Վահան Եպիսկոպոս Յովհաննէսեան Ֆրանսայի թեմի առաջնորդ ընտրուեցաւ գիտնալով որ ականուած դաշտ մըն է ան եւ ուշ կամ կանուխ ծանրակշիռ խնդիրներ պիտի դրուին առաջնորդական սեղանին վրայ որոնց լուծումը վարչարարական, եկեղեցագիտական, դիւանագիտական-բանակցային կարողութիւններ կը պահանջէ, նաեւ քաջութիւն՝ խնդիրներուն լուծում գտնելու համար առանց յապաղելու տեղական ու էջմիածնական դռները զարնելու եւ պէտք եղած պահանջները ներկայացնելու։ Երկու աննախադէպ խնդիրներ արդէն իսկ ցցուած են։ Երկուքն ալ առընչուած են եկեղեցական դասուն, որոնց արմատները կ՚երկարին մինչեւ Էջմիածին։
ա- Հայր Կարապետ Յարութիւնեան կը լքէ Լիոնի Ս. Յակոբ եկեղեցւոյ հովւութիւնը
Ահա առաջին օրէն, նոյնիսկ իր պաշտօնի ստանձնումի նախօրեակին արդէն՝ Դեկտեմբեր 1ին, Հայ Առաքելական եկեղեցւոյ էջմիածնական միաբան Հ. Կարապետ Վրդ. Յարութիւնեան վերջնականապէս թողած է Լիոնի Ս. Յակոբ եկեղեցւոյ հոգեւոր հովիւի իր պաշտօնը ու միացած Լիոնի շրջանի կաթողիկէ եկեղեցւոյ միաբանութեան։ Իր որոշումը պաշտօնապէս հաղորդած է տեղւոյն ծխական խորհուրդին, նորընտրեալ առաջնորդ Վահան Եպիսկ. Յովհաննէսեանին եւ Թեմական խորհուրդին։ Կը յիշեցնենք որ Հայր Կարապետ եղած է հոգեւոր հովիւը Լիոնի շրջանի զանազան ծուխերու՝ Փոն տը Շէրիւի/Շարվիէօի, Տէսինի, Կրընոպլի, … եւ Լիոնի Ս. Յակոբ եկեղեցւոյ, ինչպէս նաեւ Կրընոպլի եկեղեցւոյ հիմնադրութեան մասնակցած է։ Վարած է Լիոնի ու միջին Ֆրանսայի առաջնորդական փոխանորդի պաշտօնը։ Ատեն մը Վեհափառին կողմէ, առանց ծխական մարմիններու կանխազգուշացման, կանչուած է Էջմիածին, մեծ դժգոհութիւն յառաջացնելով Լիոնի ծխականներու մօտ։ Նորվան Սրբազանի առաջնորդական պաշտօնէն հրաժարումէն ետք, եղած է նաեւ Ֆրանսայի թեմի առաջնորդութեան թեկնածու 2013 Սեպտեմբերին։ Սակայն անոր անունը չէր ընդգրկուած Վեհափառին կողմէ վաւերացուած առաջին երեք կղերականներու ցանկին մէջ։ Այքազեան Սրբազանի թեկնածութենէն հրաժարումէն ետք, առաջնորդական առաջին գործընթացին կ՚առկախուի։ Լիոնի ծուխի պահանջին ու պնդումներուն վրայ վերստին կը ղրկուի Լիոն վերստանձնելու համար տեղւոյն հոգեւոր հովւութիւնը։
Սակայն, երկրորդ անգամ իր թեկնածութիւնը չի ներկայացներ առաջնորդական աթոռին, համոզուած ըլլալով, որ կանխօրօք արդէն որոշուած է առաջնորդական գլխաւոր թեկնածուն։ Հայր Կարապետ իր մեկնումին գլխաւոր դրդապատճառը չուզեց բնաւ բացայայտել, հասկցնելով հանդերձ թէ ունեցած է շատ լուրջ հակադրութիւններ Վեհափառին հետ։ Նշեց պարզապէս թէ արդէն ամէն ինչ ըսուած է եւ շատ աւելի բովանդակալից կերպով՝ Նորվան Սրբազանի եւ Նուրհան Արքեպիսկոպոսի նամակներուն մէջ։ Հայր Կարապետ Վրդ. Յարութիւնեանի հրաժարումը Հայ առաքելական եկեղեցւոյ միաբանութենէն եւ անոր յարումը կաթողիկէ եկեղեցւոյ ծանր հարուած մըն է Առաքելական միաբանութեան եւ անշուշտ տեղւոյն ծխականներուն։ Իր ծուխին կողմէ սիրուած ու յարգուած եկեղեցական մըն էր։ Իր հովուական պարտականութեան գիտակից։ Աննախադէպ պարագայ մըն է Հայ առաքելական եկեղեցւոյ պատմութեան մէջ, ուր հայ հոգեւորական մը կը հեռանայ առաքելական եկեղեցիէն, ոչ այնքան քրիստոնէական հաւատքի տագնապէ տառապելով։ Ոչ ալ Մխիթար Աբբահօր օրինակով, որ կաթողիկէ դառնալով հայ կաթողիկէ նոր միաբանութիւն ստեղծելու ցանկութիւնն ունէր։ Ըստ երեւոյթին Հայր Կարապետ կը հետապնդէ պարզապէս իր հաւատքը լիարժէք ապրելու նպատակը, կրօնական համայնքի մը մէջ, միաբանութեան մը մէջ, ուր ուժ ու իշխանութիւն բանեցնելու, արհեստական ընտրութիւններու հարցեր չկան, եւ այդ խաղաղ նաւահանգիստը գտած է կաթողիկէներուն մօտ։ Հ. Կարապետի պարագան Գարեգին Բ. Ամենայն Հայոց կաթողիկոսի օրօք հայ առաքելական կղերականութեան առջեւ ճակատագրական ընտրութիւններու չորրորդ ուղի մը կը բանայ՝ ինքնակամ հեռացում դէպի այլ միաբանութիւն։ Մինչ օրս եկեղեցականները ընտրութիւն ունէին հետեւեալ երեք ելքերու միջեւ՝ ա- անշշուկ հնազանդութիւն, բ- անշշուկ հնազանդութիւն մինչեւ պայթում, գ- կարգալուծութիւն։
բ- Գիւտ Արք. Նագգաշեանին դատական հետապնդումը Պարոն Գեղամ Թորոսեանի եւ «Նոր Յառաջ» թերթին արտօնատիրոջ դէմ
Եւ կայ հինգերորդ իւրայատուկ, եզակի «պարագայ»՝ պաշտպանեալ եկեղեցականներու դասի։ Երբ առաջնորդներ տարիներ շարունակ կը չարաշահին իրենց եկեղեցական դիրքն ու պաշտօնը ու հակառակ ասոր պաշտպանութիւնը կը վայելեն Վեհափառին։ Ահա պարագան Գիւտ Արք. Նագգաշեանի, որ տարիներ շարունակ նախքան Ֆրանսայի թեմի հիմնադրութիւնը, զբաղեցուցած է Փարիզի առաջնորդական աթոռը։ Ան, դրամական իւրացումներու, եկեղեցական ընտրութիւններու խախտումներու եւ կտակներու չարաշահումի մեղադրանքներու թիրախ դարձած է յատկապէս նախկին «Յառաջ»ի էջերուն մէջ։ Հակառակ ասոր, ոչ մէկ անգամ հակազդած է դատարան դիմելով անուանարկումի բողոքով, ոչ ալ թերթերուն դէմ պատասխանի իրաւունք պահանջած է ինքզինք արդարացնելու, իր արժանապատւութիւնը պաշտպանելու համար։ Եւ զարմանալիօրէն եկեղեցական բարձրագոյն իշխանութեանց կողմէ պատիժի կամ գոնէ հանրային պախարակումի չէ ենթարկուած, այլ՝ պաշտպանուած է։
Եւ սակայն, այս բոլորէն ետք 82 տարեկան հասակին, անակնկալօրէն, Գիւտ Արք. դիմած է դատարան, անուանարկութեան դատ բացած՝ Հայ առաքելական եկեղեցւոյ Ֆրանսայի թեմի Փարիզի ծխական խորհուրդի ատենապետ եւ բազմաթիւ այլ պատասխանատւութիւններ վարած Պարոն Գեղամ Թորոսեանի եւ «Նոր Յառաջ» թերթի արտօնատէր՝ Ժիրայր Չոլաքեանի դէմ, 2014 Փետրուար 25ին «Նոր Յառաջ»ի մէջ լոյս տեսած Պարոն Գեղամ Թորոսեանի հետ հարցազրոյցին կապակցութեամբ։ Հարցը այն է որ նուիրապետական աթոռի մը բարձրաստիճան եկեղեցական անդամը որպէսզի դատ բանայ իր տարիներու աշխարհական գործակիցին դէմ, պէտք է ըստ նուիրապետական կարգի հրաման առնէ Վեհափառէն կամ գերագոյն ատեանէ մը։ Այս պարագային արդեօք Գիւտ սրբազան դիմա՞ծ է այդ քայլին։ Կ՚անգիտանանք։ Սակայն, եթէ դիմած է եւ արտօնութիւն ստացած է, երեւոյթը ինքնին շատ պախարակելի կ՚ըլլայ, որովհետեւ այս պարագային մեղադրեալ կողմը Պարոն Թորոսեան նոյն եկեղեցւոյ անդամ է եւ Վեհափառը պէտք է այս հարցը ներքին կարգով փակէր։ Իսկ եթէ արտօնութիւն չէ ստացած, պարագան նոյնքան դատապարտելի է, քանի որ բարձրաստիճան եկեղեցականը կ՚անտեսէ Վեհափառին հեղինակութիւնը եւ միաբանութեան նուիրապետական օրէնքները։ Այս պահուս երբ Հայ Առաքելական եկեղեցին սուր հոգեւոր տագնապներ կ՚ապրի յատկապէս՝ Նուրհան Արք.ի եւ Նորվան Սրբազանի նամակներէն մեկնած, որոնք խնդրոյ առարկայ կը դարձնեն Վեհափառին անձնական կերպարը, Ֆրանսայի թեմի ծոցին մէջ ծագած այս երկու նորագոյն խնդիրները կու գան շատ աւելի սուր կերպով յիշեցնելու որ հարիւրամեակի սեմին Հայ Առաքելական Եկեղեցին բարոյական լուրջ յեղաշրջումի կարիքն ունի եւ լուծումի ճանապարհը վերէն արձակուած հրամաններէն չ՚անցնիր, այլ՝ այս հարցերու քննարկումէն՝ բոլոր մակարդակներու ծխական համայնքներէն մինչեւ միաբանական ու եպիսկոպոսական դաս։
«Նոր Յառաջ» Դեկտեմբեր 16
- 14:10Փաշինյանը Շոլցի հետ հեռախոսազրույցում անընդունելի է համարել Պրահայի, Բրյուսելի և Գրանադայի սկզբունքները աղավաղելու ցանկացած փորձ
- 13:10Թքած ունեմ նրանց վրա, ովքեր հրաժարվում են «Միր» քարտի ծառայություններից. Պետդումայի պատգամավոր
- 14:10Ուկրաինան և Ռուսաստանն Աբելն ու Կայենն էին. Լեոնիդ Կուչման` Կիև-Մոսկվա հարաբերությունների մասին
- 15:10Իսրայելի ՊՆ-ն հայտարարել է Իրանի հետ հարաբերություններում «ցանկացած սցենարի» պատրաստ լինելու մասին
- 15:10Ռուսաստանը գրոհել է Ուկրաինան 13 անօդաչու թռչող սարքերով, բոլորը խոցվել են. Ուկրաինական ԶՈւ
- 12:10«Կրոկուս»-ում ահաբեկչության մեջ մեղադրվող անձի հեռախոսում հայտնաբերվել են Ուկրաինայի դրոշով մարդկանց լուսանկարներ
- 12:10«Իրոք, ուզում եմ ծաղրել». Զախարովան՝ Արարատ Միրզոյանի հայտարարության մասին
- 14:10Ահաբեկչությունից տուժածները դիմել են Ռուսաստանի քննչական կոմիտե՝ պահանջելով քրեական գործ հարուցել «Կրոկուս Սիթի Հոլլի» ադրբեջանցի սեփականատերերի նկատմամբ
- 12:10Ադրբեջանը հույս է դնում Թուրքիայից օգնության վրա
- 11:10ԽՍՀՄ-ի փլուզումից հետո փորձում էին կործանել Ռուսաստանը. Պուտին
23.04.2024 | 11:42
23.04.2024 | 11:06
13.04.2024 | 13:57
13.04.2024 | 13:26
13.04.2024 | 13:06
13.04.2024 | 12:59
13.04.2024 | 12:28
13.04.2024 | 11:29
12.04.2024 | 14:08
12.04.2024 | 13:56
12.04.2024 | 2:20
10.04.2024 | 15:10
10.04.2024 | 14:10
10.04.2024 | 13:10
10.04.2024 | 12:10
10.04.2024 | 11:10
09.04.2024 | 15:10
09.04.2024 | 14:10
09.04.2024 | 13:10
09.04.2024 | 12:10
09.04.2024 | 11:10
08.04.2024 | 15:10
08.04.2024 | 14:10
08.04.2024 | 13:10
08.04.2024 | 12:10
08.04.2024 | 11:10
06.04.2024 | 14:10
06.04.2024 | 13:10
06.04.2024 | 12:10
06.04.2024 | 11:10
05.04.2024 | 15:10
05.04.2024 | 14:10
05.04.2024 | 13:10
05.04.2024 | 12:10
05.04.2024 | 11:00
04.04.2024 | 15:10
04.04.2024 | 14:10
04.04.2024 | 13:10
-
Հասցե` Հայաստան, 0023, Երևան, Արշակունյաց 2
Հեռ: +374 (10) 06 06 23 (413, 414), +374 (99) 53 58 26
Էլ. փոստ` armv12@mail.ru -
2010-2011 © Բոլոր իրավունքները պաշտպանված են:
Մեջբերումներ անելիս հղումը armversion.com-ին
պարտադիր է: Կայքի հոդվածների մասնակի կամ
ամբողջական հեռուստառադիոընթերցումն
առանց armversion.com-ին հղման արգելվում է: -
Կայքում արտահայտված կարծիքների համընկնումը
խմբագրության տեսակետի հետ պարտադիր չէ:
Գովազդների բովանդակության համար
կայքը պատասխանատվություն չի կրում:
Բոլոր իրավունքները պաշտպանված են: Copyright “Armversion.com” 2010.