Եվրոպայի թիմային առաջնության ավարտից անմիջապես հետո Հայաստանի տղամարդկանց հավաքականը մեկնեց Անթալիա , որտեղ մասնակցելու է աշխարհի թիմային առաջնությանը:

Այստեղ թիմը հանդես կգա նույն կազմով, ինչ Վարշավայում. Լևոն Արոնյան, Սերգեյ Մովսիսյան, Վլադիմիր Հակոբյան, Գաբրիել Սարգսյան, Տիգրան Լ. Պետրոսյան, մարզիչ` Արշակ Պետրոսյան: Այս մասին տեղեկացնում է armchess.am-ը:

Նախորդ մրցաշրջանի եվրոպական առաջնությունների լավագույն ռմբարկու, «Բարսելոնայի» և Արգենտինայի ազգային հավաքականի հարձակվող Լիոնել Մեսսին ստացել է «Ոսկե խաղակոշիկ» մրցանակը:

Նշենք, որ նա մինչ այժմ արդեն երկու անգամ նվաճել էր այդ մրցանակը:

Մեսսին իր մրցանակը նվիրել է ընտանիքին և խաղընկերներին:

«Առանց իմ ընտանիքի և թիմակիցների, ես չէի կարող արժանանալ այս պարգևին: Շնորհակալություն նրանց: Սա մեր ընդհանուր մրցանակն է: Ինչ վերաբերում է իմ վնասվածքին, ապա ես ինձ, այժմ, ավելի լավ եմ զգում: Իմ նպատակն է խաղադաշտ դուրս գալ և չանհանգստանալ ոչ մի առիթով», — նշել է ֆուտբոլիստը:

Միջազգային վարպետ Մհեր Հովհաննիսյանը (Հայաստան) Բելգիայի Լյովեն քաղաքում անցկացված օփենում 7 հնարավորից վաստակեց 5,5 միավոր եւ 105 մասնակիցների մեջ նվաճեց 2-րդ մրցանակը: Հովհաննիսյանը միայն կես միավորով ետ մնաց հաղթողից’ միջազգային վարպետ Սթիվեն Ջեյրներից (Բելգիա). այս մասին տեղեկացնում է armchess.am-ը:

Այսօր երեկոյան ԱՄՆ-ում կկայանա հայազգի բռնցքամարտիկ Վիկ Դարչինյանի (39-5-1, 28 նոկաուտ)-  ֆիլիպինցի Նոնիտո Դոնեյրի (31-2-0, 20 նոկաուտ) մենամարտը:

Դարչինյանը, մենամարտից առաջ տված հարցազրույցում շնորհակալություն է հայտնել Աստծուն, ինչպես նաև Top Rank-ին և HBO-ին՝ մենամարտը կազմակերպելու համար:

«Բոլորը գիտեն, որ այս մենամարտին երկար եմ սպասել: Մի քանի անգամ այն չեղյալ էր համարվել, բայց այս անգամ ամեն ինչ կարգին է:  Վստահ եմ ուժերիս և մոտիվացված: Դուք կտեսնեք՝ որքան հզոր եմ և որքան լավ եմ նախապատրաստվել մենամարտին»,- հայտարարել է Դարչինյանը:

Այսօր՝ նոյեմբերի 1-ին, հրապարակվել է ՖԻԴԵ-ի աշխարհի 100 ուժեղագույն շախմատիստների վարկանշային ցանկը, որը գլխավորում է նորվեգացի Մագնուս Կարսլենը՝ 2870 միավորով:

Նրան հաջորդում է հայ գրոսմայստեր Լևոն Արոնյանը՝ հավաքելով 2801 միավոր:

Նշենո, որ թոփ-100-յակում հայտնվել են ևս չորս հայ գրոսմայստերներ. Սերգեյ Մովսեսյանը (2700), Վլադիմիր Հակոբյանը (2681), Գաբրիել Սարգսյանը (2676) և Տիգրան Լ. Պետրոսյանը (2660):

ՖԻԴԵ-ի ամբողջական վարկանշային աղյուսակն՝ այստեղ:  

«Հավաքականի հետ աշխատանքից հետո փոքր ընդմիջում եմ վերցրել». այս մասին itar-tass-ի հետ զրույցում հայտնել է Հայաստանի ազգային հավաքականի արդեն նախկին գլխավոր մարզիչ Վարդան Մինասյանը:

«Ուսումնասիրում եմ տարբեր թիմերից ստացված առաջարկները: Իսկ ինչ վերաբերում է Հայաստանի հավաքականին, ես դեռ շարունակում եմ մնալ ընտրանու` տեխնիկական գծով տնօրենը»,-նշել է Մինասյանը:

Գրոսմայստեր Սերգեյ Մովսիսյանը Հունաստանի Հռոդոս քաղաքում ավարտված Եվրագավաթում ՙՍանկտ Պետերբուրգ՚ թիմի կազմում անհատական հաշվարկում 4-րդ խաղատախտակի վրա նվաճեց բրոնզե մեդալ. տեղեկացնում է armchess.am-ը

«Ռեալ Մադրիդի» պորտուգալացի հարձակվող Կրիշտիանու Ռոնալդուին հնարավոր է 4 խաղով որակազրկեն՝ «Բարսելոնա»-«Ռեալ» (2:1) հանդիպման ժամանակ մարզիչի և նրա օգնականի հասցեին վիրավորական արտահայտություններ անելու համար:

Պորտուգալացին մրցավարին «անիծված վախկոտ» է անվանել, երբ վերջինս  տանտերերի դարպասին 11 մետրանոց չի նշանակել:

օրաթերթին տեղեկու­թյուններ են հասել այն մասին, որ Հայաս­տանի ֆուտբոլի ազգային հավաքակա­նի գլխավոր մարզիչ Վարդան Մինասյանի հրաժարականից հետո Հայաստանի ֆուտբոլի ֆեդերացիայում խոսակցու­թյուններ են պտտվում նրա փոխարեն Աբրահամ Խաշմանյանին նշանակելու մասին:

Վերջինս Հայաստանի ֆուտբոլի մինչև տասնինը տարեկանների հավա­քականի և «Արարատ»-ի գլխավոր մարզիչն է, որը նախորդ տարվա նոյեմ­բերին որակազրկվել էր ՀՖՖ կարգապահական կոմիտեի կողմից՝  Կապանի «Գանձասար»-ի հետ արտագնա խա­ղում մրցավարին հայհոյելու համար:

Հոդվածն ամբողջությամբ՝ կարդացեք «Ժողովուրդ» օրաթերթի այսօրվա համարում:

Հայաստանի ազգային հավաքականի գլխավոր մարզիչ Վարդան Մինասյանը ՀՖՖ պաշտոնական կայքին հայտնել է, որ նոր ընտրական փուլում ինքը չի գլխավորելու Հայաստանի ազգային հավաքականը:

«Ես այսօր հանդիպում եմ ունեցել ՀՖՖ նախագահ Ռուբեն Հայրապետյանի հետ: Քննարկել ենք Հայաստանի ազգային հավաքականի հետ կապված մի շարք խնդիրներ: ՀՖՖ նախագահն ինձ առաջարկել է նոր ընտրական փուլում շարունակել գլխավորել Հայաստանի ազգային հավաքականը, բայց ես հրաժարվել եմ առաջարկից,  իհարկե իմ խորին շնորհակալությունը հայտնելով ՀՖՖ նախագահին վստահության համար: Ինձ համար մեծ պատիվ կլիներ կրկին ստանձնել ազգային հավաքականի ղեկը, բայց ես այս պահին գերադասում եմ իմ կարիերայի այլ շարունակություն: Կան մի շարք առաջարկներ, մասնավորապես արտերկրից, և ես ուզում եմ քննարկել այդ առաջարկները»,-ասել է Վարդան Մինասյանը:

Հիշեցնենք, որ Վարդան Մինասյանի պայմանագիրը ազգային հավաքականի գլխավոր մարզչի պաշտոնում ավարտվում է ս.թ. հոկտեմբերի 31-ին:

Օգտվելով առիթից Վարդան Մինասյանը շնորհակալություն է հայտնել ՀՖՖ նախագահին, Հայաստանի ֆուտբոլի ֆեդերացիայի գործադիր կոմիտեին, ՀՖՖ աշխատակազմին:

«Ուզում եմ օգտվելով  առիթից իմ շնորհակալությունը հայտնել նախ ՀՖՖ նախագահ Ռուբեն Հայրապետյանին, ով անցած չորս տարիներին ինձ վստահեց ազգային հավաքականի գլխավոր մարզչի պարտականությունները: Յուրաքանչյուր մարզչի համար մեծ պատիվ է ազգային հավաքականի մարզիչ լինելը: Ես նույնպես ինձ համար մեծ պատիվ եմ համարել: Ավելի մեծ զգացողություն՝ ներկայացնել երկիրը, պետությունը, կանգնել քո պատվին հնչող պետական հիմնի հնչյունների ներքո, իմ կարծիքով չկա, և ես ուրախ եմ, որ այդ հնարավորությունն ազգային հավաքականի հետ ունեցել եմ: Ուզում եմ շնորհակալություն հայտնել նաև մեր ֆուտբոլի երկրպագուներին: Ես միշտ զգացել եմ նրանց աջակցությունը, նույնիսկ այն պահերին, երբ անխնա քննադատել են ինձ: Վստահ եմ, որ նրանք միշտ կմնան մեր հավաքականի, մեր ֆուտբոլի կողքին: Ուզում եմ շնորհակալություն հայտնել նաև մեդիայի ներկայացուցիչներին: Ես միշտ անկեղծ եմ եղել նրանց հետ, միշտ ասել եմ այն, ինչ մտածում եմ, միշտ բաց եմ եղել և այսուհետ ևս կմնամ մեդիայի բարեկամը, անկախ իմ նկատմամբ նրանց վերաբերմունքից: Եվ ամենակարևորը, ուզում եմ շնորհակալություն հայտնել մեր ֆուտբոլիստներին: Ինձ համար մեծ հաճույք է եղել նրանց հետ աշխատելը, թե որպես ֆուտբոլիստների, թե որպես մարդկային լավ բնավորություններով օժտված մարդկանց:  Նրանց հետ ենք հաղթահարել մեր առջև դրված բարդությունները, նրանց հետ ենք անցել մի ճանապարհ, որը կարծում եմ օգտակար է եղել: Նրանք մեծ ներուժ ունեն, պրոֆեսիոնալ են իրենց մոտեցումներում և վստահ եմ, որ դեռ շատ բարձրունքներ են նվաճելու: Ես մեծ ձեռքբերում եմ համարում, որ ձևավորել ենք և ունենք միասնական, համերաշխ, միմյանց նկատմամբ հարգանքով թիմ: Հուսով եմ, նաև ինչ որ բան ես եմ տվել նրանց այս չորս տարիների ընթացքում»,- ՀՖՖ պաշտոնական կայքի հետ զրույցում ասել է Վարդան Մինասյանը: