Վերջին շրջանում մամուլում քննարկվող՝ ՀՀ վերաքննիչ դատարանի որոշման դեմ ՀՀ գլխավոր դատախազության բողոքը ՀՀ վճռաբեկ դատարանի կողմից վարույթ ընդունելու կամ չընդունելու հարցին այս անգամ անդրադարձել է «Ժողովուրդ» օրաթերթը՝ «Դատախազության բողոքը մնաց օդից կախված» վերտառությամբ հրապարակմամբ (11.09.2018թ.): Այս մասին հայտնում է ՀՀ քննչական կոմիտեն:
Հրապարակման հեղինակը, հղում կատարելով իբրև դատական համակարգից «Ժողովուրդ» օրաթերթին հասած տեղեկությունների» վրա, կատարել է ակնհայտ սխալ և ոչ մասնագիտական վերլուծություն` դրանով իսկ թյուրիմացության մեջ գցելով ընթերցողին: Մասնավորապես, ըստ հեղինակի` վարույթն իրականացնող մարմինը, Ռոբերտ Քոչարյանի նկատմամբ վերջերս որպես խափանման միջոց ընտրելով չհեռանալու մասին ստորագրությունը, ՀՀ վճռաբեկ դատարանին հնարավորություն է տվել ընդհանրապես չքննել նրա նկատմամբ նախկինում որպես խափանման միջոց ընտրված կալանավորումը վերացնելու մասին ՀՀ վերաքննիչ դատարանի որոշման դեմ ՀՀ գլխավոր դատախազության բողոքը, քանի որ հիշյալ խափանման միջոցները՝ կալանավորումը և չհեռանալու մասին ստորագրությունը, չեն կարող կիրառվել մեկը մյուսի հետ կապակցված:
Կարևորելով հանրության համար մեծ հետաքրքրություն ներկայացնող գործի վերաբերյալ հասարակությանը ճշգրիտ տեղեկատվություն տրամադրելու անհրաժեշտությունը, ինչպես նաև հիշյալ հրապարակման մեջ տեղ գտած ոչ պրոֆեսիոնալ և հիմնազուրկ վերլուծությունն ու ապատեղեկատվությունը հերքելու նպատակով` հարկ ենք համարում ներկայացնել հետևյալ պարզաբանումը:
Նախ, ՀՀ հատուկ քննչական ծառայության կողմից Ռոբերտ Քոչարյանի նկատմամբ որպես խափանման միջոց չհեռանալու մասին ստորագրություն է ընտրվել ոչ թե կալանավորման հետ միաժամանակ, այլ նախկինում նրա նկատմամբ որպես խափանման միջոց ընտրված կալանավորումը ՀՀ վերաքննիչ դատարանի որոշմամբ վերացվելուց հետո: Այսինքն` չհեռանալու մասին ստորագրությունը մեղադրյալի նկատմամբ ընտրելու պահին նրա նկատմամբ այլ խափանման միջոց ընտրված չի եղել:
Բացի այդ, մեղադրյալի նկատմամբ որպես խափանման միջոց չհեռանալու մասին ստորագրությունն ընտրելը չի կարող որևէ կերպ ազդել վճռաբեկ բողոքը վարույթ ընդունելու և այն քննարկելու գործընթացների վրա, քանի որ բողոքարկման առարկան ՀՀ վերաքննիչ դատարանի որոշումն է՝ կալանավորումը վերացնելու մասին: Այլ հարց է, որ հետագայում կալանավորումը որպես խափանման միջոց ընտրելու պարագայում չհեռանալու մասին ստորագրությունը պետք է վերացվի:
Հատկանշական է նաև, որ իրավակիրառ պրակտիկայում առկա են բազմաթիվ դեպքեր, երբ ՀՀ վճռաբեկ դատարանը վարույթ է ընդունել և քննարկել կալանավորումը վերացնելու որոշման դեմ բերված վճռաբեկ բողոքներն այն պայմաններում, երբ ՀՀ վերաքննիչ դատարանի կողմից կալանավորումը վերացնելուց հետո նախաքննական մարմնի կողմից մեղադրյալի նկատմամբ որպես խափանման միջոց է ընտրել չհեռանալու մասին ստորագրությունը:
Որպես օրինակ կարելի է վկայակոչել Արթուր Խաչատրյանի վերաբերյալ թիվ ԵԱՔԴ/0986/06/16 գործով ՀՀ վճռաբեկ դատարանի 30.08.2017թ. նախադեպային որոշումը: Տվյալ գործով մեղադրյալի նկատմամբ առաջին ատյանի դատարանի որոշմամբ որպես խափանման միջոց էր ընտրվել կալանավորումը: Պաշտպանի վերաքննիչ բողոքի քննության արդյունքում ՀՀ վերաքննիչ քրեական դատարանը 2017 թվականի փետրվարի 2-ին որոշում էր կայացրել բողոքը բավարարելու, առաջին ատյանի դատարանի՝ 2016 թվականի դեկտեմբերի 22-ի որոշումը բեկանելու, մեղադրյալ Ա.Խաչատրյանի նկատմամբ կալանավորումը որպես խափանման միջոց ընտրելու մասին որոշումը վերացնելու և նրան անհապաղ ազատ արձակելու մասին։ Դրանից հետո վարույթն իրականացնող մարմինը մեղադրյալի նկատմամբ որպես խափանման միջոց է ընտրել չհեռանալու մասին ստորագրությունը: Այդուհանդերձ, ՀՀ գլխավոր դատախազի տեղակալը վճռաբեկ բողոք է բերել ՀՀ վերաքննիչ դատարանի որոշման դեմ: Վճռաբեկ դատարանի` 2017 թվականի մայիսի 25-ի որոշմամբ ներկայացված բողոքը վարույթ է ընդունվել, իսկ 2017 թվականի օգոստոսի 30-ի որոշմամբ վճռաբեկ բողոքը բավարարել է. մեղադրյալ Արթուր Խաչատրյանի վերաբերյալ ՀՀ վերաքննիչ քրեական դատարանի` 2017 թվականի փետրվարի 2-ի որոշումը բեկանվել է, և օրինական ուժ է տրվել Ա.Խաչատրյանի նկատմամբ որպես խափանման միջոց կալանավորումն ընտրելու մասին` Երևանի Արաբկիր և Քանաքեռ-Զեյթուն վարչական շրջանների ընդհանուր իրավասության առաջին ատյանի դատարանի` 2016 թվականի դեկտեմբերի 22-ի որոշմանը:
Վերոգրյալը հաշվի առնելով` լրատվամիջոցին հորդորում ենք նախաքննական մարմնի գործողություններին գնահատական տալուց առաջ նախ ստուգել «իրենց հասած» տեղեկությունների կամ աղբյուրների հավաստիությունը, խորհրդակցել կոմպետենտ մասնագետների հետ և պատշաճ կերպով նախապատրաստվել հրապարակմանը` նման իրավիճակներում չհայտնվելու համար:
- 13:06Արարատի մարզում հայտնաբերվել է 36 կգ ոսկի գողություն կատարող կասկածյալներից մեկը․ գտնվել է գողոնի մի մասը
- 13:56Ավազակություն՝ հոր և որդու կողմից. հոր գործը ուղարկվել է դատարան, իսկ որդին ինքնասպան է եղել՝ նռնակ պայթեցնելով
- 13:10Մարտական հենակետում երեք զինծառայողի սպանության գործով դիրքի ավագի պաշտպանը դիմել է ՄԻԵԴ
- 12:10Հայկազ Բարսեղյանի սպանության գործով ամբաստանյալները դատապարտվեցին 18 տարի ազատազրկման
- 14:108,800 դոլարի և 5 մլն դրամի կաշառք ստանալու համար մեղադրվող պաշտոնյաների վարույթի նյութերն ուղարկվել են դատարան
- 13:10Թուրքիայում 2 հայի են բռնել, որոնց կոշիկներում 109 հազար դոլարի ոսկու ձուլակտորներ են թաքցված եղել
- 11:10Չնայած ռեպրեսիաներին Մարտական Եղբայրության անդամների մի խումբ հասել է Ոսկեպար. բերման ենթարկվածների թիվը 3 տասնյակ է
- 11:10Ինչի՞ համար են ձերբակալվել Նարեկ Սամսոնյանը եւ Վազգեն Սաղաթելյանը. ՔԿ-ի հաղորդագրությունը
- 11:10Հայաստանն Իրանին է արտահանձնել 8 բանտարկյալի
- 14:10Կոտայքում տղամարդկանց ընթրիքն ավարտվել է սպանությամբ․ սեղանակիցը սպանել է պառկած վիճակում գտնվող տղամարդուն՝ իրեն հայհոյելու համար
13.04.2024 | 13:57
13.04.2024 | 13:26
13.04.2024 | 13:06
13.04.2024 | 12:59
13.04.2024 | 12:28
13.04.2024 | 11:29
12.04.2024 | 14:08
12.04.2024 | 13:56
12.04.2024 | 2:20
10.04.2024 | 15:10
10.04.2024 | 14:10
10.04.2024 | 13:10
10.04.2024 | 12:10
10.04.2024 | 11:10
09.04.2024 | 15:10
09.04.2024 | 14:10
09.04.2024 | 13:10
09.04.2024 | 12:10
09.04.2024 | 11:10
08.04.2024 | 15:10
08.04.2024 | 14:10
08.04.2024 | 13:10
08.04.2024 | 12:10
08.04.2024 | 11:10
06.04.2024 | 14:10
06.04.2024 | 13:10
06.04.2024 | 12:10
06.04.2024 | 11:10
05.04.2024 | 15:10
05.04.2024 | 14:10
05.04.2024 | 13:10
05.04.2024 | 12:10
05.04.2024 | 11:00
04.04.2024 | 15:10
04.04.2024 | 14:10
04.04.2024 | 13:10
04.04.2024 | 12:10
04.04.2024 | 11:10
03.04.2024 | 15:10
-
Հասցե` Հայաստան, 0023, Երևան, Արշակունյաց 2
Հեռ: +374 (10) 06 06 23 (413, 414), +374 (99) 53 58 26
Էլ. փոստ` armv12@mail.ru -
2010-2011 © Բոլոր իրավունքները պաշտպանված են:
Մեջբերումներ անելիս հղումը armversion.com-ին
պարտադիր է: Կայքի հոդվածների մասնակի կամ
ամբողջական հեռուստառադիոընթերցումն
առանց armversion.com-ին հղման արգելվում է: -
Կայքում արտահայտված կարծիքների համընկնումը
խմբագրության տեսակետի հետ պարտադիր չէ:
Գովազդների բովանդակության համար
կայքը պատասխանատվություն չի կրում:
Բոլոր իրավունքները պաշտպանված են: Copyright “Armversion.com” 2010.