23.04.2024 | 11:42
Ադրբեջանում պահանջել են նաև չորս «անկլավային գյուղերը»...23.04.2024 | 11:23
Վաղը ուշադիր եղեք հատկապես Ոսկեվանի և Բաղանիսի մոտակա դիրքերին․ Նաիրի Հոխիկյան...23.04.2024 | 11:06
Ի՞նչ կապ ունեին Արայիկ Հարությունյանի հարցազրույցի անոնսն ու հետագա «զարգացումնե...13.04.2024 | 13:57
Մենք այլևս չունենք ԱԱԾ, այդ հաստատությունը Նիկոլի ռեժիմի հերթական գործիքն է․ Կար...13.04.2024 | 13:26
Վթարի հետեւանքով մահացած բոլոր չորս զինծառայողները ժամկետայիններ էին....13.04.2024 | 13:06
Արարատի մարզում հայտնաբերվել է 36 կգ ոսկի գողություն կատարող կասկածյալներից մեկը...13.04.2024 | 12:59
Ղազախստանում ձերբակալել են ռուսաստանցու, որը մեղադրվում է տաջիկներին այլ երկրներ...13.04.2024 | 12:28
Փաշինյանի «լռությունը» վախեցնում է «ուսապարկերին»․ «Հրապարակ»...13.04.2024 | 11:29
Գեղարքունիքում զինվորական «ԿամԱԶ» է վթարի ենթարկվել...12.04.2024 | 14:08
Ոսկեպարցի Սամվելի խոհանոցի և հողամասի մի մասը մնալու է ՀՀ-ում, իսկ տունը և տնամե...12.04.2024 | 13:56
Ավազակություն՝ հոր և որդու կողմից. հոր գործը ուղարկվել է դատարան, իսկ որդին ինքն...12.04.2024 | 13:00
Դպրոցներից տարհանման կարիք չկա. ԿԳՄՍ նախարարը` ահաբեկչության կեղծ լուրերի մասին...12.04.2024 | 2:20
Մի կողմից նույն մարդիկ մեզ ասում են, թե «սահման չկա, սահմանները հստակեցված չեն»,...10.04.2024 | 15:10
Ահազանգ ենք ստացել զինվորական ծառայությունից հրաժարվելու հիմքով ՀՀ-ում ապաստանած...10.04.2024 | 14:10
Փաշինյանը Շոլցի հետ հեռախոսազրույցում անընդունելի է համարել Պրահայի, Բրյուսելի և...10.04.2024 | 13:10
Թքած ունեմ նրանց վրա, ովքեր հրաժարվում են «Միր» քարտի ծառայություններից. Պետդում...10.04.2024 | 12:10
Մենք չգնացինք այդ ճանապարհով և հայտնի աշխարհաքաղաքական կենտրոններում որոշվեց հար...10.04.2024 | 11:10
Եթե շատ լինեք, մենք կշրջափակենք կառավարությունը․ Հրանտ Բագրատյան...09.04.2024 | 15:10
Հրաժարվելով ռուսական МИР քարտերից՝ մենք ակամայից հայտնվում ենք պատժամիջոցների տա...09.04.2024 | 14:10
Ուկրաինան և Ռուսաստանն Աբելն ու Կայենն էին. Լեոնիդ Կուչման` Կիև-Մոսկվա հարաբերու...09.04.2024 | 13:10
Մարտական հենակետում երեք զինծառայողի սպանության գործով դիրքի ավագի պաշտպանը դիմե...09.04.2024 | 12:10
Հայկազ Բարսեղյանի սպանության գործով ամբաստանյալները դատապարտվեցին 18 տարի ազատազ...09.04.2024 | 11:10
Կռիվ լինելու ա, ու ես գիտեմ, որ մենք պիտի հաղթենք. Մեր թշնամին էսօր Ադրբեջանում ...08.04.2024 | 15:10
Իսրայելի ՊՆ-ն հայտարարել է Իրանի հետ հարաբերություններում «ցանկացած սցենարի» պատ...08.04.2024 | 14:10
Անիմաստ կրակում են, ոչ մի բան չեն թիրախավորում, երևի վախից է․ Արավուսի նախկին գյ...08.04.2024 | 13:10
ԵԽ-ն Հայաստանի «լամպոչկա» իշխանություններից պետք է պահանջի անհապաղ ազատ արձակել ...08.04.2024 | 12:10
270 մլն գնահատվող աշխարհաքաղաքական վեկտորի փոփոխություն և 0 երաշխիքներ․․․Լիլիթ Գ...08.04.2024 | 11:10
Եթե Արևմուտքը Հայաստանին ինչ-որ բան տա, Թուրքիան Ադրբեջանին եռապատիկը կտա. Չավու...06.04.2024 | 14:10
Գրողների միության նախագահը տեղյակ չէ իրենց շենքը թուրքական դեսպանատանը տրամադրել...06.04.2024 | 13:10
«Նիկոլիստներ, սորոսականներ ու արևմտամոլներ, ուշադիր կարդացեք գրածս»․ Էդուարդ Շար...06.04.2024 | 12:10
Բրյուսելում Հայաստան-ԵՄ-ԱՄՆ հանդիպումը «վտանգի ևս մեկ աղբյուր է ստեղծում» Հրվ. Կ...06.04.2024 | 11:10
Որեւէ մեկը չի կարող երաշխավորել, որ Իրանի թիրախներից մեկը չի դառնա Բաքուն. Վարդա...05.04.2024 | 15:10
Ռուսաստանը գրոհել է Ուկրաինան 13 անօդաչու թռչող սարքերով, բոլորը խոցվել են. Ուկր...05.04.2024 | 14:10
8,800 դոլարի և 5 մլն դրամի կաշառք ստանալու համար մեղադրվող պաշտոնյաների վարույթի...05.04.2024 | 13:10
Զորախաչ եկեղեցին՝ ադրբեջանական թիրախում05.04.2024 | 12:10
«Կրոկուս»-ում ահաբեկչության մեջ մեղադրվող անձի հեռախոսում հայտնաբերվել են Ուկրաի...04.04.2024 | 15:10
Ցեղասպանության վտանգը տարածվել է Հայաստանի ինքնիշխան տարածքի վրա. Լեմկինի ինստիտ...04.04.2024 | 14:10
Զազրելի է, որ որոշ թունավոր տհասներ սկսում են հայհոյել դասագիրք կազմողներին՝ իրե...04.04.2024 | 13:10
Թուրքիայում 2 հայի են բռնել, որոնց կոշիկներում 109 հազար դոլարի ոսկու ձուլակտորն...Սոչիում անցկացված միջազգային երիտասարդական փառատոնին Հայաստանի պատվիրակության անդամներին միավորել ու միաժամանակ պառակտել է Արցախի դրոշի ծածանման փաստը։ Նախ՝ լուր է տարածվել, թե «Ռոսիա թըդեյ » հեռուստաընկերության ղեկավար Մարգարիտա Սիմոնյանը հարցազրույց է տվել երիտասարդներին ինչ-որ ցույցերի գնալու կոչերի մասին, որից հետո ՀՀ պատվիրակությանը ետ է կանչվել։
Նկատենք, որ փառատոնին մասնակցել են նաեւ երիտասարդներ՝ Հայաստանի ընդդիմադիր դաշտից, բայց ոչ՝ կառավարության կազմած ցուցակով։
ՀՅԴ Երիտասարդական միության վարչության անդամ Նարեկ Վանյանը «Փաստինֆոյի» հետ զրույցում նշեց, որ փառատոնին մեկնել են Ռուսաստանի հայերի միության հրավերով, թեև դեմ չէին լինի, որ երկիրը միասնական ներկայանար ու անվտանգային հարցերի շուրջ հայամետ գծերը միասնական շեշտադրվեր։
Նրա փոխանցմամբ՝ ՀՀ կառավարության կողմից ուղարկված պատվիրակության մասին իրենք իմացել են միայն մեկնելուց հետո։ ՀՅԴ-ական երիտասարդը նշեց, որ ներկայացված է եղել նաեւ ՀՀԿ երիտթևը, հայ լրագրողներ։
«Արցախի դրոշի բարձրացումից հետո տարօրինակ աղմուկ ենք նկատել, 150 հայերով հավաքվել ենք քննակելու անելիքը»,- պատմեց Նարեկը։
Նրա փոխանցմամբ՝ ՀՀ պատվիրակության ղեկավար ներկայացած Միքայել Մարտիրոսյանն, ով Երևանի ճարտարապետական համալսարանի ուսխորհրդի նախագահն է, փորձել է իրենց համոզել, որ Արցախի դրոշը, դրոշի ստիկերների ներկայությունը զայրացնում է Ադրբեջանի պատվիրակությանը ու կարող է «ավելի սրել հայ-ռուսական հարաբերությունները»։ Նա առաջարկել է հայկական տաղավարը տեղափոխել հյուրանոցի հայկական հատված, որպեսզի դրոշը պաշտպանված լինի, ինչին ի պատասխան երիտասարդներն ասել են , որ իրենք պատրաստ են հերթապահություն սահմանել ու պաշտպանել հայկական պետությունների դրոշները ՝ տեղում։
Միքայելն իրենց առաջարկել է խնդիրը մեղմացող հարցազրույցի գնալ, ինչին ընդդիմադիր երիտասարդները համաձայնություն չեն տվել՝ նշելով, որ նա կարող է հարցազրույց տալ միայն որպես անհատ Միքայել Մարիտիրոսյան, բայց չի կարող խոսել հայ երիտասարդների ողջ պատվիրակության անունից։
Ավելին, Նարեկի նկարագրությամբ՝ նշված միջադեպից հետո իրենց պատվիրակությունը, որը չէր մեկնել կառավարության ցուցակով, ամբողջությամբ անտերության էր մատնվել եւ իրենք ինքնուրույն են փորձել կարգավորել հարցերն ու պաշտպանել ազգային շահը։
Նախ սպասենք պաշտոնական մարմինների արձագանքին, որից հետո մենք կսկսենք գնահատականներ հնչեցնել։ Այսպես է արձագանքել քպական պատգամավոր Վաղարշակ Հակոբյանը՝ պատասխանելով 4 գյուղեր անհապաղ հանձնելու մասին Բաքվի հայտարարության վերաբերյալ լրագրողի հարցին։
Լրագրողը, մասնավորապես, հետաքրքրվել էր, թե հայկական կողմն ինչպես է գնահատում Բաքվի պահանջը ու արդյոք հնարավոր է որեւէ գյուղի հանձնումը նախքան սահմանազատման գործընթացը։
«Շատ կարեւոր եմ համարում, որ փոխանցվող ինֆորմացիան լինի երկկողմանի։ Պետք է խնդրեմ, որ սպասեք մեր պատկան մարմինների պաշտոնական արձագանքին, որից հետո մենք կսկսենք գնահատականներ հնչեցնել»,- ասել է ՔՊ-ական պատգամավորը։
Այդուհանդերձ, Վ. Հակոբյանն անվիճարկելի է համարել, որ Հայաստանն ու Ադրբեջանը պետք է իրականացնեն սահմանազատման ու սահմանագծման գործընթաց։
«էն, որ մենք գնում ենք խաղաղության պայմանագրի ստորագրմանը , սա ևս անվիճարկելի է, էն որ մեզ փորձելու են ներքաշել, սադրել , մեզանից ստանալ անկայունություն, սա ևս , կարծում եմ, որ նոր բան չէ։ Էն որ տարբեր ուժային կենտրոններ կարող է շահագրգռված չլինեն, որ ՀՀ-ն իր անվտանգային հարցերը կարգավորի , սա ևս նորություն չէ, բայց խնդրում եմ բոլորիս, որ սառնասիրտ գնահատենք իրավիճակը և իրականության մասին , ավելի շատ խոսենք քան մեկնաբանենք ինչ որ հայտարարություններ»,- նշել է պատգամավորը։
Նշենք, որ տվյալ պարագայում տրականությունն այն է, որ մարտի 7-ին հայ-ադրբեջանական սահմանին տեղի ունեցած հանդիպումից հետո՝ Ադրբեջանի փոխվարչապետ Շահին Մուստաֆաևի մամուլի ծառայությունը հաղորդագրություն տարածեց 4 գյուղերը՝ Բաղանիս Այրումը, Աշաղի Ասքիպարան, Խեյրիմլին և Գըզըլգաջիլին անհապաղ իրենց հանձնելու վերաբերյալ։
Հայտարարության մեջ նշվում էր նաև, որ Սահմանազատման գործընթացի շրջանակներում կլուծվի նաև Հայաստանի կողմից օկուպացված Ադրբեջանի 4 էքսկլավային գյուղերի (Վերին Ոսկեպար, Սոֆուլու, Բարխուդարլու և Տիգրանաշեն (Քարքի-ադրբ.) ազատագրման հարցը։
Պաշտոնական Երեւանն առ այս պահը չի արձագանքել։
ՔՊ-ական պատգամավորն այդպես էլ խուսափել է ասել, թե արդյոք առանց սահմանազատման հնարավոր համարում են որեւէ տարածքի զիջում Ադրբեջանին, ու խորհուրդ տվել՝ չտրվել ապատեղեկատվության։ Սակայն չի հստակեցրել, թե որն է համարում ապատեղեկատվություն, Ադրբեջանի փոխվարչապետի գրասենյակը նման հայտարարություն չի տարածել ու ադրբեջանական ԶԼՄ-ներն են ապատեղեկատվություն տարածել, թե Բաքվի պահանջի մասին հայ հանուրյանն իրազեկելն է համարում ապատեկատվություն։
Իշխող խմբակցության պատգամավորը, այսքանով հանդերձ, նշել է, թե ցանկացած գործընթաց պետք է լինի տրամաբանության մեջ, ցանկացած գործընթաց համաձայնեցվի Հայաստանի Հանրապետության շահերին։
«Ուզում եմ տեղեկացնել սահմանազատման եւ Սահմանագծման պրոցեսը ողջ աշխարհում լինում է այնպես, որ տարածքներ հետ են գնում առաջ կամ հետ գալիս։ Մենք պետք է ամեն ինչ անենք, որ ՀՀ պետական շահը գործի»,- ասել է նա։
ՌԴ ԱԳՆ-ն հայտնել է, որ ուշադրություն է դարձրել Մեծ Բրիտանիայի պաշտպանության փոխնախարար Ջեյմս Հեպպիի հայտարարություններին, ով պատրաստակամություն է հայտնել աջակցել Հայաստանին «Ռուսաստանից բխող սպառնալիքների» դեպքում, գրում է РИА Новости-ին։
«Մեզ այլևս չի զարմացնում այն փաստը, որ Լոնդոնը դադարել է թաքցնել հետխորհրդային տարածքում իր բոլոր քայլերի հակառուսական բնույթը, այդ թվում՝ Հարավային Կովկասում։ Բայց Հիպիի խոստովանությունները նաև ուղղակի հաստատում են, որ Արևմուտքը ձգտում է Հայաստանը դարձնել տարածաշրջանում իր վարած գծի գործիք՝ ուղղված Մոսկվայի դեմ»,- ասվում է ԱԳՆ-ում։
Դիվանագիտական վարչությունը նշել է, որ այս իրավիճակը Երևանում պատասխանատու քաղաքական գործիչների համար մտածելու առիթ է։
Բուհերի խոշորացման գործընթացի վերաբերյալ հայտնում ենք, որ ՀՀ պետական բուհերի խոշորացման և գիտահետազոտական կազմակերպությունների հետ ինտեգրման գործընթացի շրջանակում ստեղծվել են աշխատանքային խմբեր՝ ոլորտային կազմակերպությունների ներգրավմամբ:
Այս մասին հայտնում են ԿԳՄՍՆ-ից:
Վերջին օրերին զանգվածային լրատվամիջոցներում հրապարակված ցանկը, որի շուրջ առաջացել են թյուրընկալումներ, աշխատանքային խմբերում ընդգրկված կազմակերպությունների վերաբերյալ է, ոչ թե միավորման կամ խոշորացման:
ՀՀ կրթության, գիտության, մշակույթի և սպորտի նախարարության բարձրագույն կրթության և գիտության կոմիտեն խնդրի առնչությամբ հանդես է եկել պարզաբանմամբ, որում, մասնավորապես, նշվում է. դեռևս 2023 թվականի հուլիսին ԿԳՄՍ նախարարի հրավերով ՀՀ-ում գործող բուհերին և պետական գիտական կազմակերպություններին առաջարկվել էր քննարկել և մինչև 2024 թվականի փետրվարի 15-ը ներկայացնել հայեցակարգային առաջարկություններ ՀՀ պետական բուհերի խոշորացման և գիտահետազոտական կազմակերպությունների հետ միավորման գործընթացի վերաբերյալ: Հրավերով ներկայացվել էին նաև այն 6 ուղղությունները, որոնց շուրջ նախատեսվում է կազմակերպել խոշորացման գործընթացը:
Ժամկետի ավարտին ստացվել են համապատասխան առաջարկություններ, որոնց հիման վրա նախապես հայտարարված 6 ուղղություններով ձևավորվել են աշխատանքային խմբերի նախնական կազմերը:
Շահառու կազմակերպությունները, ինչպես նաև ոլորտում գործունեություն ծավալող այլ կազմակերպություններ նախապես առաջադրել են ներկայացուցիչներ, որոնց մասնակցությամբ աշխատանքային խմբերի ձևաչափով առաջիկայում քննարկվելու են խոշորացման գործընթացին, ինչպես նաև կլաստերների կառուցվածքին և կառավարման մոդելին վերաբերող հարցեր:
2023 թ. մարտի 7-ին «Ակադեմիական քաղաք» հիմնադրամի կողմից շահառու բուհերին և կազմակերպություններին ուղարկվել է ՀՀ պետական բուհերի խոշորացման և գիտահետազոտական կազմակերպությունների հետ ինտեգրման գործընթացի շրջանակում ձևավորվող վերոնշյալ աշխատանքային խմբերի կազմը: Բուհերը միաժամանակ տեղեկացվել են, որ աշխատանքային խմբերի կազմերի վերաբերյալ հնարավոր բոլոր դիտարկումները ենթակա են քննարկման աշխատանքային խմբերի առաջիկա հանդիպման ժամանակ:
Կլաստերների կառուցվածքը մշակվելու է աշխատանքային խմբերի առաջիկա հանդիպումների ընթացքում, որոնց ժամանակ քննարկվելու և դիտարկվելու են նաև այդ խմբերի ցանկերում ներառված բոլոր բուհերի և կազմակերպությունների առաջարկները, մտահոգությունները և դիտողությունները:
Միաժամանակ տեղեկացնում ենք, որ Ակադեմիական քաղաքի հայեցակարգով նախատեսվում է 6 կլաստեր՝ դասական, բժշկական, տեխնոլոգիական, կրթական, արվեստների և սպայական:
Սպայական կլաստերի կառուցվածքի և բովանդակության վերաբերյալ քննարկումները հանրային ձևաչափով չեն նախատեսվում՝ հաշվի առնելով ոլորտին առնչվող առանձնահատկությունները:
Ծաղիկ Վարդանյանը ֆեյսբուքյան իր էջում ահազանգում է՝ ԲԿ-ներից մեկում ջրծաղիկ վիրուսային վարակիչ հիվանդություն ախտորոշումով բուժօգնություն ստացող բուժառուի մահվան մասին։
«ԱՀԱԶԱՆԳ
Այսօր, ըստ մեր հավաստի աղբյուրների Երևանի քաղաքապետարանի ենթակայությամբ գործող «Սուրբ Աստվածամայր» բժշկական կենտրոնում ջրծաղիկ վիրուսային վարակիչ հիվանդություն ախտորոշումով բուժօգնություն ստացող բուժառու (Հ..Կ Տ…Ն ծնված 2015թ.) մոտ արձանագրվել է կենսաբանական մահ:
Հավելեմ, որ ըստ միջազգային ցուցանիշի ջրծաղիկ վարակից մահացությունը արձանագրվում է 60000 դեպքից 1 -ի մոտ:
2020թ հունիսն ՀՀ առողջապահության պատասխանատուն փստում էր, որ« Ջրծաղիկի ակտիվությունը Հայաստանում նորմայի սահմաններում է »։ ՀՀ կառավարություն, առողջապահության նախարարություն, այս մահվան դեպքը գալիս է համալրելու այն կարծիքը, որ ձեր վարակ մասնագիտական, կադրային քաղաքականությունը Հայաստանում մեղմ ասած կործանանար է: Դուք խառնել եք առաջնայինը երկրորդայինի հետ, ձեր ներկայացրած ծրագրերը ժամանակավրեպ են և միայն գլխացավանք են առաջացնում հանրության համար, դուք համարում եք, որ ջրծաղիկը կառավարելի վիրուսային վարակ է, բայց ինը տարեկան երեխա է մահանում:
Հ.Գ. վերանայեք ձեր բոլոր ծրագրերը, այլապես այս մահերը մտնելու են նաև ձեր բակերը: Մեր մասնագիտական թիմը այս պահին պատրաստում է հարցում պատկան մարմիններին սույն մահվան դեպքի մասնագիտական մանրամասնութունները պարզելու համար
»,- գրել է ԱՆ պետական առողջապահական գործակալության նախկին պետ Ծաղիկ Վարդանյանը։
ՌԴ ԱԳՆ պաշտոնական ներկայացուցիչ Մարիա Զախարովան կարծում է, որ Հռոմի Ֆրանցիսկոս Պապը, խոսելով Ուկրաինայում խաղաղ կարգավորման մասին, դիմում է Արևմուտքին, որն Ուկրաինան օգտագործում է որպես գործիք իր նպատակներին հասնելու համար:
Փոխանցում է ՏԱՍՍ-ը։
«Ես դա տեսնում եմ այսպես. Հռոմի Պապը խնդրում է Արևմուտքին հրաժարվել իր հավակնություններից և ընդունել սխալը», — ասել է Զախարովան ANSA-ին տված մեկնաբանությունում:
«Ռուսաստանը երբեք չի արգելափակել Ուկրաինայի հետ բանակցությունները»։
Նրա կարծիքով, Ֆրանցիսկոսը դիմում է ոչ թե Կիևին, այլ Արևմուտքին բանակցություններ սկսելու կոչով։
Ավելի վաղ նշել էինք, որ Հռոմի Պապը հայտարարել է, որ ուկրաինական հակամարտությունում պարտվող կողմը պետք է համարձակություն գտնի ընդունելու դա և համաձայնվի բանակցել։
1918-24 թթ. մեր նորագույն պատմության դժբախտությունների, կորուստների ժամանակահատվածն է։ Այս մասին «Փաստինֆո»-ի եթերում ասել է թատերագիր, դերասան Վահրամ Սահակյանն՝ անդրադառնալով իր հեղինակած «Հայոց պատմություն» գրքին։
Դիտրակմանը, թե այսօրվա իշխանությունները պնդում են, որ ժողովրդավարության հաստատման տարիներ են՝ նա պատասխանեց. «Իսկ իշխանություններն ո՞վ են, որ ասեն։ Իմ գրքում գրված է, որ էս ինչ թվին մարդիկ, կաշառվելով, ընկնելով ալիքի տակ՝ սկսած կանգառներից, մինչև սոցցանցեր, հայրենասեր մարդկանց, որոնք պայքարում էին թուրքերի դեմ, ովքեր հայրենիքի համար մտահոգ էին, անվանում էին թուրք, ծախված։ Սենց բան աշխարհում չկա, մարդիկ կային, որ 5000 դրամ էին վերցնում, որ մյուսին ծախված անվանեին», -նշել է Սահակյանը:
Անդրադատռնալով ՌԴ-ի դեմ այսօր տարվող քարոզչությանը՝ նա նաև ընդգծեց, որ Արցախի հանձնումից հետո սոցցանցերում հայտնվում են արտիստներ, կիսաբլոգերներ, որոնք սկսում են նույն բառերով, նույն բաներն ասել։ «Հիմա ես դիմում եմ հանրությանը, հանրություն ջան, եթե տեսնում ես, որ միանգամից մի քանի հոգի նույն բաներն են ասում՝ չե՞ս հասկանում, որ ուզում են քեզ հերթական անգամ մի տեղ տանել։
Ես ազնիվ մարդ եմ, ազնիվ մարդը պատերազմի դեմ է լինում, Ռուսաստանը պատերազմ է սանձազերծել ու արյուն է թափում, հետևաբար ես չեմ կարող լինել ՌԴ-ին պաշտպանող, բայց այն մարդիկ, որոնք հիմա գրում են՝ Ռուսաստանը սենց…Ռուսաստանը նենց… իսկ դուք ենթարկվում եք այդ ալիքին, վաղը մյուս օրը, երբ նորից պատերազմ լինի, կորուստներ լինեն, Եռաբլուրը էլի մեծացնեն, այդ ամեն բանի համար մեղավորը, ժողովուրդ ջան, դու ես լինելու։ Քեզ ասելու են՝ ձեր ուզածը չարեցի՞, դուք չէի՞ք ասում ՝ Ռուսաստանին հանի էստեղից, հիմա ես էլ հանել եմ Ռուսաստանին։ Ֆրանսիայից, սրանից-նրանից գնացել՝ զենք եմ բերել, ես մեղավո՞ր եմ դրա համար։ Դուք եք լայքել, դուք չէի՞ք ասում՝ հանի։ Մի քանի ամիս հետո, երբ ավեր, ցավ, մորմոք, պատերազմ լինի՝ էդ ամեն ինչի համար մեղավորներն ասելու են՝ ժողովուրդ ջան, դուք եք, դուք էինք ուզում։
Դուք էլի ընկնում եք մանիպուլիացիայի տակ, ու դա անում են մարդիկ, որ հիմա խոսում են էն մասին, թե իրենց խաբեցին։ Հիմա դուք ինչի՞ եք նորից խաբնվում։ Ինչի համար։
Արցախի անցնցում հանձնելը էդ նույն բլոգերներն արեցին, ընդ որում՝ 8 հատ ղարաբաղցի բլոգեր», — հայտարարել է բանախոսը։
Նա նշեց, որ նույն քարոզչությունն է, երբ հիմա ոմանք ասում են, թե «մեկա տալու էին հողերը», ես էլ ասում եմ՝ մեկա չէին տալու։
«Արցախը հանձնելու օրը փողոց է դուրս եկել 4300 մարդ, կես միլիոնանոց Երևանում՝ միայն 4300 մարդ։ Հիմա էլ մարդիկ կան, ասում են՝ Արցախը մեկա տված էր, մեկա տալու էին։ Էդ մարդը գժանոցում փակված չի, ասում է 30 տարի առաջ էին տվել, 30 տարի առաջ դեռ չէին ազատագրել, էդ ո՞նց էին տվել», — տարակուսած ասել է թատերագիրը։
Ֆրանսիայի նախագահ Էմանուել Մակրոնը ՏՖ1 հեռուստաալիքին տված հարցազրույցում առաջին անգամ պատասխանել է լուրերին այն մասին, թե իր կինը՝ Բրիջիթը, իբր տղամարդ է ծնվել:
«Ամենավատ բանը կեղծ տեղեկությունն է», — մեկնաբանել է նա իր կնոջ հասցեին ուղղված հարձակումները:
Մակրոնը խոստովանել է, որ այդ ասեկոսեներն իր մեջ զայրույթ էին առաջացնում: Նա նաև ընդգծել է, որ կանայք ստիպված են պայքարել նախապաշարմունքներ ունեցող մարդկանց կողմից նման զրպարտության դեմ:
2022 թվականին առաջին տիկին Բրիջիթ Մակրոնը դատի է տվել երկու կանանց, ովքեր համացանցում կեղծ լուրեր են տարածել, որ ինքը տրանսգենդեր է։
Մեծ Բրիտանիան ընդունում է Հայաստանի իշխանությունների որոշումը՝ սառեցնել անդամակցությունը Հավաքական անվտանգության պայմանագրի կազմակերպությանը (ՀԱՊԿ) և պատրաստ է աջակցություն ցուցաբերել Ռուսաստանի «սպառնալիքներից»։ Այդ մասին հայտարարել է թագավորության պաշտպանության փոխնախարար Ջեյմս Հիպին: Հայտնում է Sputnik Ռադիոն` հղում անելով RT–ին ։
«Մեծ Բրիտանիան ընդունում է այդ որոշումը (սառեցնել ՀԱՊԿ անդամակցությունը -խմբ.) որպես Հայաստանի սուվերեն իրավունքի իրացում։ Բրիտանիան պատրաստ է նաև համագործակցել եվրաատլանտյան դաշնակիցների հետ՝ Հայաստանին աջակցություն ցուցաբերելու համար՝ ի դեմս Ռուսաստանի պատասխան գործողությունների սպառնալիքների»,– ասել է Հիպին։
Նա բրիտանական խորհրդարանի գրավոր հարցմանն ի պատասխան ընդգծել է, որ Լոնդոնը շարունակելու է սերտորեն համագործակցել Երևանի հետ՝ փնտրելով համագործակցության խորացման ուղիներ:
Ռուսաստանի գիտությունների ակադեմիայի Եվրոպական ուսումնասիրությունների կենտրոնի աշխատակից Վլադիմիր Օլենչենկոն կարծիք է հայտնել, որ այսպիով Արևմուտքն ուզում է Հայաստանին ներքաշել եվրոպական կառույցների մեջ:
«Այդ մտահղացումը դեռ կար, երբ Փաշինյանին իշխանության էին բերում։ Հենց դա է երևի պատճառը, որ նրա ձեռնարկած քայլերն ուղղված են Հայաստանի մեկուսացմանը։ Թեև դա հակասում է պատմական ավանդույթին, բնակչության շահերին և ողջախոհությանը։ ԱՄՆ-ն հետաքրքրված է Հայաստանով՝ որպես Ռուսաստանին նյարդայնացնող գործիք։
Այս առումով նրանք ինչ-որ մեկին հանձնարարում են բարձրաձայնել իրենց ռազմավարությունը, այս դեպքում ՝ Մեծ Բրիտանիային։ Հաշվի առնելով այն, որ Երևանը դիտարկում է ԵՄ – ին անդամակցելու հնարավորությունը, այդ ամենը կարծես միասնական պլանի տարրեր լինեն»,-RT-ի հետ զրույցում ասել է փորձագետը։
Կան կասկածներ, որ մեր տարածաշրջանում տեղի ունեցած ոճրագործություններից, Լեռնային Ղարաբաղից՝ իրենց հայրենիքից հայերի բռնի տեղահանումից հետո, Ադրբեջանը կարող է ունենալ հետագա ծրագրեր, շարունակել իր նկրտումները ՀՀ ինքնիշխան տարածքի նկատմամբ։ Այս մասին «TRT World»-ին տված հարցազրույցում ասել է ՀՀ ԱԳ նախարար Արարատ Միրզոյանը՝ խոսելով Ադրբեջանի հետ խաղաղության պայմանագրի շուրջ քննարկումների մասին:
Հարցին, թե ինչպես է գնահատում խաղաղության հեռանկարները, իրական խաղաղության, ամբողջական կարգավորման, ոչ զինադադարի եւ ի՞նչ փուլի են հասել, Արարատ Միրզոյանը պատասխանել է.
«Հիրավի, Ադրբեջանի հետ մենք քննարկում ենք ոչ թե զինադադար, այլ խաղաղության հասնելու գործընթաց։ Մենք բանակցում ենք խաղաղության պայմանագրի նախագծի շուրջ, կան նաև այլ քննարկումների հարթակներ։ Կայացել են հանդիպումներ երկրների ղեկավարների մակարդակով, բանակցություններ արտաքին գործերի նախարարների միջև։ Շատ բաների շուրջ մեզ հաջողվել է համաձայնության գալ, բայց կան առանցքային, շատ կարևոր հարցեր, որոնց շուրջ կողմերի դիրքորոշումները դեռ հեռու են իրարից։ Կցանկանայի նշել մի քանիսը՝ առավել կարևորները։
Նախ, առաջինը տարածքային ամբողջականության, սահմանների ճանաչման և հետագա սահմանազատման գործընթացի ապահովման հարցն է։ Երկու երկրները 1991 թվականին ստորագրել և վավերացրել են փաստաթուղթ, որով ճանաչել են միմյանց տարածքային ամբողջականությունը, սահմանները։ Դա Ալմա-Աթայի հռչակագիրն է։
Առանց շատ մանրամասների նշեմ, որ դա այն փաստաթուղթն է, որով ԽՍՀՄ տասներկու հանրապետություններն ընդունել են, որ, նախ, ԽՍՀՄ-ը դադարել է գոյություն ունենալ, և երկրորդ՝ նրանց միջև վարչական սահմանները ճանաչվել են որպես միջպետական, միջազգային սահմաններ։ Հայաստանն ու Ադրբեջանն այդ հանրապետությունների շարքում էին։
Վերջին շրջանի բանակցությունների ընթացքում երկու երկրների ղեկավարները վերահաստատել են հանձնառությունն Ալմա-Աթայի հռչակագրին, դրա սկզբունքներին, մասնավորապես 2022թ. Պրահայում, հաջորդիվ Սոչիում, Բրյուսելում, նաև այլ առիթներով։
Ուստի, երկու երկրները վերահաստատել են, որ ճանաչում եմ միմյանց տարածքային ամբողջականությունը և համաձայնել են հետագա սահմանազատման գործընթացն իրականացնել Ալմա-Աթայի հռչակագրի, 1991թ. սահմանագծի հիման վրա։
Այդուհանդերձ, այժմ, երբ մենք ցանկանում ենք խաղաղության պայմանագրում հղում կատարել Ալմա-Աթայի հռչակագրին, նշելով այն, ինչ ես քիչ առաջ նկարագրեցի, ոչ ավելին, մենք տեսնում ենք Ադրբեջանի կողմից դժկամություն ստորագրել այդպիսի փաստաթուղթ. նրանք պարզապես տեքստից հեռացնում են այդ հղումը, հատվածը։
Սա առնվազն հարցեր է առաջացնում ՀՀ դիվանագետների շրջանում, քանզի կան կասկածներ, որ մեր տարածաշրջանում տեղի ունեցած ոճրագործություններից, Լեռնային Ղարաբաղից՝ իրենց հայրենիքից հայերի բռնի տեղահանումից հետո, Ադրբեջանը կարող է ունենալ հետագա ծրագրեր, շարունակել իր նկրտումները ՀՀ ինքնիշխան տարածքի նկատմամբ։
Խուսափելու համար նմանօրինակ սցենարից կամ սխալ ընկալումից, եթե դա սխալ ընկալում է՝ Ադրբեջանը կարող է պարզապես ստորագրել իմ նշած տեքստի ներքո, վավերացնել այն»։
-
-
23.04.2024 | 11:06
Ի՞նչ կապ ունեին Արայիկ Հարությունյանի հարցազրույցի անոնսն ու հետագա «զարգացումները». «Փաստ» -
23.04.2024 | 11:42
Ադրբեջանում պահանջել են նաև չորս «անկլավային գյուղերը» -
23.04.2024 | 11:23
Վաղը ուշադիր եղեք հատկապես Ոսկեվանի և Բաղանիսի մոտակա դիրքերին․ Նաիրի Հոխիկյան
-
- Տեսանյութ
- Օրվա միտք
- Խմբագրի վարկած
- Ֆոտո
-
Հասցե` Հայաստան, 0023, Երևան, Արշակունյաց 2
Հեռ: +374 (10) 06 06 23 (413, 414), +374 (99) 53 58 26
Էլ. փոստ` armv12@mail.ru -
2010-2011 © Բոլոր իրավունքները պաշտպանված են:
Մեջբերումներ անելիս հղումը armversion.com-ին
պարտադիր է: Կայքի հոդվածների մասնակի կամ
ամբողջական հեռուստառադիոընթերցումն
առանց armversion.com-ին հղման արգելվում է: -
Կայքում արտահայտված կարծիքների համընկնումը
խմբագրության տեսակետի հետ պարտադիր չէ:
Գովազդների բովանդակության համար
կայքը պատասխանատվություն չի կրում:
Բոլոր իրավունքները պաշտպանված են: Copyright “Armversion.com” 2010.