Լուրեր

02.09.2015 | 12:00

Արխիվ

Արխիվ

Մամուլ
Մարտի 1-ի գործերով Եվրոպական դատարանում շարժ է սկսվել. մամուլ Սեպտեմբեր 02, 2015 | 10:31

«2008-ի մարտի 1-ին սպանվածների ընտանիքների շահերը ներկայացնող փաստաբան Վահե Գրիգորյանը երեկ «Ազատություն» ռադիոկայանի հետ զրույ­ցում նշել է, որ Եվրադատարանում Մարտի 1-ի գործով տեղաշարժ է նկատվել միայն Հայաստանից ընտր­ված դատավոր Ալվինա Գյուլումյանի պաշտոնավար­ման ժամկետի ավարտից հետո։ 2011-ի մայիսին ու­ղարկված 9 բողոքները մինչև այս տարվա փետր­վար, այսինքն՝ մոտ 4 տարի, լռության են մատնված եղել, հայտարարել է փաստաբանը։ «Մարտի 1-ի գոր­ծերով Եվրոպական դատարանում շարժը սկսվեց այն բանից հետո, երբ տիկին Գյուլումյանի պաշտոնա­վարման ժամկետն ավարտվեց և դեռ նոր դատավորն էլ չի մտել իր պաշտոնական լիազորությունների իրա­կանացման շրջան։ Ես պարտավոր եմ այս փաստը արձանագրել»,- լրատվամիջոցի հետ զրույցում ընդգ­ծել է Վահե Գրիգորյանը։

Ընդգծելով, որ կյանքի իրավունքի խախտման գանգատները Եվրադատարանում առաջնահերթ քննության գործերից են և շատ դեպքերում դիմումների ընդունումից մինչև վճռի կայացումը տևում է ընդամենը 1,5-2 տարի՝ փաստաբանը «տարակուսելի» է որակել Մարտի 1-ի սպանությունների գործերով նման դանդաղ ընթացքը»։

Չորրորդ ինքնիշխանություն

 

Բաղրամյան 26-ի հաճախորդներն ու ապազգային տարրերը՝ ըստ Փոստանջյանի. մամուլ Սեպտեմբեր 02, 2015 | 10:23

«Նրանք, ովքեր Բաղրամյան 26 են գնացել Սերժ Սարգսյանի հրավերով, Բաղրամյան 26-ի և Սերժ Սարգսյանի հաճախորդներն են: «Առավոտի» հետ զրույցում այսպիսի գնահատական տվեց «Ժառանգության» պատգամավոր Զարուհի Փոստանջյանը:

Մեր հարցին՝ Սերժ Սարգսյանի՝ նախորդ նման քննարկումից հետո այս անգամ նրա հրավերն ընդունել են և Բաղրամյան 26 գնացել են ավելի շատ քաղաքական ուժեր, դա ինչի՞ մասին է խոսում՝ որ Սերժ Սարգսյանին հաջողվո՞ւմ է գրեթե ողջ ընդդիմադիր դաշտը ներքաշել իր այդ «խաղի» մեջ, Զարուհի Փոստանջյանը հակադարձեց. «Դա ամբողջ ընդդիմադիր դաշտը չէ: Դրանք ընդհանրապես կապ չունեն հայ ժողովրդի և հայ ժողովրդի շահերի հետ՝ այդ բոլոր անձինք, ովքեր մասնակցում են այդ գործընթացին»:

Առավոտ

 

 

Ծառուկյանի բիզնեսներում ստուգումների արդյունքում ծիծաղելի ակտեր են կազմվել. մամուլ Սեպտեմբեր 02, 2015 | 9:39

«Ֆինանսների նախարարությունն արդեն ավարտել է Գագիկ Ծառուկյանի բիզնեսներում հարկային ստուգումները, որոնք սկսվեցին փետրվարյան դեպքերից հետո՝ Սերժ Սարգսյանի հրահանգով։ Հիշեցնենք, որ ՀՀ նախագահն իր հայտնի ելույթում խոսել էր Ծառուկյանի կողմից հարկերը թաքցնելու մասին։ Սակայն քանի որ գործընթացի նպատակը Ծառուկյանին մեծ քաղաքականությունից վտարելն էր, և իշխանությունը համարում է խնդիրը լուծված, ուստի ստուգումների արդյունքում ծիծաղելի ակտեր են կազմվել՝ սիմվոլիկ տուգանքներով․ 50 հազարից մինչև 1 միլիոն դրամի չափով։Երեկ ֆինանսների նախարար Գագիկ Խաչատրյանին հարցրինք այդ մասին։ «Չէ, էդպես չէ, քննարկման փուլում է, մենք նախագծերը ներկայացրել ենք, իրենք էլ համապատասխան առարկություններ ունեն, պարզաբանումների կարիք կա, բայց նախագիծը դեռ քննարկման փուլում է, երբ որ ավարտենք, կներկայացնենք, դուք էլ կիմանաք»։ Այսինքն՝ խախտումներ եք արձանագրել, իրենք առարկո՞ւմ են։ «Այո, կան խախտումներ»։ Խոշո՞ր չափի են խախտումները։ «Դե, մեր արձանագրած գումարներն իրենց կողմից առարկվում են, հիմա, երբ որ քննարկումները կավարտվեն, բնական է…»։ Իսկ ի՞նչ թվերի մասին է խոսքը։ «Հիմա թիվը պետք չէ հրապարակել… Երկար տարիներ հանրապետության նախագահի կողմից արգելված է, որ մենք որևիցե բիզնեսին ավել կամ պակաս գումար առաջադրենք, մենք անում ենք օրենսդրական դաշտում, առաջադրում ենք միայն օրենքից բխող և բիզնեսին էլ հնարավորություն ենք տալիս, որպեսզի հնարավորություն ունենա բողոքարկել»։ Ե՞րբ կհրապարակեք արդյունքները։ «Մոտակա 10 օրվա ընթացքում»»:

Հրապարակ

 

 

Վճռաբեկ դատարանի նախագահ Արման Մկրտումյանի ու նրա կնոջ ունեցվածքը. մամուլ Սեպտեմբեր 02, 2015 | 9:28

«ՀՀ Վճռաբեկ դատարանի նախագահ Արման Մկրտումյանի կինը Մարինե Մկրտումյանը, նախորդ տարի 29 միլիոն 166 հազար դրամ արժողությամբ առանձնատուն է գնել։ Միևնույն ժամանակ Մկրտումյանը վաճառել է իր հողամասը, դրա դիմաց ստանալով 4,8 միլիոն դրամ։
Մարինե Մկրտումյանը, դատելով հայտարարագրից, չէր կարող ավելի քան 29 միլիոն դրամ արժողությամբ առանձնատուն գնել, քանի որ այդքան փող չուներ։ Եթե 2014 թվականի սկզբում նրա դրամական միջոցները կազմել են 40 հազար դոլար, ապա տարեվերջին՝ 30 հազար դոլար։ Եթե համարենք, որ տարվա ընթացքում նվազած 10 հազար դոլարը նա ծախսել է հենց առանձնատան գործարքի համար, հողամասի վաճառքից ստացված 4,8 միլիոն դրամը՝ նույնպես, ապա 29 միլիոնի կեսից էլ քիչ գումար է ստացվամ։ Իսկ թե ինչ կամ ում միջոցներով է Մարինե Մկրտումյանը առանձնատուն գնել՝ հայտնի չէ:

Վճռաբեկ դատարանի նախագահ Արման Մկրտումյանը նախորդ տարի 1,2 միլիոն դրամով հողամաս է գնել։ 2014 թվականի տարեվերջին Մկրտումյանը հայտարարագրել է 185 հազար 790 ամերիկյան դոլար և 5 միլիոն դրամ։ Ընդ որում, դրամով հայտարարագրած դրամական միջոցները նվազել են 19 միլիոնով։ Արման Մկրտումյանը նախորդ տարի ստացել է 21 միլիոն 104 հազար դրամի չափով եկամուտ, որից 14,1 միլիոնը Վճռաբեկ դատարանի նախագահի պաշտոնում նրա աշխատավարձն է, 62 միլիոն դրամը՝ տրված փոխառություններից ստացված տոկոսներ, ևս կես միլիոն դրամի չափով աշխատավարձ էլ Մկրտումյանը ստացել է այլ աշխատանքից»։

Հայկական ժամանակ

 

 

 

Գյումրու նախկին քաղաքապետ Վարդան Ղուկասյանն ակտիվացել է. մամուլ Սեպտեմբեր 02, 2015 | 9:21

«Վերջին օրերին ակտիվացել է Գյումրու նախկին քաղաքապետ Վարդան Ղուկասյանը, որը սահմանադրական փոփոխությունների «Ոչ»–ի շտաբի ակտիվ քարոզիչներից  է դարձել։ Նրա հիմնական լոզունգն այն է, որ սա «գեյերի սահմանադրություն» է, ինչն ավանդապաշտ Գյումրիում կարող է խիստ բացասաբար ազդել։ Զուգահեռ, Ղուկասյանն իր փոքրաթիվ կողմնակիցներին հույս է ներշնչում, որ հունվարին ինքը վերադառնալու է ակտիվ քաղաքականություն։

Ակնհայտ է, որ նա ցանկանում է տապալել սահմանադրական հանրաքվեն մարզում, որպեսզի ինչ-որ կերպ պահանջված լինի իշխանությունների կողմից։ Զարմանալին այն է, որ «վերևներից» մեկ զանգն անգամ միշտ բավարար է եղել Վարդանիկի վախը բռնելու համար, սակայն հանդուրժում են նման գործելաոճը»։

Հրապարակ

 

 

Արա Աբրահամյանը ցանկանում է առաջադրել իր թեկնածությունը 2017թ.-ին. մամուլ Սեպտեմբեր 01, 2015 | 10:11

«Ռուսաստանի հայերի միության նախագահ Արա Աբրահամյանն օգոստոսի 12-ին Միացյալ Նահանգներում բավականին ուշագրավ հայտարարություն է արել:
Մոտավորապես, 250 հայերի ներկայությամբ՝ Հայ առաքելական եկեղեցու Հյուսիսային Ամերիկայի արեւմտյան թեմի առաջնորդարանում Աբրահամյանը հայտարարել է, որ մտադրություն ունի 2017թ. խորհրդարանական ընտրություններում առաջադրել իր թեկնածությունը: Վերջինս, իհարկե, չի մանրամասնել, թե ինչպես՝ արդյոք որեւէ կուսակցության միջոցով, թե՞ որպես անկախ պատգամավոր:
Ինչպես տեղեկացնում է «ԱՄՆ-ի հայկական կյանք» ամսագիրը, Աբրահամյանը նշել է, որ մտածում է 2017թ. խորհրդարանական ընտրություններին մասնակցելու մասին՝ շեշտելով, որ ցանկանում է օգտակար լինել Հայաստանին, որտեղ արտագաղթի ծավալներն օր օրի մեծանում են:
«Հիմա ես հանդիպումներ եւ քննարկումներ եմ ունենում Սփյուռքի բոլոր հայկական համայնքներում: Աստված ինձ տվել է ամեն ինչ, հիմա ես որոշում եմ կայացրել ծառայել իմ ժողովրդին»։

Ժամանակ

 

 

 

Վահրամ Բաղդասարյանը կենաց-մահու կռիվ կտա. մամուլ Սեպտեմբեր 01, 2015 | 10:05

«Հանրապետականները Սահմանադրական բարեփոխումների հանձնաժողովին 300-ից ավելի առաջարկ են ներկայացրել։ «Բայց հիմնականում զուտ տեխնիկական են, խմբագրական»,- ասաց խմբակցության ղեկավար Վահրամ Բաղդասարյանը: Թե ինչն են պատրաստվում «խմբագրել», չմանրամասնեց: Սկզբունքային առաջարկներ նույնպես կլինեն, Վահրամ Բաղդասարյանը, օրինակ, կենաց-մահու կռիվ է տալու, որպեսզի նախագծում պարտադիր ամրագրվի միասեռ ամուսնություններն արգելելու դրույթը։

Նա ասում է, որ մեզ չի սազում, ամոթ է, պետք է պահպանել ավանդական հայ ընտանիքի կերպարը: Անցած ուրբաթ խմբակցության հարկի տակ ընդունելով հանձնաժողովի անդամներ Վարդան Պողոսյանին և Հրայր Թովմասյանին, ՀՀԿ-ում չեն հասցրել քննարկումն ավարտել։ Մեկ հանդիպում էլ նախատեսված է վաղը, իսկ սեպտեմբերի 4-ին խորհրդարանում ընդլայնված կազմով լսումներ կլինեն՝ ՀԿ-ների և քաղաքական ուժերի մասնակցությամբ»:

Հրապարակ

 

 

 

 

«Երևան-Սիթի» սուպերմարկետներից գնումներ կատարելը դառնում է վտանգավոր. մարդիկ խաբվում են ամեն օր. մամուլ Սեպտեմբեր 01, 2015 | 10:02

«ԱԺ ՀՀԿ-ական գործարար-պատգամավոր Սամվել Ալեքսանյանին պատկանող «Երևան-Սիթի» սուպերմարկետներից գնումներ կատարելը աստիճանաբար դառնում է վտանգավոր: Մարդիկ խաբվում են ամեն օր: Ոմանք հետևողական են լինում, գնումներ կատարելուց հետո նայում են ապրանքների ցանկը, պարզում, որ գնումներն ուռճացված են, ոմանք էլ՝ ոչ:

Աջափնյակ համայնքի Արզումանյան փողոցի բնակչուհի Կարինե Մուղնեցյանը երեկ «Դալմա» առևտրի կենտրոնի «Երևան Սիթի»-ից գնումներ է կատարել, հիմնականում դպրոց հաճախող որդու համար գրենական պիտույքներ է գնել, մոտեցել է դրամարկղին, վճարում կատարել ու գնացել տուն: Բայց տուն հասնելուն պես, պարզել է, որ սուպերմարկետում իրեն խաբել են ու ավել գումար գանձել:

«Տուն հասնելուն պես հիշեցի, թե որքան եմ վճարել ու զարմացա, քանի որ իմ գնումները չպետք է գերազանցեին 22-23 հազար դրամը, բայց ես վճարել էի 30 հազար դրամից ավել: Վերցրեցի գնումների այդ կտրոնը, ու ինչ պարզեմ. գրենական պիտույքներից բացի՝ գնումների ցանկում ներառված է նաև «Braun» ապրանքանիշի վարսահարդարիչ 7500 դրամ արժողությամբ, որը, ես, բնականաբար, չէի գնել»,- թերթի հետ զրույցում պատմեց Կարինե Մուղնեցյանը:

Վերջինս զայրացած անմիջապես վերադարձել է «Երևան Սիթի» սուպերմարկետ և մենեջերից ու վաճառողներից բացատրություն պահանջել: «Որքան էլ զարմանալի է, ո՛չ վաճառողները, ո՛չ էլ մենեջերները անգամ չփորձեցին պնդել, թե հնարավոր է՝ ես այդ վարսահարդարիչը գնել եմ ու տուն եմ տարել: Մենեջերը առանց բառ ասելու, շատ հանգիստ տոնով գրպանից հանեց 7500 դրամը և վերադարձրեց: Այսինքն, դա նշանակում է, որ իրենք շատ լավ հասկացել են, որ իրենց խարդախությունը բացահայտվել է, դրա համար էլ չփորձեցին անգամ հակառակվել»,- հավելեց տիկին Մուղնեցյանը»։

Ժամանակ

 

 

 

 

Փոխնախարարը սխալ է արտաբերել ազգային հերոս Թաթուլ Կրպեյանի անունը. մամուլ Սեպտեմբեր 01, 2015 | 9:56

«Կառավարության երեկվա նիստում կրթության և գիտության նախարարի տեղակալ Կարինե Հարությունյանը մեծ վրիպում է թույլ տվել։ Գործադիրին ներկայացնելով Երևանի թիկ 62 ավագ դպրոցը ՀՀ ազգային հերոս Թաթուլ Կրպեյանի անունով կոչելու նախագիծը, Կարինե Հարությունյանը երկու անգամ սխալ է արտասանել ազգային հերոսի ազգանունը, Կրպեյանի փոխարեն «Կրեպյան»։ Եթե առաջին վրիպման դեպքում լրագրողներն ուշադրություն չեն դարձրել, կարծելով, որ լեզվի սայթաքում է, ապա փոխնախարարի կողմից երկրորդ անգամ վրիպելը ստիպել է կարծել, որ նա պարզապես չի ճանաչում ազգային հերոսներին, գոնե Թաթուլ Կրպեյանին։Կառավարության անդամները սուսուփուս հաստատել են նախագիծը, առանց փոխնախարարին հուշելու, որ ազգային հերոսի ազգանունը Կրպեյան է։

Փոխնախարարը մեր թղթակցի հետ զրույցում մեկնաբանելով իր, այսպես ասած, վրիպումները, ասել է, որ չի նկատել թե ինչպես է սխալ արտասանել Կրպեյանի ազգանունը։ Ավելին, հեռախոսազրույցի պահին, կառավարության նիստից ավելի քան մեկուկես ժամ անց, նա առաջինը մեր թղթակցից է տեղեկացել, որ նման բան է կատարվել: Սա թերևս նշանակում է, որ կառավարության անդամներից ոչ ոք չի նկատել վրիպումը կամ կառավարությունում չգիտեն, որ Հայաստանը Կրեպյան ազգանունով ազգային հերոս չունի։ Եվ նրանց համար կարծես առանձնապես էական չէ՝ ում անունով կկոչեն Երևանի թիկ 62 դպրոցը։ Իրենց անունները չեն հետաքրքրում, իրենց հետաքրքրում են հրահանգները ինչն էլ հլու հնազանդ կատարում են»։

Հայկական ժամանակ

 

 

Չպլանավորված գույքագրում ՀԷՑ-ում. մամուլ Սեպտեմբեր 01, 2015 | 9:50

«Լավատեղյակ աղբյուրների վկայությամբ, ՀԷՑ-ն այս օրերին զբաղված է ընկերության գույքագրմամբ։ Ընդ որում, գույքագրումն իրականացվում է ոչ միայն ՀԷՑ կենտրոնական ապարատում, այլև նման հանձնարարական է տրվել նաև ՀԷՑ մասնաճյուղերին։ «ՉԻ» աղբյուրների պնդմամբ, սովորաբար նման գույքագրում ընկերաթյաններն անում են տարեվերջին, իսկ գույքագրումը հիմա անելը հիմք է տվել ենթադրությունների, որ ՀԷՑ-ը պատրաստվում են վաճառել։ Ի դեպ, ՀԷՑ-ը երեկ հայտարարել է աուդիտորական ծառայությունների մատուցման բաց մրցույթ։ Ընդ որում, ՀԷՑ-ը ցանկանում է անցկացնել իր գործունեության վերջին 5 տարիների աուդիտ։

Պաշտոնական հաղորդագրության համաձայն. «Հայաստանի էլեկտրական ցանցեր» ՓԲ ընկերությունը հայտարարել է բաց մրցույթ աուդիտորական ծառայությունների մատուցման համար։ «Հայաստանի էլեկտրական ցանցեր» ՓԲԸ 2009-2014 թթ. ծախսերի աուդիտի, համաձայնեցված ընթացակարգերի իրականացման ու համապատասխանության աուդիտի անցկացման տեխնիկական առաջադրանքը պատրաստվել է ՀՀ էներգետիկայի և բնական պաշարների նախարարության և ՌԴ էներգետիկայի նախարարության միացյալ ջանքերով»։ Նախնական գնահատականներով աուդիտի անցկացման ժամկետը երեք ամիս է»։

Չորրորդ իշխանություն

 

 

Top լուրեր

Загружаем курсы валют от minfin.com.ua