23.04.2024 | 11:42
Ադրբեջանում պահանջել են նաև չորս «անկլավային գյուղերը»...23.04.2024 | 11:23
Վաղը ուշադիր եղեք հատկապես Ոսկեվանի և Բաղանիսի մոտակա դիրքերին․ Նաիրի Հոխիկյան...23.04.2024 | 11:06
Ի՞նչ կապ ունեին Արայիկ Հարությունյանի հարցազրույցի անոնսն ու հետագա «զարգացումնե...13.04.2024 | 13:57
Մենք այլևս չունենք ԱԱԾ, այդ հաստատությունը Նիկոլի ռեժիմի հերթական գործիքն է․ Կար...13.04.2024 | 13:26
Վթարի հետեւանքով մահացած բոլոր չորս զինծառայողները ժամկետայիններ էին....13.04.2024 | 13:06
Արարատի մարզում հայտնաբերվել է 36 կգ ոսկի գողություն կատարող կասկածյալներից մեկը...13.04.2024 | 12:59
Ղազախստանում ձերբակալել են ռուսաստանցու, որը մեղադրվում է տաջիկներին այլ երկրներ...13.04.2024 | 12:28
Փաշինյանի «լռությունը» վախեցնում է «ուսապարկերին»․ «Հրապարակ»...13.04.2024 | 11:29
Գեղարքունիքում զինվորական «ԿամԱԶ» է վթարի ենթարկվել...12.04.2024 | 14:08
Ոսկեպարցի Սամվելի խոհանոցի և հողամասի մի մասը մնալու է ՀՀ-ում, իսկ տունը և տնամե...12.04.2024 | 13:56
Ավազակություն՝ հոր և որդու կողմից. հոր գործը ուղարկվել է դատարան, իսկ որդին ինքն...12.04.2024 | 13:00
Դպրոցներից տարհանման կարիք չկա. ԿԳՄՍ նախարարը` ահաբեկչության կեղծ լուրերի մասին...12.04.2024 | 2:20
Մի կողմից նույն մարդիկ մեզ ասում են, թե «սահման չկա, սահմանները հստակեցված չեն»,...10.04.2024 | 15:10
Ահազանգ ենք ստացել զինվորական ծառայությունից հրաժարվելու հիմքով ՀՀ-ում ապաստանած...10.04.2024 | 14:10
Փաշինյանը Շոլցի հետ հեռախոսազրույցում անընդունելի է համարել Պրահայի, Բրյուսելի և...10.04.2024 | 13:10
Թքած ունեմ նրանց վրա, ովքեր հրաժարվում են «Միր» քարտի ծառայություններից. Պետդում...10.04.2024 | 12:10
Մենք չգնացինք այդ ճանապարհով և հայտնի աշխարհաքաղաքական կենտրոններում որոշվեց հար...10.04.2024 | 11:10
Եթե շատ լինեք, մենք կշրջափակենք կառավարությունը․ Հրանտ Բագրատյան...09.04.2024 | 15:10
Հրաժարվելով ռուսական МИР քարտերից՝ մենք ակամայից հայտնվում ենք պատժամիջոցների տա...09.04.2024 | 14:10
Ուկրաինան և Ռուսաստանն Աբելն ու Կայենն էին. Լեոնիդ Կուչման` Կիև-Մոսկվա հարաբերու...09.04.2024 | 13:10
Մարտական հենակետում երեք զինծառայողի սպանության գործով դիրքի ավագի պաշտպանը դիմե...09.04.2024 | 12:10
Հայկազ Բարսեղյանի սպանության գործով ամբաստանյալները դատապարտվեցին 18 տարի ազատազ...09.04.2024 | 11:10
Կռիվ լինելու ա, ու ես գիտեմ, որ մենք պիտի հաղթենք. Մեր թշնամին էսօր Ադրբեջանում ...08.04.2024 | 15:10
Իսրայելի ՊՆ-ն հայտարարել է Իրանի հետ հարաբերություններում «ցանկացած սցենարի» պատ...08.04.2024 | 14:10
Անիմաստ կրակում են, ոչ մի բան չեն թիրախավորում, երևի վախից է․ Արավուսի նախկին գյ...08.04.2024 | 13:10
ԵԽ-ն Հայաստանի «լամպոչկա» իշխանություններից պետք է պահանջի անհապաղ ազատ արձակել ...08.04.2024 | 12:10
270 մլն գնահատվող աշխարհաքաղաքական վեկտորի փոփոխություն և 0 երաշխիքներ․․․Լիլիթ Գ...08.04.2024 | 11:10
Եթե Արևմուտքը Հայաստանին ինչ-որ բան տա, Թուրքիան Ադրբեջանին եռապատիկը կտա. Չավու...06.04.2024 | 14:10
Գրողների միության նախագահը տեղյակ չէ իրենց շենքը թուրքական դեսպանատանը տրամադրել...06.04.2024 | 13:10
«Նիկոլիստներ, սորոսականներ ու արևմտամոլներ, ուշադիր կարդացեք գրածս»․ Էդուարդ Շար...06.04.2024 | 12:10
Բրյուսելում Հայաստան-ԵՄ-ԱՄՆ հանդիպումը «վտանգի ևս մեկ աղբյուր է ստեղծում» Հրվ. Կ...06.04.2024 | 11:10
Որեւէ մեկը չի կարող երաշխավորել, որ Իրանի թիրախներից մեկը չի դառնա Բաքուն. Վարդա...05.04.2024 | 15:10
Ռուսաստանը գրոհել է Ուկրաինան 13 անօդաչու թռչող սարքերով, բոլորը խոցվել են. Ուկր...05.04.2024 | 14:10
8,800 դոլարի և 5 մլն դրամի կաշառք ստանալու համար մեղադրվող պաշտոնյաների վարույթի...05.04.2024 | 13:10
Զորախաչ եկեղեցին՝ ադրբեջանական թիրախում05.04.2024 | 12:10
«Կրոկուս»-ում ահաբեկչության մեջ մեղադրվող անձի հեռախոսում հայտնաբերվել են Ուկրաի...04.04.2024 | 15:10
Ցեղասպանության վտանգը տարածվել է Հայաստանի ինքնիշխան տարածքի վրա. Լեմկինի ինստիտ...04.04.2024 | 14:10
Զազրելի է, որ որոշ թունավոր տհասներ սկսում են հայհոյել դասագիրք կազմողներին՝ իրե...04.04.2024 | 13:10
Թուրքիայում 2 հայի են բռնել, որոնց կոշիկներում 109 հազար դոլարի ոսկու ձուլակտորն...Երեւան քաղաքի Կենտրոն և Նորք-Մարաշ վարչական շրջանների դատախազի տեղակալի որոշմամբ սպանություն կատարելու եւ ապօրինի կերպով զենք, ռազմամթերք պահելու համար Վ. Մարգարյանին առաջադրված մեղադրանքը փոփոխվել է եւ հոկտեմբերի 19-ի դատական նիստում նրան ներկայացվել է նոր մեղադրանք:
2011թ. օգոստոսի 2-ին` ժամը 21:00-ի սահմաններում, Երևան քաղաքի Զաքյան փողոցում Խաչիկ Գալոյանի սպանության դեպքի առթիվ ոստիկանությունում հարուցված քրեական գործի նախաքննության ընթացքում ձեռք բերված փաստական տվյալների հիման վրա Վ.Մարգարյանին մեղադրանք էր առաջադրվել` չպարզված հանգամանքներում ապօրինաբար ռազմամթերք հանդիսացող նռնակ, նռնակի պայթուցիչ ձեռք բերելու եւ իր բնակարանում պահելու, Բ. Հակոբյանի օժանդակությամբ և վերջինիս կողմից տրամադրված հրազեն հանդիսացող Մակարով տեսակի ատրճանակի գործադրմամբ Խ. Գալոյանին սպանելու համար:
Իսկ Բ. Հակոբյանին մեղադրանք էր առաջադրվել` սպանությանն օժանդակելու և ապօրինի կերպով զենք պահելու համար: Ըստ նախաքննական մարմնի՝ Բ. Հակոբյանը գործով չպարզված ժամանակ և հանգամանքներում ապօրինաբար ձեռք է բերել և իրեն պատկանող` Երևան քաղաքի Հակոբյանց փողոցի թիվ 43 հասցեում գտնվող տանը պահել հրազեն հանդիսացող «Մակարով» տեսակի ատրճանակ և ռազմամթերք հանդիսացող 9մմ տրամաչափի 11 փամփուշտներ, ապա Վահրամ Մարգարյանին տեղեկատվություն և հանցագործության կատարման գործիք` վերոհիշյալ հրազենն ու ռազմամթերք հանդիսացող 8 փամփուշտները տրամադրելով` օժանդակել է վերջինիս կողմից 2011թ. օգոստոսի 02-ին` ժամը 21:00-ի սահմաններում, Երևան քաղաքի Զաքյան փողոցում Խաչիկ Միտուշի Գալոյանին ապօրինաբար դիտավորությամբ կյանքից զրկելուն:
2012թ. ապրիլի 4-ին քրեական գործն ուղարկվել էր Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարան: Քրեական գործի դատաքննության փուլում հետազոտվել են ինչպես մեղադրական եզրակացությամբ վկայակոչված բոլոր ապացույցները, այնպես էլ դատարանում մեղադրանքը պաշտպանողի եւ դատապաշտպանի միջնորդությամբ վկայակոչված նոր ապացույցները:
Առաջադրված մեղադրանքում Վահրամ Մարգարանն իրեն մեղավոր չի ճանաչել և ցուցմունք է տվել, որ հորաքրոջ տանից հայտնաբերված ռազմամթերքից տեղյակ չէ, Խաչիկ Գալոյանին չի սպանել, նրա սպանությանը որևէ առնչություն չի ունեցել և միայն հեռուստատեսությամբ է տեղեկացել, որ վերջինիս սպանել է Բորիս Հակոբյանը:
Բորիս Հակոբյանն առաջադրված մեղադրանքում իրեն ևս մեղավոր չի ճանաչել և ցուցմունք է տվել, որ որդու` Տիգրանի սպանությունից հետո մեկնել է ՌԴ Տուափսե քաղաք և փորձել է սեփական միջոցներով պարզել որդու սպանությունը կատարած անձանց: Խաչիկ Գալոյանի, ինչպես նաև այլ անձանց հետ ունեցած զրույցներից իր մոտ համոզմունք է առաջացել, որ սպանությունը կազմակերպել է Խաչիկ Գալոյանը, սակայն իր համոզմունքի մասին ոչ նրան, ոչ էլ որևէ այլ անձի չի հայտնել, այլ նպատակադրվել է հարմար առիթի դեպքում սպանել նրան և լուծել որդու վրեժը:
2011թ. ամռանը Բորիս Հակոբյանը, տեղեկանալով Խաչիկ Գալոյանի` Հայաստան մեկնելու մասին, առանց որևէ մեկին տեղեկացնելու ինքը նույնպես ժամանել է Հայաստան: Երևանում գտնվելու ժամանակ 2 օր հետևել է Խաչիկ Գալոյանին, ապա 02.08.2011թ.` ժամը 21:00-ի սահմաններում, Զաքյան փողոցում մոտենալով նրան` հանգուցյալ հորից իրեն փոխանցված ատրճանակից մի քանի կրակոցներ է արձակել Խաչիկ Գալոյանի մարմնի տարբեր մասերին, իսկ դեպքից օրեր անց կամավոր ներկայացել է ոստիկանություն և հանձնել հանցագործության գործիքը:
Դատարանում հարցաքննված վկաները` Բորիս Հակոբյանի կինը` Լուսիկ Պողոսյանը, որդին` Սարգիս Հակոբյանը, ինչպես նաև բարեկամը` Վարուժան Ստեփանյանը, գրեթե նույնաբովանդակ ցուցմունքներ են տվել այն մասին, որ Տիգրան Հոկոբյանի մահից հետո Բորիս Հակոբյանը մեկնել է ՌԴ Տուափսե քաղաք և փորձել սեփական միջոցներով պարզել Տիգրան Հակոբյանի սպանությունը կազմակերպած անձին, սակայն այս կապակցությամբ երբևէ իրենց հետ չի կիսվել: 2011թ. հուլիսի 30-ին Բորիս Հակոբյանը բոլորովին անսպասելի, առանց որևէ մեկին տեղեկացնելու վերադարձել է Երևան: Խաչիկ Գալոյանի սպանության մասին իրենք տեղեկացել են հեռուստատեսությունից, իսկ դրանից մի քանի օր անց Բորիս Հակոբյանը իրենց հայտնել է, որ ինքն է սպանել նրան, քանի որ պարզել է, որ Խաչիկ Գալոյանը առնչություն է ունեցել Տիգրան Հակոբյանի սպանության հետ:
Վարդան Սահակյանը և Նունե Ղազախեցյանը, ովքեր հանցագործության դեպքի վայրում տեսել են հանցանք կատարած անձին փախուստի դիմելիս, թեև նախաքննության ընթացքում հարցաքննվել էին, սակայն իրենց ցուցմունքներով անձի ճանաչման գործողություն կատարելու համար բավարար տվյալներ չէին ներկայացրել, որի արդյունքում վկայակոչված քննչական գործողությունը չէր կատարվել:
Մինչդեռ դատաքննության ընթացքում Վարդան Սահակյանը և Նունե Ղազախեցյանը ցուցմունքներ տվեցին այն մասին, որ ամբաստանյալ Վահրամ Մարգարյանը ոչ հասակով, ոչ կազմվածքով ընդհանրապես նման չէ այն անձին, որին տեսել են դեպքի վայրում, փոխարենը նշեցին, որ ամբաստնյալ Բորիս Հակոբյանը թե հասակով, թե տարիքով և թե կազմվածքով համապատասխանում է դեպքի վայրում իրենց կողմից նկատված անձին:
Այսպիով՝ մեղադրանքը դատարանում պաշտպանող դատախազի՝ Երեւան քաղաքի Կենտրոն եւ Նորք-Մարաշ վարչական շրջանների դատախազի տեղակալի գնահատմամբ դատաքննության ընթացքում ի հայտ են եկել այնպիսի տվյալներ, որոնք նախաքննական մարմնին հայտնի չեն եղել:
Հատկանշական է, որ դեպքի վայրից փախուստի դիմող հանցանք կատարած անձին տեսած բոլոր վկաների, այդ թվում` դեպքի վայրի հարևանությամբ գործող տաքսի ծառայության վարորդներ Սամվել Պապյանի, Հրահատ Սոսյանի, Վրեժ Կարապետյանի, ինչպես նաև շենքի բնակիչներ Տիգրան Նազարյանի և Ավետիք Գևորգյանի` դատարանում տված ցուցմունքերով կարելի է հաստատված համարել միայն այն, որ հանցանք կատարած անձը ունեցել է կլորավուն գլուխ ու ճաղատ է եղել, այլ անհատականացնող տվյալ գրեթե չեն նշել: Իսկ ինչ վերաբերում է տարիքին և հասակին, ապա այս կապակցությամբ հակասական տվյալներ են ներկայացվել: Սակավ անհատականացնող տվյալներ ներկայացնելը վերջիններս պատճառաբանել են հատկապես այն հանգամանքով, որ հանցանք կատարած անձը իրենց տեսադաշտում եղել է վարկյաններ:
Մինչդեռ թե ամբաստանյալ Վահրամ Մարգարյանը և թե Բորիս Հակոբյանը ունեն գլխի կլորավուն ձև և երկուսն էլ ճաղատ են` տարբերությամբ, որ Բորիս Հակոբյանի մոտ այն կապված է տարիքի հետ:
Վկա Աշոտ Ֆրանգուլյանը թե նախաքննության և թե դատաքննության ընթացքում ցուցմունք է տվել, այդ թվում` Վահրամ Մարգարյանի հետ առերես այն մասին, որ 2011թ. օգոստոսի 2-ին` մինչև ժամը 20:00-ն, գտնվել է Երևան քաղաքի Աբովյան փողոցի 26 հասցեում գտնվող կամարամուտքում և վերանորոգել այն, ապա Աբովյան փողոցով ուղևորվել է Զաքյան փողոց, որտեղ ցայտաղբյուրի մոտ գտնվելու ընթացքում լսել է կրակոցի ձայներ և տեսել փախուստի դիմող Վահրամ Մարգարյանին:
Ընդ որում, վկա Աշոտ Ֆրանգուլյանի ցուցմունքից է բխում քրեական գործով ձեռք բերված մեկ այլ ապացույց` անձին ճանաչման ներկայացնելու վերաբերյալ կազմված արձանագրությունը:
Թեև Աշոտ Ֆրանգուլյանը նման ցուցմունք է տվել, սակայն վերջինիս կողմից տրված ցուցմունքի արժանահավատությունը կասկած է հարուցում ներքոհիշյալ 2 հիմնական փաստարկներով.
1. Դատարանում ցուցմունք է տվել վկա Հրաչիկ Թումասյանը, ով դատարանին հայտնել է, որ իրոք Աշոտ Ֆրանգուլյանը 02.08.2012թ. աշխատել է Աբովյան 26 հասցեում գտնվող կամարամուտքում, սակայն նշել է, որ վերջինս ժամը 21:00-ի սահմաններում չէր կարող գտնվել Զաքյան փողոցում, քանզի մինչև 22:30-ը միասին գարեջուր են խմել Աբովյան 26 հասցեում: Բացի այդ, Ա.Ֆրանգուլյանը հեռացել է Սայաթ-Նովա պողոտայով, այլ ոչ թե` Աբովյան փողոցով: Ուշագրավ է, որ Աշոտ Ֆրանգուլյանը նույնպես ընդունել է Հրաչիկ Թումասյանի հետ գարեջուր խմելու հանգամանքը:
Վկայակոչված փաստարկը հայտնի չի եղել նախաքննության փուլում, և այն նույնպես հայտնի է դարձել դատաքննության ընթացքում:
2. Աշոտ Ֆրանգուլյանը ցուցմունք է տվել այն մասին, որ դեպքի պահին գտնվել է Զաքյան փողոցում գտնվող ցայտաղբյուրի մոտ, որտեղից էլ ոստիկանները տաքսի ծառայության վարորդների հետ նույն ավտոմեքենայով իրեն ուղեկցել են ոստիկանություն:
Սակայն տաքսի ծառայության վարորդներ Սամվել Պապյանը, Հրահատ Սոսյանը, Վրեժ Կարապետյանը, Վարդան Սահակյանը իրենց ցուցմունքներով հայտնեցլ են, որ բացի իրենցից դեպքի պահին ցայտաղբյուրի մոտ այլ անձ չի եղել, ավելին` նշել են նաև, որ ոստիկանություն ուղևորվելիս ավտոմեքենայի մեջ նույնպես այլ անձ չի եղել:
Վկայակոչված փաստարկը նույնպես հայտնի չի եղել նախաքննության փուլում ու դարձյալ այն հայտնի է դարձել դատաքննության ընթացքում:
Ինչ վերաբերում է աձին ճանաչման ներկայացնելու վերաբերյալ կազմված արձանագրությանը, համաձայն որի` վկա Աշոտ Ֆրանգուլյանը, ի թիվս այլ անձանց, ճանաչել է Վահրամ Մարգարյանին` որպես դեպքի վայրից փախուստի դիմած անձի, ապա հարկ է նշել հետևյալը.
Նախաքննական մարմինն իր` 16.03.2012թ. քրեական հետապնդում չիրականացնելու որոշմամբ հաստատված է համարել, որ Վահրամ Մարգարյանին 17.08.2011թ. ոստիկանության բաժին բերման ենթարկելիս վերջինիս նկատմամբ ոստիկանության աշխատակիցների կողմից կիրառվել են մարտական հնարքներ, որոնք նախաքննական մարմնի կողմից դիտվել են իրավաչափ:
Նշված դրավգով նշանակված դատաբժշկական փորձաքննությամբ Վ.Մարգարյանի մոտ արձանագրվել են վնասվածքներ` ձախ աչքի կոպերի, աջ աչքի ստորին կոպի, քթի, մեջքի, աջ քունքա-ճակատային շրջանի, ծոծրակային ձախ կեսի, կրծքավանդակի ձախ կեսի առաջային մակերեսի, գոտկային շրջանի ձախ հատվածում:
Բացի այդ, նույն որոշմամբ հաստատված է համարվել, որ Վահրամ Մարգարյանը, 20.08.2011թ. գտնվելով ոստիկանության Կենտրոնականի բաժնում, դրսևորել է ագրեսիվ վարքագիծ, ձեռքերով և ոտքերով հարվածել է աշխատասեղանին, չհրկիզվող պահարանին, ինչպես նաև գլխով հարվածել է պատին:
Այս փաստով նույնպես քրեական հետապնդում չի իրականացվել` հանցադեպի բացակայության պատճառաբանությամբ:
Նշված դրվագով ևս նշանակվել է դատաբժշկական փորձաքննություն, որի եզրակացության համաձայն Վահրամ Մարգարյանի մոտ հայտնաբերվել են վնասվածքներ` ձախ վերին և ստորին կոպերի շրջանի արյունազեղումների, ձախ ստորին կոպի, ձախ այտոսկրի, ձախ թշային շրջանի քերծվածքի ձևով:
Այսինքն` հաստատվել է, որ Վահրամ Մարգարյանը 17.08.2011թ.-ից մինչև 20.08.2011թ. ունեցել է նշված վնասվածքները, ընդ որում դրանց ճնշող մեծամասնությունը տեղակայված են եղել Վահրամ Մարգարյանի դեմքի և գլխի շրջանում` տեսանելի հատվածներում, մինչդեռ վերջինս Աշոտ Ֆրանգուլյանին ճանաչման է ներկայացվել 20.08.2011թ., ուստի ակնհայտ է դարնում, որ Վահրամ Մարգարյանը էապես տարբերվել է շարքում կանգնած մյուս ճանաչվողներից:
Մինչդեռ ՀՀ քրեական դատավարության օրրենսգրքի 221-րդ հոդվածի 3-րդ մասի համաձայն` ճանաչման ենթակա անձը ներկայացվում է ճանաչողին` նույն սեռի և արտաքինով ու հագուստով, ճանաչվողին հնարավորին չափ նման առնվազն երեք այլ անձանց հետ:
Համաձայն ՀՀ քրեական դատավարության օրենսգրքի 105-րդ հոդվածի 1-ին մասի 5-րդ կետի` «Քրեական գործով վարույթում մեղադրանքի հիմքում չեն կարող դրվել և որպես ապացույց օգտագործվել այն նյութերը, որոնք ձեռք են բերվել քննչական կամ այլ դատավարական գործողության կատարման կարգի էական խախտմամբ»:
Նույն հոդվածի 2-րդ մասի համաձայն` «Էական են այն խախտումները, որոնք դրսևորելով մարդու և քաղաքացու սահմանդրական իրավունքների և ազատությունների կամ սույն օրենսգրքի որևէ պահանջի խախտմամբ` դատավարության մասնակիցներին` օրենքով երաշխավորված իրավունքների զրկմամբ, կամ սահմանփակմամբ, կամ որևէ այլ կերպ կարող էին ազդել ստացված փաստական տվյալների հավաստիության վրա»:
Այսպիսով` գնհատելով ինչպես նախաքննությամբ ձեռք բերված, այնպես էլ դատարանում ի հայտ եկած նոր ապացույցները իրենց համակցությամբ` ոչ միայն հերքվում է անմիջականորեն Վահրամ Մարգարյանի կողմից Խաչիկ Գալոյանին սպանելու հանգամանքը, այլ ավելին` հիմնավորվում է, որ Խաչիկ Գալոյանի սպանությունը կատարվել է անմիջականորեն Բորիս Հակոբյանի կողմից:
Հետևապես հիմնավորվել է, որ Վահրամ Արտուշի Մարգարյանը գործով չպարզված ժամանակ և հանգամանքներում ապօրինաբար ձեռք է բերել և իր բնակության վայրում` Երևան քաղաքի Լենինգրադյան փողոցի 48/4 շենքի թիվ 21 բնակարանում, կիսատաբատի գրպանում և սպորտային կոշիկի մեջ ապօրինի պահել է ռազմամթերք հանդիսացող «Ֆ-1» տեսակի մարտական նռնակ և «Ջ-1» տեսակի ինքնաշեն նռնակի պայթուցիչ, որոնք հայտնաբերվել են 2011թ. օգոստոսի 17-ին հիշյալ բնակարանում կատարված խուզարկության ընթացքում:
Այսինքն` Վահրամ Արտուշի Մարգարյանը կատարել է ՀՀ քր. օր.-ի 235 հոդվածի 1-ին մասով նախատեսված հանցանք:
Միևնույն ժամանակ հիմնավորվել է, որ Բորիս Սարգսի Հակոբյանը գործով չպարզված ժամանակ և հանգամանքներում ապօրինաբար ձեռք է բերել և իրեն պատկանող` Երևան քաղաքի Հակոբյանց փողոցի թիվ 43 տանը պահել է հրազեն հանդիսացող «Մակարով» տեսակի ատրճանակ և ռազմամթերք հանդիսացող 9մմ տրամաչափի 11 փամփուշտներ: Բացի այդ, հիմնավորվել է, որ նշված հրազենի և ռազմամթերքի գործադրմամբ 2011թ. օգոստոսի 2-ին` ժամը 21:00-ի սահմաններում, Երևան քաղաքի Զաքյան փողոցում Խաչիկ Միտուշի Գալոյանին ապօրինաբար դիտավորությամբ զրկել է կյանքից:
Վերոնշյալ պատճառաբանությամբ, մեղադրանքը պաշտպանող դատախազի գնահատմամբ քրեական գործի դատաքննության ընթացքում անհրաժեշտություն է առաջացել մինչդատական վարույթի ընթացքում Վ. Մարգարյանին և Բ. Հակոբյանին առաջադրված մեղադրանքները փոփոխել` Վ. Մարգարյանին առաջադրելելով նոր մեղադրանք ` նախատեսված ՀՀ քրեական օրենսգրքի 235-րդ հոդվածի 1-ին մասով, իսկ Բ. Հակոբյանին` ՀՀ քրեական օրենսգրքի 104-րդ հոդվածի 1-ին մասով եւ 235-րդ հոդվածի 1-ին մասով:
«Փուչիկների գործով» մեղադրյալ Սերոբ Բոզոյանի կինը`Մարինե Բոզոյանը, «168 ժամի» թղթակցի հետ զրույցում ասել է, որ իր ամուսնուն փուչիկների պատվեր տվել է ՀՀԿ-ական պատգամավոր Կարեն Ավագյանը: «7000 փուչիկ էր: Ինքը 7000 փուչիկ չէր կարող մենակ փչել ու կապել: Ինքը սկզբից ասել ա. որ էս գազով` հելիումով պիտի փչվի, պիտի 2 մետր բարձրություն ունենա, որ վթար չլինի, իսկ վթարն էլ ինչի՞ց է տեղի ունեցել…»,- ասել է Մ. Բոզոյանը: Հարցին, թե՞ այսինքն` պատվիրատուն ցանկացել է, որ Ս.Բոզոյանը մեթանո՞վ լիցքավորի փուչիկները, Մ. Բոզոյանը պատասխանել է. «Այո, որպեսզի գումարը քիչ լինի, որովհետև հելիումովը թանկ է»: Մ. Բոզոյանի խոսքով` իր ամուսինը վախենում է ճշմարտությունն ասել, այնինչ` ասելիք ունի. «Ճիշտն ասած, էսօր ես իրեն խոսեցրի, ասացի` ճիշտն ասա, դու մի բան գիտես ու չես ասում: Ինքն ասաց` պետք չի, որ ճիշտը պատմեմ»:
«168 ժամ».
«Հա՜, Մոսկվայում քրեական հեղինակությամբ բարեկամաներ ունեմ, որոնց հետ տալիս առնում եմ, սաղի հետ էլ մոտիկ եմ։ Բայց թող մեկը ասի, որ մենք մի բան արած ունենք, մի օր մի հատ սվետաֆորի տակ անցած ունենք, մեկի ճանապարն ենք կտրել, կամ մեկի հացին ենք վայիս եղել»,- այս մասին NEWS.am-ի թղթակցի հետ զրույցում ասաց «Արեւելյան խոհանոց» սրճարանի սեփականատեր, քրեական աշխարհում հայտնի Ջնդի Ամալյանը մանրամասնելով, թե ինչպես են ոստիկանները զինաթափել իր թիկնազորին:
Պարոն Ամալյան ոստիկանության ձեռնարկած միջոցառումների արդյունքում Կիեւյան — Օրբելի խաչմերուկում զինաթափել են նաեւ ձեր թիկնազորին: Որտեղի՞ց էիք վերադառնում եւ ի՞նչ անօրինականություն էիք թույլ տվել:
Ասում են երկու մեքենայով չի կարելի շրջել ես էլ մի մեքենայով եմ շրջում: Նման մի շոու դեռ 2 ամիս առաջ էլ էր արվել «Արեւելյան խոհանոցից» ներքեւ Կասյան փողոցի վրա: Ախրանային վերցրեցին տարան 6-րդ վարչություն եւ ասացին, թե դուք տեղյակ չե՞ք, որ 2 մեքենայով չի կարելի շրջել: Ես էլ ասացի, որ ինձ ոչ ոք չի զգուշացրել: Նաեւ հիշեցրեցի, որ իմ աշխատողները ոստիկանության աշխատողներ են եւ կարող էին նրանց միջոցով այդ մասին տեղեկացնել: Այդ օրն իմ ախրանային 5 րոպե հետո թողեցին: Բայց 3 օր անց կանչում են իմ ախրանայի տղերքին, զենքերը վերցնում, եւ ասում են, որ էլ ինձ համար ախրանա պետք ա չաշխատեն: Ամալյանի հետ զենքով մարդ պետք ա չլինի: Ես դիմեցի համապատասխան մարմիններին ասացի, որ իմ վրա «պակուշենի» ա եղել եւ հետաքրքրվեցի, թե ի՞նչի համար են իմ ախրանայի զենքերը հավաքում: Բայց…:
Եթե չի կարելի 2-րդ մեքենա լավ, ուրեմն ես մի մեքենայում, օրենքի շրջանակներով, 3 հոգու կպահեմ: Այսպես ձգվեց- ձգվեց մինչեւ երեկ: Էջմիածնի Ջրառատ գյուղում սրբավայր էր բացվել: Սրբավայրում մատաղ էինք արել եւ 5 մեքենայով վերադառնում էինք: Սակայն ճանապարհին դիմացի 2 մեքենաները կանգնացրեցին, որտեղ, որ ես էի: Տաքսու մեջից գրաժդանսկի հագնված իջան ու հարձակվեցին մեր վրա: Իմ հետի տղերքը վախեցան ասացին «պակուշենիա» ասացի չէ, մեկին ճանաչում եմ, օրգանի աշխատող ա: Եկան դուռը այնպես բացեցին, որ մի վարորդը ընկավ. մեքենան խալաստոյ գնում էր, մի կեպ տոռմուզ տվեց, որ դիմացի մեքենային չխփի: Ես էլ ասացի՝ այս ի՞նչ անշնորհքություն ա էս, ո՞վ ա սենց մարդ բռնում: Մենք չգիտեինք, դուք եկել էիք մեզ խփելու, թե օրգանի աշխատող եք: Ասացին՝ բա 2 մեքենայով եք: Ես էլ ասացի, որ 2 մեքենայով չենք 5 մեքենայով ենք եւ մատաղ ուտելուց ենք գալիս: Սուրբ օր ա, մատաղ ենք տվել եւ 5 մեքենայով գալիս ենք տներով: Մի մեքենաս վերադարձրել են, մեկն էլ ասացին՝ 2 օրից կտանք: Բայց հարազատությունս, ես, խուճապի մատնվեցինք, կարծեցինք մահափորձ ա: Մի մեքենայի մեջ հայրս էր, մայրս, կինս, թոռնիկս մի խոսքով ազգ ու տակս: Մենք մեզ թույլ չէինք տա, որ կալոնա պահեինք ուղակի բարձրանում էինք Հրաչյա Քոչար, որ գայինք տներով:
Ըստ ձեզ՝ սա օրենքի շրջանակներում իրականցվող գործողություն ՞է:
Եթե օրենքի շրջանակներում է, ապա մենք օրենքի մարդ ենք: Մենք Ռուսաստանում 10-15 տարի «Արեւելյան խոհանոցն» ենք աշխատացրել, այլ տեղերում էլ գործարքներ ունեմ, մարդիկ իմ մոտ աշխատում են: Բայց ես այստեղ արդեն, ոչ մի լավ բան չեմ տեսնում:
Նշեցիք, որ ձեր դեմ 2 անգամ Հայաստանում մահափորձ է իրականցվել: Եթե կարելի էր մանրամասնեք, թե ի՞նչ պայամաններում է մահափորձը եղել, ե՞րբ, ինչո՞ւ եւ ո՞ւմ կողմից:
«Արեւելյան խոհանոցի» հետեւի բակում 4 տարի առաջ իմ վրա կրակեցին 4 հատ ինձ կպավ, 5 հատ աներձագիս: Մեկին բռնել են հիմա գժանոցում ա: Հասկանալի է, որ այդ գժին պատվեր տված կլինեն, բայց ո՞վ եւ ինչո՞ւ ես չգիտեմ: Բայց, որ հիմա ֆակտ իմ կյանքը վտանգված ա փաստ է, ու այդ պայմաններում իմ ախրանային զինաթափել են: Նրանք իրավունք չունեին: Լյուբոյ քաղաքացի կարող է գնալ դիմել եւ ախրանա վարձել: 3 տարի է ես գումար եմ մուծել եւ օրինական ոստիկան եմ իմ կողքը պահել:
Ձեզանից առաջ ԱԺ նախկին պատգամավոր Տիգրան Արզաքանցյանին թիկնազորին զինաթափեցին եւ պատճառաբանեցին, որ թիկնազորի վճարումները ուշացել է: Հնարավո՞ր է, որ դուք պարտք ու պահանջ ունեցած լինեք:
3 տարի է, որ ես ոչ մի օր վճարումները ուշացրած չկամ:
Իսկ, ե՞րբ եք եկել Ռուսաստանից եւ ինչո՞ւ:
Ինձ կարոտը բերեց Հայաստան, որովհետեւ ես Հայաստանում եմ մեծացել: 4 տարի է, ինչ Հայաստանում եմ: Եկել եմ ներդրում եմ արել «Արեւելյան խոհանոց» եմ բացել, մարզերում անասնապահական ֆերմաներ եմ սարքում: Հատկապես Ապարանի շրջանում: Նաեւ «Միդիա Սանգալ» եզդիների ազգային միավորման պատվավոր նախագահն եմ: Մոսկվայում բիզնես ունեինք, ծախսեցինք, եկանք Հայաստան, որ երեխաներս այստեղ ապրեն եւ չդառնային ռուս:
Ներկա պահին ձեր անվտանգությունը ինչպես է ապահովվում:
Ներկա պահին իմ անվտանգությունը ոչ մի կերպ չի ապահովվում, ոչ էլ ես ինձ ապահով եմ զգում: Եվ չգիտեմ, ո՞վ է իմ գլխին սարքում:
Իսկ ինչ կասկածներ ունեք, ո՞վ է սարքում ձեր գլխին:
Ես չեմ կարող կոնկրետ ասել, բայց, որ սարքում են դա ադնազնաչնի այդպես ա: Նախագահը, եթե հրամայել ա, որ 2-րդ մեքենան իմ հետեւից չլինի դա չի լինի: Բայց ոչ, թե իմ ախրանան իրավունք չունի իմ հետ լինի: Ես էլ գլուխ չեմ հանում , թե ինչի՞ են այդպես անում:
Թշնամիներ ունենք, թե ոչ:
Կունենամ: Եթե այստեղ օբյեկտ ունեմ նշանակում է, թշնամի էլ կունենամ:
Դուք խոսքի սկզբում նշեցիք, որ օրենքի մարդ եք, բայց շատերը ձեր անունը կապում են կրիմինալի հետ:
Եթե Մոսկվայում քրեական հեղինակություն բարեկամներ ունեմ, հետները տալիս առնում եմ, դա հո չի նշանակում, որ ես քրեական հեղինակություն եմ: Հա ունեմ, սաղի հետ էլ մոտիկ եմ: Այսօր կյանքը այնպես է, որ սաղի հետ էլ մոտիկ ենք, բայց թող մեկը ասի, որ մենք մի բան արած ունենք, մի օր մի հատ սվետաֆորի տակ անցած ունենք, մեկի ճանապարն ենք կտրել, կամ մեկի հացին ենք վայիս եղել:
Իսկ քրեական հեղինակությունը այս միջադեպի մասին տեղեկացվա՞ծ է, թե՞ ոչ:
Դե իրենք էլ տեղեկացված կլինեն ես չեմ կրող ասել:
Որոնք են լինելու ձեր հետագա գործողությունները: Կամ, ոստիկանապետ Վլադիմիր Գասպարյանի հետ խոսե՞լ եք, փորձե՞լ եք հասկանալ, թե ո՞րն է այս ամենի պատճառը:
Չէ՜, ոստիկանապետի հետ չեմ խոսել: Բայց առաջիկա անելիքները ես գիտեմ, ո՞նց կանեմ: Բողոք կներկայացնեմ, որ, որպես ազգային փոքրամասնության պատվավոր նախագահ գոնե ախրանա ինձ տան, որպեսզի ապահով լինեմ: Դա եմ խնդրելու: Հիմա շատ վախեցած եմ տանից դուրս գալիս, ինձ ուղեկցող չկա: Առանց զենքի ուղեկցեն, Աստված չանի, գան ինձ խփելու՝ անմեղ մարդկանց էլ կխփեն: Հակառակ դեպքում, մտադրվել եմ ունեցվածքս վաճառել եւ ընտանիքով հեռանալ Հայաստանից: Ի՞նչ է, ես իրավունք չունեմ իմ ընտանիքի անդամների հետ երկու մեքենայով տեղ գնամ, ուրախության եւ այլնի մասնակցել:
Զրուցեց Տաթեւ Մեսրոպյանը
Երեկ «Հրապարակը» տեղեկություն է ստացել, որ գործարար, Արարատյան թեմի առաջնորդ Նավասարդ Կճոյանի սանիկը` Աշոտ Սուքիասյանը, Աֆրիկայի Սիեռա Լեոնեի Հանրապետությունում ձերբակալվել է և մոտ 10 ժամ հարցաքննվել տեղի ոստիկանությունում: Թերթը հիշեցնում է, որ նա և գործարար Փայլակ Հայրապետյանը կոնֆլիկտ ունեն: Ամիսներ առաջ Հայրապետյանը գրավադրել էր գրեթե ողջ ունեցվածքը, որի դիմաց Սուքիասյանը բանկից 12 միլիոն դոլար գումար էր վերցրել` իբր Սիեռա Լեոնեում գտնվող իր ալմաստի հանքերը շահագործելու և այդ հումքը Հայաստան բերելու համար: Փայլակ Հայրապետյանը, ով նույնպես այս պահին Աֆրիկայում է, թերթի հետ զրույցում հաստատել է տեղեկությունը: Ավելին, նա ասաց, որ Սուքիասյանը ձերբակալվել է իր` Սիեռա Լեոնեի Հանրապետության դատախազությանը գրած դիմումի հիման վրա: «Պարզապես այդ գումարները, որ «Ամերիա» բանկից ստացել է Աշոտ Սուքիասյանը, ըստ բոլոր փաստաթղթերի, բիզնես-պլանի, այդ փողերը պետք է ներդրվեին Սիեռա Լեոնեում: Ես դիմում եմ գրել տեղի դատախազությանը, ոստիկանությանը, որպեսզի նրանք պարզեն, թե ուր են գնացել այդ փողերը, որոնք պետք է ներդրվեին իրենց հանրապետությունում: Հիմա ոստիկանությունն ուզում է պարզել, թե այդ գումարները ուր են գնացել և ինչի վրա են ծախսվել»,-թերթի հետ հեռախոսազրույցում ասել է Հայրապետյանը: Նրա խոսքով, այդ գումարներով Սիեռա Լեոնեում մոտ հազար աշխատատեղ պետք է բացվեր:
«Հրապարակ».
Հատուկ քննչական ծառայությունում նոր քրգործ է նախապատրաստվում ամերիկահայ գործարար, «Արարատ» ֆուտբոլային ակումբի նախագահ, «Արցախ» բանկի 40 տոկոս բաժնետեր Հրաչ Կապրիելյանի դեմ։ Այդ մասին գրում է «Ժամանակ» թերթը։
«Վերջինս նախօրեին հրավիրվել է ՀՔԾ՝ հարցաքննության։ Հիշեցնենք, որ ՀՔԾ-ում քննվում է եւս մեկ գործ ամերիկահայ գործարարի դեմ, ըստ որի ամերիկահայ գործարարը ֆինանսական խնդիրներ եւ չվճարված պարտքեր ունի ԲՀԿ-ական պատգամավոր Արագած Ախոյանին։ Այժմ Հրաչ Կապրիելյանը Հայաստանում չէ»,- գրում է «Ժամանակը»։
Հավանաբար քչերը գիտեն, որ ամերիկահայ բարերարներ Ջորջ և Քերոլայն Նաջարյանների նկատմամբ խարդախության համար պատիժը կրելուց հետո, այս ամռանը քրեակատարողական հիմնարկից ազատ է արձակվել Գրիգոր Իգիթյանը: Խոսքն այն անձնավորության մասին է, որը որոշակի նախադրյալների, ցուցմունքների հիման վրա իրավապահների (և ոչ միայն) կողմից կասկածվում էր ու միգուցե հիմա էլ կասկածվում է ՀՀ ոստիկանապետի տեղակալ Գևորգ Մհերյանի սպանությունը կատարելու մեջ: Ոստիկանության կոլեգիայի 2010 թ. փետրվարի 5-ի նիստում ՀՀ ոստիկանապետ Ալիկ Սարգսյանը Գ.Իգիթյանին նկատի ուներ հետևյալ հայտարարությամբ. «Հանցագործության բացահայտման ուղղությամբ ունենք որոշակի ձեռքբերումներ, անձնակազմն այդ մասին արդեն գիտի, պարբերաբար ես ներկայացնում եմ: Տարվում են ամենօրյա օպերատիվ աշխատանքներ, որոնք, համոզված եմ, այս տարվա ընթացքում կտան իրենց դրական արդյունքը»: Ոստիկանապետը հենց նրան նկատի ուներ` 2010 թ. ապրիլի 14-ին մամուլի ասուլիսում հայտարարելով, որ կալանավայրերում գտնվող մարդիկ կան, որ թեև «Քրեական օրենսգրքի այլ հոդվածներով են կալանավորված, այնուամենայնիվ, առնչություն ունեն Գևորգ Մհերյանի սպանության հետ` ըստ քրեական գործում տեղ գտած փաստարկների»:Եվ, ահա, այդ նույն Իգիթյանն ազատ արձակվելուց կարճ ժամանակ անց հանդես է եկել սենսացիոն հայտարարություններով լի պարզաբանմամբ, ըստ որի, ոստիկանության որոշ բարձրաստիճան պաշտոնյաներ տարբեր հնարքներով փորձել են հասնել նրան, որ ինքն իր վրա վերցնի Գ.Մհերյանի սպանությունը: Եթե Իգիթյանն իրոք ճիշտ է ասում, ապա, բնականաբար, հարց է առաջանում, թե ՀՀ ճանապարհային ոստիկանության ստորաբաժանումներից մեկի այժմ արդեն նախկին պետ, ոստիկանության բարձրաստիճան սպա Արթուր Մարգարյանն ինչո՞ւ, ի՞նչ շահագրգռությամբ է գնացել այդ քայլին` շատ լավ իմանալով, որ Գ.Իգիթյանին համոզելու և վերջինիս կողմից տվյալ հանցանքի կատարումն իր վրա վերցնելու դեպքում, ազատության մեջ կմնար փոխոստիկանապետի իրական սպանողը, թերևս նաև` սպանության պատվիրատուն: Ավելին, ծառայելով ոստիկանության բոլորովին այլ, Մհերյանի սպանության գործի քննության հետ որևէ կապ չունեցող ստորաբաժնում, նա ինչո՞ւ է միջամուխ եղել այդ գործին: Հիշյալ հայտարարությունը կատարելուց առաջ Գ.Իգիթյանն ասել է. «Քանի որ հայտարարության մեջ հնչելու են մարդկանց անուններ և, ամենայն հավանականությամբ, նրանց կողմից կատարված իրավախախտումների մասին, և այդ մարդիկ հզոր ուժ են իրենցից ներկայացնում, ես կցանկանայի, որ, առաջին հերթին, ապահովեին այս հայտարարությունը հրապարակելուց հետո իմ և իմ ընտանիքի անվտանգությունը` այն պատճառով, որ նման փորձեր եղել են, եղել է կյանքի սպառնալիք իմ նկատմամբ, իմ ընտանիքի նկատմամբ»:
Իգիթյանը պատմել է նաև, թե ինչպես Մհերյանի սպանությունից երևի մոտ 2 ժամ հետո երկու ոստիկան գալիս են իրենց տուն և իրեն տանում ՀՀ ոստիկանության գլխավոր շենք, գլխավոր մուտքով բարձրացնում ՀՀ ոստիկանապետի աշխատասենյակ (այդ ժամանակ Գ.Իգիթյանին խարդախության համար դատապարտող դատավճիռն արդեն կայացված էր), ուր իր եղբոր` Խորեն Իգիթյանի ներկայությամբ ոստիկանապետ Ալիկ Սարգսյանն իրեն հարցնում է` ի՞նչ կխմես… Ի դեպ, որքան տեղյակ է թերթը, Ա.Սարգսյանը քավոր-սանիկային հարաբերություններով կապված է Արթուր Մարգարյանի ընտանիքի հետ:
«Հայացք».
Արդեն 5 տարուց ավելի է, Մանկավարժական համալսարանում բացվել է ռազմական հոգեբանության ֆակուլտետ, որի շրջանավարտները, սակայն տարիներ շարունակ չգիտեն ինչպես վարվել իրենց ստացած «նեղ մասնագիտական» դիպլոմի հետ:
Եվ ահա Կառավարությունը Ազգային ժողով է ներկայացրել «Հայաստանի զինված ուժերի ներքին ծառայության կանոնագիրքը հաստատելու մասին» և «Հայաստանի զինված ուժերի կայազորային ու պահակային ծառայությունների կանոնագիրքը հաստատելու մասին» գործող օրենքներում փոփոխություններ և լրացումներ կատարելու մասին նախագծերը:
Այս օրենքի նախագծով մտցվում են առաձին՝«զինված ուժերում ներդրված սպա-հոգեբան» և «հրամանատարի` հրետանու գծով, օգնական» հասկացությունները և սահմանվում են նրանց գործառույթները: Գործադիրն ու օրենսդիրը ցանկանում են ազդել բանակում ինքնասպանությունների վիճակագրության վրա, թե ինչքանով դա կհաջողվի, այլ խնդիր է, սակայն գոնե կլուծվի այն հարյուրավոր շրջանավարտների աշխատանքի հարցը որոնք, այս պահին չգիտեն, թե իրենք ինչի համար են սովորում:
Այս նախագծով սահմանվում է. Գնդի սպա-հոգեբանը խաղաղ և պատերազմական ժամանակ պատասխանատու է գնդում հոգեբանական աշխատանքի կազմակերպման, անձնակազմի հոգեբանական վիճակի, և դրանց «պահպանմանն ուղղված աշխատանքների համար»: Նա ենթարկվում է գնդի հրամանատարի անձնակազմի հետ տարվող աշխատանքի գծով տեղակալին, ղեկավարում է զորամասի հոգեբանական օգնության և վերականգնողական կետի աշխատանքները:
Գնդի սպա-հոգեբանը պարտավոր է՝ իմանալ գնդի յուրաքանչյուր սպայի և ենթասպայի հոգեբանական նկարագիրը, կազմել և գնդի հրամանատարի` սոցիալ-իրավական աշխատանքների գծով օգնական-սպայի, հետ մշտապես ճշտել գնդի սոցիալ-հոգեբանական բնութագիրը, և առհասարակ, մշտապես ուշադրության կենտրոնում պահել առանձին ստորաբաժանումների բոլոր զինծառայողներին, ընդհանրապես և մասնավորապես՝ այն զինծառայողներին, որոնց նկատմամբ պահանջվում է հոգեբանական և մանկավարժական հատուկ ուշադրություն:
Նրա գործառույթների մեջ է մտնում նաև գնդի զինծառայողների սոցիալ-հոգեբանական գործընթացների ուսումնասիրությունների անցկացումը. «Ձեռնարկել աշխատանքներ ինքնավնասման երևույթների կանխարգելման, ինքնավնասման հակված անձանց բացահայտման ուղղությամբ»:
Հիշեցնենք, որ այս տարվա գարնանը չորրորդ գումարման վերջին քառօրյայում ընդունվեց «Հայաստանի Հանրապետության զինված ուժերի կարգապահական կանոնագիրքը», իսկ օրենքի փոփոխությունների ընդունումը պայմանավորված է երկու օրենքների անհամապատասխանությամբ:
Բացի այդ, «ՀՀ զինված ուժերի կարգապահական կանոնագրքով» «կարգապահական մեկուսացում» տույժը՝ «գաուբվախտ» ուղարկելը, փոխարինվել էր «կարգապահական վաշտ ուղարկելը» տույժով: Այն կրում են կարգապահական վաշտերում:
Կից ներկայացված տեղեկանք-հիմնավորումում ներկայացված է, որ կարգապահական վաշտերի ստեղծման աշխատանքներն ընթացքի մեջ են , և օրենսդրական նոր փոփոխության անհրաժեշտությունն է ՝ օրենքով հստակեցնել կարգապահական վաշտեր ուղարկելու գործընթացը, կարգապահական վաշտերում գտնվող զինծառայողների հաշվառումը, տվյալ ոլորտում միասնական գործողությունների իրականացման ապահովումը:
Տարակարծությունների տեղիք է տվել «ՀՀ զինված ուժերի կարգապահական կանոնագրքի» որոշ դրույթներ. Մասնավորապես. զինվորը կարող է չկատարել իր վերադասի հրամանը, եթե այն ակնհայտ ապօրինի է գնահատում:
Կա նաև մեկ այլ մոտեցում. զինվորը կարող է նման հրամանների դեպքում այն բողոքարկել:
Կառավարությունը ներկայացրել է նաև «ՀՀ ԶՈՒ կայազորային ու պահակային ծառայությունների կանոնագիրքը հաստատելու մասին» օրենքում փոփոխությունների և լրացումների մասին օրենքի նախագիծը:
Գործարար, «Ժառանգություն» կուսակցության անդամ Գառնիկ Սահակյանը բաց նամակով դիմել է Հայաստանի նախագահ Սերժ Սարգսյանին: Նամակում ասվում է.
Հարգելի պրն. Նախագահ
Ես` Գառնիկ Սահակյանս, 1993թ.-ից ՀՀ դեղերի շուկայում գործող մի ընկերության` «Սզնի» ՍՊԸ-ի հիմնադիր-տնօրենն եմ: 2009-10թթ. ընթացքում տարբեր ատյաններին ուղղված դիմումներով, բողոքներով (նաև «Ժառանգություն» կուսակցության պատգամավորների աջակցությամբ) մեզ հաջողվեց հասնել ՀՀ ՏՄՊՊՀ-ի կողմից առողջապահության ոլորտում պետական գնումների լայնամասշտաբ ուսումնասիրության, ինչի արդյունքում բացահայտվեցին պետբյուջեից ապշեցուցիչ ֆինանսական յուրացումներ:
Մասնավորապես պարզվեց. 2009-11թթ. ընթացքում ՀՀ-ում գործող 134 բուժհաստատություններից 109-ը դեղերի գնման մրցույթներ չեն հայտարարել: Մրցութային գործընթացների խափանումը դրսևորվել է երեք ուղղություններով` դեղի ինքնարժեքից ցածր գնային առաջարկի ներկայացում, դեղի նվիրատվության կարգով տրամադրում բուժհաստատությանը, մրցույթ հայտարարած բուժհաստատության կողմից օրինական պարտավորությունների չկատարում: Արդյունքում 109 բուժհաստատությունների կողմից արտամրցութային կարգով դեղերի ձեռքբերման վրա ծախսվել է շուրջ 9,4 մլրդ ՀՀ դրամ, որից 3,45 մլրդ-ը ՏՄՊՀՀ-ի կողմից գնահատվեց որպես «պետական բյուջեից ոչ արդյունավետ ծախսված միջոցներ»:
Պետբյուջեի հանցավոր վատնում լինելուց զատ, դեղերի շուկայի նման խեղումը սնանկացման եզրին է հասցրել փոքր ընկերություններին: Մասնավորապես, ՏՄՊՀՀ-ի կողմից արձանագրվեց, որ ԱԺ պատգամավոր Սամվել Ալեքսանյանին պատկանող «Նատալի ֆարմ» ՍՊԸ-ն չհիմնավորված ցածր գին կիրառելու ճանապարհով երկու բուժհիմնարկների հայտարարած դեղի (ցեֆտրիաքսոն) գնման մրցույթներում պարտության է մատնել «Սզնի» ՍՊԸ-ին: Կուտակված ապրանքային պաշարներն իրացնել չկարողանալու արդյունքում «Սզնին» կանգնել է սնանկացման առջև: Դա այն դեպքում, երբ «Նատալի ֆարմը» նույն դեղը 2009-11թթ. ողջ ընթացքում իրացրել է 2,5-4 անգամ ավելի բարձր գնով, քան մենք: Երեք այլ մրցույթներում «Նատալի ֆարմը» նվիրատվություն է կատարել բուժհաստատություններին, ինչի արդյունքում մրցույթներում հաղթելուց հետո մեզ հետ պայմանագրեր չեն կնքվել:
Փաստերի ուսումնասիրությունից ՀՀ ՏՄՊՀՀ եզրակացրել է. «Նատալի ֆարմ» ՍՊԸ գործողությունները միտված են չհիմնավորված գներ կիրառելու և մրցակցի վաճառքի հնարավորությունները սահմանափակելու միջոցով «Սզնի» ՍՊԸ-ին շուկայից դուրս մղելուն: ՀՀ ՏՄՊՊՀ-ի որոշմամբ «Նատալի ֆարմ» ընկերության կողմից 2009-10 թթ. ընթացքում «Սզնի» ընկերության դեմ կիրառված գործողությունները որակվել են «գերիշխող դիրքի չարաշահում» և նշանակվել է տուգանք քսան միլիոն դրամի չափով:
Փաստացի, չնչին մի գումար գանձելուց բացի «Նատալի ֆարմ» ՍՊԸ-ն այլ պատժի չենթարկվեց միտումնավոր և հետևողական կերպով ՀՀ դեղերի շուկան խեղելու, մենաշնորհելու և ՀՀ պետբյուջեին միլիարդավոր դրամների վնաս հասցնելու համար: Նման մեղմությունը չունի արդարացում, և այժմ, երբ ինչ-ինչ նկատառումներով դեղերի շուկայում տիրող բացարձակ օրինազանցության վիճակը հայտնվել է Ձեր, դրա արդյունքում նաև իրավապահ համակարգի ուշադրության կենտրոնում, ճիշտ ժամանակն է խոսքերից անցնելու քայլերի:
Իբրև «Նատալի ֆարմ» ՍՊԸ-ի հակաօրինական գործությունների արդյունքում սնանկացման հասցված և շուկայից դուրս մղվող կողմ, ես` «Սզնի» ՍՊԸ-ի հիմնադիր-տնօրեն Գառնիկ Սահակյանս, պահանջում եմ, որ «Նատալի ֆարմը» փոխհատուցի ՀՀ պետբյուջեին և ինձ հասցված վնասները ողջ ծավալով և «Գնումների մասին» ՀՀ օրենքի սահմանած կարգով, առավելագույն` երեք տարի ժամանակով զրկվի դեղերի շուկայում պետգնումների մասնակցելու իրավունքից: Նման հակազդեցությունը թույլ կտա մտածել, որ դեղերի շուկայով Ձեր մտահոգությունը նախընտրական ակցիա չէ, այլ ոլորտը կարգավորելու և հետագա ապօրինությունները կանխելու հանձնառություն:
Գառնիկ Սահակյան «Սզնի» ՍՊԸ տնօրեն, Վանաձոր
Հիմք ընդունելով ՀՀ Նախագահի համապատասխան հրամանագիրը՝ ՀՀ կառավարությունը որոշել է 2012 թ. աշնանային զորակոչի ընդհանուր ղեկավարումն ապահովելու նպատակով ստեղծել հանրապետական զորակոչային հանձնաժողով և հաստատել կազմը, մարզային (Երևանի քաղաքային) զորակոչային հանձնաժողովներ և հաստատել դրանց, ինչպես նաև կենտրոնական բժշկական հանձնաժողովի կազմերը։
Հանրապետական զորակոչային հանձնաժողովի նախագահը ՀՀ պաշտպանության նախարարին հանձնարարվել է զորակոչն անցկացնել ՀՀ օրենսդրությամբ սահմանված կարգով՝ հոկտեմբեր-նոյեմբեր ամիսների ընթացքում։
Երեկ միաժամանակ երկու դատավարություն էր ընթանում` փուչիկների և «Հարսնաքարի», և երկուսի վերաբերյալ էլ, ինչպես ասում են, «սիրտս կախ է»: Փուչիկների մասով ես ցավ եմ զգում մեկ տարով դատապարտված խեղճուկրակ մարդու համար, որը, ինչպես կարելի է եզրակացնել դատավճռից, միայնակ է պատասխանատվություն կրում 228 հոգու վնասվածքների համար: Այս գործի կապակցությամբ ՀՀԿ խմբակցության ղեկավարն այսպիսի զուգահեռ է անցկացրել` եթե դուք խանութում անորակ կոստյում եբ գնել, ո՞վ է դրա համար մեղավոր` դո՞ւք, թե՞ վաճառողը: Զուգահեռն, ինձ թվում է, կոռեկտ չէ. եթե ես կոստյում եմ գնում ի´նձ համար, ապա, այո, դա իմ և վաճառողի խնդիրն է: Եթե ես որևէ ապրանք գնում եմ հազարավոր մարդկանց համար, ապա ես պարտավոր եմ ստուգել այդ ապրանքի որակը և անվտանգության աստիճանը: Եթե դա չեմ արել, ապա առնվազն վաճառողի մեղսակիցն եմ: Եվ այստեղ ի հայտ է գալիս երկու հարց: Նախ` եթե գնորդը գիտեր, որ ապրանքը վտանգավոր է (այդպես է ասում Սերոբ Բոզոյանը) և, այնուամենայնիվ, այն գնել է, ուրեմն նա ավելի մեծ հանցագործ է, քան անբարեխիղճ արտադրողն ու վաճառողը: Երկրորդ` եթե նրան տվել են 100 ռուբլի այդ ապրանքը գնելու համար, իսկ նա գնել է 20 ռուբլիանոց ապրանք, ուրեմն նա նաև խարդախ է: Ինձ չի հետաքրքրում, թե որ կուսակցությունից է այդ գնորդը, բայց քանի որ նա ամբաստանյալի աթոռին չէ, պետք է ենթադրեի որ այդ չբացահայտված անձը (անձինք, կազմակերպությունը) մոտ է իշխանական համակարգին: Այս գործով տուժածները շատ պասիվ են, դրա համար էլ հեշտությամբ հաջողվեց իրականությունը կոծկել և պատժել սլաքավարի:
«Հարսնաքարի» գործով աղմուկն ավելի շատ է` կան հասարակական ակտիվիստներ, որոնք հետևում են դատաքննության բոլոր ելևէջներին: Չնայած դրան` այստեղ էլ առանձնապես ոգևորվելու պատճառներ չկան: Օրինակ` երեկ դատախազը ընդամենը «հետաքրքրասիրություն» համարեց տուժող կողմի փաստաբանների միջնորդությունը` պարզել` հանցագործությունը կատարած անձինք «Հարսնաքարի» աշխատակիցնե՞րն են, թե՞ ոչ: Ուրեմն մարդիկ գնում են ռեստորան, որտեղ նրանց սպասարկելու փոխարեն ծեծում-սպանում են, սակայն ամենևին կարևոր չէ` սպանողները այդ ռեստորանի աշխատակիցնե՞ր են, թե՞, օրինակ, այցելուներ: Դատավարության նման ընթացքը հուշում է ինձ, որ այստեղ ոճրագործներն իրենց գլուխը կազատեն խորհրդանշական պատիժներով, և գործն ամբողջությամբ չի բացահայտվի:
Ի տարբերություն այդ գործին հետևող հասարակական գործիչների` ես չեմ կարծում, որ դատարանի կամ մեղադրողի, կամ դատավորի վրա ճնշում է գործադրվում: Այստեղ, ինձ թվում է, գործում է մտածողության իներցիան: Այդ մարդկանց թվում է, թե իրենց կարող են ինչ-որ մի պահի ճնշել, և նրանք, շառից-փորձանքից հեռու, գերադասում են «իրենց ճիշտ պահել»` մտածելով, որ այդպիսով կհաճոյանան «վերևներին»: Գուցե մեկը նրանց բացատրի՞, որ ժամանակները փոխվել են:
Առավոտ
-
-
23.04.2024 | 11:06
Ի՞նչ կապ ունեին Արայիկ Հարությունյանի հարցազրույցի անոնսն ու հետագա «զարգացումները». «Փաստ» -
23.04.2024 | 11:42
Ադրբեջանում պահանջել են նաև չորս «անկլավային գյուղերը» -
23.04.2024 | 11:23
Վաղը ուշադիր եղեք հատկապես Ոսկեվանի և Բաղանիսի մոտակա դիրքերին․ Նաիրի Հոխիկյան
-
- Տեսանյութ
- Օրվա միտք
- Խմբագրի վարկած
- Ֆոտո
-
Հասցե` Հայաստան, 0023, Երևան, Արշակունյաց 2
Հեռ: +374 (10) 06 06 23 (413, 414), +374 (99) 53 58 26
Էլ. փոստ` armv12@mail.ru -
2010-2011 © Բոլոր իրավունքները պաշտպանված են:
Մեջբերումներ անելիս հղումը armversion.com-ին
պարտադիր է: Կայքի հոդվածների մասնակի կամ
ամբողջական հեռուստառադիոընթերցումն
առանց armversion.com-ին հղման արգելվում է: -
Կայքում արտահայտված կարծիքների համընկնումը
խմբագրության տեսակետի հետ պարտադիր չէ:
Գովազդների բովանդակության համար
կայքը պատասխանատվություն չի կրում:
Բոլոր իրավունքները պաշտպանված են: Copyright “Armversion.com” 2010.