13.04.2024 | 13:57
Մենք այլևս չունենք ԱԱԾ, այդ հաստատությունը Նիկոլի ռեժիմի հերթական գործիքն է․ Կար...13.04.2024 | 13:26
Վթարի հետեւանքով մահացած բոլոր չորս զինծառայողները ժամկետայիններ էին....13.04.2024 | 13:06
Արարատի մարզում հայտնաբերվել է 36 կգ ոսկի գողություն կատարող կասկածյալներից մեկը...13.04.2024 | 12:59
Ղազախստանում ձերբակալել են ռուսաստանցու, որը մեղադրվում է տաջիկներին այլ երկրներ...13.04.2024 | 12:28
Փաշինյանի «լռությունը» վախեցնում է «ուսապարկերին»․ «Հրապարակ»...13.04.2024 | 11:29
Գեղարքունիքում զինվորական «ԿամԱԶ» է վթարի ենթարկվել...12.04.2024 | 14:08
Ոսկեպարցի Սամվելի խոհանոցի և հողամասի մի մասը մնալու է ՀՀ-ում, իսկ տունը և տնամե...12.04.2024 | 13:56
Ավազակություն՝ հոր և որդու կողմից. հոր գործը ուղարկվել է դատարան, իսկ որդին ինքն...12.04.2024 | 13:00
Դպրոցներից տարհանման կարիք չկա. ԿԳՄՍ նախարարը` ահաբեկչության կեղծ լուրերի մասին...12.04.2024 | 2:20
Մի կողմից նույն մարդիկ մեզ ասում են, թե «սահման չկա, սահմանները հստակեցված չեն»,...10.04.2024 | 15:10
Ահազանգ ենք ստացել զինվորական ծառայությունից հրաժարվելու հիմքով ՀՀ-ում ապաստանած...10.04.2024 | 14:10
Փաշինյանը Շոլցի հետ հեռախոսազրույցում անընդունելի է համարել Պրահայի, Բրյուսելի և...10.04.2024 | 13:10
Թքած ունեմ նրանց վրա, ովքեր հրաժարվում են «Միր» քարտի ծառայություններից. Պետդում...10.04.2024 | 12:10
Մենք չգնացինք այդ ճանապարհով և հայտնի աշխարհաքաղաքական կենտրոններում որոշվեց հար...10.04.2024 | 11:10
Եթե շատ լինեք, մենք կշրջափակենք կառավարությունը․ Հրանտ Բագրատյան...09.04.2024 | 15:10
Հրաժարվելով ռուսական МИР քարտերից՝ մենք ակամայից հայտնվում ենք պատժամիջոցների տա...09.04.2024 | 14:10
Ուկրաինան և Ռուսաստանն Աբելն ու Կայենն էին. Լեոնիդ Կուչման` Կիև-Մոսկվա հարաբերու...09.04.2024 | 13:10
Մարտական հենակետում երեք զինծառայողի սպանության գործով դիրքի ավագի պաշտպանը դիմե...09.04.2024 | 12:10
Հայկազ Բարսեղյանի սպանության գործով ամբաստանյալները դատապարտվեցին 18 տարի ազատազ...09.04.2024 | 11:10
Կռիվ լինելու ա, ու ես գիտեմ, որ մենք պիտի հաղթենք. Մեր թշնամին էսօր Ադրբեջանում ...08.04.2024 | 15:10
Իսրայելի ՊՆ-ն հայտարարել է Իրանի հետ հարաբերություններում «ցանկացած սցենարի» պատ...08.04.2024 | 14:10
Անիմաստ կրակում են, ոչ մի բան չեն թիրախավորում, երևի վախից է․ Արավուսի նախկին գյ...08.04.2024 | 13:10
ԵԽ-ն Հայաստանի «լամպոչկա» իշխանություններից պետք է պահանջի անհապաղ ազատ արձակել ...08.04.2024 | 12:10
270 մլն գնահատվող աշխարհաքաղաքական վեկտորի փոփոխություն և 0 երաշխիքներ․․․Լիլիթ Գ...08.04.2024 | 11:10
Եթե Արևմուտքը Հայաստանին ինչ-որ բան տա, Թուրքիան Ադրբեջանին եռապատիկը կտա. Չավու...06.04.2024 | 14:10
Գրողների միության նախագահը տեղյակ չէ իրենց շենքը թուրքական դեսպանատանը տրամադրել...06.04.2024 | 13:10
«Նիկոլիստներ, սորոսականներ ու արևմտամոլներ, ուշադիր կարդացեք գրածս»․ Էդուարդ Շար...06.04.2024 | 12:10
Բրյուսելում Հայաստան-ԵՄ-ԱՄՆ հանդիպումը «վտանգի ևս մեկ աղբյուր է ստեղծում» Հրվ. Կ...06.04.2024 | 11:10
Որեւէ մեկը չի կարող երաշխավորել, որ Իրանի թիրախներից մեկը չի դառնա Բաքուն. Վարդա...05.04.2024 | 15:10
Ռուսաստանը գրոհել է Ուկրաինան 13 անօդաչու թռչող սարքերով, բոլորը խոցվել են. Ուկր...05.04.2024 | 14:10
8,800 դոլարի և 5 մլն դրամի կաշառք ստանալու համար մեղադրվող պաշտոնյաների վարույթի...05.04.2024 | 13:10
Զորախաչ եկեղեցին՝ ադրբեջանական թիրախում05.04.2024 | 12:10
«Կրոկուս»-ում ահաբեկչության մեջ մեղադրվող անձի հեռախոսում հայտնաբերվել են Ուկրաի...04.04.2024 | 15:10
Ցեղասպանության վտանգը տարածվել է Հայաստանի ինքնիշխան տարածքի վրա. Լեմկինի ինստիտ...04.04.2024 | 14:10
Զազրելի է, որ որոշ թունավոր տհասներ սկսում են հայհոյել դասագիրք կազմողներին՝ իրե...04.04.2024 | 13:10
Թուրքիայում 2 հայի են բռնել, որոնց կոշիկներում 109 հազար դոլարի ոսկու ձուլակտորն...04.04.2024 | 11:10
Քաշքշուկ Երուսաղեմի հայ համայնքի ներկայացուցիչների և իսրայելցիների միջև...03.04.2024 | 15:10
Փաշինյանն ավելի մեծ սպառնալիք է Հայաստանի անվտանգության համար, քան Արցախի վտարան...Մեծ պահք, օր տասնութերորդ
Ծնկի եմ գալիս մեր Տիրոջ՝ Հիսուս Քրիստոսի Հոր առաջ, որից իր գոյությունն է ստանում երկնային թե երկրային ամեն ազգատոհմ, որպեսզի իր ճոխ փառքի համաձայն՝ նա զորություն տա ձեզ, այնպես որ ներքնապես ամրապնդվեք նրա Հոգով, և ձեր հավատի միջոցով Քրիոստոս բնակվի ձեր սրտերում:
Աղոթում եմ, որ դուք արմատանաք սիրո մեջ և հաստատուն հիմքեր ունենաք, որպեսզի Աստծու բոլոր ընտրյալների հետ կարողանաք հասկանալ Քրիստոսի սիրո ամբողջական տարողությունը՝ իր լայնությամբ և երկարությամբ, իր բարձրությամբ և խորությամբ: Այո՛, որպեսզի ճանաչեք Քրիստոսի սերը, որ վեր է ամեն իմացությունից, որպեսզի լցվեք Աստծու ամբողջական լիությամբ…
Արդ ես աղաչում եմ ձեզ, ապրեցե՛ք այնպես, ինչպես վայել է ձեր կոչումին, որին հրավիրեց ձեզ Աստված: Միշտ խոնարհ, հեզ ու համբերատա՛ր եղեք և ցո՛ւյց տվեք ձեր սերը՝ հանդուրժելով միմյանց: Ջանացե՛ք պահել Սուրբ Հոգու շնորհած միությունը խաղաղության շաղկապով:
(Պողոս առաքյալի նամակը եփեսացիներին 3:14-19, 4:1-3)
Ռուբեն աբեղա Զարգարյանի ֆեյսբուքյան էջից
Մարտի 5-ին ՀՀ-ում Սլովակիայի նորանշանակ դեսպան Պետեր Պրիպուտենը (նստավայրը` Մոսկվա) իր հավատարմագրերի պատճենը հանձնեց արտաքին գործերի նախարարի տեղակալ Կարեն Նազարյանին:
Շնորհավորելով դեսպանին նշանակման կապակցությամբ՝ նախարարի տեղակալը նշեց, որ բարեկամության և նույնական արժեքների վրա խարսխված հայ-սլովակական հարաբերություններն ամուր հիմք են հանդիսանում փոխշահավետ համագործակության զարգացման համար:
Նախարարի տեղակալը հաջողություն մաղթեց դեսպանին իր առաքելության մեջ՝ հույս հայտնելով, որ դեսպանը նոր լիցք կհաղորդի ինչպես երկկողմ, այնպես էլ բազմակողմ ձևաչափերում հարաբերությունների ընդլայնմանն ու համագործակցության խորացմանը:
Շնորհակալություն հայտնելով ընդունելության և բարեմաղթանքների համար՝ դեսպան Պրիպուտենն ասաց, որ Սլովակիայում նույնպես մեծ կարևորություն են տալիս երկու երկրների միջև հարաբերությունների զարգացմանը: Նա վստահեցրեց, որ կներդնի առավելագույն ջանքեր` Հայաստանի և Սլովակիայի միջև համակողմանի փոխգործակցության զարգացումն առաջ մղելու համար:
Զրուցակիցները քննարկեցին հայ-սլովակական հարաբերությունների օրակարգային հարցեր` քաղաքական, տնտեսական և այլ ոլորտներում իրականացվող համագործակցությունը և նախատեսվող համատեղ ծրագրերը:
Երևանի Ավան թաղամասում մի շենք կա, որը, կարծես, մութ ու ցուրտ տարիների հուշարձան լինի: Այն հայտնի է որպես «համար 3» հատուկ պրոֆտեխուսումնարանի հանրակացարան: 1988-92թթ. Ադրբեջանից բռնագաղթած փախստականներին այստեղ պետությունը ժամանակավոր կացարան էր տվել՝ հույսով, որ տարիների ընթացքում մարդկանց բնակարաններով կապահովի: Մի մասը երկու տասնամյակի ընթացքում տներ ստացան և գնացին: Բայց 18 ընտանիք դեռ այստեղ է՝ 9-15 քմ կացարաններում, կոմունալ «անհարմարություններով», անջրդի: «Սենյակներում կարելի է ջուր քաշել,- բացատրեց բնակիչներից մեկը,- բայց, որպեսզի ջուր քաշենք, պետք է բնակարանները սեփականացնենք, իսկ այդ դեպքում մենք դուրս կմնանք պետական ծրագրերից»: Իրականում այս 18 ընտանիքներն անգամ չգիտեն՝ իրենք կա՞ն պետական ծրագրերում, թե՞ ոչ: 2014 թվականի վերջին 3-րդ պրոֆտեխուսումնարանի բնակիչ Յուրի Բալայանցը, որը 9 հոգանոց ընտանիքի հայր է, ՀՀԿ-ական պատգամավոր Կարինե Աճեմյանի միջոցով փորձել է պարզաբանում ստանալ, թե երբ իրենք վերջապես բնակարան կստանան, բայց ընդամենը անպտուղ և վերացական խոստում է ստացել տարածքային կառավարման նախարարի այն ժամանակ ԺՊ, ներկայում ՀՀ ՏԿԱԻ փոխնախարար Վաչե Տերտերյանից. «Այո՛, այդ հանրակացարանում ապրում են նշված թվով փախստականներ, և վստահ եմ, որ հետագա տարիներին, հնարավորության պարագայում, ծրագրերն իրականացնելու պայմաններում նաև այդ հանրակացարանը և նաև մյուս հանրակացարանները կընդգրկվեն ծրագրերում»:
Կառավարությունը պարբերաբար խոստանում է լուծել փախստականների բնակարանային խնդիրը: 2004թ. մայիսին կազմվեց փախստական ընտանիքների բնակապահովության առաջնահերթ ծրագիր, որի շրջանակներում բնակարաններով ապահովվեց 779 փախստական ընտանիք: Մինչ օրս, սակայն, Երևանում և մարզերում բնակվող 900-ից ավելի ընտանիքներ անտուն են, իսկ պաշտոնական անդրադարձ այս հարցին չի եղել, եթե չհաշվենք վարչապետ Հովիկ Աբրահամյանի 2014 թվականի հանձնարարականը՝ հարցը լուծել մինչև 2017 թվականը, «փուլ առ փուլ»: Մեջբերում 2014թ. կառավարության ծրագրից. «1988-1992թթ. Ադրբեջանից բռնագաղթած՝ առավել կարիքավոր փախստականների բնակարանային ապահովման հիմնախնդրի լուծման նպատակով կիրականացվի քարտեզագրում՝ նրանց թիվը և բնակության վայրերը ճշգրտելու համար, ինչպես նաև համապատասխան միջոցներ կձեռնարկվեն փախստականների խնդիրները փուլ առ փուլ լուծելու համար»: Բյուջեում չնչին հատկացում է արվել՝ 2 մլրդ, որով Երևանում 10 բազմաբնակարան շենքի կառուցմանը պետք է օժանդակեին:
Բացի այն, որ գումարը չնչին էր, կառավարությունը կատարեց տարօրինակ քայլ. փախստականների բնակարանային հարցը միացրեց Երևանի 4-րդ կարգի վթարային շենքերի վերաբնակեցման ծրագրին: Այսինքն՝ մեկ հոդվածով նախատեսված գումարով փորձեց երկու տարբեր հարց «լուծել»: Նոր բնակարանների մի մասը պետք է հատկացվեր 6 ամենավթարային շենքերի բնակիչներին, մյուսը՝ Սիսակյան 3, Նոր Արեշի 35-րդ փողոցում, Արցախի 4-րդ նրբանցքում գտնվող երկու հանրակացարաններում բնակվող փախստական ընտանիքներին (նկատենք, որ մեր նշած 18 ընտանիքների հասցեն՝ Ավանի 3-րդ պրոֆտեխուսումնարանը, կառավարության քարտեզում չկա՝ Ս. Ս.): Բայց նույնիսկ այս չնչին փողը չեղավ: Այս մասին 2014 թվականի վերջում տարածքային կառավարման նախարարի այն ժամանակ ԺՊ, ներկայում ՀՀ ՏԿԱԻ փոխնախարար Վաչե Տերտերյանը զեկուցեց ԱԺ-ում. «Ցավոք, միջոցների սղության պատճառով այս ծրագրի ուղղությամբ ներդրումներ կամ հատկացումներ չեն կատարվել»: Ապա խոստացավ ճշտել և հայտնել շինարարության ավարտի ժամկետների մասին: «Ամենաուշը 1-1,5 տարվա ընթացքում այդ շենքերը շահագործման կհանձնվեն, և մեր փախստական ընտանիքների խնդիրը կլուծվի»,- հայտարարել էր ԱԺ-ում Վաչե Տերտերյանը:
Այն ժամանակվանից միակ փոփոխությունը Վաչե Տերտերյանի նոր պաշտոնի նշանակումն էր: Թեև Ավանի պրոֆտեխուսումնարանի հանրակացարանը պետական առաջնահերթության ծրագրում չի նշվում, մարդիկ դեռ սպասում են: Արդեն 27 տարի: Այս ընթացքում 3 նախագահ, 13 վարչապետ է փոխվել, տասնյակ չինովնիկներ, որոնք կարող էին հարցը լուծել: Հիշեցնենք, որ 2015թ. բյուջեի քննարկման ժամանակ պարզվեց, որ Ադրբեջանից բռնագաղթածներին բնակարանով ապահովելու համար բյուջեի նախագծում հատկացվել էր ընդամենը 22 մլն դրամ: ԱԺ պատգամավոր Լևոն Զուրաբյանի հարցին, թե քանի ընտանիք կարող է այդ ծիծաղելի գումարով բնակարանի հարց լուծել, պատասխանեց ֆինանսների նախարար Գագիկ Խաչատրյանը, նշելով, որ կվերանայեն այդ հոդվածով նախատեսված ծախսերը:
Որքա՞ն են դրանք, կա՞ արդյոք ստույգ պետական ծրագիր, որով մինչև 2017 թվականը պետք է փախստականների բնակարանների հարցը լուծվի, ի՞նչ եղավ վարչապետի «փուլ առ փուլ» խոստումը, քանի՞ ընտանիքի կապահովեն բնակարանով, կա՞ ինչ-որ հաստատված ցուցակ, թե՞ ոչ, հաջորդը ո՞ր հանրակացարանների բնակիչներն են ապահովվելու բնակարանով և ի՞նչ հերթականությամբ:
Սյուզան Սիմոնյան
Մարտի 5-ի գիշերը սկսված ձյան տեղումների հնարավոր հետևանքները կանխելու նպատակով մայրաքաղաքի վարչական շրջանների գլխավոր ու երկրորդական փողոցներում, այնուհետ նաև բակային տարածքներում իրականացվել են ձնամաքրման աշխատանքներ: Գործընթացը մեկնարկել է տեղումների առաջին իսկ ժամից` վարչական շրջանների սանմաքրման ձեռնարկությունների տեխնիկական ու մարդկային ռեսուրսների ներգրավմամբ:
Լուսադեմին քաղաքի բոլոր գլխավոր ու երկրորդական փողոցները լիարժեք անցանելի են եղել: Մաքրման աշխատանքների նպատակով օգտագործվել է համապատասխան ծավալի տեխնիկական աղ և շլաքային ավազ: Ձնամաքրման աշխատանքներին միացել են նաև տնտեսվարող սուբյեկտները, որոնք, Երևանի ավագանու ընդունած պարտադիր բարեկարգման նորմերի որոշման համաձայն, ձմեռային ամիսներին պարտավոր են մաքրել տնօրինած կառույցներին հարակից տարածքները:
Ձնամաքրումն այժմ համապատասխան ծառայությունների աշխատակիցների և համատիրությունների ուժերով ծավալվել է բակային տարածքներում ու հարակից աստիճանավանդակներում, մայթերում ու ներբակային ճանապարհներում: Մայրաքաղաքի ձյան մաքրման աշխատանքները համակարգում են Երևանի քաղաքապետարանի կոմունալ տնտեսության վարչությունն ու հատուկ օպերատիվ շտաբը, իսկ տեղերում`վարչական շրջանների ղեկավարները:
Անհրաժեշտության դեպքում ձնամաքրումը կշարունակվի նաև օրվա երկրորդ կեսին:
Երևանի քաղաքապետարանի տեղեկատվության
և հասարակայնության հետ կապերի վարչություն
Երեկ արյունալի հանգուցալուծում ստացավ Օշականցի Գևորիկի՝ Գևորգ Մելիքյանի, և Երրորդ մասի Լյովիկի՝ Լևոն Ղազարյանի միջև պատերազմը, որն արդեն մեկ տարի ալեկոծում էր հանցագործ աշխարհը: Լևոն Ղազարյանն սպանվել է 13.50-ի սահմաններում, ՀՀ գլխավոր կալանավայրի՝ Նուբարաշենի բերդի մոտ: Փոխհրաձգության հետևանքով սպանվել են նաև Երրորդ մասի Լյովիկի կողմնակիցները՝ Դրոն (Դրաստամատ Թադևոսյան) և Մոսոն՝ (Մեսրոպ Նազարյանց): Երեքն էլ մահացել են «Էրեբունի» հիվանդանոց չհասած: Հավանաբար, նրանք այցելել էին կալանավայր: Քննչական կոմիտեն գործ է հարուցել սպանության և ապօրինի զենք կրելու հոդվածներով, իսկ ոչ պաշտոնապես վարկածներ են շրջանառվում հասարակ քաղաքացիների համար անտեսանելի, մութ կոնֆլիկտի շուրջ, որն ուղիղ մեկ տարի առաջ՝ մարտին, ծագեց օրենքով գող Օշականցի Գևորիկի և Լևոն Ղազարյանի միջև:
Պատճառը գրեթե տղայական էր, եթե չասենք՝ «լակոտական»: Օրենքով գող Օշականցին հեռախոսով հայհոյել էր Լյովիկի «մոտիկներից» մեկին, վերջինս էլ նույնկերպ հակադարձել էր, ապա փորձել իրավիճակը հարթել Երրորդ մասի Լյովիկի միջոցով: Վերջինիս և Օշականցու միջև գողական «ռազբորկա» էր տեղի ունեցել, որի ընթացքում օրենքով գողը պահանջել էր պատժել իրեն հայհոյողին, բայց Լյովիկը չէր ենթարկվել: Արդյունքում Լյովիկն ու տղաները, որոնց թվում էր նաև հեղինակություն Քանաքեռցի Արթուրը՝ Տույ մականվամբ, ծեծի ենթարկեցին Օշականցուն և նրա մարդկանց, ինչը քրեական աշխարհում սարսափելի անարգանք է համարվում, և Լյովիկը պետք է համարժեք պատասխան ստանար: Պետք է ընդունել, որ Լյովիկի արարքը, ով, նրան ճանաչողների կարծիքով, բարի և մեծահոգի անձնավորություն էր համարվում, օրենքով գողի դեմ գնալու նրա համարձակությունը բարձրացրեց Լյովիկի հեղինակությունը: Ի դեպ, մամուլում շրջանառվող տեղեկությունների համաձայն, նա լուրջ բիզնեսներ ուներ, հաջող ձեռնարկատեր էր համարվում:
Մյուս կողմից էլ՝ Օշականցի Գևորիկի պաշտպանության ալիք բարձրացավ քրեական աշխարհում: Անցյալ տարի մայիսին մամուլում տեղեկություններ հայտնվեցին, թե մի խումբ հայ «օրենքով գողեր» ապատեղեկատվություն պարունակող քսիֆ են ուղարկել հայաստանյան կալանավայրեր՝ քրեական հեղինակություններ Երրորդմասցի Լյովիկի և Քանաքեռցի Տույի՝ Արթուր Ղազարյանի վրա «բոչկա գլորելու» նպատակով: Նրանց իբր «որակազրկել» են «հեղինակությունից», իսկ Օշականցի Գևորիկը «մաքուր» է դուրս եկել, ում պետք է «պրիզնատ» գալ: Այս «գրությունը» կրքեր բորբոքեց «Նուբարաշեն» ՔՀԿ-ում և նույնիսկ սպառնում էր վերածվել «բունտի»՝ ապստամբության: Կոնֆլիկտի հանգուցալուծմանը փորձեցին միջամտել նաև այլ տիտղոսավորներ և հեղինակություններ, նույնիսկ դրսից ժամանած: Արդեն մեկ տարի էր՝ հանցագործ աշխարհն սպասում էր, թե ինչ հանգուցալուծում կստանա այս պատերազմը, կհաջողվի՞ արդյոք Օշականցի Գևորիկին պաշտպանել գողի իր տիտղոսը, և «լուծումը» երկար սպասեցնել չտվեց: Երեկվա արյունահեղությունը, այսպիսով, հաշվեհարդար կարող էր լինել, և այս վարկածը, ամենայն հավանականությամբ, հիմնականը կլինի:
Այս պատմության հետ կապված՝ մամուլում նաև օլիգարխների անուններ են շրջանառվել. Հովիկ Աբրահամյանի, որի որդին՝ Արգամը, Երրորդ մասի Լյովիկի ընկերն է, ով ԱԺ պատգամավոր Մհեր Սեդրակյանի՝ Թոխմախի Մհերի, Էդուարդ Մադաթյանի՝ Խուճուճ Էդոյի և նրա որդու հետ կոնֆլիկտ ունի: Համարվում էր, որ Սեդրակյանն Օշականցի Գևորիկի մտերիմն է և տանիքը հայոց քաղաքական օլիմպոսում: Երրորդմասցի Լյովիկն էլ բավականին մտերիմ էր Չոռնի Գագոյի՝ Գագիկ Բեգլարյանի հետ: Լյովիկ-Գևորիկ կռվում պակաս կարևոր չէր նաև այն, որ այս անձինք, որպես կանոն, կարևոր դերակատարում են ունենում ընտրական գործընթացներում: Խոսվում էր անգամ այն մասին, որ Թոխմախի Մհերի ու Չոռնի Գագոյի միջև պայքարն ընտրական գործընթացները կառավարելու շուրջ է, իսկ Գևորիկն ու Լյովիկն էլ նրանց երկուսի «զորահրամանատարներն» են այդ գործում: Այդ փուլում կոնֆլիկտն այնքան էր սրվել, որ խոսակցություն գնաց, թե Սերժ Սարգսյանն է անգամ միջամտել, որ կողմերը հաշտություն կնքեն: Եվ կողմերի միջև ժամանակավոր զինադադար կնքվեց: Թեև լավատեղյակներն ասում էին, որ ոչ Լյովիկն է մարսել իրեն հասցված վիրավորանքները, ոչ էլ մյուս կողմն է նահանջել: Այնպես որ, «սրա ձայնը դեռ կլսեք»:
Ի դեպ, երեկ ԱԺ-ում աշխատող լրագրողները նկատել էին, որ Մհեր Սեդրակյանը շատ լավ տրամադրություն է ունեցել: Եվ այսպես, երկու քրեական դեմքերի վեճն ավարտվեց Օշականցի Գևորիկի հաղթանակով: Բայց հայտնի չէ, թե արդյոք սրանով կավարտվե՞ն արյունալի իրադարձությունները: ՀՀ ոստիկանությունը երեկ հսկում էր քաղաքի հիմնական մայրուղիները: Հատկապես ուժեղացված հսկողություն էր սահմանվել Լյովիկի հայրենի Շենգավիթ համայնքում:
Սյուզան Սիմոնյան
ԲՀԿ արտահերթ համագումարում, գրեթե միաձայն կուսակցության նոր նախագահ է ընտրվել ԲՀԿ խմբակցության քարտուղար Նաիրա Զոհրաբյանը: Այս մասին համագումարից հետո տեղի ունեցած բրիֆինգում հայտարարել է ինքը՝ Նաիրա Զոհրաբյանը՝ նշելով, որ իր թեկնածության օգտին ձեռնպահ է քվեարկել միայն մեկ մարդ՝ պատգամավոր Լյովա Խաչատրյանը:
Հիշեցնենք, որ այսօր՝ մարտի 5-ին, տեղի է ունեցել ԲՀԿ արտահերթ համագումարը, որտեղ ԲՀԿ առաջնորդ Գագիկ Ծառուկյանը հայտարարել է ակտիվ քաղաքականությունից հեռանալու մասին: Նա հրաժարվել է կուսակցության ղեկավարի պաշտոնից, հայտարարել է նաեւ ԲՀԿ խմբակցության ղեկավարի պաշտոնից:
Գագիկ Ծառուկյանն առաջարկել ԲՀԿ ղեկավարությունը վստահել Նաիրա Զոհրաբյանին: Կուսակցության քարտուղար է ընտրվել քաղաքաշինության նախկին նախարար Վարդան Վարդանյանը:
Վերջին օրերի ընթացքում ԲՀԿ խմբակցության 36 անդամներից կուսակցությունից հեռացել են 7-ը, այս պահին ԲՀԿ խմբակցությունում կա 29 պատգամավոր:
ԱՄՆ Կարսոն քաղաքի խորհուրդը ավագանու նիստում երկարատև քննարկումներից հետո միաձայն մերժել է քաղաքում Քեմալ Աթաթուրքի արձանը կանգնեցնելու առաջարկը: Այս մասին գրում Panoram.am-ը asbarez.com-ի վրա հղումով:
Ավելի քան 400 ամերիկահայ հավաքվել էր քաղաքապետարանի շենքի մոտ՝ բողոքելու արձանի կանգնեցման դեմ: Արձանը տեղադրելու առաջարկի դեմ են արտահայտվել Գլենդելի քաղաքապետ Զարեհ Սինանյանը, Մոնտեբելլոյի քաղաքապետ Ջեք Հադջինյանը, Գլենդել քաղաքի քարտուղար Արտաշես (Արդի) Քասախյանը, պրոֆեսոր Լևոն Մարաշյանը, Ամերիկայի հունական խորհրդի փոխնախագահ Արիս Անագնոսը:
Լոս Անջելեսում Թուրքիայի գլխավոր հյուպատոս Ռաիֆե Գուլրու Գեզերը մեկն է եղել վեցից, ովքեր իրենց ելույթում կողմ են արտահայտվել արձանի կանգնեցմանը: Կարսոնի քաղաքապետ Ջիմ Դիըրը, ով առաջարկել էր կանգնեցնել Քեմալ Աթաթուրքի հուշարձանն, ի վերջո դեմ է քվեարկել:
Ավելի վաղ ԱՄՆ-ի Կալիֆորնիա նահանգում լույս տեսնող «Մասիս Փոստ» թերթը կոչ էր արել տեղի հայ համայնքին բողոքով հանդես գալ Լոս Անջելեսի մոտակա Կարսոն քաղաքում թուրքական համայնքի կողմից Աթաթուրքի արձանի կանգնեցման նախաձեռնության դեմ:
2010-ին մտադրություն կար Աթաթուրքի հուշարձան կնագնեցնել Բուենոս Այրեսում, սակայն կառավարությունը այնտեղ ևս մերժեց առաջարկը:
Նույն թվականին թուրքական Ադաբազար քաղաքում 26-ամյա Մահմեդ Թեմիզը պղծել է Աթաթուրքի արձանը: Ըստ թուրքական «Աքշամ» թերթի, նա սկզբում ներկով Թուրքիայի Հանրապետության հիմնադիր Աթաթուրքի արձանին սվաստիկա է նկարել, ինչ-որ գրություն թողել, ապա կացնով սկսել հարվածել արձանին:
2011-ին Թուրքիայի Դիարբեքիր քաղաքում Քրդստանի աշխատավորական կուսակցության (PKK) կողմնակիցներն այրեցին Թուրքիայի Հանրապետության հիմնադիր Մուստաֆա Քեմալ Աթաթուրքի արձանը:
PanARMENIAN.Net
«Բարգավաճ Հայաստան» կուսակցության անդամ, ՀՀ նախկին արտգործնախարար Վարդան Օսկանյանը հանդես է եկել հայտարարությամբ՝ բացատրելով, թե ինչու է դադարեցնում իր անդամակցությունը կուսակցությանը: Օսկանյանի գրասենյակի տարածած հաղորդագրությունում ասված է.
««Բարգավաճ Հայաստան» կուսակցությանն անդամակցությունս դադարեցնելու իմ որոշման պատճառն այն է, որ կուսակցությունը չկարողացավ իրականացնել հայ ժողովրդի՝ իմ գնահատմամբ՝ բացարձակ մեծամասնության ցանկությունը՝ այս փուլում արմատական փոփոխություններ իրականացնելու և երկիրը ոչ միայն ծանր վիճակից դուրս բերելու, այլև զարգացման ճիշտ և առողջ ճանապարհի վրա դնելու:
ԲՀԿ-ին անդամակցությունս դադարեցնում եմ՝ գիտակցելով նրա անհաջողության մեջ պատասխանատվության իմ բաժինը:
Նրանք, ովքեր չարախնդում են կուսակցության շուրջ ստեղծված իրավիճակի վրա, առաջին հերթին պետք է լուրջ մտահոգություն ունենան երկրում ստեղծված քաղաքական վիճակի համար: Այստեղ խնդիրը ոչ թե ԲՀԿ-ն է, այլ նրա և նրա ղեկավարի նկատմամբ վերջին շրջանում իրականացված միջոցները:
Իշխանական բոլոր լծակների կամայական, խտրական և հակասահմանադրական օգտագործումը առաջին հերթին մեծ հարված էր Հայաստանի միջազգային հեղինակությանը:
Երկրորդ, որ ավելի կարևոր է, այդ գործողությունները կոտրեցին հայ ժողովրդի` երկրում անհապաղ արմատական փոփոխություններ իրականացնելու հույսը` դրանից բխող բոլոր հետևանքներով:
Շնորհավորում եմ Նաիրա Զոհրաբյանին կուսակցության ղեկը ստանձնելու համար: Դա, կարծում եմ, ճիշտ որոշում էր կուսակցության քաղխորհրդի կողմից: Կուսակցությունն ունի գիտակից և նվիրված քաղաքական թիմ, որը, հուսով եմ, կշարունակի պայքարը երկրում քաղաքական մենաշնորհի դեմ, ինչպես նաև քաղաքական մթնոլորտի առողջացման համար: Հաջողություն եմ մաղթում իմ գործընկերներին իրենց հետագա գործունեության մեջ»:
***
ՀՀ նախկին արտգործնախարար Վարդան Օսկանյանը ԲՀԿ-ին անդամակցել էր 2012թ. փետրվարին:
Այսօր ԲՀԿ-ի նախագահի պաշտոնից և կուսակցությունից հեռանալու դիմում է ներկայացրել նաև կուսակցության ղեկավար Գագիկ Ծառուկյանը: ԲՀԿ արտահերթ համագումարում կուսակցության նախագահ է ընտրվել ԲՀԿ խորհրդարանական խմբակցության քարտուղար Նաիրա Զոհրաբյանը:
ԲՀԿ առաջնորդ Գագիկ Ծառուկյանը կուսակցության համագումարում հանդես է եկել հայտարարությամբ, որտեղ նշել է, որ հեռանում է ակտիվ քաղաքականությունից:
Հայտարարությունում ասվում է.
«Սիրելի գործընկերներ, ընկերներ
Այստեղ հավաքվել են մարդիկ, որոնց հետ միասին երկար ճանապարհ ենք անցել, տեսել ենք ուրախության, տխրության, հիասթափության, ցնծության պահեր: Ես միշտ աշխատել եմ ձեզ հետ լինել անկեղծ ու բաց: Եթե աշխատանքի ընթացքում ծագել են լարվածության, իրար չհասկանալու պահեր, ես միշտ աշխատել եմ արագ հարթել դրանք, որպեսզի չմնա որեւէ նստվածք կամ հետին միտք: Մեզ միասին հաջողվեց ստեղծել թե՛ Հայաստանի ներսում, թե՛ Հայաստանից դուրս լուրջ կշիռ ունեցող, մեծ հեղինակություն վայելող կուսակցություն: Ձեզնից յուրաքանչյուրն այդ գործում ունի իր ավանդը:
Այսօր եկել է այն պահը, երբ ես որոշում եմ կայացրել՝ այլեւս չզբաղվել ակտիվ քաղաքականությամբ, վայր դնել կուսակցության նախագահի եւ խմբակցության ղեկավարի լիազորությունները: Սա չի եղել հեշտ որոշում, սա երկար մտորումների արդյունք է: Սա իմ անձնական որոշումն է, եւ ես ակնկալում եմ, որ դուք ըմբռնումով կմոտենաք:
Մեկ բան ուզում եմ անպայման շեշտել. Քաղաքականության մեջ գտնվելու տարիներին ես երբեք չեմ հետապնդել անձնական շահ: Չեմ օգտագործել ժողովրդի աջակցությունը անձնական նպատակներով:
Չեմ փոխանակել ժողովրդի հավատը պաշտոնների եւ այլ շահի հետ: Իմ թիմի եւ ժողովրդի մեջքի հետեւում գործարքներ չեմ կնքել: Այս բոլոր տարիների ընթացքում ես հետապնդել եմ պարզ, մարդկային նպատակ՝ իմ ժողովրդի աչքերում տեսնել ժպիտ, եւ ոչ թե արցունքներ:
Ուզում եմ լինել ավելի՛ անկեղծ: Քաղաքական բոլոր հնարավոր ճանապարհներով ես փորձել եմ լուծումներ գտնել, պայքարել մեր ժողովրդին տանջող խնդիրների լուծման համար: Բայց ես միշտ դեմ եմ եղել մայդաններին, ու այստեղ նույնպես ես անկեղծ եմ: Ես չէի կարողանա ներել ինձ, եթե թափվեր անգամ մեկ անմեղ մարդու արյուն: Սա այն սահմանն է, որն իմ ուժերից վեր է: Ինձ ընդունեք այնպիսին, ինչպիսին ես կամ:
Ես հեռանում եմ ակտիվ քաղաքականությունից: Ես այլեւս կուսակցության նախագահ չեմ: Բայց ես շարունակելու եմ օգտակար լինել իմ երկրին եւ իմ ժողովրդին: Դա կարվի այլ ոլորտներում, այլ բնագավառներում: Ես կշարունակեմ կառուցել իմ երկրում եկեղեցիներ, դպրոցներ, մարզասրահներ, օգնել մշակույթի եւ գիտության մարդկանց: Բայց ես դա կանեմ որպես հայ, որպես Հայաստանի քաղաքացի, որպես Գագիկ Ծառուկյան:
Իմ խնդրանքն է Ձեզ՝ ինձ այլեւս քաղաքական հարցերով չդիմել, ես չեմ խառնվելու ձեր որեւէ որոշմանը: Ես որեւէ կապ այլեւս չունեմ ԲՀԿ-ի հետ: Դուք քիչ հետո կընտրեք նոր նախագահ, նոր ղեկավար մարմիններ, եւ կուսակցության ճակատագիրն այսուհետ ձեր ձեռքերում է: Սա իմ վերջնական որոշումն է:
Ես ուզում եմ շնորհակալություն հայտնել իմ բոլոր թիմակիցներին, կառույցների ղեկավարներին, քաղխորհրդի անդամներին, մեր պատգամավորներին: Շնորհակալություն բոլոր շարքային բհկ-ականներին:
Ես շնորհակալություն եմ ուզում հայտնել մեր քաղաքական թիմի մի խումբ մարդկանց, ովքեր գիշեր-ցերեկ, առանց հանգստյան օրերի, առանց խուսափելու պատասխանատվությունից, մի կողմ էին դրել իրենց ընտանեկան եւ անձնական հոգսերը ու աշխատում էին հանուն մեր ընդհանուր գործի: Շնորհակալություն:
Իսկ հիմա ուզում եմ անդրադառնալ ընթացիկ հարցերին: Կան շատ թեկնածուներ, որոնք պատվով կարող էին ստանձնել կուսակցության նախագահի պաշտոնը: Ես առաջարկում եմ, որ այդ գործը վստահվի մեր գործընկեր Նաիրա Զոհրաբյանին: Հաշվի առնելով նրա ժողովրդականությունը, նվիրումը թիմին: Մնացածը ձեր որոշելիքն է: Այսուհետ ամեն ինչ ձեր որոշելիքն է:
Շնորհակալություն»:
-
-
13.04.2024 | 11:29
Գեղարքունիքում զինվորական «ԿամԱԶ» է վթարի ենթարկվել -
13.04.2024 | 01:26
Վթարի հետեւանքով մահացած բոլոր չորս զինծառայողները ժամկետայիններ էին. -
13.04.2024 | 12:28
Փաշինյանի «լռությունը» վախեցնում է «ուսապարկերին»․ «Հրապարակ» -
12.04.2024 | 01:00
Դպրոցներից տարհանման կարիք չկա. ԿԳՄՍ նախարարը` ահաբեկչության կեղծ լուրերի մասին -
12.04.2024 | 02:08
Ոսկեպարցի Սամվելի խոհանոցի և հողամասի մի մասը մնալու է ՀՀ-ում, իսկ տունը և տնամերձի մյուս մասը՝ Ադրբեջանում. Թաթոյան -
13.04.2024 | 01:06
Արարատի մարզում հայտնաբերվել է 36 կգ ոսկի գողություն կատարող կասկածյալներից մեկը․ գտնվել է գողոնի մի մասը -
13.04.2024 | 01:57
Մենք այլևս չունենք ԱԱԾ, այդ հաստատությունը Նիկոլի ռեժիմի հերթական գործիքն է․ Կարեն Վրթանեսյանը՝ ԱԱԾ կողմից հայ զինվորների նկատմամբ քրեական վարույթ նախաձեռնելու մասին -
12.04.2024 | 01:56
Ավազակություն՝ հոր և որդու կողմից. հոր գործը ուղարկվել է դատարան, իսկ որդին ինքնասպան է եղել՝ նռնակ պայթեցնելով -
13.04.2024 | 12:59
Ղազախստանում ձերբակալել են ռուսաստանցու, որը մեղադրվում է տաջիկներին այլ երկրներում պատերազմի մեջ ներքաշելու համար -
12.04.2024 | 02:20
Մի կողմից նույն մարդիկ մեզ ասում են, թե «սահման չկա, սահմանները հստակեցված չեն», մյուս կողմից զինվորին մեղադրում են «սահմանը խախտելու» համար. Վրթանեսյան
-
- Տեսանյութ
- Օրվա միտք
- Խմբագրի վարկած
- Ֆոտո
-
Հասցե` Հայաստան, 0023, Երևան, Արշակունյաց 2
Հեռ: +374 (10) 06 06 23 (413, 414), +374 (99) 53 58 26
Էլ. փոստ` armv12@mail.ru -
2010-2011 © Բոլոր իրավունքները պաշտպանված են:
Մեջբերումներ անելիս հղումը armversion.com-ին
պարտադիր է: Կայքի հոդվածների մասնակի կամ
ամբողջական հեռուստառադիոընթերցումն
առանց armversion.com-ին հղման արգելվում է: -
Կայքում արտահայտված կարծիքների համընկնումը
խմբագրության տեսակետի հետ պարտադիր չէ:
Գովազդների բովանդակության համար
կայքը պատասխանատվություն չի կրում:
Բոլոր իրավունքները պաշտպանված են: Copyright “Armversion.com” 2010.