Սյունիքի նախկին մարզպետ Կարեն Համբարձումյանը գրառում է կատարել ֆեյսբուքի իր էջում. ամբողջությամբ ներկայացնում ենք ստորև.
Սիրելի՛ սյունեցիներ
Ինչպես գիտեք, հոկտեմբերի 4-ին ես դիմում էի գրել պաշտոնից ազատվելու համար, և ՀՀ կառավարության որոշումով ազատվեցի Սյունիքի մարզպետի պաշտոնից:
Շնորհակալություն եմ հայտնում այս կարճ ժամանակահատվածում արդեն իսկ ձեռքբերած իմ համախոհներին` իմ աշխատանքի, գաղափարների, թիմի հանդեպ ցուցաբերած վստահության, գնահատանքի համար: Ձգտել եմ սկիզբ դնել մարզի համար կարևոր գործընթացների ու կայուն հուն ապահովել դրանց համար, որոնք, հուսով եմ, շարունակություն կունենան:
Շնորհակալ եմ նաև իմ ընդդիմախոսներին ու բնական եմ համարում քննադատությունն ու ղեկավար պաշտոնում աշխատող մարդու գործունեության հանդեպ պահանջկոտությունը:
Այդուհանդերձ, իմ ծառայությունը Սյունիքին ու մեր հանրապետությանը ես ավարտված չեմ համարում և քանի որ անտարբեր չեմ մեր մարզում ու երկրում ընթացող քաղաքական իրողությունների հանդեպ և լսելով այս վերջին օրերին ինձ հղված` իմ հայրենակիցների հորդորները, կոչերը, որոնք չեմ կարող հաշվի չառնել` ես դադարեցնում եմ նաև իմ անդամակցությունը «Բարգավաճ Հայաստան» կուսակցությանը:
Համաժողովրդական վերածննդի պայքարն սկսեց ժողովուրդը, սկսեցինք բոլորով, համախմբվեցինք մեկ առաջնորդի շուրջ, և դրա վերջնական հաղթանակի ու հաջողության գրավականը կրկին ժողովուրդն է: Ուստի, այսօր ևս պարտավոր ենք լինել մեր քաղաքացիների կողքին, քանի որ որոշիչը բոլորիդ կամքն է, ու պետք է համախմբվենք միասնական պայքարի ու նրա հիմքում եղած գաղափարների շուրջ:
Այսուհետ ևս կշարունակեմ ծառայել Սյունիքին, սյունեցիներին ու մեր պետությանը՝ իմ նպաստն ու ջանքը ներդնելով առավել հզոր մարզ ու հայրենիք ունենալու գործում:
- 11:10Baby spa նորաբաց մանկական սպա կենտրոն նաև Հայաստանում
- 12:10Մայրը խեղդամահ է արել 7-ամյա դստերը
- 11:10Մենթալ թվաբանության 6-18 տարեկանների միջազգային օլիմպիադա՝ Անթալիայում
- 13:10Անակնկալ զարգացում՝ Քոչարյանի գործում. Դատավոր Արմեն Դանիելյանն անսպասելի որոշում կայացրեց
- 12:10Մարդիկ չեն ցանկանում դատավոր դառնալ, քանի որ Փաշինյանն ուղղորդված վատաբանում է դատավորներին․ Ռուբեն Մելիքյան
- 11:10«Գերմիոնա» կրթահամալիրը` առանձին մոլորակ
- 15:10Կանխվել է թուրքերեն մակնշմամբ մեծ քանակությամբ դեղորայքի ներմուծումը Հայաստան. ՊԵԿ
- 14:10Երբ ես լսում եմ լայվով հայհոյող, պերեկիս դրած մազերով կանանց, հիշում եմ սովետական մի շատ հայտնի ֆիլմ
- 13:10Հորդորում ենք զերծ մնալ ծառայությունների մատուցման պայմանագրեր կնքելու արատավոր պրակտիկայից. ԱԱՏՄ
- 11:10Ի՞նչ է պետք հաշվի առնել կոլոռեկտալ քաղցկեղն արդյունավետ բուժելու համար. մասնագիտական քննարկում