23.04.2024 | 11:42
Ադրբեջանում պահանջել են նաև չորս «անկլավային գյուղերը»...23.04.2024 | 11:23
Վաղը ուշադիր եղեք հատկապես Ոսկեվանի և Բաղանիսի մոտակա դիրքերին․ Նաիրի Հոխիկյան...23.04.2024 | 11:06
Ի՞նչ կապ ունեին Արայիկ Հարությունյանի հարցազրույցի անոնսն ու հետագա «զարգացումնե...13.04.2024 | 13:57
Մենք այլևս չունենք ԱԱԾ, այդ հաստատությունը Նիկոլի ռեժիմի հերթական գործիքն է․ Կար...13.04.2024 | 13:26
Վթարի հետեւանքով մահացած բոլոր չորս զինծառայողները ժամկետայիններ էին....13.04.2024 | 13:06
Արարատի մարզում հայտնաբերվել է 36 կգ ոսկի գողություն կատարող կասկածյալներից մեկը...13.04.2024 | 12:59
Ղազախստանում ձերբակալել են ռուսաստանցու, որը մեղադրվում է տաջիկներին այլ երկրներ...13.04.2024 | 12:28
Փաշինյանի «լռությունը» վախեցնում է «ուսապարկերին»․ «Հրապարակ»...13.04.2024 | 11:29
Գեղարքունիքում զինվորական «ԿամԱԶ» է վթարի ենթարկվել...12.04.2024 | 14:08
Ոսկեպարցի Սամվելի խոհանոցի և հողամասի մի մասը մնալու է ՀՀ-ում, իսկ տունը և տնամե...12.04.2024 | 13:56
Ավազակություն՝ հոր և որդու կողմից. հոր գործը ուղարկվել է դատարան, իսկ որդին ինքն...12.04.2024 | 13:00
Դպրոցներից տարհանման կարիք չկա. ԿԳՄՍ նախարարը` ահաբեկչության կեղծ լուրերի մասին...12.04.2024 | 2:20
Մի կողմից նույն մարդիկ մեզ ասում են, թե «սահման չկա, սահմանները հստակեցված չեն»,...10.04.2024 | 15:10
Ահազանգ ենք ստացել զինվորական ծառայությունից հրաժարվելու հիմքով ՀՀ-ում ապաստանած...10.04.2024 | 14:10
Փաշինյանը Շոլցի հետ հեռախոսազրույցում անընդունելի է համարել Պրահայի, Բրյուսելի և...10.04.2024 | 13:10
Թքած ունեմ նրանց վրա, ովքեր հրաժարվում են «Միր» քարտի ծառայություններից. Պետդում...10.04.2024 | 12:10
Մենք չգնացինք այդ ճանապարհով և հայտնի աշխարհաքաղաքական կենտրոններում որոշվեց հար...10.04.2024 | 11:10
Եթե շատ լինեք, մենք կշրջափակենք կառավարությունը․ Հրանտ Բագրատյան...09.04.2024 | 15:10
Հրաժարվելով ռուսական МИР քարտերից՝ մենք ակամայից հայտնվում ենք պատժամիջոցների տա...09.04.2024 | 14:10
Ուկրաինան և Ռուսաստանն Աբելն ու Կայենն էին. Լեոնիդ Կուչման` Կիև-Մոսկվա հարաբերու...09.04.2024 | 13:10
Մարտական հենակետում երեք զինծառայողի սպանության գործով դիրքի ավագի պաշտպանը դիմե...09.04.2024 | 12:10
Հայկազ Բարսեղյանի սպանության գործով ամբաստանյալները դատապարտվեցին 18 տարի ազատազ...09.04.2024 | 11:10
Կռիվ լինելու ա, ու ես գիտեմ, որ մենք պիտի հաղթենք. Մեր թշնամին էսօր Ադրբեջանում ...08.04.2024 | 15:10
Իսրայելի ՊՆ-ն հայտարարել է Իրանի հետ հարաբերություններում «ցանկացած սցենարի» պատ...08.04.2024 | 14:10
Անիմաստ կրակում են, ոչ մի բան չեն թիրախավորում, երևի վախից է․ Արավուսի նախկին գյ...08.04.2024 | 13:10
ԵԽ-ն Հայաստանի «լամպոչկա» իշխանություններից պետք է պահանջի անհապաղ ազատ արձակել ...08.04.2024 | 12:10
270 մլն գնահատվող աշխարհաքաղաքական վեկտորի փոփոխություն և 0 երաշխիքներ․․․Լիլիթ Գ...08.04.2024 | 11:10
Եթե Արևմուտքը Հայաստանին ինչ-որ բան տա, Թուրքիան Ադրբեջանին եռապատիկը կտա. Չավու...06.04.2024 | 14:10
Գրողների միության նախագահը տեղյակ չէ իրենց շենքը թուրքական դեսպանատանը տրամադրել...06.04.2024 | 13:10
«Նիկոլիստներ, սորոսականներ ու արևմտամոլներ, ուշադիր կարդացեք գրածս»․ Էդուարդ Շար...06.04.2024 | 12:10
Բրյուսելում Հայաստան-ԵՄ-ԱՄՆ հանդիպումը «վտանգի ևս մեկ աղբյուր է ստեղծում» Հրվ. Կ...06.04.2024 | 11:10
Որեւէ մեկը չի կարող երաշխավորել, որ Իրանի թիրախներից մեկը չի դառնա Բաքուն. Վարդա...05.04.2024 | 15:10
Ռուսաստանը գրոհել է Ուկրաինան 13 անօդաչու թռչող սարքերով, բոլորը խոցվել են. Ուկր...05.04.2024 | 14:10
8,800 դոլարի և 5 մլն դրամի կաշառք ստանալու համար մեղադրվող պաշտոնյաների վարույթի...05.04.2024 | 13:10
Զորախաչ եկեղեցին՝ ադրբեջանական թիրախում05.04.2024 | 12:10
«Կրոկուս»-ում ահաբեկչության մեջ մեղադրվող անձի հեռախոսում հայտնաբերվել են Ուկրաի...04.04.2024 | 15:10
Ցեղասպանության վտանգը տարածվել է Հայաստանի ինքնիշխան տարածքի վրա. Լեմկինի ինստիտ...04.04.2024 | 14:10
Զազրելի է, որ որոշ թունավոր տհասներ սկսում են հայհոյել դասագիրք կազմողներին՝ իրե...04.04.2024 | 13:10
Թուրքիայում 2 հայի են բռնել, որոնց կոշիկներում 109 հազար դոլարի ոսկու ձուլակտորն...Մայիսի 4-ին Քեյփթաունում «Բաց կառավարության գործընկերություն» կազմակերպությունում Ադրբեջանի անդամակցության կարգավիճակը լիիրավ անդամից իջեցվել է՝ հասցվելով պասիվ երկրի մակարդակի: Համապատասխան որոշումը կայացվել է նախաձեռնության ղեկավար կազմի նիստի ժամանակ: Հատկանշական է, որ որոշմանը դեմ է արտահայտվել ղեկավար կազմի 22 անդամներից միայն 3-ը: Ադրբեջանի կարգավիճակի իջեցման պատճառը երկրում մարդու իրավունքների զանգվածային ոտնահարումն ու քաղաքացիական հասարակության ինստիտուտների շարունակվող հալածանքներն են։ Ղեկավար կոմիտեն այդ գործողությունների հասարակական կազմակերպությունների գործունեության հնարավորությունների սահմանափակման վտանգ է տեսել, ինչը հակասում է կազմակերպության սկզբունքներին:
Ադրբեջանին մեկ տարի ժամանակ է տրվել մատնանշված խնդիրները վերացնելու համար: Այդ ընթացքում Ադրբեջանի ներկայացուցիչներն իրավունք ունեն մասնակցել նախաձեռնության աշխատանքներին, սակայն պասիվ երկրի կարգավիճակի պայմաններում Ադրբեջանը ձայնի իրավունքից զրկված է մնալու: Եթե առաջիկա մեկ տարվա ընթացքում Բաքուն քայլեր չձեռնարկի երկրում մարդու իրավունքների վիճակի բարելավման եւ քաղաքացիական հասարակության զարգացման համար ստեղծված խնդիրները շտկելու ուղղությամբ, բարձրացվելու է Ադրբեջանի անդամակցության դադարեցման հարցը:
«Բաց կառավարության գործընկերությունը(Open Government Partnership)»-ը միջազգային կազմակերպություն է, որը հիմնվել է 2011 թվականի սեպտեմբերի 20-ին: Կազմակերպությունը հիմնել են 8 երկրներ՝ ԱՄՆ-ն, Մեծ Բրիտանիան, Բրազիալիան, Նորվեգիան, Ինդոնեզիան, Մեքսիկան, Հարավաֆրիկյան Հանրապետությունը եւ Ֆիլիպինները: Ներկայումս կազմակերպությանն անդամակցում են 69 երկրներ, այդ թվում՝ նաեւ Հայաստանը, իսկ մեր հարեւաններից՝ Վրաստանը եւ Թուրքիան:
Կազմակերպության պատմության ընթացքում սա առաջին դեպքն է, որ անդամ երկրներից որեւէ մեկի կարգավիճակը իջեցվում է եւ նույնիսկ դրվում է անդամակցության դադարեցման հարցը:
Պաշտոնական Բաքուն առայժմ չի արձագանքել կառույցի որոշմանը, սակայն ադրբեջանական ոչ կառավարական կազմակերպություններն ու իրավապաշտպանները միաձայն հայտարարում են, որ Ադրբեջանի կարգավիճակի իջեցումը մեծ հարված է երկրի վարկանիշին: Օրինակ, «Հանրապետական այլընտրանք» քաղաքացիական նախաձեռնության անդամ Հաֆիզ Բաբալըն գտնում է, որ այդ կարգավիճակի իջեցումը ստվեր է գցում երկրի վարկանիշի վրա: Նրա խոսքով, նման հեղինակավոր կառույցում անդամակցությունը երկրի թափանցիկության այցեքարտ է համարվում եւ եթե երկրի կարգավիճակը իջեցվում է, դա բացասական կարծիք է ստեղծում օտարերկրյա անհատ ներդրողների ու վարկատուների մոտ, դժվարացնում կառավարության ֆինանսական փոխառությունները եւ օտարերկրյա ընկերությունների մասնակցությունը ներդրումային ծրագրերին:
Հայաստանի պաշտպանության նախարարի մամուլի խոսնակ Արծրուն Հովհաննիսյանն այն կարծիքին է, որ Ադրբեջանի պաշտպանության նախարարության կողմից բանակում ծառայության անցնելու համար կամավորականների հավաքագրումն առանձնահատուկ նշանակություն չունի: «Արմենպրես»-ի հետ զրույցում Հովհաննիսյանը կարծիք հայտնեց, որ դա արվում է ցուցադրականության շրջանակներում: «Ադրբեջանը անցած օրերին համառորեն ինչ-որ բաներ էր ցանկանում ցույց տալ՝ մեկ իրենց զինապահեստներն էին ցույց տալիս, մեկ՝ զենքերը: Չի բացառվում, որ այդ շրջանակներում է արվում այս ամենը»,- ասաց նա:
Արծրուն Հովհաննիսյանը Ադրբեջանի պաշտպանության նախարարության այս քայլը ծիծաղելի է համարում այն առումով, որ նրանք նախկինում հայտարարում էին, թե կամավորներ հավաքագրելու խնդիր չունեն: «Սա մի փոքր ծիծաղելի է այն առումով, որ եթե զինադադար է, եթե ի սկզբանե ասում էին, որ որևէ խնդիր չունեն, ապա ի՞նչ կարիք կա կամավորներ հավաքագրել: Մենք, օրինակ, ի սկզբանե հենց առաջին օրվանից հավաքագրել ենք ու չենք թաքցրել: Նույնիսկ ինչ-որ պահի ասել ենք, որ այլևս չգան, որովհետև իսկապես շատ էին գալիս, սակայն տվյալ դեպքում իրենց արարքն անհասկանալի է: Նախկինում ինչ խաղ էին խաղում, հիմա ինչ խաղ են խաղում, միմյանց հետ չի համընկնում»,- եզրափակեց Հովհաննիյսանը:
Մանրամասները՝ «Արմենպրես»–ում:
Արցախի Հանրապետության Նախագահի մամուլի քարտուղար Դավիթ Բաբայանը Tert.am-ի հետ զրույցում նշել է, որ Ստեփանակերտը որոշ տեղեկություններ ունի, որ ապրիլյան քառօրյա պատերազմի ժամանակ զոհված եզդի Քյարամ Սլոյանին գլխատած ազերի զինվորականին պարգևատրել է ոչ միայն Ադրբեջանի նախագահ Իլհամ Ալիևը, այլև Թուրքիայի ռազմաքաղաքական ղեկավարությունը:
“Ըստ որոշ տվյալների՝ այդ դահիճին պարգևատրել է նաև թուրքական պետությունը՝ հեռակա: Իհարկե ադրբեջանական կողմը փորձում է քողարկել այս փաստը: Եվ սա մեսիջ է քուրդ ժողովրդին, որովհետև, չգիտես ինչու, նրանք քրդերին ու եզդիներին մեկ ազգ են դիտում”,- Դավիթ Բաբայանը հավելել է, որ ադրբեջանական այս ֆաշիզմին մասնակից է նաև Թուրքիան:
Անդրադառնալով Բաքվի՝ 94թ. զինադադարի պայմանագիրը չեղարկելու վերաբերյալ բացատրություններին, Դավիթ Բաբայանը հեգնանքով ասաց, թե տպավորություն է, որ այդ դիմումը ներկայացրել է ՄԱԿ-ում Ադրբեջանի դեսպանատան պահակի քրոջ որդին:
“Նրանք մի քանի անգամ շահարկումներ են արել, շանտաժի ենթարկել միջազգային հանրությանը, չի ստացվել: Իրենց արտգործնախարարը պատասխանել է, որ ինքը տեղյակ չէ այդ նամակի մասին, դա ինչ-որ դեսպանատան պահակի քրոջ տղան է ներկայացրել. ահա էսպիսի անիմաստ փաստարկներ”,-հայտարարել է Դավիթ Բաբայանը։
Հիշեցնենք, որ Tert.am-ի հետ զրույցում ՀՀ արտաքին գործերի փոխնախարար Շավարշ Քոչարյանն ասել էր, որ Ադրբեջանը չի կարող դիմել ՄԱԿ-ի Անվտանգության խորհրդին՝1994թ.-ի հրադադարի մասին պայմանագրի չեղարկման համար, քանի որ նման բան գոյություն չունի, որ ՄԱԿ-ը չեղարկի պայմանագիրը:
Նշենք, որ ապրիլին սկսված պատերազմական իրավիճակն ուղեկցվում էր նաև քարոզչական պատերազմով, որի ժամանակ ադրբեջանական ԶԼՄ-ները հաղորդել էին, թե հայկական կողմը թունավորում է գետերը, որոնք հոսում են դեպի Ադրբեջան:
“Մենք մեկ անգամ չէ, որ հայտարարել ենք՝ Ադրբեջանն ինքը միշտ թունավորում է մեր գետերը և՛ պատերազմի ժամանակ, և՛ խորհրդային տարիներին, ինչի հետևանքով կտրուկ մեծացել էր քաղցկեղի քանակը. սա ոչ այլ ինչ է, քան այդ թունավորման հետևանք: Այսինքն` թունավորել են առաջ, թունավորել են հետո, և հիմա փորձում են իրենց մեղքը բարդել հայերի վրա”,-ասել է Դավիթ Բաբայանը` հիշեցնելով, որ այդ “թունավորման մասին ժամանակին խոսել է BBC-ն”:
Անդրադառնալով կառավարության նիստի օրակարգում ներառված պատգամավորներ Զ. Փոստանջյանի ու Հրանտ Բագրատյանի՝ Արցախը ճանաչելու մասին օրինագծին` Դավիթ Բաբայանը նկատեց. “Կողմնակից ենք, որպեսզի ճանաչվի Արցախի Հանրապետության անկախությունը, աշխատում ենք այս ուղղությամբ, բայց կարծում ենք, որ Հայաստանը, որ ամեն ինչ անում է Արցախի ճանաչման համար, առաջին պետությունը չպետք է լինի, որ ճանաչի Արցախի Հանրապետությունը։ Այս գործընթացը պետք է հասցնենք իր տրամաբանական ավարտին”:
Նշենք, որ Ադրբեջանի ԱԳՆ-ն այս նախագծի առնչությամբ հայտնել էր, թե «նման սադրիչ քայլից հետո ողջ պատասխանատվությունը կընկնի Հայաստանի վրա»:
Ի պատասխան հարցի, թե Ադրբեջանն էլ ասել էր, որ պատերազմ կլինի, եթե ՀՀ-ն ճանաչի, ապա Դավիթ Բաբայանն էլ հակադարձեց. “Խնդիրը նրա մեջ է, որ եթե լինի պատերազմ, կճանաչի, եթե իրենք չեն ուզում պատերազմ, պետք է հայտարարեն, որ չեն ուզում պատերազմ”։
Ամփոփելով՝ Դավիթ Բաբայանը նշել է, որ հայ ժողովրդի առաջ դրված է 4 հիմնական գերխնդիր՝ Արցախի հիմնախնդիրը, Ցեղասպանության ճանաչում, Սևանա լճի փրկության և Սփյուռքում ազգային ինքնության պահպանման խնդիրները։
Այս 4 ուղղություններով, ըստ Դավիթ Բաբայանի, հայ ժողովուրդը պետք է լինի միասնական:
“Եվ այն, որ այստեղ են գալիս տարբեր քաղաքական գործիչներ և՛ Հայաստանից, և՛ Սփյուռքից, շատ լավ ու ողջունելի է. ավանդական կուսակցությունների ներկայացուցիչները ոչ միայն պարբերաբար այցելում են Արցախ, այլ եղել են այստեղ այս 4-օրյա պատերազմի թեժ օրերին”,-ավելացրել է Դավիթ Բաբայանը:
Կառավարության այսօրվա նիստում հավանության արժանացավ Լեռնային Ղարաբաղի Հանրապետության ճանաչման մասին ԱԳՆ ներկայացրած եզրակացությունը: ԱԳ փոխնախարար Շավարշ Քոչարյանը շատ կարճ ներկայացեց հարցը, ընդամենը բերեց հիմնավորում, որ երկու երկրների միջեւ քննարկումներ են եղել:
ՀՀ արտաքին գործերի նախարարի տեղակալ Շավարշ Քոչարյանը, ներկայացնելով նախագիծը, նշեց. «Ըստ այդ եզրակացության՝ օրենքի նախագծի ընդունումը պայմանավորված է Հայաստանի և Արցախի միջև քննարկումների արդյունքներով՝ հաշվի առնելով հետագա զարգացումները, այդ թվում՝ նաև արտաքին գործոնները»:
Ռուսական «Իզվեստիա» թերթը անադրադառնալով Հայաստանի կառավարության կողմից քննարկվելիք օրենքի նախագծին, գրե լէ, թե «հայերը խանդավառությամբ են ընդունել նման նախաձեռնությունը»:
«Իզվեստիան», հղում կատարելով հայկական դիվանագիտական շրջանակներում իր աղբյուրին, գրում է, թե հաշվի առնելով ապրիլյան «քառօրյա պատերազմը»՝ Հայաստանի ղեկավարությունը շատ է ռիսկի դիմում, «եթե որոշի ընդունել նման հայրենասիրական օրենքի նախագիծ»:
«Սարգսյանը Դմիտրի Մեդվեդևի հետ հանդիպումից հետո խոստացել էր չճանաչել Լեռնային Ղարաբաղի Հանրապետությունը, որպեսզի առանց այն էլ բարդ իրավիճակը չվատթարացնի: Նա նաև հայտարարել էր, որ ԼՂ հակամարտության խաղաղ կարգավորմանն այլընտրանք չկա: Այդուհանդերձ, Բաքուն խաղաղ կարգավորման հնարավորություն չի թողել, երբ որոշեց դիմել «քառօրյա պատերազմին»: Զոհվել են հարյուրավոր հայ զինծառայողներ հակամարտության սրացման ժամանակ: Հայը պատերազմի ուղին կբռնի, եթե միայն խոսքը վերաբերի իր ընտանիքին: Այստեղ խոսքը գնում է հայերի կյանքի մասին, հետևաբար՝ դժվար կլինի բացատրել իշխանությունների մերժումը՝ հրաժարվել ինքնավարության ճանաչումից»,- հայտարարել է «Իզվեստիայի» զրուցակիցը:
Միաժամանակ, ՀՀ նախագահի ադմինիստրացիային մոտ կանգնած աղբյուրը հայտարարել է, թե երկրի ղեկավարությունը դժվար թե գնա նման քայլի, «մանավանդ, որ Ռուսաստանը հավանության չի արժանացնի ԵԱՀԿ Մինսկի խմբի ձևաչափով խաղաղ կարգավորման պլանից հրաժարումը»:
Պարբերականը գրում է, թե Արցախի կարգավիճակի հարցով վերջնական որոշում ակնկալել պետք չէ: ՌԴ-ում ԼՂՀ մշտական ներկայացուցիչ Ալբերտ Անդրյանի խոսքով՝ հարցը դեռ քննարկման փուլում է, սակայն փաստը, որ ճանաչման հարցը կրկին դրվել է քննարկման, «Ադրբեջանին կստիպի ուժեղ նյարդայնանալ»:
«Այդ քայլը պայմանավորված է ցանկությամբ՝ ցույց տալ Ադրբեջանին մտադրությունների ողջ լրջությունը»,- ասել է Անդրյանն «Իզվեստիայի» հետ զրույցում:
nyut.am-ը գրում է.
«Արցախն անցել է որպես պետություն ճանաչվելու սահմանված բոլոր փուլերը, բայց դեռևս ճանաչում չի ստացել միջազգային կառույցների կամ պետությունների կողմից: Ես զինվորական մարդ եմ, այդ հարցի մեջ չեմ խորանում, մասնագիտական կարծիք չունեմ, թող դրանով իրավասու մարդիկ զբաղվեն, բայց իմ կարծիքը հստակ է` ես գտնում եմ, որ Հայաստանն ու Արցախը մեկ պետություն պետք է լինեն: Մենք բոլորս հայ ենք, իրար կողքի ենք ապրում, մեր միջև սահմաններ չպետք է լինեն. մեզ երկու նախագահ, երկու վարչապետ, չորս կամ չորս հարյուր հատ մեքենա պետք չէ»,- այսօր մեզ հետ զրույցում ասաց Արցախի հերոս, ՀՀ պաշտպանության նախկին փոխնախարար, գեներալ-մայոր Արկադի Տեր-Թադևոսյանը (Կոմանդոս)` անդրադառնալով ՀՀ-ի կողմից Արցախի Հանրապետությունը ճանաչելու մասին օրենսդրական նախաձեռնությանը:
Ա. Տեր-Թադևոսյանի խոսքով, մեր թուլությունն այն է, որ մոռացել էինք, որ թշնամի ունենք և մեր պարտականություններով չէինք զբաղվում, և խոսքը ոչ թե բանակի, այլ ժողովրդի մասին է: Գեներալ-մայորը շեշտեց, որ, եթե օրինակ, սովորած լինեինք 2011-ին Ալ Քաիդայի կողմից հրատարակված ԱԹՍ-ներից պաշտպանվելու 22 միջոցներից գոնե կեսը, ապա դրանց պատճառով 6-7 զոհ չէինք տա:
«Հիմա շատ գործ կա անելու, թերություններ էլ կան, բայց այս պահին ոչ թե պետք է նստենք, թերությունները գտնենք, այլ ամեն մեկս մեր գործը լավ անենք»,- ասաց Կոմանդոսը` տեղեկացնելով, որ իր կոչին հետևելով` շատ պաշտոնաթող գեներալներ և ռազմական փորձագետներ են ժամանել Հայաստան, որոնց հետ միասին փորձելու են օգտակար գործ անել բանակի, պետության համար:
Նա չցանկացավ մանրամասնել, թե քանիսն են արձագանքել իր կոչին և գործընթացն ինչ փուլում է գտնվում, միայն ասաց, որ չափից դուրս շատ մարդ է ուզում օգտակար լինել ընդհանուր գործին. «Մեզ համար այս ամենը շոու չէ: Պետք է մոտ ժամանակներս պետական մարմինների հետ հանդիպենք, քննարկենք ծրագրերը, և միասնական ուժերով ճիշտ և օգտակար քայլեր անենք»,- շեշտեց նա:
Կոմանդոսը չի ընդունում այն միտքը, որ մենք փայլուն հաղթանակ ենք տարել ապրիլյան պատերազմում. ճիշտ է, կանգնեցրել ենք թշնամուն, ձախողել ենք նրա պլանները, բայց դա դեռ բավարար չէ:
«Մենք վերլուծել ենք սխալները, դասեր ենք քաղել և հիմա արդեն պատրաստ ենք հարձակման. պետք է կոտրենք նրանց և առաջ գնանք: Սիրում ենք ասել` նժդեհական ենք, խելոք ազգ ենք, բայց միշտ մի բան մոռանում ենք` ուժն է ծնում իրավունք»,- ասաց նա և, անդրադառնալով այն խոսակցություններին, որ զինվորականների մոտ դժգոհություն կա, որ քաղաքական վերնախավը կրակի դադարեցման մասին որոշում կայացրեց, նշեց. «Ես եղել եմ Ղարաբաղում, այնտեղ տարբեր կարծիքներ կան: Ես մի բան գիտեմ` չի կարելի պաշտպանվել, պետք է հարձակվել. հաղթանակը հարձակման մեջ է»:
Կոմանդոսը համոզված է, որ թուրքերին հիմնական պատասխանը տվել են առաջնագծում կանգնած զինվորները, որոնք ոչ միայն բանակում են կռվել սովորել, այլև այդ գիտելիքը ստացել են իրենց հաղթանակած հայրերի ու պապերի դաստիարակության միջոցով. «Մեր այդ տղաների շնորհիվ է, որ թուրքերը չկարողացան իրենց ծրագիրն իրագործել, իսկ նրանք ուզում էին արագ հարձակման միջոցով կոտրել մեզ` հիմք ընդունելով այն տեսակետը, որ հարձակվողը սովորաբար մեծ հաղթանակ է տանում, սակայն մեր տղաների ճիշտ գործողությունների շնորհիվ Ադրբեջանը ոչ մի հաղթանակ էլ չունեցավ»,- ասաց նա` հավելելով, որ պետք չէ մոռանալ, որ թշնամին լավ սովորեցնողներ ունի, լավ զենք է տալիս իր զինվորին, և պետք է միշտ պատրաստ լինել և պատրաստ լինել ոչ թե պաշտպանվելու, այլ հարձակվելու. «Նրանք կարծում են` հայերը չեն կրակելու իրենց վրա, բայց եթե քեզ խփում են, պետք է նույն կերպ պատասխանել»:
Ինչ վերաբերում է այն հանգամանքին, որ առաջնագծում հիմնականում անապահով ընտանիքների երեխաներն են կանգնած, Ա. Տեր-Թադևոսյանն ասաց, որ այդ հարցում մեղադրում է այն մարդկանց, որոնք կարծում են, որ իրենց երեխաներն ավելի տաղանդավոր են և արժանի են մեքենա վարելու միայն:
Կա տեղեկություն, որ Ադրբեջանը տարհանում է Արցախի հարավ-արեւելյան սահմանամերձ բնակավայրերի բնակչությանը: Ադրբեջանի ՊՆ-ն հաղորդել է, որ շփման գծի մոտ Ադրբեջանի զինված ուժերի հրետանային եւ հրթիռային զորքերը զորավարժություններ են սկսել: Զորավարժությունների ընթացքում իրականացվում են ռուսական արտադրության «Мста-С» ինքնագնաց հաուբիցների կիրառման գործնական պարապմունքներ: Բացի այդ, մարտական վիճակի են բերվել հրետանային համակարգերը:
Դաշտային պայմաններում փորձարկվելու է հրետանային համակարգերի տեղակայումը, այլ զորատեսակների հետ համագործակցությամբ փորձարկվելու է դրանց կիրառումը:
Ադրբեջանի ՊՆ-ն նշում է, որ Ռուսաստանը շարունակում է արդիական սպառազինության մատակարարումները: Բացի այդ, Ադրբեջան են ժամանել ռուս մասնագետներ, ովքեր պետք է օգնեն ադրբեջանցիներին զենքին տիրապետելու հարցում:
Հայկական կողմը հաղորդել է հակառակորդի զինուժի կուտակումների ու տեղաշարժերի մասին, նշելով, որ այս անգամ այդ կուտակումներն ավելի մեծ ծավալների են: Արդյոք դա հարձակման համար է, թե այսպես ասած պլանային զորաշարժեր են, դժվար է ասել:
Եթե բնակչության տարհանումը համապատասխանում է իրականությանը, չի բացառվում հայկական դիրքերի հրետակոծության ինտենսիվացումը: Քանի որ հակառակորդի հրետանային համակարգերը տեղակայված են բնակավայրերում, հայկական կողմը նշել է, որ պատասխան գործողությունների հետեւանքների ողջ պատասխանատվությունն ընկնում է ադրբեջանական կողմի վրա:
Հայաստանը կոշտացրել է իր դիրքորոշումը ղարաբաղյան կարգավորման գործընթացում, ինչը հիստերիա է առաջացրել Ադրբեջանում: Հնարավոր է՝ զորավարժությունների մեկնարկը կապված է այդ հանգամանքի հետ:
Հնարավոր է նաեւ՝ Ադրբեջանը Ռուսաստանի օգնությամբ փորձում է ավարտին հասցնել այն համատեղ ծրագիրը, որը տապալվեց ապրիլի սկզբին ռազմական գործողությունների արդյունքում:Այն մասին, որ այդ ծրագիրը կիսատ է մնացել, վկայում են ապրիլյան ռազմական գործողությունների ավարտից հետո տեղի ունեցած քաղաքական իրադարձությունները, ինչպես նաեւ ռուս եւ ադրբեջանցի պաշտոնատարների հայտարարությունները:
Մասնավորապես, հայկական կողմը գաղտնազերծեց Կազանի փաստաթուղթը, իսկ ադրբեջանական կողմը՝ ռուսական կարգավորման պլանը: Փաստացի, ապրիլյան պատերազմի արդյունքը տապալել էր այդ պլանը:
Ի՞նչ է սպասվում: Փորձագետները տարբեր սցենարներ են կանխատեսում՝ լայնածավալ պատերազմից մինչեւ մինչապրիլմեկյան «սողացող պատերազմի» շարունակումը: Ակնհայտ է մեկ բան՝ հայկական կողմը սկսել է նոր իրավիճակին համարժեք, թեկուզ եւ որոշ դեպքերում ուշացած կամ կիսատ, քայլեր ձեռնարկել, եւ այս հարցում հետեւողական ու ինքնիշխան որոշումները բերելու են հայկական կողմի ձեռքբերումներին:
Հայկական կողմը ներկայում, որքան էլ առաջին հայացքից տարօրինակ հնչի, մի լուրջ առավելություն ունի՝ այլեւս չի կարող հույս պահել իր «դաշնակցի» վրա: Ինչպես ցույց է տվել ոչ վաղ անցյալի փորձը՝ դա հայերի հաղթանակի պայմանն է:
Հայկական կողմը մի քանի օրն է հայտնում է Արցախ-Ադրբեջան սահմանագոտու գրեթե ողջ երկայնքով հակառակորդի զինուժի կուտակումների ու ակտիվ տեղաշարժի մասին:
ԼՂՀ նախագահի խոսնակը հայտարարել է, որ նման կուտակումներ միշտ լինում են, եւ դա չի նշանակում հարձակման փորձ: ՀՀ ՊՆ խոսնակ Արծրուն Հովհաննիսյանը հայտնել է, որ տոների նախօրեին կուտակումներ միշտ լինում են, այս անգամ սակայն ավելի շատ է:
Արցախ էր մեկնել ՀՀ ԶՈՒ Գլխավոր շտաբի պետ Յուրի Խաչատուրովը եւ հանդիպել Արցախի նախագահ Բակո Սահակյանի հետ: Քննարկվել են բանակաշինության հարցեր, ասվում է պաշտոնական հաղորդագրության մեջ:
Քառօրյա պատերազմի օրերին այս երկու գործիչների հակասական պահվածքը լայն քննարկման ու դժգոհության տեղիք է տվել Հայաստանում ու Արցախում: Մասնավորապես, այն առումով, որ երկուսն էլ փաստացի գիտեին ադրբեջանական զինուժի մեծ կուտակումների ու տեղաշարժերի մասին, սակայն առանձնապես կարեւորություն չէին տվել դրան: Բակո Սահակյանը հենց այդպես էլ փաստացի ասաց իր հետպատերազմյա ասուլիսում, իսկ Խաչատուրովի մասին եղավ հրապարակում, թե նա բիլիարդ խաղալիս է եղել եւ անտեսել է զգուշացումները:
Քառօրյա պատերազմը, մեր զինվորների հերոսություններից զատ, իր արդյունքներով ու քաղաքական նպատակներով մնում է բավական մութ, թեեւ շատ հանգամանքներ են բացահայտվել: Այս խնդրի վերաբերյալ հայկական մամուլում ու փորձագիտական շրջանակներում առայժմ քննարկումներ չկան տարբեր պատճառներով: Մասնավորապես, ինչու հայկական կողմը հրաժարվեց իր դիրքորոշումներից ու համաձայնվեց զինադադարին, որի արդյունքում ունեցանք տարածքային կորուստ, եղել է արդյոք պայմանավորվածություն, եւ ինչ է հայկական կողմը պահանջել այդ տարածքային կորստի դիմաց, եւ այլն:
Հակասական էր հատկապես բարձրաստիճան զինվորականության պահվածքը, երբ մասնավորապես պաշտպանության նախարար Սեյրան Օհանյանը մինչ օրս հայտարարում է, թե այն դիրքերը, որոնք զիջել ենք, անէական են: Ի՞նչ է նշանակում անէական: Նման հայտարարություն նույնիսկ քաղաքական գործիչներն իրավունք չունեն անելու, ուր մնաց զինվորականությունը:
Խնդիրների, հարցերի այս թնջուկը հավանաբար կպարզվի առաջիկայում, որքան էլ որոշ հանգամանքներ խնամքով լռության են մատնվում:
Մինչ այդ, ադրբեջանական զինուժի հերթական կուտակումների հանդեպ կարծես թե վերաբերմունքը փոխվել է, եւ նկատելի է, որ հայկական կողմը միջոցներ է ձեռնարկում եւ վերահսկում է իրավիճակը: Եվ դրա ապացույցը Բակո Սահակյանի ու Խաչատուրովի հանդիպումն է նոր կուտակումների ֆոնին:
Արդյոք այս նոր կուտակումները կհանգեցնեն Ադրբեջանի կողմից ռազմական գործողությունների ակտիվացման: Դժվար է ասել, քանի որ այս պահին փաստացի բացակայում է հանկարծակիության գործոնը: Մյուս կողմից, այն լիովին չի կարելի բացառել, քանի որ հայ-ադրբեջանական դիմակայության այս տարիների ընթացքում, ինչպես պնդում են փորձառու զինվորականները, տեղի է ունեցել էական մի բան՝ ադրբեջանցիները խոշոր հաշվով հաղթահարել են վախը հայերի հանդեպ: Դա տեղի է ունեցել հայկական ռազմա-քաղաքական ղեկավարության մոտ երկու տասնամյակ վարած անվճռական, անհասկանալի, զիջումների հակված քաղաքականության արդյունքում:
Ավելին, այդ քաղաքականությունը վախեր է ներարկել նաեւ հայ հանրությանը, առաջացնելով անհեթեթ մտայնություններ ու դիրքորոշումներ հայկական պետականության ինքնիշխանության ու անվտանգության խնդիրների հանդեպ:
Ժամանակն է վերականգնել այդ գործոնը, որն ավելի կարեւոր է, քան սպառազինության ու մարդուժի քանակական տարբերությունը: Այդ տարբերությունը քառօրյա պատերազմում դեր չխաղաց՝ հայ զինվորը չեզոքացրեց այն իր քաջությամբ: Սակայն քանի դեռ այդ գործոնը չի վերականգնվել, մենք զոհեր ենք տալու, եւ ավելի ու ավելի շատ: Ադրբեջանը դրա առիթը տալու է:
Մեկ դիտարկում Տավուշից: ԵԱՀԿ Մինսկի խմբի, եւ հատկապես Ռուսաստանի մասին: Բաքվի ու Երևանի պաշտոնական հայտարությունները բացահայտ պատերազմի նախապատրաստության մասին են: Այդ ամենը չափազանց բաց տեսնում ես սահմանին` երկու կողմից: Ու բոլորը սրա մասին գիտեն: Մինչ այժմ ընդամեը եղել է ԵԱՀԿ ԽՎ գործող նախագահի հայտարարությունը ուժի կիրառման անթույլատրելիության մասին: Եւ ուրիշ ոչինչ: Մեր դաշնակից Ռուսաստանը, որ նախկինում մեզ համոզում էր, թե Ադրբեջանի հետ իր արածը սոսկ բիզնես է, ոչ մի ձեւ չի արձագանքում Ադրբեջանի ՊՆ նախարարության հաղորդագրություններին, որ Ռուսաստանից հենց նոր ստացած հրետանային համակարգերի ու այլ զորքերի կիրառմամբ զորավարժություններ է անում: Եւ ոչ մի հայտարարություն Կրեմլից: Որեւէ պահի ռազմական գործողությունների վերսկսելուց հետո նորից անբարոյականները ռուսական հեռուստաէկրաններից փոթորիկ են անելու պատերազմում թուրքական ականջների թեմայով, հավանաբար մտածելով, թե մենք չենք ֆիքսում իրենց լուռ համաձայնությունն այս ամենին: Իսկ թե ինչ դիվանագիտական քայեր է ձեռնարկում ՀՀ ԱԳՆ-ը միջազգային ատյաններին ակտիվացնելու ուղղությամբ, բացարձակ տեսանելի չէ: Միայն Էդվարդ Նալբանդյանի ճամփորդությունների ու լեկցիաների մասին ենք լսում: Հերմինե խանումն էլ իր անմեղսունակ պատվիրակությամբ բնականաբար ոչ մի փաստաթուղթ չի ուղարկի իր եւ Իլհամի սիրեկան Ագրամունդոյին, որ Ադրբեջանը հերթական անգամ խախտում է յուր պարտավորությունը ԵԽ առջեւ /հակամարտությունը խաղաղ ճանապարհով լուծելու մասին/: Նույնը ԵԱՀԿ ԽՎ-ում հայկական պատվիրակության ղեկավար Արտաշ Գեղամյանը, ով ասում էր Ռագոզինի ասած փսլինքը ես չեմ, այլ Հայաստանի ուրիշ հայեր: Եթե ձեր անգործության արդյունքում հերթական անգամ քաղաքական եղանակներով չկանխվի պատերազմը, իմացեք, որ մենք ենք ձեզ գյուլլելու, տականքներ: Դրա համար ժամանակ կգտնենք: Հլա ու մեկի քթից մի արյուն կաթի:
Լրագրողներին էլ հորդորում եմ ակտիվ լինել` հարցումներ ուղարկել բոլոր համանախագահ երկրների նախագահների աշխատակազմեր (պեսկովներ, կիրբիներ ու այլք), ԱԳՆ-ներ, հայտարարություններ կորզել, նույնը արեք նաեւ Երեւանում նրանց դեսպանների հետ կապված: Նույնը միջազգային կառույցների քարտուղարություններ ու նախագահություններ: Բավական է ճառ ասողներին խոսեցնեք: Գործել է պետք:
Ստյոպա Սաֆարյան
Եվրահանձնաժողովը իր հրապարակած զեկույցում նվազեցրել է Ռուսաստանի տնտեսության վերաբերյալ կանխատեսումը: Ըստ եվրափորձագետների, ՌԴ ՀՆԱ-ն 2016 թվականին կնվազի ոչ թե 1,2՝ ինչպես կանխատեսել էին փետրվարին, այլ 1,9 տոկոսով:
Եվրահանձնաժողովի այդ կանխատեսումը բնականաբար տագնապ է նաեւ Հայաստանի համար, հաշվի առնելով այն, որ Հայաստանի տնտեսությունը շարունակում է գերկախված մնալ Ռուսաստանի տնտեսությունից: Փետրվարին Սերժ Սարգսյանը նախաձեռնեց խորհրդակցությունների շարք, որոնք նվիրված էին երրորդ երկրների հետ տնտեսական հարաբերությունների խորացմանը: Եղան խորհրդակցություններ Իրանի, Գերմանիայի, Ավստրիայի, Ֆրանսիայի հետ տնտեսական հարաբերության թեմայով: Թե ինչ կոնկրետ արդյունք են ունեցել այդ խորհրդակցությունները, պարզ չէ: Համենայն դեպս, տեսանելի արդյունք գոյություն չունի, թեեւ իհարկե այստեղ կարող է պատճառաբանություն լինել ապրիլյան պատերազմը:
Բայց, մյուս կողմից, պատերազմը էլ ավելի է ստիպում մտածել տնտեսության մասին: Օրերս Համաշխարհային բանկի Հայաստանի գրասենյակի ղեկավար Լորա Բեյլին հայտարարեց, որ ապրիլյան պատերազմը կարող է հարվածել Հայաստանի տնտեսական ցուցանիշին, քանի որ պատերազմները ընդհանրապես բավական վատ են ներդրումների համար; Դա իհարկե աքսիոմա է, եւ իհարկե ներդրողները ձգտում են այնտեղ, որտեղ կա կայունություն: Եվ այդ իմաստով ապրիլյան պատերազմն ու Արցախի հարցում սրված վիճակը Հայաստանի համար տնտեսական լուրջ մարտահրավեր է:
Մյուս կողմից, պատերազմն ինքը մարտահրավեր է, որն անհնար է լուծել առանց տնտեսական խնդիրները լուծելու: Տնտեսությունը պատերազմ վարելու կարողության, բանակի մարտունակության հիմքն է:
Հետեւաբար Հայաստանն իրավունք չունի արդարանալ պատերազմով: Հակառակը, պատերազմը Հայաստանին զրկում է տնտեսական որեւէ արդարացումից: Պետք է օգտագործվի ամեն մի լումայի հնարավորությունն անգամ: Բայց դա նշանակում է առաջին հերթին խստագույն պայքար կոռուպցիայի, պետական միջոցների չարաշահման դեմ:
Եվ եթե Հայաստանում իրապես տարվի այդ պայքարը, ապա նախ հնարավոր կլինի ներքին ռեսուրսների արդյունավետության բարձրացումով բարձրացնել տնտեսական ներկայիս ցուցանիշները եւ, բացի այդ, որոշակիորեն փոխհատուցել պատերազմի թողած հետեւանքը ներդրումային միջավայրի վրա: Ի վերջո, Հայաստանի ներդրումային միջավայրի հենքը պետք է կազմի օտարերկրյա հայկական կապիտալը: Հայաստանում պետք է ստեղծվի այդ կապիտալի համար ներդրումային բարենպաստ, ազատ միջավայր, որտեղ առաջին հերթին կլինի այսպես ասած գործընկերների ընտրության ազատություն, երբ հենց ներդրողը կորոշի, թե ով է իր գործընկերը, ոչ թե Հայաստանի իշխանությունը ներկայացնող տարբեր օդիոզ անձինք կամ առաջին դեմքեր:
Ըստ այդմ, Հայաստանն ունի տնտեսական ցուցանիշների բարելավման ահռելի ռեսուրս, պարզապես դրա համար պետք է բարելավել կառավարման որակները: Իսկ ինչո՞վ է զբաղված Հայաստանի իշխանությունն այժմ: Տեսանելի զբաղվածության դաշտում քննարկումն է, թե արժե՞ արդյոք սահմանափակել Թուրքիայից ներկրումները, թե ոչ:
Դա կապ ունի՞ Հայաստանի տնտեսության խնդիրների հետ: Իհարկե ոչ: Դա կապ ունի Ռուսաստանի խնդիրների հետ, քանի որ Թուրքիայի հետ գժտությունից ի վեր Մոսկվան փնտրում է Անկարայի հանդեպ իր տնտեսական այսպես ասած պատժամիջոցների դաշնակից, սակայն որեւէ պետություն չմիացավ այդ պատժամիջոցներին, եւ ըստ երեւույթին կրկին Ռուսաստանի վերջին հանգրվանը մնաց Հայաստանը:
Հավանաբար այդ գնով է Ռուսաստանը համաձայնել նվազեցնել գազի գինը Հայաստանի համար: Ընդ որում, ինչպես պարզվեց օրերս, գազի անգամ նվազեցված գինը՝ սահմանին 150 դոլար, ներկայում ավելի թանկ է, քան օրինակ Գերմանիայի սահմանին ռուսական գազի գինը: Իսկ արդեն հայաստանցի սպառողի բնակարանում գազի գինը շարունակում է մնալ ամենաբարձրներից մեկն աշխարհում, քանի որ ամեն ինչ շարունակում է մնալ Գազպրոմի լիակատար մենաշնորհի ներքո, անգամ Հայաստանի կառավարությունը:
Այն դեպքում, երբ աշխարհում տեղի են ունենում լրջագույն քաղաքական գործընթացներ, երբ ԱՄՆ նախագահի մակարդակով հնչեցվում է տրանս-խաղաղօվկիանոսյան առեւտրային տարածության ձեւավորման եւ համաշխարհային առեւտրում դրա թելադրող դերի մասին: Այդ ընթացքում Հայաստանի իշխանությունը, ու անգամ ընդդիմադիր հանդես եկող շրջանակներից շատերը շարունակում են կառչած մնալ Եվրասիական միությանը, բնականաբար Ռուսաստանին չբարկացնելու շահադիտությունից ելնելով, որովհետեւ շահի այլ տեսակ այդ միությունում Հայաստանը չի ունեցել եւ չունի:
Հակոբ ԲԱԴԱԼՅԱՆ, Մեկնաբան; www.lragir.am
Ադրբեջանի կողմից սանձազերծված քառօրյա պատերազմից հետո ԼՂՀ հետ սահմանի վրա դեռ շարունակում է լարված իրավիճակ տիրել: Այն փաստը, որ ադրբեջանական կողմն ապրիլի արկածախնդրության ընթացքում չկարողացավ հասնել նույնիսկ նվազագույն արդյունքների (օրինակ՝ որոշ սահմանամերձ շրջանների զավթում) և ավելին՝ բազում կորուստներ տվեց, շատերին հիմք է տալիս ենթադրելու, որ պաշտոնական Բաքուն դեռևս ամբողջությամբ չի հրաժարվել Ղարաբաղյան հիմնախնդիրը ռազմական ճանապարհով լուծելու իր ծրագրից և սպասում է հարմար պահի՝ բլիցկրիգի նոր փորձ կատարելու համար:
Ավելին՝ Հայաստանում և ԼՂՀ-ում, շատերը կարծում են, որ ապրիլի սկզբին ագրեսիայի համար ընտրված ժամանակը պատահական չէր, քանի որ հենց ապրիլի 2-ին նշվում է Քարվաճառի (Քելբաջար) ազատագրման օրը: Զուգադիպություն է, թե ոչ, այնուամենայնիվ, այս տարբերակը ևս կյանքի իրավունք ունի: Նշենք նաև, որ այս մոտեցման կողմնակիցները կարծում են, որ Ադրբեջանի կողմից նոր բլիցկրիգի փորձի բարձր հավանականությունը պահպանվում է նաև առաջիկա օրերին: Որպես Ադրբեջանական ագրեսիայի նոր հավանական ամսաթիվ, մասնավորապես, նշվում է մայիսի 8-9-ը, քանզի հենց այդ օրերին է ազատագրվել Շուշին: Յուրաքանչյուր հայի համար մեծ խորհուրդ ունեցող Շուշիի ազատագրումը հանդիսանում է Ղարաբաղյան պատերազմի առանցքային գործողություններից մեկը, որի շնորհիվ Արցախի քաղաքացիական բնակչությունը շատ բնակավայրերում, այդ թվում՝ մայրաքաղաքում, ազատվեց կանոնավոր հրետանահրթիռակոծությունից:
Ինչևէ, նման սցենարների հավանականությունը միայն ժամանակը կարող է հերքել: Բայց կարևոր է նշել, որ հայ զինվորական ղեկավարությունը, որը բավական ուշադիր հետևում է հակառակորդի յուրաքանչյուր շարժի, արձանագրել է նաև հստակ օրինաչափություններ: Մի շարք միջազգային միջոցառումների և ազգային տոների նախօրեին ադրբեջանական կողմը դառնում է ավելի ակտիվ՝ փորձելով իրականացնել տարբեր դիվերսիոն գործողություններ Հայաստանի և ԼՂՀ-ի հետ սահմանի երկայնքով: Այս օրինաչափությունը, բնականաբար, ընկած է նաև մեև պաշտպանական մարտավարության հիմքում, և «ռիսկային օրերին» հայկական կողմը ձեռնարկում է մի շարք քայլեր ուղղված զգոնության բարձրացմանն, ինչպես նաև պատժիչ գործողություններով տարբեր սպառնալիքների կանխարգելմանը:
Հաշվի առնելով վերը նշվածը՝ կարելի է նշել, որ Շուշիի ազատագրման օրերին Ադրբեջանի կողմից հնարավոր նոր բլիցրկիգի փորձն առնվազն կվկայի Ադրբեջանի ռազմական և քաղաքական ղեկավարության կարճատեսության և անխոհեմության մասին: Սակայն, փորձը ցույց է տալիս, որ Ալիևների կլանը միշտ չէ, որ փայլում է ունակություններով…
-
-
23.04.2024 | 11:06
Ի՞նչ կապ ունեին Արայիկ Հարությունյանի հարցազրույցի անոնսն ու հետագա «զարգացումները». «Փաստ» -
23.04.2024 | 11:42
Ադրբեջանում պահանջել են նաև չորս «անկլավային գյուղերը» -
23.04.2024 | 11:23
Վաղը ուշադիր եղեք հատկապես Ոսկեվանի և Բաղանիսի մոտակա դիրքերին․ Նաիրի Հոխիկյան
-
- Տեսանյութ
- Օրվա միտք
- Խմբագրի վարկած
- Ֆոտո
-
Հասցե` Հայաստան, 0023, Երևան, Արշակունյաց 2
Հեռ: +374 (10) 06 06 23 (413, 414), +374 (99) 53 58 26
Էլ. փոստ` armv12@mail.ru -
2010-2011 © Բոլոր իրավունքները պաշտպանված են:
Մեջբերումներ անելիս հղումը armversion.com-ին
պարտադիր է: Կայքի հոդվածների մասնակի կամ
ամբողջական հեռուստառադիոընթերցումն
առանց armversion.com-ին հղման արգելվում է: -
Կայքում արտահայտված կարծիքների համընկնումը
խմբագրության տեսակետի հետ պարտադիր չէ:
Գովազդների բովանդակության համար
կայքը պատասխանատվություն չի կրում:
Բոլոր իրավունքները պաշտպանված են: Copyright “Armversion.com” 2010.