Մայիսի 29-ին ԱԺ սոցիալական հարցերի եւ ֆինանսավարկային ու բյուջետային հարցերի մշտական հանձնաժողովների համատեղ նիստում, որը նախագահել են Հակոբ Հակոբյանը եւ Գագիկ Մինասյանը, քննարկվել է սոցիալական հարցերի նախարարությանը հատկացված ֆինանսական միջոցների օգտագործման վերաբերյալ հաշվետվությունը:
ՀՀ ֆինանսների նախարարի տեղակալ-գլխավոր գանձապետ Ատոմ Ջանջուղազյանը ներկայացրել է բյուջետային հատկացումների ընդհանուր պատկերը, իսկ ՀՀ աշխատանքի եւ սոցիալական հարցերի նախարար Արտեմ Ասատրյանը՝ հաշվետու տարում իրականացված աշխատանքները:
Սոցիալական ոլորտում հատկացումները 2014 թվականին կազմել են 342.5 մլրդ դրամ՝ ապահովելով 97.3 տոկոս կատարողական:
2014 թվականը, ըստ նախարարի, բարեփոխումների մեկնարկի տարի էր. հուլիսից գործարկվել է կենսաթոշակային եռաստիճան համակարգ, սկսել է գործել հանրային ծառայությունների ոլորտում աշխատանքների վարձատրության միասնական համակարգ, ներդրվել զբաղվածության ոլորտում նոր մոդել:
Նախարարը նաեւ ներկայացրել է ըստ ոլորտների իրականացված աշխատանքները: Հաշվետու տարում ավելի քան 1 մլրդ դրամ տրամադրվել է անաշխատունակության դասին, ծերության դասին հատկացվել է 240.5 մլրդ դրամ՝ կատարողականը կազմելով 99.1 տոկոս:
Արտեմ Ասատրյանի խոսքով՝ կառավարության գործունեության ծրագրով նախատեսված էր շարունակել կենսաթոշակային բարեփոխումներին միտված ծրագրերը: 2014 թվականի հունվարի 1-ից ներդրվել է կենսաթոշակների հաշվարկման նոր կարգ, եւ աշխատանքների արդյունքում միջին կենսաթոշակի չափը բարձրացել է 15 տոկոսով, իսկ 32.000 կենսաթոշակառուի աշխատանքային կենսաթոշակը բարձրացել է՝ անցնելով ծայրահեղ աղքատության շեմը:
Նախարարի խոսքով՝ ավելացել է զինվորական կենսաթոշակների չափը, որը կշարունակվի նաեւ 2015-ին, հատկապես ուշադրության կենտրոնում են եղել զոհված զինծառայողների ընտանիքները եւ հաշմանդամություն ունեցող զինծառայողները, 2014-ին ավելացել է նաեւ զոհված զինծառայողների ընտանիքներին տրվող պարգեւավճարների չափը:
Երեխաների ծննդյան միանվագ նպաստների համար 2014-ին հատկացվել է 8 մլրդ դրամ՝ 92.9 տոկոս, երեխաների շուրջօրյա խնամքի իրականացման նպատակով երեխաների տուն-ինտերնատ հանդիսացող ՊՈԱԿ-ին տրամադրված ծախսերը կազմել են 2.1 մլրդ դրամ՝ 92.2 տոկոս, «բնակարանային ապահովման» խմբի ծրագրերին ՀՀ 2014 թվականի պետական բյուջեից տրամադրվել է 499.8 մլրդ դրամ՝ ապահովելով 100 տոկոս կատարողական: «Հարազատներին կորցրած անձինք» խմբի շրջանակներում կատարված ծախսերը կազմել են 4.9 մլրդ դրամ, կատարողականը՝ 97.3 տոկոս, կենսաթոշակառուի, ծերության, հաշմանդամության, կերակրողին կորցնելու դեպքում, սոցիալական նպաստառուի մահվան դեպքում տրվող թաղման նպաստը կազմել է 4.8 մլրդ դրամ կատարողականը ՝97.5 տոկոս, հղիության եւ ծննդաբերության նպաստը կազմել է 7 մլրդ դրամ՝ կատարողականը 100 տոկոս:
Նույն օրը ԱԺ գյուղատնտեսական եւ բնապահպանական հարցերի ու ֆինանսավարկային եւ բյուջետային հարցերի մշտական հանձնաժողովների համատեղ նիստում, որը նախագահել են Մարտուն Գրիգորյանը եւ Գագիկ Մինասյանը, քննարկվել է «ՀՀ 2014 թ. պետական բյուջեի կատարման մասին» տարեկան հաշվետվությունը:
ՀՀ ֆինանսների նախարարի տեղակալ-գլխավոր գանձնապետ Ատոմ Ջանջուղազյանը ներկայացրել է ՀՀ 2014 թ. պետական բյուջեի կատարողականը՝ խոսելով ոլորտներում իրականացված ծրագրերի եւ բյուջեի հատկացումների մասին: Ներկայացնելով ֆինանսական հիմնական ցուցանիշները՝ ՀՀ գլխավոր գանձապետը նշել է, որ ՀՀ գյուղատնտեսության նախարարությունը իրականացրել է 22 ծրագիր, որոնց իրականացման համար միջոցներ են տրամադրվել նաեւ ՀՀ կառավարության պահուստային ֆոնդից: Ըստ Ատոմ Ջանջուղազյանի՝ Ջրային տնտեսության պետական կոմիտեն իրականացրել է 33 ծրագիր եւ նույնպես օգտվել պահուստային ֆոնդից: Ծրագրերից 17-ն իրականացվել են արտաքին աջակցությամբ: Բնապահպանության նախարարի առաջին տեղակալ Սիմոն Պապյանը, ներկայացնելով բյուջեի կատարողականը, նշել է, որ իրականցվել է 29 ծրագիր: Շարունակվել է Արարատյան դաշտավայրում քաղցրահամ ստորգետնյա ջրերի վերականգնման ծրագիրը, որի արդյունքում խնայվել է 753 միլիոն խորանարդ մետր ջուր: Իրականացվել է նաեւ 64 հեկտար ծառատունկ:
ՀՀ գյուղատնտեսության նախարարի տեղակալ Սամվել Գալստյանը, խոսելով ոլորտում իրականացված ծրագրերի մասին, նշել է, որ 2014-ին դիզվառելանյութի, սերմնացուի եւ պարարտանյութի պահանջարկը բավարարվել է: Նա նշել է, որ գյուղացիական տնտեսությունները որոշակի անհանգստություն ունեն գյուղմթերքի մթերման եւ արտահանման ծավալների ավելացման հետ կապված:
Ջրային տնտեսության պետական կոմիտեի նախագահ Արամ Հարությունյանը, խոսելով բյուջեի կատարողականի եւ ոլորտի խնդիրների մասին, նշել է, որ ոռոգման առումով 2014 թվականը սակավաջուր էր: Այդ համատեքստում նա հավելել է, որ 2014 թվականին մեկնարկել են Վեդիի եւ Կապսի ջրամբարների հետ կապված աշխատանքները:
Քննարկման ավարտին ոլորտի պատասխանատուները պատասխանել են պատգամավորների հարցերին:
- 15:10Նիկոլ Փաշինյանը Սուրբ Գիրքն ընկալում է աղանդավորական մեկնություններով. Տիգրան քահանա Բադիրյան
- 13:10Ադրբեջանը խլացնում է Արցախի բջջային կապի և համացանցի հասանելիությունը. Արցախի ՄԻՊ
- 13:10Ես չեմ պատմելու, թե ինչպես էր Աննա Հակոբյանը բունկերում գոռում՝ «ուզում ա 5 հազար մարդ մորթվի․․․»․ Միքայել Մինասյան
- 15:102020թ. հուլիսի 1-ից կավելանա մինչև 2 տարեկան երեխաների խնամքի համար տրվող նպաստը՝ 18.000-ի փոխարեն՝ ծնողները կստանան 25.500 դրամ
- 14:106 անգամ բարձրացնելու ենք առաջին երեխայի ծննդյան միանվագ նպաստը՝ 50 հազար դրամից այն դարձնելով 300 հազար դրամ
- 14:10Թուրքիա-Նախիջևան թռիչքների համար Հայաստանի կամ Իրանի օդային տարածքն այլևս չի օգտագործվի
- 12:10Բոլոր զորամասերն 100%-ով ապահովված են ռազմական տեխնիկայով եւ զինամթերքով. ՊԲ N միավորման հրամանատար
- 11:10Հայաստանի լիակատար շրջափակման հեռանկարը. Ինչ զարգացումներ կարող են լինել
- 12:10Ադրբեջանցի գործիչների երեւակայությունը մոլեգնում է. ԼՂՀ ՊՆ
- 15:15Արցախի ՊՆ-ի կոը՝ անվերապահորեն կատարել հրադադարի պահպանման շուրջ պայմանավորվածությունը
23.04.2024 | 11:42
23.04.2024 | 11:06
13.04.2024 | 13:57
13.04.2024 | 13:26
13.04.2024 | 13:06
13.04.2024 | 12:59
13.04.2024 | 12:28
13.04.2024 | 11:29
12.04.2024 | 14:08
12.04.2024 | 13:56
12.04.2024 | 2:20
10.04.2024 | 15:10
10.04.2024 | 14:10
10.04.2024 | 13:10
10.04.2024 | 12:10
10.04.2024 | 11:10
09.04.2024 | 15:10
09.04.2024 | 14:10
09.04.2024 | 13:10
09.04.2024 | 12:10
09.04.2024 | 11:10
08.04.2024 | 15:10
08.04.2024 | 14:10
08.04.2024 | 13:10
08.04.2024 | 12:10
08.04.2024 | 11:10
06.04.2024 | 14:10
06.04.2024 | 13:10
06.04.2024 | 12:10
06.04.2024 | 11:10
05.04.2024 | 15:10
05.04.2024 | 14:10
05.04.2024 | 13:10
05.04.2024 | 12:10
05.04.2024 | 11:00
04.04.2024 | 15:10
04.04.2024 | 14:10
04.04.2024 | 13:10
-
Հասցե` Հայաստան, 0023, Երևան, Արշակունյաց 2
Հեռ: +374 (10) 06 06 23 (413, 414), +374 (99) 53 58 26
Էլ. փոստ` armv12@mail.ru -
2010-2011 © Բոլոր իրավունքները պաշտպանված են:
Մեջբերումներ անելիս հղումը armversion.com-ին
պարտադիր է: Կայքի հոդվածների մասնակի կամ
ամբողջական հեռուստառադիոընթերցումն
առանց armversion.com-ին հղման արգելվում է: -
Կայքում արտահայտված կարծիքների համընկնումը
խմբագրության տեսակետի հետ պարտադիր չէ:
Գովազդների բովանդակության համար
կայքը պատասխանատվություն չի կրում:
Բոլոր իրավունքները պաշտպանված են: Copyright “Armversion.com” 2010.