Թուրքիան լայնածավալ զորավարժություններ է անցկացրել Հայաստանի սահմանի մոտ՝ Կարսի գավառում: Պետական Anadolu գործակալության տեսանյութը ցույց է տալիս ձյան մեջ սքողված տանկերի, հրթիռային համակարգերի հրաձգություն, թիրախների ոչնչացում, մանևրող տեխնիկա, շարժվող տանկային միավորումներ, սպիտակ արտահագուստով զինծառայողների տարբեր ստորաբաժանումներ:
Թուրքիայի զինված ուժերի գրավոր հաղորդագրությունում, որը հրապարակել է Hurriyet Daily News-ը, նշված է, որ փետրվարի 14-16-ը ներառյալ եռօրյա զորավարժություններում ներգրավված են եղել 1378 զինվորականներ, 1281 տարբեր տեսակի սպառազինություններ և 330 միավոր ռազմական տեխնիկա: Զորավարժություններին մասնակցել են Թուրքիայի բանակի մոտոհրաձգային 14-րդ բրիգադը, ռազմաօդային ուժերի միավորումներ և բանակի ավիացիայի հրամանատարությունը:
Ձմեռային պայմաններում անցկացված այս զորավարժություններում փորձարկվել է էքստրեմալ պայմաններում կռվելու՝ թուրքական բանակի մարտական պատրաստվածությունը:
Թուրքիայի զինված ուժերի հաղորդագրությունում նշված է, որ զորավարժություններն անցկացվել են իրական մարտադաշատի բոլոր պայմաններին համապատասխան, որպեսզի ստուգվի զորախմբերի մարտական պատրաստվածությունը՝ ներառյալ հրաձգություն ձյան և խիստ ցուրտ եղանակային պայմաններում, բարձրացնելու կրակի և մանևրների փոխգործակցությունը, վարժեցնելու զորքին՝ հաղթահարելու ձմեռային պայմանների դժվարությունները՝ ինչպես տեղակայվել, հարմարվել, ինչպես սպասարկել տեխնիկան, փոխտեղակայվել:
Հաղորդագրությունում նշված է, որ զորավարժությունների նպատակն էր բարելավել անհատական և կոլեկտիվ ունակությունների մակարդակը, հրամանատարներին հնարավորություն տալ ձմեռային ծանր՝ Ցելսիուսի սանդղակով մինուս 25 աստիճանի պայմաններում զորքերը կառավարելու և դիմանալու անհրաժեշտ որոշումներ ընդունել ու իրականացնել, ամրապնդել միացյալ վարժությունները, փոխգործակցությունը այլ զորախմբերի հետ:
Ըստ հաղորդագրության՝ նման մասշտաբի զորավարժությունների անցկացումը, ինչպես նաև Թուրքիայի շատ վայրերում և Սիրիայում իրականացվող հակաահաբեկչական գործողությունները արտահայտում են Թուրքիայի զինված ուժերի մեծ հնարավորությունները և հարուստ ռեսուրսները:
Զորավարժությունների երրորդ օրը՝ փետրվարի 16-ին դրանց ընթացքին հետևել են Թուրքիայում հավատարմագրված օտարերկրյա դիվանագիտական ներկայացուցչությունների շուրջ չորս տասնյակ ռազմական կցորդներ, քաղաքացիական կազմակերպությունների, հանրային ինստիտուտների, ինչպես նաև ռազմարդյունաբերության ոլորտի ընկերությունների ներկայացուցիչներ:
Daily Sabah-ը նշում է, որ զինվորական կցորդների թվում զորավարժություններին հետևել են նաև Ադրբեջանի և Վրաստանի պաշտոնյաներ:
- 13:57Մենք այլևս չունենք ԱԱԾ, այդ հաստատությունը Նիկոլի ռեժիմի հերթական գործիքն է․ Կարեն Վրթանեսյանը՝ ԱԱԾ կողմից հայ զինվորների նկատմամբ քրեական վարույթ նախաձեռնելու մասին
- 12:59Ղազախստանում ձերբակալել են ռուսաստանցու, որը մեղադրվում է տաջիկներին այլ երկրներում պատերազմի մեջ ներքաշելու համար
- 2:20Մի կողմից նույն մարդիկ մեզ ասում են, թե «սահման չկա, սահմանները հստակեցված չեն», մյուս կողմից զինվորին մեղադրում են «սահմանը խախտելու» համար. Վրթանեսյան
- 12:10Մենք չգնացինք այդ ճանապարհով և հայտնի աշխարհաքաղաքական կենտրոններում որոշվեց հարցը լուծել ռազմական ճանապարհով. Փաշինյան
- 15:10Հրաժարվելով ռուսական МИР քարտերից՝ մենք ակամայից հայտնվում ենք պատժամիջոցների տակ. քաղաքագետ
- 11:10Կռիվ լինելու ա, ու ես գիտեմ, որ մենք պիտի հաղթենք. Մեր թշնամին էսօր Ադրբեջանում չի
- 13:10ԵԽ-ն Հայաստանի «լամպոչկա» իշխանություններից պետք է պահանջի անհապաղ ազատ արձակել քաղբանտարկյալներին. Բողոքի ակցիա ԵԽ քարտուղարի այցին ընդառաջ
- 13:10«Նիկոլիստներ, սորոսականներ ու արևմտամոլներ, ուշադիր կարդացեք գրածս»․ Էդուարդ Շարմազանովը փաստերով ներկայացնում է՝ ով է Բաքվին երկրորդում
- 12:10Բրյուսելում Հայաստան-ԵՄ-ԱՄՆ հանդիպումը «վտանգի ևս մեկ աղբյուր է ստեղծում» Հրվ. Կովկասի համար. Ալիև
- 11:10Որեւէ մեկը չի կարող երաշխավորել, որ Իրանի թիրախներից մեկը չի դառնա Բաքուն. Վարդան Ոսկանյան
23.04.2024 | 11:42
23.04.2024 | 11:06
13.04.2024 | 13:57
13.04.2024 | 13:26
13.04.2024 | 13:06
13.04.2024 | 12:59
13.04.2024 | 12:28
13.04.2024 | 11:29
12.04.2024 | 14:08
12.04.2024 | 13:56
12.04.2024 | 2:20
10.04.2024 | 15:10
10.04.2024 | 14:10
10.04.2024 | 13:10
10.04.2024 | 12:10
10.04.2024 | 11:10
09.04.2024 | 15:10
09.04.2024 | 14:10
09.04.2024 | 13:10
09.04.2024 | 12:10
09.04.2024 | 11:10
08.04.2024 | 15:10
08.04.2024 | 14:10
08.04.2024 | 13:10
08.04.2024 | 12:10
08.04.2024 | 11:10
06.04.2024 | 14:10
06.04.2024 | 13:10
06.04.2024 | 12:10
06.04.2024 | 11:10
05.04.2024 | 15:10
05.04.2024 | 14:10
05.04.2024 | 13:10
05.04.2024 | 12:10
05.04.2024 | 11:00
04.04.2024 | 15:10
04.04.2024 | 14:10
04.04.2024 | 13:10
-
Հասցե` Հայաստան, 0023, Երևան, Արշակունյաց 2
Հեռ: +374 (10) 06 06 23 (413, 414), +374 (99) 53 58 26
Էլ. փոստ` armv12@mail.ru -
2010-2011 © Բոլոր իրավունքները պաշտպանված են:
Մեջբերումներ անելիս հղումը armversion.com-ին
պարտադիր է: Կայքի հոդվածների մասնակի կամ
ամբողջական հեռուստառադիոընթերցումն
առանց armversion.com-ին հղման արգելվում է: -
Կայքում արտահայտված կարծիքների համընկնումը
խմբագրության տեսակետի հետ պարտադիր չէ:
Գովազդների բովանդակության համար
կայքը պատասխանատվություն չի կրում:
Բոլոր իրավունքները պաշտպանված են: Copyright “Armversion.com” 2010.