23.04.2024 | 11:42
Ադրբեջանում պահանջել են նաև չորս «անկլավային գյուղերը»...23.04.2024 | 11:23
Վաղը ուշադիր եղեք հատկապես Ոսկեվանի և Բաղանիսի մոտակա դիրքերին․ Նաիրի Հոխիկյան...23.04.2024 | 11:06
Ի՞նչ կապ ունեին Արայիկ Հարությունյանի հարցազրույցի անոնսն ու հետագա «զարգացումնե...13.04.2024 | 13:57
Մենք այլևս չունենք ԱԱԾ, այդ հաստատությունը Նիկոլի ռեժիմի հերթական գործիքն է․ Կար...13.04.2024 | 13:26
Վթարի հետեւանքով մահացած բոլոր չորս զինծառայողները ժամկետայիններ էին....13.04.2024 | 13:06
Արարատի մարզում հայտնաբերվել է 36 կգ ոսկի գողություն կատարող կասկածյալներից մեկը...13.04.2024 | 12:59
Ղազախստանում ձերբակալել են ռուսաստանցու, որը մեղադրվում է տաջիկներին այլ երկրներ...13.04.2024 | 12:28
Փաշինյանի «լռությունը» վախեցնում է «ուսապարկերին»․ «Հրապարակ»...13.04.2024 | 11:29
Գեղարքունիքում զինվորական «ԿամԱԶ» է վթարի ենթարկվել...12.04.2024 | 14:08
Ոսկեպարցի Սամվելի խոհանոցի և հողամասի մի մասը մնալու է ՀՀ-ում, իսկ տունը և տնամե...12.04.2024 | 13:56
Ավազակություն՝ հոր և որդու կողմից. հոր գործը ուղարկվել է դատարան, իսկ որդին ինքն...12.04.2024 | 13:00
Դպրոցներից տարհանման կարիք չկա. ԿԳՄՍ նախարարը` ահաբեկչության կեղծ լուրերի մասին...12.04.2024 | 2:20
Մի կողմից նույն մարդիկ մեզ ասում են, թե «սահման չկա, սահմանները հստակեցված չեն»,...10.04.2024 | 15:10
Ահազանգ ենք ստացել զինվորական ծառայությունից հրաժարվելու հիմքով ՀՀ-ում ապաստանած...10.04.2024 | 14:10
Փաշինյանը Շոլցի հետ հեռախոսազրույցում անընդունելի է համարել Պրահայի, Բրյուսելի և...10.04.2024 | 13:10
Թքած ունեմ նրանց վրա, ովքեր հրաժարվում են «Միր» քարտի ծառայություններից. Պետդում...10.04.2024 | 12:10
Մենք չգնացինք այդ ճանապարհով և հայտնի աշխարհաքաղաքական կենտրոններում որոշվեց հար...10.04.2024 | 11:10
Եթե շատ լինեք, մենք կշրջափակենք կառավարությունը․ Հրանտ Բագրատյան...09.04.2024 | 15:10
Հրաժարվելով ռուսական МИР քարտերից՝ մենք ակամայից հայտնվում ենք պատժամիջոցների տա...09.04.2024 | 14:10
Ուկրաինան և Ռուսաստանն Աբելն ու Կայենն էին. Լեոնիդ Կուչման` Կիև-Մոսկվա հարաբերու...09.04.2024 | 13:10
Մարտական հենակետում երեք զինծառայողի սպանության գործով դիրքի ավագի պաշտպանը դիմե...09.04.2024 | 12:10
Հայկազ Բարսեղյանի սպանության գործով ամբաստանյալները դատապարտվեցին 18 տարի ազատազ...09.04.2024 | 11:10
Կռիվ լինելու ա, ու ես գիտեմ, որ մենք պիտի հաղթենք. Մեր թշնամին էսօր Ադրբեջանում ...08.04.2024 | 15:10
Իսրայելի ՊՆ-ն հայտարարել է Իրանի հետ հարաբերություններում «ցանկացած սցենարի» պատ...08.04.2024 | 14:10
Անիմաստ կրակում են, ոչ մի բան չեն թիրախավորում, երևի վախից է․ Արավուսի նախկին գյ...08.04.2024 | 13:10
ԵԽ-ն Հայաստանի «լամպոչկա» իշխանություններից պետք է պահանջի անհապաղ ազատ արձակել ...08.04.2024 | 12:10
270 մլն գնահատվող աշխարհաքաղաքական վեկտորի փոփոխություն և 0 երաշխիքներ․․․Լիլիթ Գ...08.04.2024 | 11:10
Եթե Արևմուտքը Հայաստանին ինչ-որ բան տա, Թուրքիան Ադրբեջանին եռապատիկը կտա. Չավու...06.04.2024 | 14:10
Գրողների միության նախագահը տեղյակ չէ իրենց շենքը թուրքական դեսպանատանը տրամադրել...06.04.2024 | 13:10
«Նիկոլիստներ, սորոսականներ ու արևմտամոլներ, ուշադիր կարդացեք գրածս»․ Էդուարդ Շար...06.04.2024 | 12:10
Բրյուսելում Հայաստան-ԵՄ-ԱՄՆ հանդիպումը «վտանգի ևս մեկ աղբյուր է ստեղծում» Հրվ. Կ...06.04.2024 | 11:10
Որեւէ մեկը չի կարող երաշխավորել, որ Իրանի թիրախներից մեկը չի դառնա Բաքուն. Վարդա...05.04.2024 | 15:10
Ռուսաստանը գրոհել է Ուկրաինան 13 անօդաչու թռչող սարքերով, բոլորը խոցվել են. Ուկր...05.04.2024 | 14:10
8,800 դոլարի և 5 մլն դրամի կաշառք ստանալու համար մեղադրվող պաշտոնյաների վարույթի...05.04.2024 | 13:10
Զորախաչ եկեղեցին՝ ադրբեջանական թիրախում05.04.2024 | 12:10
«Կրոկուս»-ում ահաբեկչության մեջ մեղադրվող անձի հեռախոսում հայտնաբերվել են Ուկրաի...04.04.2024 | 15:10
Ցեղասպանության վտանգը տարածվել է Հայաստանի ինքնիշխան տարածքի վրա. Լեմկինի ինստիտ...04.04.2024 | 14:10
Զազրելի է, որ որոշ թունավոր տհասներ սկսում են հայհոյել դասագիրք կազմողներին՝ իրե...04.04.2024 | 13:10
Թուրքիայում 2 հայի են բռնել, որոնց կոշիկներում 109 հազար դոլարի ոսկու ձուլակտորն...Հիմք ընդունելով Հայաստանի Հանրապետության կառավարության 2002 թվականի օգոստոսի 15-ի N 1300-Ն որոշմամբ հաստատված Հայաստանի Հանրապետության առողջապահության նախարարության կանոնադրության 12-րդ կետի «դ» ենթակետը, Հայաստանի Հանրապետության կառավարության 2001 թվականի ապրիլի 25-ի «Հայաստանի Հանրապետությունում դեղերի պետական գրանցման կարգը և դեղերի պետական գրանցման փորձաքննության վարձի չափերը հաստատելու մասին» N 347 որոշմամբ հաստատված կարգի 30-րդ կետի «ա» ենթակետը, արտադրող ընկերությունից ստացված գրությունը, ՀՀ ԱՆ «Դեղերի և բժշկական տեխնոլոգիաների փորձագիտական կենտրոն» ՓԲԸ-ի թիվ 0304093412 գրությունը` ՀՀ առողջապահության նախարարի 2012 թվականի օգոստոսի 22 թիվ 1952-Ա հրամանով դադարեցվել է «Բեռլին-Քեմի ԱԳ (Մենարինի Գրուպ)» արտադրության «Բրոմհեքսին 4 Բեռլին-Քեմի, 4մգ/5մլ ներքին ընդունման լուծույթ, 60մլ շշիկ» 94015 խմբաքանակի դեղի շրջանառությունը Հայաստանի Հանրապետությունում: Այս մասին տեղեկացնում են Առողջապահության նախարարության մամուլի ծառայությունից:
Հիմք ընդունելով Հայաստանի Հանրապետության կառավարության 2002 թվականի օգոստոսի 15-ի N 1300-Ն որոշմամբ հաստատված Հայաստանի Հանրապետության առողջապահության նախարարության կանոնադրության 12-րդ կետի «դ» ենթակետը, Հայաստանի Հանրապետության կառավարության 2001 թվականի ապրիլի 25-ի «Հայաստանի Հանրապետությունում դեղերի պետական գրանցման կարգը և դեղերի պետական գրանցման փորձաքննության վարձի չափերը հաստատելու մասին» N 347 որոշմամբ հաստատված կարգի 30-րդ կետի «ա» ենթակետը, արտադրող ընկերությունից ստացված գրությունը, ՀՀ ԱՆ «Դեղերի և բժշկական տեխնոլոգիաների փորձագիտական կենտրոն» ՓԲԸ-ի թիվ 0304093912 առ 17.08.2012թ. գրությունը` ՀՀ առողջապահության նախարարի 2012 թվականի օգոստոսի 22 թիվ 1953-Ա հրամանով անվավեր է ճանաչել «Բեռլին-Քեմի ԱԳ (Մենարինի Գրուպ)» արտադրության «Յոդոմարին 100 դեղահատեր N100» և «Կուրանտիլ N25, 25մգ թաղանթապատ դեղահատեր N120» դեղերի գրանցումը և դադարեցվել է դրանց շրջանառությունը Հայաստանի Հանրապետությունում:
Ըստ մեր ունեցած հավաստի տեղեկության`վերջին շրջանում աշխուժացել են սև կարիճները, որոնք համարվում են առանձնակի վտանգավոր, քանի որ նրանց խայթոցը կարող է լինել մահացու:
Առայժմ գրանցվել է սև կարիճի խայթոցի երկու դեպք, հիվանդները գտնվում են «Արմենիա» բժշկական կենտրոնի Սուր թունավորումների բաժանմունքում: Հիվանդներից մեկը տեղափոխվել է Էջմիածնից, մյուսը Աջափնյակի բնակիչ է: Նրանց կյանքին արդեն վտանգ չի սպառնում:
Ըստ «Վիքիպեդյաի»՝ սև կարիճն, ինչպես կարելի է եզրակացնել անվանումից, մուգ գույն ունի և ավելի խոշոր է, քան գույնզգույն կարիճները: Եվ շատ թունավոր է, տարվա բոլոր եղանակներին:
Սև կարիճի խայթոցի տեղը ուժեղ ցավում է, կարմրում և բշտում: Սրտի ռիթմը արագանում է, մարմնի ջերմաստիճանը` բարձրանում, սկսվում է ուժեղ գլխացավ, սրտխառնոց:
Մասնագետներն ասում են, որ սև կարիճը նեյրոտոքսիկ թույն ունի, որը երբեմն ավելի վտանգավոր է, քան օձի թույնը:
Ութ հասարակական կազմակերպություններ Բաց նամակ են հղել նախագահ Սերժ Սարգսյանին: Նրանք մտահոգություն են հայտնում Կապանի խմելու ջրի որակի առնչությամբ և խնդրում են որոնողական աշխատանքները դադարեցնելու նպատակով անհապաղ միջոցառումներ ձեռնարկել և կասեցնել Սյունիքի Նոր Աստղաբերդ համայնքի տարածքում «ԲԱՄՕ Մետալ» ՍՊ ընկերությանը տրված ոսկու հանքի որոնողական աշխատանքների արտոնագիրը:
Ստորև ներկայացնում ենք նամակը.
«Մեծարգո պարոն նախագահ,
Տեղեկացնում ենք Ձեզ, որ Կապանի բնակչությունը մտահոգված է Կապան քաղաք մատակարարվող խմելու ջրի որակի առիթով: Խնդիրը կայանում է նրանում, որ Կապանի տարածաշրջանի, Նոր Աստղաբերդ համայնքի վարչական տարածքում գտնվող ջրհավաք ավազանի տարածքում, որտեղից մատակարարվում է Կապանի բնակչության մոտ 90% խմելու ջուրը, կատարվում են ոսկու հանքավայրի որոնողական աշխատանքներ, որը իրականացնում է «ԲԱՄՕ Մետալ» ՍՊ ընկերությունը (Երկրաբանական ուսումնասիրության հատուկ լիցենզիա թիվ 58, գործողության ժամկետը մինչև` 05.10.2012թ):
Ս.թ. հուլիս ամսվա սկզբին, Կապան մատակարարվող խմելու ջրի պղտորման վերաբերյալ բնակչության ահազանգերը «Հայջրմուղկոյուղի» ՓԲ ընկերությունը այն պարզաբանեց Նոր Աստղաբերդ համայնքի վարչական տարածքում ընթացող ինտենսիվ հողային աշխատանքներով, որի արդյունքում «Հայջրմուղկոյուղի» ՓԲ ընկերությանը պատկանող, առանց այն էլ ոչ կենսունակ մաքրման կայանը չի հասցնում իրականացնել խմելու ջրի ֆիլտրացում: Որոնողական աշխատանքները ուղեկցվում են բնական հողածածկի ոչնչացմամբ, հորատումներով, որոնք անվերահսկելի բնապահպանական ռիսկեր կառաջացնեն`վտանգի տակ դնելով Կապանի 40.000 բնակիչների կյանքն ու առողջությունը:
Խնդրի մյուս կողմը կայանում է նրանում, որ խախտելով տեղական և միջազգային օրենքները, «ԲԱՄՕ Մետալ» ՍՊ ընկերությունը հանրությանը չի տեղեկացրել նախատեսվող աշխատանքների մասին, որի արդյունքում տեղական ՀԿ-երը հնարավորություն չեն ունեցել հայտնել իրենց դիրքորոշումը:
Հաշվի առնելով որոնողական աշխատանքների իրականացման տեղամասի դիրքը, խնդրում ենք որոնողական աշխատանքները դադարեցնելու նպատակով անհապաղ միջոցառումներ ձեռնարկել և կասեցնել Նոր Աստղաբերդ համայնքի տարածքում «ԲԱՄՕ Մետալ» ՍՊ ընկերությանը տրված ոսկու հանքի որոնողական աշխատանքների արտոնագիրը»:
“Կայուն զարգացում” ՀԿ նախագահ` Արմեն Փարսադանյան
Կապանի Օրհուս կենտրոնի համակարգող` Ա.Ավագյան
Կապանի “Ազատամարտ” Կոմիտեի նախագահ` Խ. Հարությունյան
Սյունիքի ՇՊԱԿ-ի համակարգող, փաստաբան` Ա.Խալափյան
“Էկոլոգիական անվտանգության ապահովման
և ժողովրդավարության զարգացման”
ՀԿ նախագահ` Ռ.Ասրյան
“Տիկնիկ” ՀԿ նախագահ` Գրիշա Մարգարյան
“Իրավական հասարակություն” ՀԿ նախագահ` Գ.Ղահրամանյան
“Կապանի կանանց ռեսուրս կենտրոն” ՀԿ նախագահ` Ք. Սաղաթելյան
Այսօր` հուլիսի 27-ին, լրագրողների հետ հանդիպման ժամանակ Հայաստանի գյուղատնտեսության նախարարության սննդի անվտանգության ծառայության հասարակայնության հետ կապերի բաժնի պետ Բաբկեն Պիպոյանը տեղեկացրել է, որ «Բոնիլաթ» կաթնամթերք արտադրող ընկերությունում հայտնաբերվել են սննդի անվտանգության խախտումներ:
Նրա խոսքով` ստուգվել են և հոսքագծից, և պահեստից վերցված նմուշները: Միկրոբային ախտոտվածություն հայտնաբերվել է միայն պահեստից վերցված նմուշներում, հոսքագծից վերցված նմուշներում խախտումներ չեն եղել: Պիպոյանը նշել ե, որ պահեստն ամբողջովին ախտահարված է, կրկին վերցվել են նմուշներ, որոնց բաղադրությունը նորմայի սահմաններում է, թույլատրվել է գործունեությունը;
Ընկերությունը ամենայն հավանականությամբ կտուգանվի 300 հազար դրամով, ինչը նման դեպքերում առավելագույն տուգանքն է:
Սոցիալ-տնտեսական ծանր պայմաններից ելնելով Հայաստանի ազգաբնակչության 70-75%-ը հանգստի չի մեկնում, իսկ 2-5 տոկոսն էլ հանգստանում է բարեկամ-ծանոթների տանը: Այս մասին այսօր` հուլիսի 23-ին, լրագրողների հետ հանդիպմանը նշել է Հայաստանի սպառողների ազգային ասոցիացիայի նախագահ Մելիտա Հակոբյանը` ներկայացնել իրենց հարցման արդյունքները:
«Համաձայնեք, որ սոցիալ-տնտեսական պայմաններն ավելի ծանր են, քան մի քանի տարի առաջ էր: Ո՞վ է օգտվում արտաքին, կամ թեկուզ ներքին տուրիզմից: Ո՞վ է Ծաղկաձորում,Սևանում կամ Ջերմուկում հանգստանում, այնպիսի թվեր են կրակում, որ խելքին մոտ չէ»,- նկատել է նա:
Ըստ Մելիտա Հակոբյանի ` Հայաստանի ներքին տուրիզմը գոնե պետք է մատչելի լինի հայերի համար: Նրա խոսքով, այդ ծառայություններից կարողանում են օգտվել բնակչության, առավելագույնը, 20%-ը, և միայն 1-2% -ն է, որ կարողանում է իրեն թույլ տալ տարեկան մի քանի անգամ գնալ հանգստանալու:
Այս ամենի հետևանքով էլ ազգաբնակչության մոտ առկա է հոգնածության սինդրոմ:
Հայաստանում փրկարարները որոնում են ջրանցքն ընկած տղամարդուն: Հուլիսի 13-ին, գիշերվա ժամը 12:00-ի սահմաններում ոստիկանություն է դիմել մի քաղաքացի` հայտնելով, որ կորել է իր եղբայրը`1977թ. ծնված Սահակ Հովհաննիսյանը: Կասկած կա, որ նա ընկել է Հաղթանակ թաղամասի մոտակա ջրանցքը: Դեպքի վայր են մեկնել հատուկ փրկարարական ջոկատի հերթապահ և ՃԿԿ օպերատիվ խմբերը:
Ռազմաբժշկական ծառայության մայոր Վահե Ավետյանը մահացավ հունիսի 29-ին, ժամը 18:45-ին: Անհայտ կորած ազատամարտիկի հիշատակի օրը:
20 տարի անց այն բանից հետո, երբ վերնախավային դավաճանության հետևանքով ծուղակն ընկավ «Արաբո» ջոկատը, ու շուրջ 70 զոհված մարտիկներ տարիներ շարունակ համարվեցին անհայտ կորած: Հայ դավաճանների պատճառով զոհված տղերքը գերեզման չունեցան, 20 տարի անց հայ տականքի ձեռքով սպանված հայոց բանակի սպան գերեզման կունենա, բայց… եթե հայ հերոսին հերոս չի հասնի, հայ տականքին էլ՝ տականք:
Ահա ինչ է գրել բլոգեր Մելանյա Պետրոսյանցը. «Իսկապես, մարդկային տականքությունը երբեմն սահմաններ չի ճանաչում: Հենց հիմա՝ ժ.21.45-ին Հարսնաքար ռեստորանային համալիրում 5 րոպե շարունակվող հրավառություն է տեղի ունենում: Ավան համայնքում մարդիկ դուրս են եկել պատշգամբները , լաց են լինում, անիծում, չեն ներում: Միթե Ռուբեն Հայրապետյանը չի տեսնում, չի լսում այս հրավառության գըմբգըմփոցներն ու լուսավորված երկինքը: Ամոթ: Հազար ամոթ»:
Սա արդեն մեր բոլորի ամոթի վկայականն է: Ոչ, խոսքը միայն հրավառության մասին չէ, որ տրվել է Վահեի սպանության վայրում Վահեի մահից 3 ժամ անց: Այդ հրավառությունը վկայություն է, որ սպանության վայրը ԱՅՑԵԼՈՒՆԵՐ ունի, և շատ, և նույնիսկ կոլեկտիվ: Մինչդեռ դեպքի օրվանից` հունիսի 17-ից հետո ոճրագործության վայր ռեստորանը պետք է զրո այցելու ունենար: Հայաստանի խանութներում «Բջնի» հանքային ջրերի սպառումը պետք է լիներ զրո շիշ… Եվ ընդհանրապես պիտի զրոյական լիներ Հայրապետյաններին պատկանող ձեռնարկությունների մատուցվող ծառայությունների և վաճառվող ապրանքների սպառումը: Անկախ նրանից` մեծ է, թե փոքր անձամբ Ռուբեն Հայրապետյանի մեղքի բաժինը: Անկախ նրանից` իշխանությունն ընթա՞ցք է տալիս գործին, թե՞ կոծկում է:
Սա հերոսություն չէր պահանջի ոչ ոքից: Ոչ էլ որևէ մեկին մազաչափ իսկ վտանգի կենթարկեր: Պարզապես բոլորիցս պահանջվում էր ընդամենը ՄԱՐԴ լինել: Ընդամենը մարդկային նողկանք զգալ այն ամենից, ինչից հայ տականքի ձեռքով հեղված հայ սպայի արյան հոտն է գալիս:
Ի՞նչ է պատահել ձեզ, հայրենակիցներ: Ձեզանից քանի-քանիսի զինվոր զավակի կյանք է փրկել կամ բուժել մայոր Վահե Ավետյանը, ուրացե՞լ եք դա, ու հիմա կարողանում եք դիպչել այն ամենին, ինչից նրա արյան հոտն է գալիս, քեֆ-ուրախություն եք անում այն վայրում, ուր նրա արյունն է հոսել… Նույնիսկ մի խումբ բժիշկներ էին այդտեղ եկել խնջույք արել օրեր առաջ… Մի՞թե անկման այդ աստիճանի ենք հասել, սա անտարբերությո՞ւն է, թասիբի ու նամուսի իսպառ բացակայությո՞ւն: Սպանության վայրում քեֆ անողը արդյո՞ք ինչ-որ բանով ավելի լավն է, քան սպանություն կատարած հաստավզերը:
Այսօր չէ, որ այդ ամենն սկսվեց: Հիշո՞ւմ եք տարիներ առաջ այն օրը, երբ «Պապլավոկ» սրճարանի արտաքնոցում Ռոբերտ Քոչարյանի թիկնապահները ծեծելով սպանեցին նրա համակուրսեցի, ազատամարտիկ Պողոս Պողոսյանին այն բանի համար, որ ասել էր. «Բարև, Ռոբ»: Մի կողմ թողնենք չարդարադատության ցինիզմը, որ թիկնապահ ոմն Կուկու ոչ մի օր բանտ չնստեց, որ նրան դատապարտեցին ընդամենը երկու տարի պայմանականի… Ամենա սարսափելին այն է, որ «Պապլավոկը» չդատարկվեց, դրանից հետո ամեն օր էլ մնաց լեփ-լեցուն, ու այդտեղ եկողները դեռ մի բան էլ իրենց «էլիտար» ու նույնիսկ «մտավորական» համարձակվեցին համարել:
Այդ լեփ-լեցուն զվարճավայրերը մեր համազգային ամոթի վկայականն են: Ու կմնան այդպիսին, անգամ եթե «Հարսնաքարի» գործով արդարադատությունն անթերի իրագործվի: Իսկ դրա որոշակի հույսերը կան` եթե Երևանի ոստիկանապետ Ներսես Նազարյանը (չնայած քավորասանիկային կապերի) հրապարակավ հաստատում է, որ կալանավորվածների մեջ Ռուբեն Հայրապետյանի թիկնապահներ էլ կան, ուրեմն`որոշված է առնվազն հանրությունից չթաքցնել դառը ճշմարտությունը: Բայց տարակուսելի է, որ հանրությունը կարծես թքած ունի այդ ճշմարտության վրա: Հա, միգուցե այս անգամ հանցագործներին կպատժեն օրենքի ամենայն խստությամբ, բայց հո լեփ-լեցուն են զվարճացողներով արնահոտ դահլիճները: Բա հետո՞… Հասկացանք` խիղճ, թասիբ, նամուս չունեք, բայց նույնիսկ սպառողի հասարակ էգոիզմ է՞լ չունեք:
Շաբաթվա Վարկածները մշակեց Արսեն ՎԱՀԱՆՅԱՆԸ
«Ողջունելի է, որ այս տարի մտավ բժշկական ապահովագրությունը: Պետական հաստատությունում 120.000 աշխատողների պետության կողմից ապահովագրելը առաջին քայլն էր»,- այսօր հրավիրված մամուլի ասուլիսին ասաց ԱԺ Առողջապահության, մայրության և մանկության հարցերի մշտական հանձնաժողովի նախագահ Արա Բաբլոյանը։
Նա համոզված է, որ բժշկական ծառայությունը ազգաբնակչության համար հասանելի դարձնելու լավագույն միջոցը բժշկական ապահովագրությունն է:
Նա կառավարության կողմից հաստատված ծրագիրը անվանեց հավակնոտ և ասաց, թե այն մեծ նշանակություն կունենա:
«Այս դեպքում, պետությունը հանդես է գալիս որպես գործատու և օրինակ է ցույց տալիս։ Վստահ եմ, որ ոչ միայն պետական, այլ նաև մասնավոր սեկտորը կմտնի այս համակարգի մեջ»,- ավելացրեց նա:
Բաբլոյանը կանխատեսում է, որ ընդհանուր գործընթացում մշտական փոփոխություներ լինում են, սակայն, ըստ նրա, մեծ փուլը, այսինքն՝ հիմնական հատվածը, հասարակության ապահովագրվածությունը, հավանաբար, կտևի 5-10 տարի: «Ցավոք, նոր տեխնոլոգիաներով կիրառվող ծառայություները թվում է, թե հարուստ մարդկանց համար են և այսօր անհասանելի են միջին, կամ ցածր եկամուտ ունեցող քաղաքացիների համար» – ասաց նա:
ԱԺ պատգամավորն ասաց, թե բժշկական ապահովագրությունը սկսել է հենց մասնավորից, իսկ պետությունը մտել է պատրաստի դաշտի մեջ:
Բաբլոյանը հավատացնում է, որ վաղ թե ուշ անպայման պարտադիր բժշկական ապահովագրության համար օրենքի նախագիծ կընդունեն, իսկ հիվանդության համար պարտադիր ապահովագրական վճարները ֆիքսված կլինեն:
«Ծրագիրն օրենքով ընդունելու մասին օրենք գրվել է դեռևս այն ժամանակ, երբ ես Առողջապահության նախարար էի, սակայն չընդունվեց, քանի որ վախ ունեին, որ նոր զարգացող տնտեսության վրա այն կարող է բացասական ազդեցություն ունենալ,- ասաց ԱԺ պատգամավորը, — նախ համակարգը պատրաստ չէր, և կարող էր վնասել տնտեսության զարգացմանը։ Հիմա տնտեսությունը զարգացել է, և սա հնարավոր է զարգացնել»:
Ինչ վերաբերվում է հասարակության չաշխատող հատվածին, ըստ նրա, պետությունը կարող է երաշխավորել բժշկական ապահովագրություն կամ էլ պետական պատվերով վճարել:
«Ապահովագրական շուկայի մասնակիցների ասոցիացիայի» տնօրեն Անդրանիկ Օհանջանյանը կարծում է, որ 100.000 բնակչի հաշվով պատրաստ լինելը մի բան է, 2 մլն-ի համար մեկ այլ բան: «Վեց ընկերությունները չեն կարող այդ ամբողջը ստեղծել՝ հույս ունենալով, որ մի քանի տարի հետո կստեղծվի նման գործընթաց»:
«Քաղաքակիրթ հասարակությունն ապացուցել է, որ առողջապահության լավագույն մոդելն ապահովագրությունն է», նշեց Օհանջանյանը, որը համոզված է, որ մեր ապահովագրական ընկերությունները պատրաստ են, բայց, անելիքներ դեռ շատ կան:
Ըստ Օհանջանյանի, վերջին երկու տարվա բժշկական ապահովագրվածներից 10.000 քաղաքացիներ արդեն դիմել են ապահովագրական ծառայություների և մի մասը ստացել է իր բուժումը: Նրանցից 150–ի դեպքում սրտի թանկ վիրահատություններ են կատարվել։
Կարդացի այս հոդվածը, (http://www.aravot.am/2012/06/20/83372/) և որոշեցի անդրադառնալ բժշկին խանգարող և բուժօգնությանը խոչընդոտող մի քանի արգելքների, որոնք արհեստականորեն առաջանում են հիվանդների հարազատների կողմից.
1. Հայտնվելով արտակարգ իրավիճակում, իսկ վատագույն դեպքում անելանելի իրավիճակում, Հիվանդի Հարազատի մոտ տեղի է ունենում բնական հոգեբանական ռեակցիա` ագրեսիա և/կամ մեղավորների փնտրտուք, որն ուղղվում է բժշկի և բուժանձնակազմի դեմ: Չունենալով հեգեբանական տարրական գիտելիքներ, հարազատը այս հոգեվիճակում երախտիքի կամ շնորհակալության փոխարեն բժշկին կարող է հասցնել ամենատարբեր վնասներ, սկսած ֆիզիկական բռնությունից մինչև աշխատանքից ազատում և դատական քաշքշուկներ:
2. Հայտնվելով բժիշկ-պրոֆեսիոնոլների միջավայրում, Հիվանդի Հարազատը երբեմն բժիշկների սառնասրտությունը և հավասարակշռվածությունը ընդունում է որպես անտարբերություն հիվանդի նկատմամբ: Բնական է, որ բժիշկն ավելի օբյեկտիվ է գնահատում իրավիճակը, բնական է, որ երբեմն կլինիկական որոշում կայացնելու համար անհրաժեշտ է պարզապես կանգ առնել, ու մտածել, առանց վազվզելու և հոլիվուդյան տեսարաններ ստեղծելու, ինչը կողքից դիտող խուճապահար Հարազատի կողմից որակվում է որպես անփութություն, ու Նա սկսում է անհարկի միջամտել կամ խառնաշփոթ ստեղծել խանգարելով բժշկի աշխատանքը:
3. Կարելի է ասել, որ բուժօգնությունը սկսվում է ախտորոշումից, իսկ ախտորոշման համար անհրաժեշտ են լաբորատոր և գործիքային հետազոտություններ, որոնք բոլորն էլ փող արժեն: Եվ չնայած, որ ամբողջ բուժտեխնիկան ներմուծված է արտասահմանից, և գրեթե նույն գներով, ինչ գներով որ դրանք վաճառվում են արտադրող երկրներում, մեզ մոտ այդ սարքերով և գործիքներով իրականացվող հետազոտություններն արժեն տասնապատիկ, անգամ քսանապատիկ ավելի էժան, ինչը բնականաբար պայմանավորված է նրանով, որ , «Պետությունը բժշկին քիչ է վճարում… », ինչպես կասեր Հայֆիլմի հայտնի հերոսը: Այսինքն, միայն բժիշկների շնորհիվ է, որ Հիվանդը հետազոտվում է գրեթե նույն տեխնիկայով, ինչ ասենք Կլիվլենդում, սակայն դրա փոխարեն վճարում է 10-20 անգամ ավելի քիչ գումար: Սակայն սա չի խանգարում, որ Հիվանդը կամ Հարազատը Բժշկին պիտակավորի «թալանչի», «հարստահարող» կամ էլի մի բան, որը բնականաբար չի նպաստում պրոդուկտիվ աշխատանքին:
4. Երբեմն Հիվանդը կամ Հարազատը համացանցից կամ այլ հեռակա բժիշկներից ստանում է որոշակի ինֆորմացիա, և սկսում է այդ ինֆորմացիայով գնահատել բուժող բժշկի աշխատանքը, իսկ երբեմն էլ միջամտել այդ աշխատանքին, չիմանալով կամ մոռանալով, որ համացանցում կարող է գրված լինել «հազար ու մի զիբիլ», իսկ հեռակա բժիշկները չեն կարող ամբողջական պատկերացում կազմել կոնկրետ կլինիկական իրավիճակի մասին, որում գործում է բուժող բժիշկը, ով գլխով է պատասխանատու հիվանդի համար: Սա է պատճառը, որ յուրաքանչյուր խորհրդի, ուղեգրի և դեղատոմսի տակ դրվում է բժշկի ստորագրություն, իսկ հեռակա մասնագետների ամենաիմաստուն խրատն անգամ ԱՆՎԱՎԵՐ Է…
5. Քիչ չեն դեպքերը, երբ անգամ հեռուստաեթերից վկայակոչվում է Հիպոկրատի Երդումը, որով վկայակոչողները իրենց արտոնում են «մուննաթով» պահանջել բժշկից այս կամ այն: Տեղեկացնում եմ, որ Հիպոկրատի Երդումն ընդգրկում է պարտավորություններ ուսուցչի և աշակերտների հանդեպ, հիվանդին չվնասելու, թույնի բաղադրատոմս չտալու, և կեսարյան հատումով հղիություն չընդհատելու դրույթներ: Այնտեղ երդվողը պարտավորվում է վիրահատումներ չանել և անհրաժեշտ դեպքերում դիմել վիրաբույժին: Խոստանում է հիվանդների հանդեպ սեռական զսպվածություն և բժշկական գաղտնիքի պահպանում: Ոչ ավել, ոչ պակաս: Այնպես որ, Հիպոկրատի Երդումը այս կամ այն առիթով շահարկողները կամ ցուցադրում են սեփական տգիտությունը, կամ ընդամենը դեմագոգում են:
6. Բժիշկների մոտ կա մասնագիտական մի գիծ, անսահման հանդուրժողականություն: Նրանք ամեն արատավոր երևույթ դիտում են որպես հիվանդություն: Անգամ եթե Նրանց հայհոյում են, Նրանք կարող են դա դիտել որպես հիվանդ հոգեբանության, հիվանդ դաստիրակության դրսեվորում, և ամենևին չպատասխանել նույն հայհոյախոսությունով: Սա չի նշանակում, որ կարելի է անվերջ նրանց վրա ցեխ շպրտել, ու նրանց խոհեմ լռությունը դիտել որպես համաձայնության նշան: Հավատացնում եմ, որ յուրաքանչյուր պրակտիկ բժիշկ այնքան հոգս ու անելիք ունի կյանքի և մահվան սահմանագծին, որ ժամանակ ու ջանք չի մնում մամուլում կամ հեռուստաեթերում հնչող ամեն հեյրուրանքի հետևել և ինչպես հարկն է պատասխանել:
7. Այո, մեր բժշկությունում կան բազմաթիվ թերություններ, բայց այն շատ ավելի կատարյալ է, քան մնացած գրեթե բոլոր համակարգերը, որ գործում են մեր հանրապետությունում: Եվ երևի միայն բժշկությունում է, որ համեմատության և զարգացման համար ամեն անգամ չափորոշիչ և օրինակ են բերվում ոչ թե «հարևան պետությունները», այլ այնպիսի երկրներ, ինչպիսիք են ԱՄՆ-ը, Ֆրանսիան, Գերմանիան և այլն… Եվ հազիվ թե գտնվի մի պրոֆեսոր կամ բաժնի վարիչ, ով գիշերը քնելիս, չմտածի գերժամանակակից բժշկությունը մեր երկրում ներդնելու ու այն առաջ տանելու մասին…
………………………………………………..
Վերջում մի կարճ պատմություն.
Հայաստան են եկած լինում Ֆրանսիացի բժիշկներ, ովքեր լսելով մի տեղացի վիրաբույժի մասին ցանկություն են հայտնում անձամբ ծանոթանալ նրա հետ:
Երբ Նրանց հարցնում են, թե ինչու՞, ի՞նչն է պատճառը, նրանք պատասխանում են.
-Մենք ուզում ենք անձամբ սեղմել այն մարդու ձեռքը, ով անում է այնպիսի վիրահատություններ, ինչպիսիք անում են միայն տիեզերքը նվաճած երկրներում…
…………………………………………………
Թերևս այսքանը…
Հայկ Մանասյան
Հունիսի 20-ին, ժամը 22.30-ին, «BMW-X-5» մակնիշի ավտոմեքենայի վարորդը Գարեգին Նժդեհի փողոցի թիվ 12 շենքի դիմաց վրաերթի է ենթարկել 44-ամյա մի կնոջ, որը մարմնական վնասվածքներով տեղափոխվել է հիվանդանոց:
Կատարվում է քննություն:
-
-
23.04.2024 | 11:06
Ի՞նչ կապ ունեին Արայիկ Հարությունյանի հարցազրույցի անոնսն ու հետագա «զարգացումները». «Փաստ» -
23.04.2024 | 11:42
Ադրբեջանում պահանջել են նաև չորս «անկլավային գյուղերը» -
23.04.2024 | 11:23
Վաղը ուշադիր եղեք հատկապես Ոսկեվանի և Բաղանիսի մոտակա դիրքերին․ Նաիրի Հոխիկյան
-
- Տեսանյութ
- Օրվա միտք
- Խմբագրի վարկած
- Ֆոտո
-
Հասցե` Հայաստան, 0023, Երևան, Արշակունյաց 2
Հեռ: +374 (10) 06 06 23 (413, 414), +374 (99) 53 58 26
Էլ. փոստ` armv12@mail.ru -
2010-2011 © Բոլոր իրավունքները պաշտպանված են:
Մեջբերումներ անելիս հղումը armversion.com-ին
պարտադիր է: Կայքի հոդվածների մասնակի կամ
ամբողջական հեռուստառադիոընթերցումն
առանց armversion.com-ին հղման արգելվում է: -
Կայքում արտահայտված կարծիքների համընկնումը
խմբագրության տեսակետի հետ պարտադիր չէ:
Գովազդների բովանդակության համար
կայքը պատասխանատվություն չի կրում:
Բոլոր իրավունքները պաշտպանված են: Copyright “Armversion.com” 2010.