Հայաստանի հրեական համայնքի նախագահ Ռիմա Վարժապետյան-Ֆելլերը վերջերս մի ջախջախիչ հոդված գրեց՝ «Համաշխարհային հրեականությունը չի կարող գործիք դառնալ հակահայ քարոզիչների ձեռքին» վերնագրով: Նա քննադատեց բոլոր նրանց, ովքեր իրականացնում են նման քարոզչություն՝ գրելով «պատվիրված և միակողմանի հոդվածներ… շահադիտական նկատառումներով»:
Նման գրողները փորձում են շահարկել Իսրայելի քաղաքական շրջանակները և փառաբանել ադրբեջանա-իսրայելական հարաբերությունները, որոնք հիմնականում բաղկացած են զենք նավթի դիմաց գործարքներից՝ Հայաստանին մեկուսացնելու և թուլացնելու նպատակով:
Ֆելլերը որպես հակահայկական քարոզչության օրինակներ նշում է՝ Մաքսիմ Գաուինի և Ալեքսանդր Մուրինսոնի կողմից Haaretz-ում, Արիե Գուտի կողմից JNS.com-ում և Ալեքսանդր Մուրինսոնի կողմից The Hill-ում տպագրված վերջին հոդվածները:
Ըստ Ֆելլերի՝ «Միայն այս հեղինակների կենսագրությունն ու գործունեությունն արդեն կասկած չեն թողնում նրանց վերլուծությունների միակողմանիության մասին: Հայաստանը որպես հակասեմական երկիր ներկայացնող Մաքսիմ Գաուինը հրապարակայնորեն սատարում է Թուրքիայի ծայրահեղ աջ, Ազգայնական շարժում կուսակցությանը: Այս կուսակցությունը, Հայոց ցեղասպանության բացահայտ ժխտողական կեցվածքից զատ, հայտնի է նաև հակասեմականության և այլատյացության քարոզչությամբ: Սակայն, Գաուինը աչք է փակում այս հանգամանքի վրա»:
Այնուհետև Ֆելլերը պնդում է. «Վաղուց արդեն ադրբեջանական քարոզչամեքենայի ծառան դարձած Արիե Գուտը նաև Իսրայել-Ադրբեջան միջազգային կազմակերպության անդամ է: Ալեքսանդր Մուրինսոնը իր դոկտորական թեզում որպես իրականություն է ներկայացնում այն, որ Ադրբեջանը, Թուրքիան և Իսրայելը դաշնակիցներ են, ինչպես նաև զարգացնում այն միտքը, որ այդ երկրներից որևէ մեկի թշնամին՝ այդ եռյակի հակառակորդն է»:
Հայաստանում հրեական համայնքի ղեկավարը բացատրում է, որ հակասեմականություն գոյություն ունի աշխարհի բոլոր անկյուններում, այդ թվում՝ Հայաստանում: Սակայն նման դրսևորումները, ըստ Ֆելլերի, «երբեք չեն վայելել ոչ միայն իշխանությունների, այլ նաև քիչ թե շատ ազդեցիկ հասարակական կամ քաղաքական ուժերի աջակցությունը: Հայաստանում հրեական համայնքն իրեն զգում է պաշտպանված և վայելում է իշխանությունների հարգանքն իր իրավունքների, մշակույթի և սովորույթների նկատմամբ»:
Ֆելլերը խիստ քննադատական է արտահայտվել Ալիևի հասցեին. «Գաղտնիք չէ, թե Ադրբեջանի բռնակալն ինչ մեթոդներ է կիրառում Արևմուտքում կարծիքի ձևավորման hamar. ըստ էության, դրան անդրադարձել են շատ հեղինակավոր լրատվամիջոցներ, ինչպես օրինակ «Նյու Յորք Թայմսը» 2014 թ. սեպտեմբերին և Foreign Policy ամսագիրը 2014 թ. հունիսին: Միջազգային ազդեցիկ հրեական կառույցները չպետք է թույլ տան իրենց ներքաշել նման շահարկումների մեջ»:
Ֆելլերը նշում է նաև Ադրբեջանում տեղ գտած մի քանի մոլեռանդ հակասեմական օրինակների մասին. «1990-ական թվականներին, երբ Ադրբեջանի ժողճակատի ելուզակները կազմակերպում և իրականացնում էին այնտեղի հայ բնակչության կոտորածներն ու տեղահանությունները, նրանց ամենատարածված կարգախոսներից մեկն էր՝ «Ադրբեջանը կծաղկի առանց հայերի և հրեաների»: Որքան էլ Ադրբեջանի իշխանությունները փորձեն իրենց ներկայացնել որպես Իսրայելի բարեկամ, նրանք չեն կարող լինել հրեաների բարեկամը: Եթե որևիցե մեկի մոտ այս փաստարկը կասկած է հարուցում, խնդրում եմ կարդալ ալիևյան վարչակարգի կողմից մարդու իրավունքների խախտման վերաբերյալ բազմաթիվ ճչացող դեպքերի մասին հրապարակումները, կամ առնվազն Եվրոպայում հակասեմական ցույցեր ֆինանսավորելու վերաբերյալ հոդվածները: Կասկածից վեր է, որ Ադրբեջանը օգտագործում է Իրանի և Իսրայելի հետ իր հարաբերությունները՝ Իսրայելում իրեն ներկայացնելով որպես հակաիրանյան քաղաքականության ամենավստահելի գործընկեր: Ակնհայտ է, որ Ադրբեջանի ղեկավարները շատ վտանգավոր խաղ են խաղում, եթե կարծում են, որ կարող են Իսրայելին և համաշխարհային հրեականությանը օգտագործել իրենց անհատական շահերն առաջ տանելու համար»:
Այնուհետև հրեական համայնքի արդարամիտ ղեկավարը դատապարտում է ադրբեջանամետ հայացքներով հայտնի կոնգրեսական Սթիվ Սթոքմանին՝ իր ելույթում Արիե Գուտի քարոզչական հոդվածն ընդգրկելու համար: «Սա բացահայտ անարգանք է ոչ միայն պարոն Սթոքմանի ընտրողների, այլ նաև ամերիկյան
ժողովրդավարության նկատմամբ: Չպետք է թույլ տալ Ամերիկայի օրենսդիր իշխանության ամբիոնից պատվիրված և կեղծ թեզերի բարձրաձայնումը: Չի կարելի խոսքի ազատության շղարշի տակ ներկայացնել ատելության քարոզչություն և բռնակալ առաջնորդի շահերը սպասարկող օրակարգ, հատկապես, երբ այն շահագործում է հրեաներին, մասնավորապես՝ Հայաստանի հրեական համայնքը:»
Ֆելլերն իր հոդվածը եզրափակում է արդարացիորեն զգուշացնելով «Միացյալ Նահանգների հրեական համայնքին՝ զգոն լինել և դատապարտել հրեական գործոնը նման ստոր ձևով օգտագործել փորձող որոշակի քաղաքական շրջանակների ցանկացած ձեռնարկ»:
Թարգմանությունը՝ Ռուզաննա Ավագյանի
Հարութ Սասունյան
«Կալիֆորնիա Կուրիեր» թերթի հրատարակիչ և խմբագիր www.TheCaliforniaCourier.com
- 14:10Փաշինյանը Շոլցի հետ հեռախոսազրույցում անընդունելի է համարել Պրահայի, Բրյուսելի և Գրանադայի սկզբունքները աղավաղելու ցանկացած փորձ
- 13:10Թքած ունեմ նրանց վրա, ովքեր հրաժարվում են «Միր» քարտի ծառայություններից. Պետդումայի պատգամավոր
- 14:10Ուկրաինան և Ռուսաստանն Աբելն ու Կայենն էին. Լեոնիդ Կուչման` Կիև-Մոսկվա հարաբերությունների մասին
- 15:10Իսրայելի ՊՆ-ն հայտարարել է Իրանի հետ հարաբերություններում «ցանկացած սցենարի» պատրաստ լինելու մասին
- 15:10Ռուսաստանը գրոհել է Ուկրաինան 13 անօդաչու թռչող սարքերով, բոլորը խոցվել են. Ուկրաինական ԶՈւ
- 12:10«Կրոկուս»-ում ահաբեկչության մեջ մեղադրվող անձի հեռախոսում հայտնաբերվել են Ուկրաինայի դրոշով մարդկանց լուսանկարներ
- 12:10«Իրոք, ուզում եմ ծաղրել». Զախարովան՝ Արարատ Միրզոյանի հայտարարության մասին
- 14:10Ահաբեկչությունից տուժածները դիմել են Ռուսաստանի քննչական կոմիտե՝ պահանջելով քրեական գործ հարուցել «Կրոկուս Սիթի Հոլլի» ադրբեջանցի սեփականատերերի նկատմամբ
- 12:10Ադրբեջանը հույս է դնում Թուրքիայից օգնության վրա
- 11:10ԽՍՀՄ-ի փլուզումից հետո փորձում էին կործանել Ռուսաստանը. Պուտին
13.04.2024 | 13:57
13.04.2024 | 13:26
13.04.2024 | 13:06
13.04.2024 | 12:59
13.04.2024 | 12:28
13.04.2024 | 11:29
12.04.2024 | 14:08
12.04.2024 | 13:56
12.04.2024 | 2:20
10.04.2024 | 15:10
10.04.2024 | 14:10
10.04.2024 | 13:10
10.04.2024 | 12:10
10.04.2024 | 11:10
09.04.2024 | 15:10
09.04.2024 | 14:10
09.04.2024 | 13:10
09.04.2024 | 12:10
09.04.2024 | 11:10
08.04.2024 | 15:10
08.04.2024 | 14:10
08.04.2024 | 13:10
08.04.2024 | 12:10
08.04.2024 | 11:10
06.04.2024 | 14:10
06.04.2024 | 13:10
06.04.2024 | 12:10
06.04.2024 | 11:10
05.04.2024 | 15:10
05.04.2024 | 14:10
05.04.2024 | 13:10
05.04.2024 | 12:10
05.04.2024 | 11:00
04.04.2024 | 15:10
04.04.2024 | 14:10
04.04.2024 | 13:10
04.04.2024 | 12:10
04.04.2024 | 11:10
03.04.2024 | 15:10
-
Հասցե` Հայաստան, 0023, Երևան, Արշակունյաց 2
Հեռ: +374 (10) 06 06 23 (413, 414), +374 (99) 53 58 26
Էլ. փոստ` armv12@mail.ru -
2010-2011 © Բոլոր իրավունքները պաշտպանված են:
Մեջբերումներ անելիս հղումը armversion.com-ին
պարտադիր է: Կայքի հոդվածների մասնակի կամ
ամբողջական հեռուստառադիոընթերցումն
առանց armversion.com-ին հղման արգելվում է: -
Կայքում արտահայտված կարծիքների համընկնումը
խմբագրության տեսակետի հետ պարտադիր չէ:
Գովազդների բովանդակության համար
կայքը պատասխանատվություն չի կրում:
Բոլոր իրավունքները պաշտպանված են: Copyright “Armversion.com” 2010.