիր ման գալիս, որ ուղեղդ անջատես: Ալկաշ չէի՞ր: Հա ո՞վ ա ասում ալկաշ էիր, բայց ամեն հարմար առիթ բաց չէիր թողնում, որ հարբես: Բայց խի՞: Գնա, գնա ծխի, կակռազ կմտածես` կհիշես, գնա: Չկարդաս մենակ մինչեւ չպրծնենք, խնդրում եմ:
Բարով հետ եկար: Խի՞ ես ծխում: Մերդ չի սիրում, մի ծխի, ի՞նչ կա ո՞ր: Հաճելի ա: Բա ասում ես կախվածություն չունես նիկոտինից: Ֆետիշ ես սարքել էլի քո համար: Կախվածություն, որից փախչում ես: Ցավում ա, գիտեմ, ցավելով նստի, ու գրի: Մատերդ փաթ են ընկնո՞ւմ: Բա սիրահարական նամակներ գրելուց խի՞ փաթ չէին ընկնում, նստել ես, գրել, էն խեղճին ստիպել ես իրան վատ զգա: Որ ի՞նչ: Հա, էլի քո կպչան իդեան ա, որ քեզ չի թողնում հանգիստ ապրես, կողակից ես ման գալիս, կեսիդ: Ողջունելի ա, բայց նա հո պարզ ա, որ քո կողակիցը չի, ու չի էլ լինի: Ընկեր, հա, կարա, շատ լավ ընկեր, նմանը չես ունեցել,համենայն դեպս մտքովդ էլ չի անցել, որ Հայաստանում կարա տենց տղամարդ լինի ու ընկեր դառնա, որովհետեւ իսկական ա, չի խաբում: Ասում ա ինչ մտածում ա քո մասին: Հենա, ստիպել ա, եկել ես նստել ու ինքդ քո հետ զրույց ես անում:
Մի ուղղի, հետո: Փոշմանե՞լ ես: Խի՞: Վախել ես չըլնի էլ տենց ընկերդ: Բա որ սեր էիր գրում չէի՞ր մտածում: Էլի սեր-մեր ես հնարել, չէ՞, չես հնարե՞լ: Բա ինչ: Մեռա՞վ մի օրում սերդ: Սովորում ես սիրե՞լ անշահախնդիր: Յա՜, էս էլ տեսանք, մեղա՜, մեղա՜.. Բացականչական նշանը թո, հետո կդնես: Համ էլ չես դնի, մեկ ա ջնջելու ես: Տենանք, ո՞նց կանես: Կուզես կարդա ընկերդ, չէ՞, որ ասի ապրես, Լուսինե: Ողջունելի անկեղծություն ա: Չէ՞: Բա ի՞նչ: Ինչիդ ա պետք որ կարդա էդ դեպքում: Որ իմանա դու ո՞վ ես: Բա դա ինչի՞: Խի՞ հետ դառար, ստորակետ դրիր, ուրեմն հավակնում ես, որ կարդալու են: Հա ասա, ասա: Ասա ես գրում եմ, ուզում եմ ինձ կարդան: Ուզում եմ ինձ հասկանա ինչքան հնարավոր ա շատ մարդ, ուզում եմ հերս սկզբից ամաչի իմ գրածները կարդալով, հետո նստի, մտածի, թե խի՞ ինքը չի քո հետ էսքան բան խոսել, որ դու վեր չկենաս համայն աշխարհին պատմես, դու ո՞վ ես, որ նա էլ կարդա: Որ քեզ սիրի՞: Չէ: Ճանաչի՞: Հետո էլ, երբ որ շոկն անցնի, հպարտանա՞ որ իրա Լուսինեն կարա իրան լսացնի:
Լավ: Հասկացանք: Հիմա գրի պասիդ մասին: Պասդ ի՞նչ տվեց քեզ: Մաքրեց մասամբ: Դառար զուլա՞լ: Չէ, ուղղակի հատակդ սկսեց երեւալ: Հասկացար, որ էդ ալկոհոլը քեզ պետք էր քեզանից փախչելու համար, ոչ թե իրականությունից, ոնց դու էիր պնդում: Էն էլ եթե գլուխդ կես տարի չցավեր, չէիր հասկանա: Պասդ պրծավ, ու զատիկի օրը գլուխդ սկսեց պայթել: Մեջիդ սաղ յախկերը գնացին մտան գլուխդ, ու չկարացին դուս գան, էնքան շատ էին: Սկսեցիր ցավի հետ ընկերանալ էլի: Ցավով քնում էիր, ցավով արթնանում: Քեզ պատմի, քեզ: Ի՞նչ ձեւի ցավ էր: եւ-ի պոչը գրեցիր էլի, ձեռիդ կխփեմ, ասի մի ուղղի, չէ՞: Չլացես, մեկ ա չի լացվի: Հիմա լացելու օր չի: Հիմա էս օրն ա, քո ինքնամաքրման օրն ա:
Ցավդ սենց էր: Գլխիդ մեջ ոնց որ մի լիքը պարկ լիներ, ահավոր լիքը, էնքան լիքը, ու օտար, որ ուզում էր ճղեր գանգդ ու ժայթքեր Վեզուվի նման: Վերեւից էլ մեկը չէր թողնում ու հրում էր ներս, ու դու տենց ապրում էիր, դեղ-բան չէր օգնում դեղը ցավն ա հանգստացնում ցավի պարկի ծանրության ու ծավալի ճնշումը չի հանում: Բայց որ պայթեր հանկարծ, սաղին կյախկոտեր: Ամաչում էիր:
Լավ ուղղի, թողում եմ: Չիստիմ-բլիստիմ ես անում տողերդ, փոխանակ քեզ անես: Ցավդ դուս գալու ոչ մի անցք չուներ, մեջդ էլ չէիր կարա էլ տեղավորես, որովհետեւ տեղ չկար, մարսվել էր արդեն, պիտի արտաթորվեր: Մեղքի զգացումդ էլ էր ցավ: Ամոթդ էլ: Էն որ քեզանից ինքդ սարսափեցիր, որ ուզում ես ծնողներիդ մահը, մենակ թե դու քո ուզածով ապրես: Ուզածդ ի՞նչ էր: Պիվեն մի ձեռդ, սիգարեթը մյուս փողոցներով թրեւ գալ աննպատակ, հլա մի հատ էլ վրից նարկոտիկներով համեմել, հետո էլ սերեր հնարելով, որ աչքիդ բոզ չերեւաս, տղամարդիկ փոխե՞լ: էդ էր ուզածդ:
Հա էն վախտ էդ էր: Կյանքդ մի մեծ հաճույք էր, կայֆ էր, որ ձեռիցդ առել էին, ու հոգեւարքի մեջ ահավոր բաներ էիր մտածում: Սարսափեցիր քեզ հաճախած մտքից, մեղքի զգացում առաջացավ: Մեղքի զգացումը քեզ օգնեց, ինչ ուզում են ասեն, քո քրիստոնեական Աստվածը քեզ պահել-պահպանել ա էսքան տարի, գուցե եւ կյանքեր, իսկ հիմա դու իրա ավետարանում գրած մեղքի զգացումը անվանում ես սխալ: Հա, լավ, պարարտացրեց: Լավ ա Հայկն էլ էդ միտքը տվեց, թե չէ, որտեղից էիր ատմազկա ճարելու, ասելու էիր յախկն ի՞նչ անեմ:
Դե էն վախտ Հայկ չկար, դու էիր ու քո ցավը: Էն վախտ ինքդ քո մեջ տապակվում էիր, եփում էիր, գանգիդ կրիշկեն հեսա-հեսա թռնելու էր: Ու էլի խենթանալու էիր: Բա ի՞նչ եղավ ցավդ: Ո՞ւր կորավ: Չքվե՞ց: Ո՞նց: Էնքան պահեցիր մեջիդ յախկերը, որ իրանք իրանց դառա՞ն ինքնոչնչացնող պարարտանյութ: Չտեսնվա՜ծ, չլսվա՜ծ բաներ ես ասում Լուսինե աղջիկ: Չեմ հավատում:
Առավոտը վեր կացար,անցյալ տարի էս օրերն էր կարծեմ, ու տեսար ցավ չկա էլ: Մի տեսակ քեզ մեղկացիր, տկլոր զգացիր, էդքան ամսվա ընկերներդ չքվեցին մեկից: Բայց թեթեւացար, ու երջանիկ զգացիր: Տեսար արեւը, ծառերը, աշնանային մռայլ օրը ի՞նչ արեւ: Հա, գիտեիր որ կա: Լավ: Հետո գնացիր գործի, ամեն ինչ նույնն էր, բայց ցավդ չկար: Նայեցիր աջ, ձախ, ոնց որ փնտրեիր, ոնց որ ասեիր ո՞ւր ես, ցավ ջան, ես քեզ արդեն սովորել եմ հետ արի, ախր ես հիմա սաղին սիրում եմ, ինձ էլ եմ սիրում, կյանքը հիասքանչ ա, էլ յախկ չի: Բայց ի՞նչից, ո՞նց:
Հիշեցիր, որ կար մի հատ իմաստուն` Բուդդա Շակյամունին, որ լիքը որոնումներ էր արել կյանքում, տրվել էր հաճույքների ստվածներին էլ, զրկանքների աստվածներին էլ, օրերով էլ մեդիտացիաներ էր արել, ու նենց էր թուլացել, որ ծանծաղուտից դուրս գալուց, քիչ էր մնացել խեղդվի: Դուրս էր եկել, ու հասկացել: Ի՞նչ էր հասկացել: Չես հիշում, բայց հիշում ես, որ դառել էր լուսավորյալ, ազատվել էր իրա ցանկություններից, լավի ու վատի, սիրո ու ատելության, մեղքի ու թողության, կյանքի ու մահվան համեմատական երկակիությունից, դադարել էր փնտրել, որովհետեւ մեռնելուց մարդ չի փնտրում, մեռնում ա, ու պատասխանը եկել էր ինքն իրան մտել էր գլուխը:
Ու հասկացել էր, որ փնտրել չկա, հարց չկա, պատասխան չկա, կյանք չկա, մահ չկա: Որ մտածել չկա, որ դա ամեն ինչից վեր ա, ու գալիս ա հանկարծակի, երբ դադարում ես մտածել, քեզ քրքրել ու փորփրել: Պահ ա: Ու միայն պահ: Ուրիշ ոչինչ: Ու եթե ապրում ես, պիտի ապրես պահի մեջ, ինքնաբուխ, ձգտես վնաս չտաս, եթե կարաս` օգնես, չսիրես ու չատես, լավ ու վատ չլինես, այլ ուղղակի լինես: Դա էլ չես հասկացել, մտել ես, ման ես եկել ինտերնետում ու բուդդիստկի ֆորում ես գտել, չնայած երեք տարի նույն բանը yandex-ում գրել ես, ու բան չի բերել, էդ օրը գրել ես ու քեզ փեշքեշ ա եկել: Սկսել ես շփվել բուդդիստների հետ, հարցեր տալ, հետո ասել են, որ ամեն մարդ ինքը պիտի գտնի իրա ճշմարտությունը: Դու էլ համարել ես, որ եթե ցավդ չքվել ա, ու դու վայրկյանական պայծառացում ես ապրել, ուրեմն բուդդիստ ես: Բայց նստել ես, պրպտել ես, ու նորից մոլորվել ես: Հետո դառել ա սովորություն բուդդիստկի ֆորումը, սկսել ես մտքերդ ընդեղ գրել ու զգացել ես, որ տանում ա քեզ, էլի սկսում ես քեզ չգրել:
Ոնց որ մտքերը հորդան քո մեջից, բայց քոնը չլինեն: Բա ո՞ւմն են էդ դեպքում: Ասել ես` լա՜վ է, գրեմ` հետո կկարդամ: Ու տեսել ես, որ էդքան էլ անկապ բան չես անում, որ գրում ես, հետո կարդում ես քո գրած, քո մտա-ծնած, բայց ոչ քո մտքերը, դրանք դառնում են քոնը: Ոնց որ վերեւից մեկը քեզ թելադրել ա նենց, որ դու գրես, հետո ընկալես: Հիմա էլ ես տենց անում, արա, ապրես: Հենա, ուշքի ես գալիս կամաց-կամաց: Հասկացել ես, թե վերեւից են ասել, թե ներքեւից, կարեոր չի, որ սաղ սուտ ա: Ինչ էլ անես, ինչ էլ ուզես հասկանաս, փնտրես, լավը դառնաս, ոչինչ չի փոխվելու, ուղղակի պիտի ապրես, հենց նենց, ոնց ապրվում ա: Մանտրաներ ես կարդացել, շնչառություն ես հաշվել, բուդդայական ֆորումում էլ ես հասցրել ամուսին ման գաս, սեր ես հնարել, քիչ էր մնում հաջողվեր արդեն, բայց Խամյակդ վախեցել ա, ու չքվել ա:
Վատ ես քեզ զգացել, ուզել ես ասես բուդդիզմի մերը, հետո մի շատ լավ ընկերդ, որ ձեն-վարպետ ա, ասել ա քեզ, Լուսինե դու ի՞նչ ես ուզում, եթե ուզում ես ազատվես Սամսարայի տանջանքներից, ապա ինչի՞ ես նորից կախվածություն փնտրում: Դե դու էլ ասել ես` հա, լավ, շահադիտական նկատառումներվ, նենց էլի, որ Հայաստանում բուդդիզմ չկա, որ պրակտիկա նորմալ հնարավոր չի, որ չես կարա մենակ լինես, սենց հարցերում ուսուցիչ ա պետք: Հետո ասել ա, որ բուդդիզմն ու անձնական երջանկությունը շատ հեռու բաներ են իրարից, դու էլ սկսել ես համակերպվել էդ մտքի հետ ու ուղղակի ապրել: Վատ ես ապրե՞լ: Չէ:
Հիմա սկսել ես հայերեն գրել, իսկ ի՞նչ ա փոխվել: Հայերեն նենց չի՞: Բայց քո լեզո՞ւն ա, ախչի°: Հը՞ էլի մտածում ես, թե դառավ պատմվածք` քո կյանքը բուդդիզմի մուտք գործելու մասի՞ն: Հո դու գրող չե՞ս: Չէ՞: Բա ինչի՞ ես տենց բաների մասին մտածում,, դու քո մտքերը ստեղնաշարի վրա հավաքող ես, ո՞վ ա ասել, որ դա կարա մարդկանց հետաքրքրի կամ ի՞նչ որ բան տա: Դե բան չեմ ասում կարող ա եւ տա: Բայց դա ինքնանպատակ մի սարքի, ցավդ տանեմ, թե չէ էլի յախկեր կհավաքվեն գլխիդ մեջ ու էս անգամ ավելի ուժեղ, որովհետեւ ռեակցիա կտա: Դե ստեղ էլ վատ չէիր սկսել, նստել էիր ու կյանքիդ պատմությունն էիր գրում, անալիզ անում:
Մինչեւ չսկսեցիր մտածել լավ ա դա, թե՞ վատ: Ի՞նչ կմտածեն մարդիկ քո մասին: Տատդ ասեց, վա՜յ խնդրում եմ անունդ փոխի: Դու էլ ասեցիր չէ, տատի ջան, ես ուզում եմ, որ սաղ իմանան, համ էլ գրականություն ա, էդ ո՞վ ա ասել որ Նաբոկովը տասնիրեքամյա Լոլիտա ա ունեցել, հիմա տարբերություն չկա, անունն Անուշ ա հերոսուհիս, թե Լուսինե: Իմ հերոսուհիների սաղի անուններն էլ Լուսինե կլնի, եթե առաջին դեմքից ա: Որովհետեւ սաղ էլ Լուսինե են, սաղ էլ իմ նման յախկեր ունեն, ու սաղ էլ ուզում են ազատվեն, բայց մարդ կա` չի հասկանում, որ դա պետք ա, ես հասկացել եմ:
Հասկացել եմ, որ ամենաիսկական կայֆը դա ա: Մարդ կա` ռիսկ չի անում ինքն իրա հետ խոսա, ու տենց սաղ կյանքում մնում ա ինքն իրան գերի: Ես բորվոք կարմա ունեմ: Ես բարվոք մարդկանց եմ հանդիպում: Ինձ դուխ են տալիս: Ես Լուսինեն եմ: Ես յախկեր ունեմ: Ես վախեր ունեմ: Ես սեքս եմ ուզում: Ազատություն, որ կարեւոր չի, էլի պատրանք ա, բայց հիմա պետք ա, որովհետեւ պետք ա: Որովհետեւ պետք ա ազատություն գոնե էն մակարդակի, որ կարաս վախտին ազատ յախկին յախկ ասես, հանես շպրտես, կամ էլ սարքես Հայկի ասած պարարտանյութ, ու սկսես ինքդ քեզ էլ պարարտացնել, ինչո՞ւ չէ, դավայ, ով էլ կուզի, նրան էլ: Էլ չի գրվո՞ւմ: Ուրեմն մի գրի:
Էլ յախկ չկա:
Էլ ձեւ չկա:
Ապրենք մենք:
Մենք Լուսինեն ենք:
Մենք չենք վախում ինքներս մեզ, ու մարդկանց ասենք ինչ յախկեր ունենք:
Ազատության հոտ ա գալիս: Երնեկ կլինի, եթե ամեն մարդ նստի, ու իրա յախկերը հիշի, թվարկի, ու արտաթորի:
Ու թող դառնա պարարտանյութ:
Ազգն էլ կպարարտվի, մենթալիտետն էլ կազատվի յախկերից:
Հիմա կարաս կարդաս էլ, ուղղումներ էլ անես: Մենակ էլ ձեւ չանես:
Ո՜ւֆ, էս անգամ լավ պրծանք, մեծ յախկերից պրծանք, մնաց մանրերը: Չնայած մեծ ու մանր էլ չկա: Յախկ էլ չկա: Ոչ մի բան չկա: Կարեւորը պրոցեսն ա, կայֆը պրոցեսն ա, ինքնաբուխ ինքնամաքրումը:
Լուսինե Վայաչյան
2005 սեպտեմբեր
Հունիսի 17-ին, ժամը 23-ի սահմաններում «Հարսնաքար» ռեստորանային համալիրում դաժան ծեծի ենթարկվեցին ռազմական հոսպիտալի բժիշկներ Էդգար Միկոյանը, Արկադի Աղաջանյանը, Գարիկ Սողոմոնյանը, Արտակ Բայադյանը և ՊՆ կենտրոնական կայազորի ռազմական հոսպիտալի ԼՈՌ բաժանմունքի պետ, բուժծառայության մայոր Վահե Ավետյանը: Վերջինս ծայրահեղ ծանր վիճակում է գտնվում: Հարուցվել էր քրեական գործ ՀՀ քրեական օրենսգրքի 112 հոդվածի 1-ին մասով:
Այս միջադեպը հասարակական լայն հնչեղություն ստացավ: Քաղաքական ու հասարակական դաշտը դատապարտեց այս միջադեպը:
Այսօր ՀԱԿ-ը հանդես եկավ հայտարարությամբ, իսկ քաղաքական գործիչների կարծիքները այս միջադեպի առիթով ներկայացնում ենք ստորև.
Ռուբեն Հակոբյան-Հասարակական լայն ուշադրության շնորհիվ է, որ այսօր «Հարսնաքարում» տեղի ունեցածը ծածկադմփոց չեղավ.«Միայն այս համակարգում է հնարավոր նման պահվածք, միայն նման համակարգի արժեքներով ձեւավորված հասարակությունում է հնարավոր այսպիսի վայրենություն, ինչ տեղի ունեցավ «Հարսնաքարում»,- նշել է նա:
Ռազմիկ Զոհրաբյան- «Հարսնաքարի» դեպքը և նմանատիպ նախորդ մյուս դեպքերն, իհարկե, դատապարտելի են: Այս մասին, այսօր` հունիսի 25-ին, մամուլի ասուլիսում նշեց ՀՀԿ խմբակցության պատգամավոր Ռազմիկ Զոհրաբյանը:
Նրա խոսքով, մենք ասում ենք, որ Եվրոպայից ենք, բայց մի քանի բաժակից հետո իրար ծեծում ենք: «Անվտանգության աշխատակցի պատականությունը ծեծելը չէ, պետք է հանգստացնեն: Նորից եմ ասում, տեղի ունեցածը մշակույթի բացակայությունից է գալիս: Տեսեք Հայաստանում ինչքան ռեստորան կա: Պատկերացրեք, որ ամեն օր նման բան լիներ»,- ավելացրել է Ռազմիկ Զոհրաբյանը:
Արձագանքելով իրավապաշտպան Արթուր Սաքունցի այն առաջարկին, որ պետք է դրվի Ռուբեն Հայրապետյանի մանդատի հարցը, նա ասաց, որ Ռուբեն Հայրապետյանը միայն սեփականատեր է եւ պատասխան պետք է տա այն անձը, ով խախտել է կարգը: Ռազմիկ Զոհրաբյանը նաեւ նշեց, որ ինչպես կարդացել է մամուլից, բժիշկները խմած են եղել: «Մարդիկ կան, որ իրենց տիրապետել են, մարդիկ կան` ոչ»,-ասել է նա:
ՀՀԿ Հակոբ Հակոբյան— Ռուբեն Հայրապետյանը մասնակցե՞լ է ծեծին, որ մեղադրենք Հայրապետյանին։ Զարմանալով լրագրողներից մեկի այն հարցին, թե տեսնո՞ւմ եք Ռուբեն Հայրապետյանի մեղքը «Հարսնաքարում» տեղի ունեցած միջադեպին՝ ասաց ՀՀԿ–ական պատգամավոր Հակոբ Հակոբյանը.«Կա արդարադատության փիլիսոփայություն, կան իրավապահ մարմիններ, որոնք զբաղվում են այս գործով, ես կարծում եմ, որ պետք է համբերատար հետևել։ Կա ծեծ, կան ծանր վիրավորված մարդիկ, թող զբաղվեն, եկեք սպասենք։ Ես ասում եմ, որ ցավալի դեպք է եղել»,– ասել է նա:
Ստեփան Սաֆարյան— «Անպատժելիության մթնոլորտն է, որի հետևանքով երկրում գործում է սամասուդի ինստիտուտը։ Խոստովանեք, որ լինելով իշխող կուսակցություն, չկարողացաք վերահսկել բիլակավոր սափրագլուխների գործունեությունը»։
«Ֆրանս Պրես» գործակալությունը հաղորդում է, որ Չինաստանի հարավ-արևմուտքում` Պեկինից 2340 կմ հեռավորության վրա, 5.7 մագնիտուդ ուժգնությամբ երկրաշարժ է տեղի ունեցել, ինչի հետևանքով 4 մարդ զոհվել, ևս 100-ը վնասավածքներ են ստացել: Փրկարար ծառայություններն արդեն աղետի գոտի են ուղարկել առաջին օգնության անհրաժեշտ պարագաներ` վրաններ,տաք ծածկոցներ և հագուստ:
Երկրաշարժից առավել տուժել է Յուան և Չժուան մարզերի սահմանային հատվածը, որտեղ շինությունների մեծ մասը փլուզվել է: Ի դեպ,անցյալ տարվա մարտին նույնպիսի ուժգնությամբ ևս մի երկրաշարժ էր տեղի ունեցել նույն հատվածում, ինչի հետևանքով 25 մարդ էր զոհվել և հազարավոր շինություններ էին փլուզվել:
-
-
13.04.2024 | 01:26
Վթարի հետեւանքով մահացած բոլոր չորս զինծառայողները ժամկետայիններ էին. -
13.04.2024 | 12:28
Փաշինյանի «լռությունը» վախեցնում է «ուսապարկերին»․ «Հրապարակ» -
13.04.2024 | 01:57
Մենք այլևս չունենք ԱԱԾ, այդ հաստատությունը Նիկոլի ռեժիմի հերթական գործիքն է․ Կարեն Վրթանեսյանը՝ ԱԱԾ կողմից հայ զինվորների նկատմամբ քրեական վարույթ նախաձեռնելու մասին -
13.04.2024 | 01:06
Արարատի մարզում հայտնաբերվել է 36 կգ ոսկի գողություն կատարող կասկածյալներից մեկը․ գտնվել է գողոնի մի մասը -
13.04.2024 | 12:59
Ղազախստանում ձերբակալել են ռուսաստանցու, որը մեղադրվում է տաջիկներին այլ երկրներում պատերազմի մեջ ներքաշելու համար
-
- Տեսանյութ
- Օրվա միտք
- Խմբագրի վարկած
- Ֆոտո
-
Հասցե` Հայաստան, 0023, Երևան, Արշակունյաց 2
Հեռ: +374 (10) 06 06 23 (413, 414), +374 (99) 53 58 26
Էլ. փոստ` armv12@mail.ru -
2010-2011 © Բոլոր իրավունքները պաշտպանված են:
Մեջբերումներ անելիս հղումը armversion.com-ին
պարտադիր է: Կայքի հոդվածների մասնակի կամ
ամբողջական հեռուստառադիոընթերցումն
առանց armversion.com-ին հղման արգելվում է: -
Կայքում արտահայտված կարծիքների համընկնումը
խմբագրության տեսակետի հետ պարտադիր չէ:
Գովազդների բովանդակության համար
կայքը պատասխանատվություն չի կրում:
Բոլոր իրավունքները պաշտպանված են: Copyright “Armversion.com” 2010.