ԵՊՀ գիտխորհրդի դահլիճում «Պատերազմի դասեր» խորագրով դասախոսությունների շարքի շրջանակում այսօր տեղի ունեցավ հանդիպում «Մարտական խաչ» 1-ին աստիճանի շքանշանի ասպետ, Արցախի հերոս, ՀՀ ԶՈՒ գեներալ-մայոր Արկադի Տեր-Թադևոսյանի հետ:
Հանդիպման սկզբում ԵՊՀ ՈՒԽ Լեոնիդ Ազգալդյանի անվան մարտական պատրաստության ակումբի նախագահ Լիպարիտ Ղազարյանը շեշտեց, որ ակումբի կողմից կազմակերպած նմանօրինակ հանդիպումները նպատակ ունեն փոխանցելու պատերազմական փորձն ու գիտելիքներն ապագա սերնդին:
«Մենք արդեն իսկ մեր նախորդ հանդիպման ընթացքում խոսել ենք հոգեբանական գործոնների մասին, որոնք պատերազմի ժամանակ կարող են հաղթանակի գրավական դառնալ,- ասաց Լիպարիտ Ղազարյանը,- այսօր, շարունակելով դասընթացի թեման, անդրադառնալու ենք Արցախյան պատերազմին՝ հյուրնկալելով այդ պատերազմի լեգենդար հրամանատարներից մեկին՝ Արկադի Տեր-Թադևոսյանին»:
Արկադի Տեր-Թադևոսյանը նախ նշեց, որ թեպետ թեման պատերազմի դասերի մասին է, բայց ինքը դժվարությամբ է պատերազմի մասին խոսում, քանի որ պատերազմը մարդկային երևույթ չէ:
«Պատերազմում մարդը զոհում է իր կյանքը: Բոլոր կամավորներն էլ պատերազմ են գնում այդ գիտակցմամբ, և հավատացեք, որ շատ դժվար է հաշտվել այն մտքի հետ, որ այն մարդը, որի հետ դու կանգնած զրուցում ես կամ որևէ թեմա ես քննարկում, վաղը կարող է զոհվել»,- անկեղծացավ Արկադի Տեր-Թադևոսյանը:
Գեներալը նշեց, որ պատերազմի դաշտում մարդը պետք է հոգեբանորեն պատրաստ լինի ամեն ինչի և անդրադարձավ վախի գործոնին:
«Շատերդ երևի մտածում եք, որ պատերազմի դաշտում հայտնված մարդիկ անվախ են:
Բայց իրականում այնտեղ վախենում են բոլորը, անվախ մարդ չկա:
Արկադի Տեր-Թադևոսյանը նկատեց, որ երբեմն մարդկանց թվում է, թե պատերազմի ընթացքը պետություններն են որոշում, մինչդեռ իրականում այն որոշում են անհատները՝ իրենց անձնազոհությամբ:
«Պատերազմի դաշտում հաղթում են գիտելիքներով զինված և մարտական ոգի ունեցող պետությունները»,- փաստեց Արկադի Տեր-Թադևոսյանը:
Այնուհետև գեներալը պատմեց մարտական առաջադրանքների մասին, որոնք հաջողությամբ են իրականացվել՝ օրհասական պահին միավորվել կարողանալու շնորհիվ։
«Մեր ազգի մի շարք առանձնահատկություններից մեկն էլ այն է, որ խաղաղ պայմաններում մենք դժվարանում ենք հաշտ ու համերաշխ ապրել, բայց երբ մեր գոյությանը վտանգ է սպառնում, մենք միավորվում ենք ու հաղթում»,- ասաց Արկադի Տեր-Թադևոսյանը՝ նշելով, որ պատերազմն օգնեց մեզ ավելի լավ ճանաչել Սփյուռքը:
Խոսելով արցախյան հիմնահարցից՝ գեներալ-մայորը նշեց, որ այն պետք է լուծվի՝ ըստ պետությունների, ազգերի և կազմակերպությունների միջև ընդունված միջազգային իրավունքի:
Հանդիպման վերջում Արցախի հերոսն ասաց, որ մեր հայրենիքում ապրող յուրաքանչյուր քաղաքացի պետք է իմանա, որ իր մասնագիտությունից բացի՝ ունի ևս մեկը՝ հայրենիքի պաշտպանի մասնագիտությունը:
Ի դեպ, ԵՊՀ ՈւԽ Լեոնիդ Ազգալդյանի անվան մարտական պատրաստության ակումբն ապրիլի մեկից ԵՊՀ-ում կազմակերպելու է ադրբեջաներենի դասընթացներ:
- 13:57Մենք այլևս չունենք ԱԱԾ, այդ հաստատությունը Նիկոլի ռեժիմի հերթական գործիքն է․ Կարեն Վրթանեսյանը՝ ԱԱԾ կողմից հայ զինվորների նկատմամբ քրեական վարույթ նախաձեռնելու մասին
- 12:59Ղազախստանում ձերբակալել են ռուսաստանցու, որը մեղադրվում է տաջիկներին այլ երկրներում պատերազմի մեջ ներքաշելու համար
- 2:20Մի կողմից նույն մարդիկ մեզ ասում են, թե «սահման չկա, սահմանները հստակեցված չեն», մյուս կողմից զինվորին մեղադրում են «սահմանը խախտելու» համար. Վրթանեսյան
- 12:10Մենք չգնացինք այդ ճանապարհով և հայտնի աշխարհաքաղաքական կենտրոններում որոշվեց հարցը լուծել ռազմական ճանապարհով. Փաշինյան
- 15:10Հրաժարվելով ռուսական МИР քարտերից՝ մենք ակամայից հայտնվում ենք պատժամիջոցների տակ. քաղաքագետ
- 11:10Կռիվ լինելու ա, ու ես գիտեմ, որ մենք պիտի հաղթենք. Մեր թշնամին էսօր Ադրբեջանում չի
- 13:10ԵԽ-ն Հայաստանի «լամպոչկա» իշխանություններից պետք է պահանջի անհապաղ ազատ արձակել քաղբանտարկյալներին. Բողոքի ակցիա ԵԽ քարտուղարի այցին ընդառաջ
- 13:10«Նիկոլիստներ, սորոսականներ ու արևմտամոլներ, ուշադիր կարդացեք գրածս»․ Էդուարդ Շարմազանովը փաստերով ներկայացնում է՝ ով է Բաքվին երկրորդում
- 12:10Բրյուսելում Հայաստան-ԵՄ-ԱՄՆ հանդիպումը «վտանգի ևս մեկ աղբյուր է ստեղծում» Հրվ. Կովկասի համար. Ալիև
- 11:10Որեւէ մեկը չի կարող երաշխավորել, որ Իրանի թիրախներից մեկը չի դառնա Բաքուն. Վարդան Ոսկանյան
23.04.2024 | 11:42
23.04.2024 | 11:06
13.04.2024 | 13:57
13.04.2024 | 13:26
13.04.2024 | 13:06
13.04.2024 | 12:59
13.04.2024 | 12:28
13.04.2024 | 11:29
12.04.2024 | 14:08
12.04.2024 | 13:56
12.04.2024 | 2:20
10.04.2024 | 15:10
10.04.2024 | 14:10
10.04.2024 | 13:10
10.04.2024 | 12:10
10.04.2024 | 11:10
09.04.2024 | 15:10
09.04.2024 | 14:10
09.04.2024 | 13:10
09.04.2024 | 12:10
09.04.2024 | 11:10
08.04.2024 | 15:10
08.04.2024 | 14:10
08.04.2024 | 13:10
08.04.2024 | 12:10
08.04.2024 | 11:10
06.04.2024 | 14:10
06.04.2024 | 13:10
06.04.2024 | 12:10
06.04.2024 | 11:10
05.04.2024 | 15:10
05.04.2024 | 14:10
05.04.2024 | 13:10
05.04.2024 | 12:10
05.04.2024 | 11:00
04.04.2024 | 15:10
04.04.2024 | 14:10
04.04.2024 | 13:10
-
Հասցե` Հայաստան, 0023, Երևան, Արշակունյաց 2
Հեռ: +374 (10) 06 06 23 (413, 414), +374 (99) 53 58 26
Էլ. փոստ` armv12@mail.ru -
2010-2011 © Բոլոր իրավունքները պաշտպանված են:
Մեջբերումներ անելիս հղումը armversion.com-ին
պարտադիր է: Կայքի հոդվածների մասնակի կամ
ամբողջական հեռուստառադիոընթերցումն
առանց armversion.com-ին հղման արգելվում է: -
Կայքում արտահայտված կարծիքների համընկնումը
խմբագրության տեսակետի հետ պարտադիր չէ:
Գովազդների բովանդակության համար
կայքը պատասխանատվություն չի կրում:
Բոլոր իրավունքները պաշտպանված են: Copyright “Armversion.com” 2010.