Լուրեր
Արխիվ

Մարտ 2015
Երկ Երք Չրք Հնգ Ուրբ Շբթ Կիր
« Փետ    
 1
2345678
9101112131415
16171819202122
23242526272829
3031  
Մամուլ
Բանակում տեղի ունեցած ցանկացած միջադեպ վկայում է մի որևէ պրոբլեմի մասին Մարտ 31, 2015 | 11:52

Հայ-ադրբեջանական շփման գծից շարունակում են նորանոր լուրեր ստացվել հայ զինծառայողների զոհվելու մասին: Կիրակի օրը հերթական զոհն ենք ունեցել, օրը ցերեկով մարտական դիրքում հակառակորդի կողմից խոցվել է ժամկետային զինծառայող, 20-ամյա Հովսեփ Անդրեասյանը: Ընդ որում՝ որքան կարելի է հասկանալ լրատվությունից, ադրբեջանական դիվերսիայի որևէ փորձ չի եղել, և տեղի է ունեցել հեռահար դիուուկահար կրակոց: Զինվորի մահվան հանգամանքները, ինքնին, գալիս են վկայելու, որ տեղի ունեցածի մեջ մեղավոր են ոչ միայն ադրբեջանցի դիպուկահարները. գործ ունենք նաև մարտական դիրքի ինժեներատեխնիկական ոչ բավարար վիճակի կամ մարտական կարգապահության պակասի հետ: Ի սկզբանե հասկանալի է, որ եթե առաջին գիծ է, ընդամենը մի քանի հարյուր մետր այն կողմ ադրբեջանցի դիպուկահարներ կան և հարմար թիրախ գտնելուն պես նրանք կրակելու են: Եվ ուրեմն հրամանատարության առաջին խնդիրն է՝ մարտական դիրքը կառուցել, կահավորել այնպես, որ հերթապահություն իրականացնող զինվորը որևէ կերպ տեսանելի չլինի հակառակորդի համար, որովհետև սա հեռահար խոցումից խուսափելու միակ եղանակն է: Մարտական դիրքերը հիմնականում կառուցված և կահավորված են հենց այս սկզբունքով: Բայց ժամանակի ընթացքում, անձրևի, հալոցքի, քամու հետ հողաթմբերը մաշվում են, պաշտպանիչ վահանակները տեղից ընկնում են, խրամատի մեջ հող է լցվում, ու ստորին մակարդակը բարձրանում է, դիտակետերի քողարկումները մաշվում են, ու եթե հրամանատարական կազմը ամենօրյա ուշադրություն չի դարձնում, ժամանակին չի արձանագրում և լուծում այս խնդիրները, տեղի են ունենում նման ողբերգական դեպքեր: Ցանկացած զինվորական կասի, հնարավոր չէ, որ մարտական դիրքում ամեն ինչ արված լինի պատշաճ մակարդակով, և հակառակորդի դիպուկահարը կարողանա խոցել այնտեղ ծառայություն իրականացնող զինվորին: Եթե ինժեներատեխնիկական իմաստով ամեն ինչ կարգին է, նշանակում է կարգապահության խնդիր կա և կարգապահական խախտման պատճառով է տեղի ունեցել ողբերգությունը, կարգապահության պակասի ապտճառով է զինվորը տեսանելի դարձել հակառակորդին։

Բանակում տեղի ունեցած ցանկացած միջադեպ, ցանկացած միջադեպ առանց բացառության, վկայում է մի որևէ պրոբլեմի մասին, և եթե մենք պատշաճ մակարդակով այդ պրոբլեմին չարձագանքենք, հետևանքները կլինեն աղետալի:

Հայկական ժամանակ

Այո, Սեդրակ Քոչարյանը նման մտադրություն ունի Մարտ 31, 2015 | 11:34

ՀՀ երկրորդ նախագահ Ռոբերտ Քոչարյանի որդու՝ Սեդրակ Քոչարյանի կողմից «Կոնգրես» հյուրանոցն ամբողջությամբ գնելու մասին լուրերը կարծես հաստատվում են: Դեռ նախորդ շաբաթ նման տեղեկություններ ստանալուց հետո մենք խնդրել էինք 2-րդ նախագահի գրասենյակի ղեկավար Վիկտոր Սողոմոնյանին մեկնաբանել դրանք: Վերջինս նշել էր, որ միայն շաբաթվա սկզբին կկարողանա պատասխանել մեր հարցին, և ահա երեկ մեր հարցին ի պատասխան, Վիկտոր Սողոմոնյանը նշեց հետևյալը. «Սեդրակ Քոչարյանի ընկերություններից մեկը նման հետաքրքրություն ունի և բանակցություններ է վարում հյուրանոցի հետ կապված»:

Ինչ վերաբերում է Ռոբերտ Քոչարյանին, ապա նրա գրասենյակի ղեկավարից տեղեկացանք, որ նա արդեն Երևանում է:

Անդրադառնալով նախորդ շաբաթ կայացած Վարչապետների ակումբի առաջին հանդիպմանը, Վիկտոր Սողոմոնյանն ասաց, որ պարոն Քոչարյանը չի պատրաստվում մասնակցել ակումբի աշխատանքներին:

Հրապարակ

Ղարաբաղում անիշխանության շրջան է սկսվում. Մամուլ Մարտ 31, 2015 | 11:22

ԼՂՀ խորհրդարանի ընտրությունների քարոզարշավի փուլը մեկնարկում է ապրիլի 1-ին: Ոչ, անշուշտ, թեման ծիծաղելի չէ, և Ծիծաղի օրվա հետ առնչությունն էլ պատահական է ստացվել, բայց զավեշտն այն է, որ ողջ իշխանական համակարգը ներգրավված է այս ընտրություններում: Ավելին՝ նրանք բոլորն այս օրերին արձակուրդի դիմումներ են գրել, որպեսզի չմեղադրվեն ադմինիստրատիվ ռեսուրսը քարոզչական նպատակներով օգտագործելու մեջ:

Արդյունքում, կարելի է ասել, Ղարաբաղում անիշխանության շրջան է սկսվում: Այսպես, պատգամավորի թեկնածու են առաջադրվել ԼՂՀ վարչապետը, փոխվարչապետը, վարչապետի վերահսկողության ծառայության պետը. Աժ նախագահը, փոխնախագահը, նախագահի խորհրդականը, Ստեփանակերտի քաղաքապետը՝ իր տեղակալներով, համալսարանի ռեկտորը, մի քանի դեկաններ:

Հրապարակ

Հրայր Թովմասյանը հերթական անգամ արտասահմանյան ուղևորության է ուղարկել իր սանիկին. Մամուլ Մարտ 31, 2015 | 11:08

Ազգային ժողովի աշխատակազմի ղեկավար Հրայր Թովմասյանը հերթական անգամ արտասահմանյան ուղևորության է ուղարկել իր սանիկին՝ Աժ իրավաբանական վարչության պետ Հայկ Սարգսյանին: Այս հողի վրա Աժ-ում դժգոհության ալիք է բարձրացել, առանց այն էլ որևէ արտոնությունից՝ ուղևորություններից, հավելավճարներից չօգտվող Աժ աշխատակիցներն ասում են, որ իրենց համբերության բաժակն արդեն լցվում է:

Այս անգամ Աժ աշխատակիցներին զայրացրել է հատկապես այն հանգամանքը, որ մոտ մեկ շաբաթ առաջ, Աժ-ի Ստրասբուրգ կատարած այցի ժամանակ 5-6 հոգանոց պատվիրակության կազմում մեկնել է նաև Հայկ Սարգսյանի կինը, ով Ֆեյսբուքի իր էջում լուսանկարներ է հրապարակել իր անցկացրած անմոռանալի հանգստից; Թերևս Թովմասյանին քավոր կարգելու առաջարկներն այսուհետ ավելանան. ո՞վ չի ուզենա նման քավոր ունենալ:

Հրապարակ

Նախկին նախարարն առողջական խնդիրներ ունի. Մամուլ Մարտ 28, 2015 | 11:59

Էներգետիկայի և բնական պաշարների նախկին նախարար, ՀՀ նախագահի խորհրդական Արմեն Մովսիսյանը մոտ մեկ ամիս է՝ Հայաստանում չէ: Մեր տեղեկություններով, Մովսիսյանը լուրջ առողջական խնդիրներ ունի, այդ պատճառով մեկնել է արտերկիր, հավանաբար՝ Գերմանիա, բուժման:

Փորձեցինք այս տեղեկությունները ճշտել հենց իրենից՝ զանգահարելով թե նրա բջջային հեռախոսահամարներով, թե նախագահականի կայքում զետեղված հեռախոսահամարով, սակայն որևէ մեկը չպատասխանեց մեր զանգերին: Նրա մտերիմ շրջանակները, սակայն, մեզ հետ զրույցում փաստեցին, որ Արմեն Մովսիսյանը վատառողջ է և գտնվում է արտերկրում: Նրանք ևս նշեցին, որ նախկին նախարարը չի պատասխանում հեռախոսազանգերին, և տևական ժամանակ է՝ լուր չունեն նրանից:

Հրապարակ

Ամոթ է՝ տուրիստներին մի թալանեք. Մամուլ Մարտ 28, 2015 | 11:41

Այս տարվա գարունը նրանով է առանձնահատուկ, որ ապրիլին, Ցեղասպանության 100-ամյակի կապակցությամբ, մեծ թվով հյուրեր ենք սպասում: Արդեն իսկ Երևանի փողոցներում կարելի է հանդիպել իրանցիների, ռուսների, որոնք օրերը տաքանալուն պես ժամանել են Հայաստան՝ հանգստանալու, շրջելու, աշխարհ տեսնելու: Մենք, որ հյուրասեր ժողովրդի համարում ունենք, պարտավոր ենք ժամանողներին լավ ընդունել՝ հարգել-պատվել-հյուրասիրել: Այնպես, որ յուրաքանչյուր ժամանող ևս մեկ անգամ այցելելու ցանկություն ունենա և դառնա մեր երկիրը գովազդող, մեր զբոսաշրջության աճին նպաստող յուրօրինակ գործակալ:

Ի վերջո, աշխարհի շատ երկրներ գոյատևում են զբոսաշրջության հաշվին, իսկ ռեսուրսների խիստ պակաս ունեցող մեր երկրի համար դա ընդհանրապես օդ ու ջրի նշանակություն ունի: Չէ՞ որ յուրաքանչյուր այցելու՝ մեր երկիր, մեր բյուջե մտնող ֆինանսներ է նշանակում: Դա նաև որոշակի ծառայությունների ու սպասարկման ոլորտի աշխատողների զբաղվածություն է նշանակում: Ուստի այն անձինք, ովքեր դա չեն հասկանում և վատ են վերաբերվում զբոսաշրջիկներին, թալանում ու գռփում են նրանց, օգտվում նրանց անտեղյակությունից, կարելի է ասել, մեր երկրի, մեր ազգի թշնամին են:

Բազում պատմություններ կան «շուստրի» տաքսիստների մասին, ովքեր «ֆռռացնում են» իրենց մեքենան նստած զբոսաշրջիկներին: Սրճարանների և խանութների աշխատողների մեջ ևս կան այնպիսիք, որոնք օտար լեզու լսելով՝ գիշատիչի պես են պահում իրենց: Օրավարձով բնակարան տրամադրողները ևս փորձում են յոթ կաշի քերթել այս շրջանում Հայաստան եկածներից:

Ցավալի է, որ սրանք չեն հասկանում, որ թալանել-խաբել կարող են մեկ անգամ: Իսկ համեստ գներն ու բարյացակամ ընդունելությունը երկարաժամկետ եկամտի հնարավորություն կտան:

Հրապարակ

Սամվել Կարապետյանը ապրիլի 1-ին ժամանելու է Երևան՝ ՀԷՑ-ն ընդունելու. Մամուլ Մարտ 28, 2015 | 11:17

Լավատեղյակ աղբյուրներից հայտնի է դարձել, որ Գագիկ Ծառուկյանի և Սամվել Ալեքսանյանի հետ Դուբայում գտնվող Ռուսաստանցի միլիարդատեր Սամվել Կարապետյանը ապրիլի 1-ին ժամանելու է Երևան՝ Հայաստանի էլեկտրական ցանցերը ընդունելու։

Հիմա Կարապետյանի պատվերով վերջնական աուդիտ է իրականացվում ցանցերում, եւ Երեւան ժամանելով նա պետք է մի շարք կադրային հարցեր լուծի: Ինչպես տեղեկացրել ենք, Սամվել Կարապետյանը դարձել է ՀԷՑ-ի նոր սեփականատերը, որը հսկայական մոտավորապես 100 մլն դոլարի պարտքեր ունի: Թե որքա՞ն է կազմելու գործարքի գինը դեռևս ոչ ոք չգիտի: Որոշ տեղեկությունների համաձայն, սակայն, Կարապետյանը կենդանի գումար չի վճարի, այլ «Ինտեր ՌԱՈ-ԵԷՍ»–ին պատկանող ՀԷՑ-ը ձեռք կբերի զանազան հաշվանցումավարկային մեխանիզմներով:

 

Հայկական Ժամանակ

«Դրսի գողականներին» զուգահեռ՝ Վլադիմիր Գասպարյանը «պատերազմ» է սանձազերծել նաև համակարգի ներսում. Մամուլ Մարտ 28, 2015 | 11:09

Վլադիմիր Գասպարյանի էքսցենտրիզմը, սակայն, սրանով չի ավարտվում: «Դրսի գողականներին» «պատերազմ» հայտարարելուն զուգահեռ՝ ոստիկանապետ Վլադիմիր Գասպարյանը նոր «պատերազմ» է սանձազերծել նաև համակարգի ներսում: «Պատերազմի» արդյունքում՝ վերջին մեկ շաբաթվա ընթացքում անընդհատ մարդիկ են հեռացվում համակարգից, ոմանք հայտնվում են կադրերի տրամադրության տակ, որոշներն էլ միայն առավոտյան են տեղեկանում, որ իրենց աշխատավայրր փոխվել է: Հարկ է ընդգծել, որ վերջին մեկ շաբաթվա ընթացքում մարզերում ոստիկանության պետերի, ժոդովրդի լեզվով ասած, միլպետների փոփոխություններ եղան: Սյունիքի մարզում ոստիկանության բոլոր բաժինների պետերը փոխվեցին, նույնը տեղի ունեցավ Շիրակում:

Ընդ որում՝ հարկ է ընդգծել, որ այլ մարզերից ավելի շատ հեռացվեցին աշխատանքից, քան տեղափոխվեցին այլ համայնքներ կամ այլ ծառայությունների: Մասնավորապես, Գյումրու ոստիկանության երկու բաժինների պետերն էլ փոխվեցին, խոսքը և՛ Կումայրու, և՛ Մուշի մասին է (Գյումրին վերջին օրերին դարձել է հանցագործությունների հիմնական թատերաբեմ):

Թերթի տեղեկություններով՝ օրերս Վլադիմիր Գասպարյանը աշխատանքից ազատել և սուսուփուս տուն է ճանապարհել Քրեական հետախուզության գլխավոր վարչության՝ հեղինակություններով զբաղվող վարչության պետին: Թե ով կլինի տան ճանապարհ բռնած հերթական պաշտոնյան՝ կերևա առաջիկայում:

 

Չորրորդ ինքնիշխանություն

Որքանով «երջանիկ դարձան» արաբական երկրների ժողովուրդները «արաբական գարնան» արդյունքում. Մամուլ Մարտ 27, 2015 | 12:45

2011 թվականին ծաղկեց «արաբական գարունը»՝ Թունիսում, Եգիպտոսում, իսկ այնուհետև Լիբիայում. «ժողովրդի համբերության բաժակը լցվեց», և նա դուրս եկավ «տապալելու բռնապետությունը»: Սիրիայում էլ բաժակը «լցվելու վրա էր», բայց Բաշար Ասադի «բռնապետությունը» առայսօր չի տապալվել, և «Իսլամական պետության» «դեմոկրատներն» այնտեղ առայժմ իշխանության չեն եկել:

Հիշո՞ւմ եք՝ ինչ էին ասում Հայաստանի ընդդիմադիրներն այդ ժամանակ՝ հանրահավաքային ամբիոնից: Նրանք վստահություն էին հայտնում, որ Հայաստանում նույնպես ժողովուրդը, «արաբական գարնան» ոգևորիչ օրինակով, ուր որ է՜ «կտապալի բռնապետությունը» և «կվերականգնի սահմանադրական կարգը»՝ հանձնելով իշխանությունը իրենց նման «դեմոկրատներին»: Ճիշտ է, այն պահին նախատեսվում էր, որ միայն «դեմոկրատներն» են հեղափոխություն անելու և իշխելու են առանց «բուրժուաների»՝ «բուրժուաները» դեռևս «վատն էին» [հիմա էլ բոլոր շանսերն ունեն «վատը դառնալու»]: Հայաստանյան ընդդիմադիրների մոտ հատուկ տերմին կար՝ «մենք նրանց կթունիսենք», այսինքն՝ հեղափոխություն կանենք Թունիսի օրինակով: Կամ՝ Քադաֆիի օրը կգցենք:

Կարևոր չէ, որ դա Հայաստանում տեղի չունեցավ: Ավելի կարևոր է, թե որքանով «երջանիկ դարձան» հիշյալ արաբական երկրների ժողովուրդները այդ «գարնան» արդյունքում: Այնտեղ ավելի ժողովրդավարական կարգե՞ր հաստատվեցին: Մարդկանց կենսամակարդա՞կը բարձրացավ: Քաղաքացիների ֆիզիկական անվտանգության հավելյալ երաշխիքնե՞ր ստեղծվեցին: Կամ գուցե քրիստոնյաները [մասնավորապես հայերը] շահեցի՞ն:

Առավոտ

Խմբագրական

Ինքնասպան է եղել քրեակատարողական հիմնարկներից մեկի պետի հայրը. Մամուլ Մարտ 27, 2015 | 12:17

Մարտի 24-ին հերթական ինքնասպանության դեպքն է գրանցվել հանրապետությունում, այս անգամ՝ Սյունիքի մարզի Գորիս քաղաքում: 74-ամյա մի տղամարդ ինքնասպան է եղել կախվելով բնակելի շենքերից մեկի բակում՝ ավտոտնակի դիմացի ծածկի փայտյա հենակից: Շրջանառվող լուրերով՝ տղամարդուն պատկանող ավտոտնակում ստվարաթուղթ է հայտնաբերվել՝ հետևյալ գրությամբ. «Չդիմացա… Ունեմ չբուժվող հիվանդություն, դրա համար կատարում եմ այս քայլը և խնդրում եմ իմ իսկական հարազատներին, որ ներեն»:

Armlur.am-ի տեղեկություններով՝ ինքնասպան եղած տղամարդը ՀՀ Արդարադատության նախարարության «Գորիս» ՔԿՀ պետի տեղակալի հայրն է: Ոստիկանությունից հայտնել են, որ արտաքին զննությամբ դիակի վրա բռնության հետքեր չեն հայտնաբերվել: Նշանակվել է դպտաբժշկական փորձաքննություն:

Ժամանակ

Top լուրեր