23.04.2024 | 11:42
Ադրբեջանում պահանջել են նաև չորս «անկլավային գյուղերը»...23.04.2024 | 11:23
Վաղը ուշադիր եղեք հատկապես Ոսկեվանի և Բաղանիսի մոտակա դիրքերին․ Նաիրի Հոխիկյան...23.04.2024 | 11:06
Ի՞նչ կապ ունեին Արայիկ Հարությունյանի հարցազրույցի անոնսն ու հետագա «զարգացումնե...13.04.2024 | 13:57
Մենք այլևս չունենք ԱԱԾ, այդ հաստատությունը Նիկոլի ռեժիմի հերթական գործիքն է․ Կար...13.04.2024 | 13:26
Վթարի հետեւանքով մահացած բոլոր չորս զինծառայողները ժամկետայիններ էին....13.04.2024 | 13:06
Արարատի մարզում հայտնաբերվել է 36 կգ ոսկի գողություն կատարող կասկածյալներից մեկը...13.04.2024 | 12:59
Ղազախստանում ձերբակալել են ռուսաստանցու, որը մեղադրվում է տաջիկներին այլ երկրներ...13.04.2024 | 12:28
Փաշինյանի «լռությունը» վախեցնում է «ուսապարկերին»․ «Հրապարակ»...13.04.2024 | 11:29
Գեղարքունիքում զինվորական «ԿամԱԶ» է վթարի ենթարկվել...12.04.2024 | 14:08
Ոսկեպարցի Սամվելի խոհանոցի և հողամասի մի մասը մնալու է ՀՀ-ում, իսկ տունը և տնամե...12.04.2024 | 13:56
Ավազակություն՝ հոր և որդու կողմից. հոր գործը ուղարկվել է դատարան, իսկ որդին ինքն...12.04.2024 | 13:00
Դպրոցներից տարհանման կարիք չկա. ԿԳՄՍ նախարարը` ահաբեկչության կեղծ լուրերի մասին...12.04.2024 | 2:20
Մի կողմից նույն մարդիկ մեզ ասում են, թե «սահման չկա, սահմանները հստակեցված չեն»,...10.04.2024 | 15:10
Ահազանգ ենք ստացել զինվորական ծառայությունից հրաժարվելու հիմքով ՀՀ-ում ապաստանած...10.04.2024 | 14:10
Փաշինյանը Շոլցի հետ հեռախոսազրույցում անընդունելի է համարել Պրահայի, Բրյուսելի և...10.04.2024 | 13:10
Թքած ունեմ նրանց վրա, ովքեր հրաժարվում են «Միր» քարտի ծառայություններից. Պետդում...10.04.2024 | 12:10
Մենք չգնացինք այդ ճանապարհով և հայտնի աշխարհաքաղաքական կենտրոններում որոշվեց հար...10.04.2024 | 11:10
Եթե շատ լինեք, մենք կշրջափակենք կառավարությունը․ Հրանտ Բագրատյան...09.04.2024 | 15:10
Հրաժարվելով ռուսական МИР քարտերից՝ մենք ակամայից հայտնվում ենք պատժամիջոցների տա...09.04.2024 | 14:10
Ուկրաինան և Ռուսաստանն Աբելն ու Կայենն էին. Լեոնիդ Կուչման` Կիև-Մոսկվա հարաբերու...09.04.2024 | 13:10
Մարտական հենակետում երեք զինծառայողի սպանության գործով դիրքի ավագի պաշտպանը դիմե...09.04.2024 | 12:10
Հայկազ Բարսեղյանի սպանության գործով ամբաստանյալները դատապարտվեցին 18 տարի ազատազ...09.04.2024 | 11:10
Կռիվ լինելու ա, ու ես գիտեմ, որ մենք պիտի հաղթենք. Մեր թշնամին էսօր Ադրբեջանում ...08.04.2024 | 15:10
Իսրայելի ՊՆ-ն հայտարարել է Իրանի հետ հարաբերություններում «ցանկացած սցենարի» պատ...08.04.2024 | 14:10
Անիմաստ կրակում են, ոչ մի բան չեն թիրախավորում, երևի վախից է․ Արավուսի նախկին գյ...08.04.2024 | 13:10
ԵԽ-ն Հայաստանի «լամպոչկա» իշխանություններից պետք է պահանջի անհապաղ ազատ արձակել ...08.04.2024 | 12:10
270 մլն գնահատվող աշխարհաքաղաքական վեկտորի փոփոխություն և 0 երաշխիքներ․․․Լիլիթ Գ...08.04.2024 | 11:10
Եթե Արևմուտքը Հայաստանին ինչ-որ բան տա, Թուրքիան Ադրբեջանին եռապատիկը կտա. Չավու...06.04.2024 | 14:10
Գրողների միության նախագահը տեղյակ չէ իրենց շենքը թուրքական դեսպանատանը տրամադրել...06.04.2024 | 13:10
«Նիկոլիստներ, սորոսականներ ու արևմտամոլներ, ուշադիր կարդացեք գրածս»․ Էդուարդ Շար...06.04.2024 | 12:10
Բրյուսելում Հայաստան-ԵՄ-ԱՄՆ հանդիպումը «վտանգի ևս մեկ աղբյուր է ստեղծում» Հրվ. Կ...06.04.2024 | 11:10
Որեւէ մեկը չի կարող երաշխավորել, որ Իրանի թիրախներից մեկը չի դառնա Բաքուն. Վարդա...05.04.2024 | 15:10
Ռուսաստանը գրոհել է Ուկրաինան 13 անօդաչու թռչող սարքերով, բոլորը խոցվել են. Ուկր...05.04.2024 | 14:10
8,800 դոլարի և 5 մլն դրամի կաշառք ստանալու համար մեղադրվող պաշտոնյաների վարույթի...05.04.2024 | 13:10
Զորախաչ եկեղեցին՝ ադրբեջանական թիրախում05.04.2024 | 12:10
«Կրոկուս»-ում ահաբեկչության մեջ մեղադրվող անձի հեռախոսում հայտնաբերվել են Ուկրաի...04.04.2024 | 15:10
Ցեղասպանության վտանգը տարածվել է Հայաստանի ինքնիշխան տարածքի վրա. Լեմկինի ինստիտ...04.04.2024 | 14:10
Զազրելի է, որ որոշ թունավոր տհասներ սկսում են հայհոյել դասագիրք կազմողներին՝ իրե...04.04.2024 | 13:10
Թուրքիայում 2 հայի են բռնել, որոնց կոշիկներում 109 հազար դոլարի ոսկու ձուլակտորն...Տոն Սուրբ Աստվածածնի հղության Աննայից
Նույն օրերին Մարիամը ճանապարհ ընկնելով շտապ գնաց Հուդայի լեռնային շրջանի քաղաքներից մեկը: Այնտեղ Զաքարիայի տուն մտնելով՝ Եղիսաբեթին ողջույն տվեց: Երբ Եղիսաբեթը Մարիամի ողջույնը լսեց, երեխան շարժվեց իր որովայնում, և Եղիսաբեթը, Սուրբ Հոգուց ներշնչված, բարձրաձայն ասաց.
-Օրհնյա~լ ես դու կանանց մեջ, և օրհնյա~լ է այն զավակը, որ կրում ես քո որովայնում: Ինչպիսի~ երջանկություն, որ իմ Տիրոջ մայրն այցելում է ինձ, որովհետև երբ քո ողջույնը լսեցի, երեխաս ուրախությամբ շարժվեց իմ որովայնում: Երանի~ քեզ , որ հավատացիր, որովհետև Աստծու կողմից քեզ ասվածները պիտի կատարվեն:
(Ղուկասի ավետարան 1:39-45)
Բոլորդ էլ Աստծու որդիներ եղաք՝ հավատալով Հիսուս Քրիստոսին: Մի անգամ որ Քրիստոսին միանալով մկրտվեցիք, այսուհետև Քրիստոսն է, որ ապրում է ձեր մեջ:
(Պողոս առաքյալի նամակը գաղատացիներին 3:26-27)
Ռուբեն աբեղա Զարգարյանի ֆեյսբուքյան էջից
ՀՀ հատուկ քննչական ծառայությունում ՀՀ քրեական օրենսգրքի 179-րդ հոդվածի 2-րդ մասի 1-ին կետով հարուցված քրեական գործի նախաքննությամբ պարզվել է, որ ՀՀ ԱՆ ԴԱՀԿ ծառայության Երևան քաղաքի Արաբկիր և Քանաքեռ-Զեյթուն բաժնի նախկին հարկադիր կատարող Գրիգոր Սարգսյանը, 2012 թ. դեկտեմբերից մինչև 2013թ. հոկտեմբերն ընկած ժամանակահատվածում, ուրիշի զգալի չափերով գույքը հափշտակելու դիտավորությամբ, կատարողական վարույթներով դատական ակտերի հարկադիր կատարման ծառայության դեպոզիտ հաշվին վճարելու, ապա պահանջատերերին փոխանցելու համար մի շարք պարտապաններից գանձել է տարբեր չափերի գումարներ:
Նախկին հարկադիր կատարող Գրիգոր Սարգսյանը նրանց տվել է իր ստորագրությամբ և ԴԱՀԿ կնիքով կնքված անդորրագրեր, սակայն գումարները ԴԱՀԿ ծառայության դեպոզիտ հաշվին չի վճարել, այլ պաշտոնեական դիրքն օգտագործելով` յուրացրել է:
Նախաքննական մարմինը հիմնավոր կասկածներ ունի, որ նախկին հարկադիր կատարող Գրիգոր Սարգսյանի գործողություններից հնարավոր է տուժած լինեն նաև այլ քաղաքացիներ, ովքեր կարող են դիմել ՀՀ հատուկ քննչական ծառայություն կամ զանգահարել 011 900 055 հեռախոսահամարով:
Նախաքննությունը շարունակվում է:
Այսօր Ծիծեռնակաբերդի hուշահամալիրում անցկացվեց առաջին անգամ հարկադիր կատարողի պաշտոնում նշանակված անձանց երդման հանդիսավոր արարողությունը:
Միջոցառման մեկնարկից առաջ ՀՀ գլխավոր հարկադիր կատարող, գեներալ-մայոր Միհրան Պողոսյանի գլխավորությամբ երթով շարժվել են Ծիծեռնակաբերդ, հարգանքի տուրք մատուցել Հայոց մեծ եղեռնի անմեղ զոհերի հիշատակին, ծաղպեսակ դրել զոհերի հիշատակը հավերժացնող հուշակոթողին և անմար կրակի մոտ մեկ րոպե լռությամբ հարգել զոհերի հիշատակը:
Ծառայության 16 նորանշանակ հարկադիր կատարողներ երդվեցին հավատարմորեն ծառայել Հայաստանի ժողովրդին, խստագույնս պահպանել Հայաստանի Հանրապետության Սահմանադրությունը և օրենքները, մարդու և քաղաքացու իրավունքներն ու ազատությունները, աջակցել սահմանադրական կարգի պահպանմանը, անվերապահորեն և բարեխղճորեն կատարել ստանձնած պարտականությունները:
Շնորհավորելով ծառայության նոր աշխատակիցներին` ՀՀ գլխավոր հարկադիր կատարող, գեներալ-մայոր Միհրան Պողոսյանը համոզմունք հայտնեց, որ կարճ ժամանակահատվածում նրանք հունի մեջ կմտնեն ու արժանապատվորեն կծառայեն մեր պետությանն ու ժողովրդին:
” Այս Սուրբ վայրում երդվելն էլ ավելի պարտավորեցնող է: Դուք պատիվ ունեք ծառայելու Հայաստանի Հանրապետությանը, կրելու եք ուսադիրներ, ինչը մեծ պատիվ է յուրաքանչյուրիս համար: Ուսադիրը պարտավորեցնում է հատուկ վերաբերմունք ունենալ մեր պետության և քաղաքացու նկատմամբ, դուք պետք է սպային արժանի վարվելակերպով կարողանաք վայելել քաղաքացու հարգանքը: Յուրաքանչյուրիդ վերաբերմունքը և շփումը քաղաքացիների հետ կարծիք է ձևավորելու Ծառայության մասին: Արդեն պետական ծառայողներ եք, ինքներդ եք ընտրել այդ ճանապարհը, որը պետք է անցնեք գլուխներդ բարձր պահած: Վստահ եմ, որ կարճ ժամանակահատվածում կինտեգրվեք մեր ընտանիքին՝ Հարկադիր կատարման ծառայությանը, և այն բոլոր խնդիրները, որոնք դրված են պետության կողմից մեր ուսերին, կարողանանք շարունակել հավուր պատշաճի իրականացնել: Այսիքն՝ ձեզանից յուրաքանչյուրը որպես մեծ ընտանիքի անդամ պետք է կարողանա իր ուսերին կրել ընդհանուրի բեռը: Շնորհավորում եմ և ցանկանում, որ դուք կարճ ժամանակահատվածում կարողանաք հասկանալ այն լրջությունը, որ պետք է ունենա պետական ծառայողը՝ սպան,- ասաց Միհրան Պողոսյանը՝ մաղթելով նրանց վճռականություն և քաղաքացիական ու մասնագիտական պարտքի զգացում կատարվող աշխատանքներում:
Երդման արարողության ժամանակ նորանշանակ սպաներին հանձնվեցին ծառայողական վկայականներ:
Այսօր՝ կոռուպցիայի դեմ պայքարի միջազգային օրը «Հայաստանի երիտասարդ իրավաբանների ասոցիացիա» ՀԿ-ը Եվրոպական միության ֆինանսավորմամբ իրականացվող «Կոռուպցիայի դեմ պայքարի բազմակողմանի խթանում» ծրագրի շրջանակներում ՔՀԿ-ների Հակակոռուպցիոն Կոալիցիայի հետ համատեղ իրականացրել է ամենամյա հակակոռուպցիոն մրցանակաբաշխություն: Միջոցառմանը մեկնարկը տրվեց հակակոռուպցիոն ֆլեշ մոբով. մի խումբ երիտասարդներ կոռուպցիայի դեմ պայքարի կոչ արեցին ներկաներին, ամփոփելով ֆլեշ մոբը՝ օրվա կարգախոսով:
«Հայաստանի երիտասարդ իրավաբանների ասոցիացիա» ՀԿ նախագահ, «Կոռուպցիայի դեմ պայքարի բազմակողմանի խթանում» ծրագրի ղեկավար Կարեն Զադոյան ողջույնի խոսքում նշեց, որ ՄԱԿ-ի կոռուպցիայի դեմ կոռուպցիայի կոալիցիան և հակակոռուպցիոն ցանցը, որը բաղկացած է շուրջ 350 հանրային խմբերից` աշխարհի տարբեր երկրների, կոչ է անում կառավարություններին լուրջ վերաբերել կոռուպցիայի դեմ պայքարին:
«2014 թվականը կոռուպցիայի դեմ պայքարում շատ կարևոր տարի էր, մենք նոր փուլ ենք անցնում, մշակում ենք նոր ռազմավարություն, մշակում ենք նոր հակակոռուպցիոն մարմնի կոնցեպցիա և հաստատելու ենք այդ մարմինը այս տարի»,-իր խոսքում նշեց ՀՀ Արդարադատության փոխնախարար Սուրեն Քրմոյանը:
Հայաստանում Եվրոպական Միության պատվիրակության համագործակցության բաժնի ղեկավարի տեղակալ Խոսե Մարիա Մեդինա Նավարոն իր խոսքում ընդգծեց ԵՄ պատրաստակամությունը ներդրում ունենալու Հայաստանում կոռուպցիայի դեմ պայքարի հարցում:
Ողջույնի խոսքերին հաջորդեց ամենամյա հակակոռուպցիոն մրցանակաբաշխությունը:
Հակակոռուպցիոն մրցանակները սահմանված էին 3 անվանակարգերում` տարվա քաղաքացի, լրագրող և քաղաքացիական հասարակության կազմակերպություն: Խախտված իրավունքների պաշտպանության հարցում սկզբունքային դիրքորոշում և գործելակերպ ցուցաբերելու համար «Տարվա քաղաքացի» հակակոռուպցիոն մրցանակին արժանացավ Հրաչյա Ավետիսյանը: Կոռուպցիոն երևույթներ պարունակող խնդիրների մասին բարձրաձայնելու համար «Տարվա լրագրող» հակակոռուպցիոն մրցանակին արժանացան «Արմնյուզ» հեռուստաընկերության «Արմքոմեդի» նախագծի «Ռևիզոր» էջի լրագրողներ Սերգեյ Սարգսյանը, Նարեկ Մարգարյանը, Մհեր Խաչատրյանը:
Փաստաբանների իրավունքների պաշտպանության հարցում սկզբունքային դիրքորոշում և գործելակերպ ցուցաբերելու համար «Տարվա քաղաքացիական հասարակության կազմակերպություն» հակակոռուպցիոն մրցանակը հանձնվեց ՀՀ Փաստաբանների պալատին:
news.am
ԱՄՆ դոլարի փոխարժեքը այսօր՝ դեկտեմբերի 9-ին, կազմել է 455.08 դրամ՝ նախորդ օրվա համեմատ աճելով 2.58 դրամով: Այդ մասին հայտնում են Կենտրոնական բանկի մամուլի ծառայությունից:
Եվրոյի փոխարժեքը կազմել է 561.84 դրամ (աճել է 7.12 դրամով), բրիտանական ֆունտի փոխարժեքը կազմել է 711.84 դրամ (աճել է 6.48 դրամով), իսկ ռուսական ռուբլու փոխարժեքը կազմել է 8.40 դրամ (նվազել է 0.03 դրամով):
Թանկարժեք մետաղների գները սահմանվել են՝ արծաթը՝ 237.9 դրամ, ոսկին՝ 17,454.97 դրամ, պլատինը՝ 18,010.96 դրամ:
Դեկտեմբերի 9-ին «ՆԱՍԴԱՔ ՕԷՄԷՔՍ ԱՐՄԵՆԻԱ» ԲԲԸ-ում ԱՄՆ դոլարով գործարք չի կնքվել:
news.am
Բրյուսելի «Սոլվեյ» թագավորական գրադարանում, նոյեմբերի 8-ին, տեղի է ունեցել հայկական գինիների համտես։
Միջոցառմանը մասնակցել են ՀՀ Էկոնոմիկայի նախարար Կարեն Ճշմարիտյանը, ՀՀ Էկոնոմիկայի նախարարի առաջին տեղակալ Գարեգին Մելքոնյանը և Բելգիայի Թագավորությունում ՀՀ Արտակարգ և Լիազոր դեսպան Թաթուլ Մարգարյանը:
Միջոցառումը կազմակերպվել է Արդյունաբերության զարգացման հիմնադրամի և Զարգացման հայկական գործակալության հետ համատեղ` ԵՄ-ում ՀՀ առևտրական ներկայացուցչության աջակցությամբ։
Միջոցառման նպատակն էր խթանել հայկական գինեգործության ոլորտի զարգացումը, նպաստել ԵՄ շուկայում հայկական գինգեգործական ոլորտի ճանաչելիության բարձրացմանը, խթանել դեպի ԵՄ շուկա արտահանման ծավալների աճը, ինչպես նաև բացահայտել նոր գործընկերներ:
Հայկական գինիների համտեսին հրավիրված էին շուրջ 100 ներկայացուցիչներ խոշոր առեւտրային ցանցերի, գինու ներմուծմամբ և վաճառքով զբաղվող կազմակերպությունների և ռեստորանային բիզնեսի, ինչպես նաև գինեգործության ոլորտը լուսաբանող հայտնի լրագրողներ և սոմելիեներ։
Համտեսին ներկայացված էին հայկական գինեգործական ոլորտի 14 ընկերությունների (Զորահ Վայնս, ՄԱՊ, Մարան, Մեծ Սյունիք, Ոսկեվազի գինու գործարան, Արմենիա Վայն, Էդվագ Գրուպ, Անուշ-1, Վայք Գրուպ, Վայն Հաուս, Վան Արդի, Օլդ Բրիջ, Գոլդեն Գրեյփ ԱրմԱս, Սեմինա Քոնսալթինգ) կարմիր և սպիտակ տեսակների լավագույն գինիները: Բացի գինիներից այցելուները կարող էին համտեսել նաև հայկական լավաշը, պանիրը և քաղցրավենիքը։
Համտեսի ընթացքում ներկայացվել է հայկական գինեգործության պատմությունը, հարուստ ավանդույթները և Հայաստանում գինեգործության ներկա վիճակը: Հայկական գինիների վերաբերյալ իրենց կարծիքներն են հայտնել ոլորտում հայտնի սոմելիեները։
Միջոցառումը կազմակերպվել է ՀՀ կառավարության կողմից հատատված պետական աջակցության ծրագրի շրջանակներում։
news.am
ՀՀ և ՌԴ պաշտպանության նախարարությունների միջև ստորագրված երկկողմ համագործակցության 2014թ. պլանի համաձայն` դեկտեմբերի 9-ից 11-ը Հայաստանի Հանրապետության և Ռուսաստանի Դաշնության միջև «Հավաքական անվտանգության կովկասյան տարածաշրջանում հակաօդային պաշտպանության միացյալ համակարգի ստեղծման մասին» պայմանագրի նախագծի քննարկման և վերջնական համաձայնեցման նպատակով` Հայաստանի Հանրապետությունում ՊՆ մասնագետների հետ կաշխատի ՌԴ ՊՆ փորձագետների խումբը:
Շաբաթ և կիրակի օրերին սննդամթերքի խանութներում հարաբերական անդորր էր: Սովորաբար, այս օրերին մատակարարները նոր մթերք չեն բերում, և գները կանգ էին առել ուրբաթ օրվա մակարդակին: Բայց ահա երկուշաբթի գնապիտակները կրկին ձգվեցին դեպ վեր: Լրագրողների հերթական «ստուգայցը» սննդի խանութներ ցույց տվեց, որ հացը 10 դրամով թանկացել է: Եթե նախորդ շաբաթ 500 դրամ «անվանական» կշռով փոքր մատնաքաշն արժեր 120-130 դրամ, ապա երեկ նույն խանութներում, համապատասխանաբար, 130-ից 140 դրամ էր: Կաթնաշոռի և մածունի գինը 50 դրամով բարձր էր ուրբաթ օրվա գներից, իսկ շաքարավազը թանկացել էր 20 դրամով:
Ծայրամասերում մենք դիտարկել ենք Աջափնյակ համայնքը, այն փոքր խանութներում և սուպերմարկետներում արժեր 370-390 դրամ, իսկ Կենտրոնում 400 դրամ էր: Միջինը 200 դրամով թանկացել էր երշիկի տեսականին: Կենտրոնում 2600 դրամանոց կիսաապխտած երշիկը ուրբաթ օրն արժեր միջինը 2600-2700 դրամ, իսկ երեկ արդեն գնանշվում էր 2800-3000 դրամի սահմաններում: Խանութներից մեկում շվարած մի տատիկ օգնության էր կանչել վաճառողին, որովհետեւ միայն մեկ սննդատեսակի փող ուներ և չէր կողմնորոշվում, թե որը գնել:«Ամեն ինչ թանկացել է, բացի կաթից»,- բացատրեց թոշակառուին վաճառողը:
Կաթ արտադրողները, հավանաբար, չեն կարողանում այլևս գին բարձրացնել, քանի որ այն բանից հետո, երբ «Աշտարակ կաթը» 10 օր առաջ իր արտադրանքի գինն օդ թռցրեց, կաթնամթերքի շուկայում խստացվեց Տնտեսական մրցակցության պաշտպանության հանձնաժողովի հսկողությունը: Դեկտեմբերի 8-ին ռուսական ռուբլին անշեղորեն մոտեցավ նոր գնանշման՝ 55 ռուբլի ԱՄՆ 1 դոլարի դիմաց: Իսկ նավթի բարելի գինը համաշխարհային ֆյուչերսային շուկայում կրկին իջավ, հասնելով մինչև, 65,16 դոլարի: ՌԴ Կենտրոնական բանկը, որը նոյեմբերի 10-ից բաց էր թողել, որ ռուբլին ազատ լողա, դեկտեմբերի 4-ից՝ կոշտ միջոցներ ձեռնարկելու Պուտինի հրահանգից հետո, սկսեց դոլարային ինտերվենցիաներ, արհեստականորեն պահելով ռուբլու կուրսը: Մեր ԿԲ-ն նույն վարքագիծն էր ստանձնել, սակայն երեկ հայտարարեց առաջիկայում իր ազդեցությունը տարադրամի շուկայի վրա նվազեցնելու մասին:
«Դեկտեմբերի 8-ից սկսած մինչև տարեվերջ որդեգրում է նոր մոտեցում. ամեն օր սակարկությունների միջոցով իրականացնելու է արտարժույթի վաճառքներ` նախապես հայտարարված առավելագույն սահմանաքանակով: ՀՀ ֆինանսական շուկայում թափանցիկության ապահովման նպատակով ՀՀ կենտրոնական բանկն օրական կտրվածքով հրապարակելու է իր կողմից իրականացվող սակարկությունների արդյունքների վերաբերյալ տեղեկատվությունը:
Նպատակ հետապնդելով նվազեցնելու ՀՀ կենտրոնական բանկի ազդեցությունը ՀՀ դրամի փոխարժեքի ձևավորման վրա, նախատեսվող օրական միջամտության ծավալները փուլային նվազելու են մինչև ՀՀ դրամի հավասարակշիռ մակարդակի ձևավորումը»: Երեկ առավոտյան մեր բանկերում դեկտեմբերի 7-ի համեմատ դոլարի փոխարժեքը չէր փոխվել: 1 ԱՄՆ դոլարը գնվում էր 445-450 դրամով և վաճառում 453-465: 1000 ռուսականի դիմաց 8000 դրամ էին տալիս, իսկ երեկոյան Մալաթիայի շուկայում՝ դրանից էլ ցածր: Այսպիսով, խոպանչիների աշխատուժի արժեզրկումը հուլիսի համեմատ 40 տոկոսից ավելի է: Մյուս կողմից, տրանսֆերտները շարունակում են նվազել, ավելի ծանր իրավիճակ ստեղծելով ռուսական տրանսֆերտից կախված մեր տնտեսության մեջ: Երեկ հրապարակված ԿԲ հաշվետվության համաձայն, տարեսկզբից մինչեւ նոյեմբեր դրանք կրճատվել են 4,4 տոկոսով:
Սյուզան Սիմոնյան
Կենտրոնական Եվրոպայի և Շվեդիայի Հայրապետական Պատվիրակության մամլո դիվանը հայտարարություն է տարածել Երուսաղեմի Հայոց Պատրիարք ամենապատիվ տ. Նուրհան արք. Մանուկյանի բաց նամակի վերաբերյալ, որը ներկայացնում ենք ստորև։
«Օրեր առաջ ծանոթացանք Երուսաղեմի Պատրիարք Ամենապատիվ Տ. Նուրհան Արքեպս. Մանուկյանի՝ համացանցում շրջանառվող գրությանը, որին անմիջապես հաջորդեցին ոչ միայն արժանի արձագանքներ, այլև «ապսպրված ու թելադրված հոդվածներ» «հայոց եկեղեցում ներկուլիսային նոր պայքարի» վերաբերյալ: Մեծ հավանականությամբ այս խմորը դեռ շատ ջուր է քաշելու՝ առիթ տալով հասկացողին ու չհասկացողին լծվելու գործի ու իր կարծիքը հայտնելու եղելության վերաբերյալ: Իհարկե, ցավ ես ապրում, որ իրերի դասավորությունը կարող էր նման զարգացում ստանալ:
Այս ամենից հետո ինչպե՞ս պետք է նայենք մեր ներկայացուցիչների (որոնք ներկայացնում են Ավստրիայի, Չեխիայի, Սլովակիայի, Հունգարիայի, Շվեդիայի, Դանիայի, Նորվեգիայի և Ֆինլանդիայի հայությունը) աչքերի մեջ, երբ հենց մեր եկեղեցականն է այս հայորդիներին թատերական ներկայացման մասնակիցներ անվանում: Ի՞նչ պատասխան պիտի տանք տասնյակ հազարավոր այն հայորդիներին, որոնց ներկայացնում են վերոհիշյալ անձինք: Իսկ ի՞նչ զգացմունքներ կարող են ունենալ մեր եկեղեցականները, երբ մեր համայնքների անդամներին ամեն Աստծո օր քարոզում են սեր, հանդուրժողականություն, ներողամտություն, միասնականություն, և միաժամանակ նրանց վրա «մանկլաւիկների» ու «շուռ տված դերասանների» փողոցային պիտակ փակցնում: Արդյո՞ք անդրադարձել է Պատրիարք Սրբազանն այս հարցերին: Կարծում ենք՝ ոչ: Ափսոս, հազար ափսոս:
Ոչ պակաս ապշահար եղանք նաև գրության մեջ ներկայացված Պատրիարքական Աթոռը թեմի վերածելու անհիմն մեղադրանքից, երբ դատապարտվում են Հայ Եկեղեցու մի քանի եպիսկոպոսներ, ովքեր իբր ժողովի ժամանակ Գարեգին Բ Կաթողիկոսի թելադրանքով «հանդգնած» և «պահանջած են, որ Երուսաղէմի Պատրիարքութիւնը անմիջականօրէն ենթարկուէր Էջմիածնի»: Հետաքրքիր է, որ «ենթարկուէր» բայը Պատրիարք Հայրը նախընտրում է օգտագործել «ընդամենն» ըղձական եղանակով … «ա՜խ, ինչ լա՜վ կլիներ» ոճի մեջ:
Չփորձենք երկրորդ անգամ անիվ հայտնագործել, բայց ևս մեկ անգամ հիշեցնենք, որ այո՛, Երուսաղեմի Պատրիարքությունը ԿԱՆՈՆԱԿԱՆ առումով (եթե կուզեք՝ «ի հոգևորս»՝ ոմանց համար ավելի մատչելի լեզվով) ենթարկվում է ՄայրԱթոռ Ս. Էջմիածնին, մինչդեռ վարչական և ներքին կառավարման առումով այն ինքնավար է և առաջնորդվում է սեփական կանոնադրությամբ: Կարծում ենք, որ սա որևէ մեկի, մանավանդ եկեղեցականի համար նորություն չէ: Թող ներվի ասել, բայց եթե անգամ նման միտք արտահայտվեր Եկեղեցական-ներկայացուցչական ժողովին, համացանցի միջոցով տարածված ու անստորագիր այդ բաց նամա՞կը պետք է լիներ Սբ. Աթոռի Գահակալի համարժեք արձագանքը: Ո՞ւր են մնացել հարցեր քննարկելու առավել խելամիտ և ընդունելի տարբերակները:Իբրև սփյուռքյան համայնք ցավ և ափսոսանք ենք հայտնում, որ Հայաստանյայց Եկեղեցվո նվիրապետական աթոռի Գահակալը կարող է իրեն նաև նման արտահայտություն թույլ տալ. «Բոլոր այն Էջմիածնական միաբանները որոնք եկած ու վայելած են այս Աթոռին բարիքները…»: Հայ Եկեղեցու սրբազան հայրերի երազանքն ու թելադրանքն է եղել, որ յուրաքանչյուր հայ եկեղեցական իր կյանքում գոնե մեկ անգամ այցելի Ս. Երուսաղեմ՝ հաղորդակից լինելու իր պաշտած ու քարոզած Աստծու Տերունակոխ վայրերին, հաստատվելու իր հավատքի և վերանորոգվելու իր ուխտի մեջ: Մեր պատմության ընքացքում անգամ եղել են ժամանակներ, երբ քաղաքական պատճառներով հայ ուխտավորի համար անհնար էր Երուսաղեմ այցելելը: Հայ հավատացյալն իր դառը զրկանքի մխիթարությունն է գտել մեկ այլ սրբավայրի այցելության մեջ: Վստահ ենք, շատերին հայտնի է, որ երեք անգամ Սևան ուխտի գնալը հավասար է համարվել Երուսաղեմ ուխտի գնալուն: Իսկ այժմ «էջմիածնական այդ անշնորհակալ միաբանները» գնում են ՊԱՏՐԻԱՐՔ ՀՈՐ Աթոռ ու վայելում ՆՐԱ բարիքները …: Հոգու խորքում վստահ էինք, որ Երուսաղեմի Հայոց Պատրիարքը (ով էլ որ նա լինի) պետք է ոչ միայն ուրախանար և իր դռները լայն բանար հայ հավատացյալի (անգամ՝ հայ անհավատի, ՀԱՅԻ) առաջ, այլև իր հայրական օրհնությունը բաշխեր ամենքին՝ հաստատելով նրանց (ոչ անհավատներին) իրենց հավատքի մեջ և սրտանց «ուխտներդ ընդունելի լինի» մաղթելով:Չենք կարող չանդրադառնալ նաև «ձերոնքական (էջմիածնական)» և «մերոնքական (երուսաղեմյան)» կլանային բնորոշումներին: Ներողություն ենք խնդրում հանդգնության համար. իսկ Պատրիարք Հայրը կապ չունի՞ Ս. Էջմիածնի և Հայաստանի հետ, կամ Մայր Աթոռ Ս. Էջմիածինը (և ոչ միայն) կապ չունի՞ Երուսաղեմի հետ:
Յուրաքանչյուր ոք, այդ թվում նաև եկեղեցական, կարող է — իհարկե ոչ առանց հիմնավոր պատճառների — չկիսել թե՛ Վեհափառ Հայրապետի և թե՛ Եկեղեցական-ներկայացուցչական ժողովի և կամ որևէ մեկի կարծիքը, ինչպես որ մենք՝ Պատրիարք Հոր, բայց չպետք է մոռանալ, որ խնդրի լուծման սեփական տեսակետը հայտնելու ճանապարհին իրավունքը չունենք անհարիր արտահայտություններով կոխկռտելու դիմացինի պատիվն ու արժանապատվությունը: Կասկածից վեր է, որ հարցերը «լուծելու» Պատրիարք Հոր ընտրած ճանապարհն ու ձևը հարիր չեն իր իսկ աստիճանին ու հանգամանքին, ոչ էլ պատիվ են բերում Հայ Եկեղեցուն ու եկեղեցականությանը:
Խոր ափսոսանքով ու ցավով ենք շարադրել այս տողերը: Աղոթում և ուզում ենք սրտանց հավատալ, որ Պատրիարք Հայրը կանդրադառնա ստեղծված անցանկալի կացությանը և առանց ավելորդ ջղագրգռության կգնահատի իրավիճակի լրջությունը, որը հղի է Հայաստանյայց Առաքելական Սուրբ Եկեղեցին պառակտելու վտանգով, ու կփորձի օր առաջ վերացնել դրա հետևանքները»:
tert.am
-
-
23.04.2024 | 11:06
Ի՞նչ կապ ունեին Արայիկ Հարությունյանի հարցազրույցի անոնսն ու հետագա «զարգացումները». «Փաստ» -
23.04.2024 | 11:42
Ադրբեջանում պահանջել են նաև չորս «անկլավային գյուղերը» -
23.04.2024 | 11:23
Վաղը ուշադիր եղեք հատկապես Ոսկեվանի և Բաղանիսի մոտակա դիրքերին․ Նաիրի Հոխիկյան
-
- Տեսանյութ
- Օրվա միտք
- Խմբագրի վարկած
- Ֆոտո
-
Հասցե` Հայաստան, 0023, Երևան, Արշակունյաց 2
Հեռ: +374 (10) 06 06 23 (413, 414), +374 (99) 53 58 26
Էլ. փոստ` armv12@mail.ru -
2010-2011 © Բոլոր իրավունքները պաշտպանված են:
Մեջբերումներ անելիս հղումը armversion.com-ին
պարտադիր է: Կայքի հոդվածների մասնակի կամ
ամբողջական հեռուստառադիոընթերցումն
առանց armversion.com-ին հղման արգելվում է: -
Կայքում արտահայտված կարծիքների համընկնումը
խմբագրության տեսակետի հետ պարտադիր չէ:
Գովազդների բովանդակության համար
կայքը պատասխանատվություն չի կրում:
Բոլոր իրավունքները պաշտպանված են: Copyright “Armversion.com” 2010.