ՀՀ ոստիկանությունը գլոբալ փոփոխություններ է առաջարկում Ճանապարհային երթևեկության օրենքներում։ Նոր փոփոխությունների արդյունքում վարորդներին կտրվեն միավորներ, իսկ խախտման դեպքում` կզրկեն դրանցից։
. ՀՀ ոստիկանությունը լայնածավալ փոփոխություններ է առաջարկում ճանապարհային երթևեկության և անվտանգության մի շարք օրենքներում։ Օրինագծերի փաթեթով առաջարկվող փոփոխություններն այսօր կառավարության նիստում ներկայացրեց ՀՀ ոստիկանապետի տեղակալ Հովհաննես Քոչարյանը։
Նրա խոսքով` նոր օրենքով նախատեսվում է 100 խախտումներից 26–ի դեպքում նվազեցնել այսօր գործող տուգանքների չափերը` 10–ի դեպքում` մինչև 50 տոկոսով, 16-ի դեպքում ` 50 և ավելի տոկոսով։
Բայց տուգանքները մեղմելուն զուգահեռ ներդրվելու են երթևեկության անվտանգությունն ապահովող այլ միջոցներ` մասնավորապես` տուգանային միավորներ։
Ասել է թե`ոստիկանությունն առաջարկում է խախտումներ անող վարորդներին պատժելու բալային մեխանիզմ ներդնել։ Հովհաննես Քոչարյանի ներկայացմամբ` վարորդական իրավունք ստացող վարորդին տրվելու է 9 միավոր։ Յուրաքանչյուր խախտում թույլ տալու դեպքում այդ միավորները նվազելու են 0.5-4 միավորի չափով` կախված խախտման տեսակից ու ծանրությունից։
Եթե մեկ տարվա ընթացքում վարորդին տրված 9 միավորները սպառվեն, նա 6 ամիս ժամկետով նա կզրկվի վարորդական իրավունքից։ 6 ամիսը լրանալուց հետո վարորդական իրավունքը վերականգնվելու է և դարձյալ տրվելու է 9 միավոր։ Երկրորդ 9 միավորը մեկ տարվա ընթացքում սպառելու դեպքում վարորդը վարորդական իրավունքից զրկվելու է արդեն 1 տարի ժամկետով, և վարորդական իրավունքը վերականգնվելու է միայն քննություն հանձնելուց հետո։
Ընդ որում, վարորդական իրավունքից ժամանակավորապես զրկված վարորդներին իրավունք է տրվելու մինչև ժամկետի լրանալը տեսական քննություն հանձնել ու ավելի շուտ վերականգնել կորցրած իրավունքը։ Ոստիկանության համոզմամբ`այս կարգը կնպաստի, որ վարորդները պարբերաբար թարմացնեն ՃԵԿ իրենց գիտելիքները։
«Պատահարների վիճակագրական տվյալները շարունակում են մնալ մտահոգիչ։ Ակնհայտ է, որ տուգանքների բարձրացումը, որը նախորդ տարիներին իրավախախտումներին արձագանքելու գրեթե միակ գործիքն էր, այլևս ի զորու չէ նվազեցնել պատահարների թիվն ու մեղմել դրանց հետևանքները։ Ավելին` դրանց բարձրացումը սոցիալական լուրջ դժգոհությունների պատճառ է հանդիսացել»,–ասաց Քոչարյանը` միաժամանակ կարևորելով վարորդների գիտելիքների բարձրացումը։
Ի դեպ, առաջարկվող օրենքներով, անսթափ վիճակում վարելու համար գործող 150 000 տուգանքի փոխարեն սահմանվելու է 29 000 դրամ տուգանք, բայց միաժամանակ անսթափ վարորդից հանվելու է 4 տուգանային միավոր։ Իսկ մեկ տարվա ընթացքում խախտումը կրկնելու դեպքում վարորդը 6 ամսով կզրկվի վարորդական իրավունքից։ Իսկ եթե անսթափ վարորդը հանրային տրանսպորտ կամ տաքսի է վարում, ապա նա հենց առաջին խախտման դեպքում կկորցնի վարորդական իրավունքը` 6 ամսով։
Միավորների հաշվարկը համապատասխանեցվել է այսօր գործող տուգանքների չափերին։
Այսպես` 5000 տուգանք նախատեսող խախտումները հաշվարկվելու են 1 միավորի չափով, 20-25 000 դրամանոց խախտումները` 2 բալ։ 3 բալանոց խախտումները երկուսն են` ավտոմեքենայի հաշվառման համարանիշն այլ անձի հանձնելը և սահմանված արագությունը 31-50 կմ/ժամ–ով գերազանցելը, որի համար գործող օրենքով նախատեսված է 100 000 դրամ տուգանք։ Իսկ 4 միավոր հանվելու է սահմանված արագությունը 51-80 կմ/ժամ–ով գերազանցելու և անսթափ վիճակում ավտոմեքենա վարելու համար։
«Հարգելի քաղաքացիներ, մի կորցրեք ձեր միավորները» ,– նախագծերի ներկայացումից հետո քաղաքացիներին կոչով դիմեց նիստը վարող ՀՀ փոխվարչապետ Տիգրան Ավինյանը։
Երկարատև ու հանգամանալից քննարկումից հետո կառավարությունը հաստատեց օրինագծերի փաթեթը, որն առաջիկայում կներկայացվի ԱԺ–ի հաստատմանը։
- 11:42Ադրբեջանում պահանջել են նաև չորս «անկլավային գյուղերը»
- 11:23Վաղը ուշադիր եղեք հատկապես Ոսկեվանի և Բաղանիսի մոտակա դիրքերին․ Նաիրի Հոխիկյան
- 13:26Վթարի հետեւանքով մահացած բոլոր չորս զինծառայողները ժամկետայիններ էին.
- 11:29Գեղարքունիքում զինվորական «ԿամԱԶ» է վթարի ենթարկվել
- 14:08Ոսկեպարցի Սամվելի խոհանոցի և հողամասի մի մասը մնալու է ՀՀ-ում, իսկ տունը և տնամերձի մյուս մասը՝ Ադրբեջանում. Թաթոյան
- 13:00Դպրոցներից տարհանման կարիք չկա. ԿԳՄՍ նախարարը` ահաբեկչության կեղծ լուրերի մասին
- 15:10Ահազանգ ենք ստացել զինվորական ծառայությունից հրաժարվելու հիմքով ՀՀ-ում ապաստանած ՌԴ քաղաքացուն առևանգելու և Գյումրու ռազմաբազայում ապօրինի պահելու մասին
- 11:10Եթե շատ լինեք, մենք կշրջափակենք կառավարությունը․ Հրանտ Բագրատյան
- 14:10Անիմաստ կրակում են, ոչ մի բան չեն թիրախավորում, երևի վախից է․ Արավուսի նախկին գյուղապետ
- 12:10270 մլն գնահատվող աշխարհաքաղաքական վեկտորի փոփոխություն և 0 երաշխիքներ․․․Լիլիթ Գալստյան
23.04.2024 | 11:42
23.04.2024 | 11:06
13.04.2024 | 13:57
13.04.2024 | 13:26
13.04.2024 | 13:06
13.04.2024 | 12:59
13.04.2024 | 12:28
13.04.2024 | 11:29
12.04.2024 | 14:08
12.04.2024 | 13:56
12.04.2024 | 2:20
10.04.2024 | 15:10
10.04.2024 | 14:10
10.04.2024 | 13:10
10.04.2024 | 12:10
10.04.2024 | 11:10
09.04.2024 | 15:10
09.04.2024 | 14:10
09.04.2024 | 13:10
09.04.2024 | 12:10
09.04.2024 | 11:10
08.04.2024 | 15:10
08.04.2024 | 14:10
08.04.2024 | 13:10
08.04.2024 | 12:10
08.04.2024 | 11:10
06.04.2024 | 14:10
06.04.2024 | 13:10
06.04.2024 | 12:10
06.04.2024 | 11:10
05.04.2024 | 15:10
05.04.2024 | 14:10
05.04.2024 | 13:10
05.04.2024 | 12:10
05.04.2024 | 11:00
04.04.2024 | 15:10
04.04.2024 | 14:10
04.04.2024 | 13:10
-
Հասցե` Հայաստան, 0023, Երևան, Արշակունյաց 2
Հեռ: +374 (10) 06 06 23 (413, 414), +374 (99) 53 58 26
Էլ. փոստ` armv12@mail.ru -
2010-2011 © Բոլոր իրավունքները պաշտպանված են:
Մեջբերումներ անելիս հղումը armversion.com-ին
պարտադիր է: Կայքի հոդվածների մասնակի կամ
ամբողջական հեռուստառադիոընթերցումն
առանց armversion.com-ին հղման արգելվում է: -
Կայքում արտահայտված կարծիքների համընկնումը
խմբագրության տեսակետի հետ պարտադիր չէ:
Գովազդների բովանդակության համար
կայքը պատասխանատվություն չի կրում:
Բոլոր իրավունքները պաշտպանված են: Copyright “Armversion.com” 2010.