Երևանի ընդհանուր իրավասության դատարանի մոտ Ռոբերտ Քոչարյանի նախնական դատական նիստին զուգահեռ Ավանի նստավայրի դատարանի բակում Ռոբերտ Քոչարյանի դեմ ու կողմ քաղաքացիների բողոքի ակցիան շարունակվում է։
Նրա աջակիցներից մեկի ինքնազգացողությունը վատացավ, ինչից հետո ոստիկանության ծառայողների կողմից շտապօգնություն հրավիրվեց։ Երիտասարդ կնոջն առաջին բուժօգնությունը ցուցաբերեցին շտապօգնության բրիգադի ծառայողները և առաջարկեցին գնալ հիվանդանոց՝ լրացուցիչ բուժզննության։
Քաղաքացին հրաժարվեց՝ նշելով,որ ինքնազգացողությունը լավանում է։
Նշենք,որ դատական նիստին զուգահեռ ընթացող բողոքի ակցիաները վերահսկվում են ոստիկանության ծառայողների կողմից, դատարանի բակը բազմամարդ է։
Ինչ վերաբերում է նիստերի դահլիճին,ապա այստեղ են գտնվում Ռոբերտ Քոչարյանի աջակիցները, կրտսեր որդին,ինչպես նաև Մարտի մեկի գործով տուժողի իրավահաջորդներ։
12։58
Ռոբերտ Քոչարյանի և մյուսների գործով դատական նիստին մասնակցելու է եկել «Մարտի 1»-ի զոհերից Գոռ Քլոյանի հայրը՝ Սարգիս Քլոյանը։
Նա լրագրողների հետ զրույցում նշեց, որ եկել է տեսնելու, թե ինչ է կատարվում։ Ապա ավելացրեց, թե մի բանում վստահ է՝ Ռոբերտ Քոչարյանը չպետք է գտնվի ազատության մեջ։
Նիստերի դահլիճում է նաև Ռոբերտ Քոչարյանի կրտսեր որդին՝ Լևոն Քոչարյանը:
12:32
Դատավոր Գրիգորյանը մերժեց Քոչարյանի պաշտպանների կողմից ներկայացված ինքնաբացարկի միջնորդությունը։
12:30
Երևանի ընդհանուր իրավասության դատարանում դատավոր Դավիթ Գրիգորյանի նախագահությամբ մեկնարկեց Մարտի 1-ի գործով մեղադրյալ, ՀՀ պաշտոնաթող նախագահ Ռոբերտ Քոչարյանի մասով նախնական դատական նիստը, որտեղ բացառապես քննարկվելու է Ռոբերտ Քոչարյանի խափանման միջոցին վերաբերող հարցը:
12:11
Այս պահին նիստերի դահլիճ մուտք են գործել միայն լրագրողները, իսկ Ռոբերտ Քոչարյանին դեմ ու կողմ անձիք դեռևս դրսում են։
Ռոբերտ Քոչարյանին դեմ արտահայտվողները հայտարարում են, որ նախորդ նիստին իրենց թույլ չեն տվել ներկա գտնվել, և նիստերի դահլիճում ներկա են եղել միայն ռոբերտ Քոչարյանի աջակիցները։ Նրանք պնդում են, որ այս անգամ պետք է պարտադիր ներկա գտնվեն նիստերին։
Նիստերին ներկա գտնվելու պահանջ ունեն նաև Ռոբերտ Քոչարյանի աջակիցները։
Դատարանի դահլիճում է նաև Ռոբերտ Քոչարյանի կրտսեր որդին՝ Լևոն Քոչարյանը:
12։03
Երևանի ընդհանուր իրավասության դատարանի դիմաց հանուն և ընդդեմ Ռոբերտ Քոչարյանի ակցիաներ են ընթանում. այս անգամ ՀՀ 2-րդ նախագահի նախնական դատական նիստերին մասնակցելու են եկել ոչ միայն նրա աջակիցները, այլև նրան դատապարտել պահանջողները։
Ռոբերտ Քոչարյանի դատապարտել պահանջող անձինք իրենց հետ բերել են պաստառներ՝ «Ցմահ» գրությամբ։ Ըստ նրանց՝ Ռոբերտ Քոչարյանն աջակիցների իրական թիմ չունի։ Ավելին՝ պնդում են, որ նրանց գումար է բաժանվել։
«Առավոտյան, որ երկա այստեղ, մի հոգու ձեռքին մոտ 15 անձնագիր կար ու նույնքան նույնականացման քարտ։ Հարցրի՝ բա ինչի՞ է ձեր անձնագրերը մեկի ձեռքին, մարդիկ ինձ կոպիտ պատասխանեցին, թե մեր անձնագիրն է, մենք ենք տվել»,- պատմեց Ռոբերտ Քոչարյանի դեմ ցույց անողներից մեկը։
Սակայն Ռոբերտ Քոչարյանի աջակիցները հերքում են այս տեղեկությունները։ «Մարդիկ, ի՞նչ է, տրամաբանություն չունե՞ն։ Ինչի՞ պիտի իրենց անձնագրերը տան մեզ։ Հիմա, որ Ձեզ ասեմ՝ անձնագիրդ տուր ինձ, կտա՞ս, չե՞ս տա, չէ՞։ Իսկ գումար բաժանելու պահով էլ ասեմ, որ իրենք ենք այստեղ գումարով եկել»,- շեշտեց Ռոբերտ Քոչարյանին սատարող ցուցարարը։
Վերջինս նաև կարծում է, որ Ռոբերտ Քոչարյանի դեմ ակցիա անողներն այն մարդիկ են, որոնք մասնակցում են տարբեր ակցիաների՝ անկախ թեմաներից։
11։33
Երևանի ընդհանուր իրավասության դատարանում դատավոր Դավիթ Գրիգորյանի նախագահությամբ երեկ մեկնարկեց Մարտի 1-ի գործով մեղադրյալ ՀՀ պաշտոնաթող նախագահ Ռոբերտ Քոչարյանի մասով նախնական դատական նիստը, որտեղ բացառապես քննարկվելու էր Ռոբերտ Քոչարյանի խափանման միջոցին վերաբերող հարցը:
«Մարտի 1»-ի գործից առանձնացված մասով մեղադրյալ են ՀՀ երկրորդ նախագահ Ռոբերտ Քոչարյանը, ով մեղադրվում է սահմանադրական կարգի տապալման, ինչպես նաև կաշառք վերցնելու մեջ, մյուս ամբաստանյալը 2008-ին Ազգային անվտանգության խորհրդի քարտուղար Արմեն Գևորգյանը, ով մեղադրվում է սահմանադրական կարգի տապալմանն օժանդակելու, փողերի լվացման, ինչպես նաև կաշառք ստանալու մեջ, մյուս ամբաստանյալը 2008-ին պաշտպանության նախարարի տեղակալ Սեյրան Օհանյանն է, ով մեղադրվում է սահմանադրական կարգի տապալման մեջ, նույն մեղադրանք է առաջադրված նաև Յուրի Խաչատուրովին, ով 2008-ին պաշտպանության նախարարի տեղակալն էր:
Երեկվա նիստին մեղադրանքը պաշտպանելու էր եկել 4 դատախազ` գլխավոր դատախազ Արթուր Դավթյանը, Երևանի դատախազ Գևորգ Բաղդասարյանը, գործի նկատմամբ դատավարական ղեկավարում իրականացնող ավագ դատախազ Պետրոս Պետրոսյանը, դատախազության Հատկապես կարևոր գործերով քննության նկատմամբ հսկողության վարչության պետի տեղակալ Կարեն Բիշարյանը:
Արթուր Դավթյանը դատարան եկավ դատավորի համար նախատեսված ծառայողական մուտքով,որին դատարանում անդրադարձան Ռոբերտ Քոչարյանի պաշտպանները և այդ ու այլ հիմքերով ինքնաբացարկի միջնորդություն ներկայացրին դատավոր Դավիթ Գրիգորյանին:
Դատարանը խորհրդակցական սենյակում է, որտեղից կվերադառնա և որոշումը կհայտնի ինքնաբացարկի միջնորդության վերաբերյալ: Նշենք, որ մեղադրող կողմն առարկել է միջնորդությանը:
Ինչ վերաբերում է միայն Ռոբերտ Քոչարյանի դատարան ներկայանալուն և մյուս կողմերին չծանուցելուն, դատարանը երեկ հայտնեց, որ, քանի որ նախնական դատական նիստում քննարկվելու է բացառապես Ռոբերտ Քոչարյանի խափանման միջոցի հարցը, այդ պատճառով կողմերը չեն ծանուցվել, այնուամենայնիվ դատարան էին ներկայացել Յուրի Խաչատուրովի պաշտպան Միհրան Պողոսյանը, ինչպես նաև տուժողների իրավահաջորդների ներկայացուցիչ Վահե Գրիգորյանն ու Սեդա Սաֆարյանը: Դատական նիստի ողջ ընթացքում դատարանի բակում էին գտնվում Ռոբերտ Քոչարյանի աջակիցները:
https://www.youtube.com/watch?v=BG6TWWJPxKQ
- 13:57Մենք այլևս չունենք ԱԱԾ, այդ հաստատությունը Նիկոլի ռեժիմի հերթական գործիքն է․ Կարեն Վրթանեսյանը՝ ԱԱԾ կողմից հայ զինվորների նկատմամբ քրեական վարույթ նախաձեռնելու մասին
- 12:59Ղազախստանում ձերբակալել են ռուսաստանցու, որը մեղադրվում է տաջիկներին այլ երկրներում պատերազմի մեջ ներքաշելու համար
- 2:20Մի կողմից նույն մարդիկ մեզ ասում են, թե «սահման չկա, սահմանները հստակեցված չեն», մյուս կողմից զինվորին մեղադրում են «սահմանը խախտելու» համար. Վրթանեսյան
- 12:10Մենք չգնացինք այդ ճանապարհով և հայտնի աշխարհաքաղաքական կենտրոններում որոշվեց հարցը լուծել ռազմական ճանապարհով. Փաշինյան
- 15:10Հրաժարվելով ռուսական МИР քարտերից՝ մենք ակամայից հայտնվում ենք պատժամիջոցների տակ. քաղաքագետ
- 11:10Կռիվ լինելու ա, ու ես գիտեմ, որ մենք պիտի հաղթենք. Մեր թշնամին էսօր Ադրբեջանում չի
- 13:10ԵԽ-ն Հայաստանի «լամպոչկա» իշխանություններից պետք է պահանջի անհապաղ ազատ արձակել քաղբանտարկյալներին. Բողոքի ակցիա ԵԽ քարտուղարի այցին ընդառաջ
- 13:10«Նիկոլիստներ, սորոսականներ ու արևմտամոլներ, ուշադիր կարդացեք գրածս»․ Էդուարդ Շարմազանովը փաստերով ներկայացնում է՝ ով է Բաքվին երկրորդում
- 12:10Բրյուսելում Հայաստան-ԵՄ-ԱՄՆ հանդիպումը «վտանգի ևս մեկ աղբյուր է ստեղծում» Հրվ. Կովկասի համար. Ալիև
- 11:10Որեւէ մեկը չի կարող երաշխավորել, որ Իրանի թիրախներից մեկը չի դառնա Բաքուն. Վարդան Ոսկանյան
23.04.2024 | 11:42
23.04.2024 | 11:06
13.04.2024 | 13:57
13.04.2024 | 13:26
13.04.2024 | 13:06
13.04.2024 | 12:59
13.04.2024 | 12:28
13.04.2024 | 11:29
12.04.2024 | 14:08
12.04.2024 | 13:56
12.04.2024 | 2:20
10.04.2024 | 15:10
10.04.2024 | 14:10
10.04.2024 | 13:10
10.04.2024 | 12:10
10.04.2024 | 11:10
09.04.2024 | 15:10
09.04.2024 | 14:10
09.04.2024 | 13:10
09.04.2024 | 12:10
09.04.2024 | 11:10
08.04.2024 | 15:10
08.04.2024 | 14:10
08.04.2024 | 13:10
08.04.2024 | 12:10
08.04.2024 | 11:10
06.04.2024 | 14:10
06.04.2024 | 13:10
06.04.2024 | 12:10
06.04.2024 | 11:10
05.04.2024 | 15:10
05.04.2024 | 14:10
05.04.2024 | 13:10
05.04.2024 | 12:10
05.04.2024 | 11:00
04.04.2024 | 15:10
04.04.2024 | 14:10
04.04.2024 | 13:10
-
Հասցե` Հայաստան, 0023, Երևան, Արշակունյաց 2
Հեռ: +374 (10) 06 06 23 (413, 414), +374 (99) 53 58 26
Էլ. փոստ` armv12@mail.ru -
2010-2011 © Բոլոր իրավունքները պաշտպանված են:
Մեջբերումներ անելիս հղումը armversion.com-ին
պարտադիր է: Կայքի հոդվածների մասնակի կամ
ամբողջական հեռուստառադիոընթերցումն
առանց armversion.com-ին հղման արգելվում է: -
Կայքում արտահայտված կարծիքների համընկնումը
խմբագրության տեսակետի հետ պարտադիր չէ:
Գովազդների բովանդակության համար
կայքը պատասխանատվություն չի կրում:
Բոլոր իրավունքները պաշտպանված են: Copyright “Armversion.com” 2010.