13.04.2024 | 13:57
Մենք այլևս չունենք ԱԱԾ, այդ հաստատությունը Նիկոլի ռեժիմի հերթական գործիքն է․ Կար...13.04.2024 | 13:26
Վթարի հետեւանքով մահացած բոլոր չորս զինծառայողները ժամկետայիններ էին....13.04.2024 | 13:06
Արարատի մարզում հայտնաբերվել է 36 կգ ոսկի գողություն կատարող կասկածյալներից մեկը...13.04.2024 | 12:59
Ղազախստանում ձերբակալել են ռուսաստանցու, որը մեղադրվում է տաջիկներին այլ երկրներ...13.04.2024 | 12:28
Փաշինյանի «լռությունը» վախեցնում է «ուսապարկերին»․ «Հրապարակ»...13.04.2024 | 11:29
Գեղարքունիքում զինվորական «ԿամԱԶ» է վթարի ենթարկվել...12.04.2024 | 14:08
Ոսկեպարցի Սամվելի խոհանոցի և հողամասի մի մասը մնալու է ՀՀ-ում, իսկ տունը և տնամե...12.04.2024 | 13:56
Ավազակություն՝ հոր և որդու կողմից. հոր գործը ուղարկվել է դատարան, իսկ որդին ինքն...12.04.2024 | 13:00
Դպրոցներից տարհանման կարիք չկա. ԿԳՄՍ նախարարը` ահաբեկչության կեղծ լուրերի մասին...12.04.2024 | 2:20
Մի կողմից նույն մարդիկ մեզ ասում են, թե «սահման չկա, սահմանները հստակեցված չեն»,...10.04.2024 | 15:10
Ահազանգ ենք ստացել զինվորական ծառայությունից հրաժարվելու հիմքով ՀՀ-ում ապաստանած...10.04.2024 | 14:10
Փաշինյանը Շոլցի հետ հեռախոսազրույցում անընդունելի է համարել Պրահայի, Բրյուսելի և...10.04.2024 | 13:10
Թքած ունեմ նրանց վրա, ովքեր հրաժարվում են «Միր» քարտի ծառայություններից. Պետդում...10.04.2024 | 12:10
Մենք չգնացինք այդ ճանապարհով և հայտնի աշխարհաքաղաքական կենտրոններում որոշվեց հար...10.04.2024 | 11:10
Եթե շատ լինեք, մենք կշրջափակենք կառավարությունը․ Հրանտ Բագրատյան...09.04.2024 | 15:10
Հրաժարվելով ռուսական МИР քարտերից՝ մենք ակամայից հայտնվում ենք պատժամիջոցների տա...09.04.2024 | 14:10
Ուկրաինան և Ռուսաստանն Աբելն ու Կայենն էին. Լեոնիդ Կուչման` Կիև-Մոսկվա հարաբերու...09.04.2024 | 13:10
Մարտական հենակետում երեք զինծառայողի սպանության գործով դիրքի ավագի պաշտպանը դիմե...09.04.2024 | 12:10
Հայկազ Բարսեղյանի սպանության գործով ամբաստանյալները դատապարտվեցին 18 տարի ազատազ...09.04.2024 | 11:10
Կռիվ լինելու ա, ու ես գիտեմ, որ մենք պիտի հաղթենք. Մեր թշնամին էսօր Ադրբեջանում ...08.04.2024 | 15:10
Իսրայելի ՊՆ-ն հայտարարել է Իրանի հետ հարաբերություններում «ցանկացած սցենարի» պատ...08.04.2024 | 14:10
Անիմաստ կրակում են, ոչ մի բան չեն թիրախավորում, երևի վախից է․ Արավուսի նախկին գյ...08.04.2024 | 13:10
ԵԽ-ն Հայաստանի «լամպոչկա» իշխանություններից պետք է պահանջի անհապաղ ազատ արձակել ...08.04.2024 | 12:10
270 մլն գնահատվող աշխարհաքաղաքական վեկտորի փոփոխություն և 0 երաշխիքներ․․․Լիլիթ Գ...08.04.2024 | 11:10
Եթե Արևմուտքը Հայաստանին ինչ-որ բան տա, Թուրքիան Ադրբեջանին եռապատիկը կտա. Չավու...06.04.2024 | 14:10
Գրողների միության նախագահը տեղյակ չէ իրենց շենքը թուրքական դեսպանատանը տրամադրել...06.04.2024 | 13:10
«Նիկոլիստներ, սորոսականներ ու արևմտամոլներ, ուշադիր կարդացեք գրածս»․ Էդուարդ Շար...06.04.2024 | 12:10
Բրյուսելում Հայաստան-ԵՄ-ԱՄՆ հանդիպումը «վտանգի ևս մեկ աղբյուր է ստեղծում» Հրվ. Կ...06.04.2024 | 11:10
Որեւէ մեկը չի կարող երաշխավորել, որ Իրանի թիրախներից մեկը չի դառնա Բաքուն. Վարդա...05.04.2024 | 15:10
Ռուսաստանը գրոհել է Ուկրաինան 13 անօդաչու թռչող սարքերով, բոլորը խոցվել են. Ուկր...05.04.2024 | 14:10
8,800 դոլարի և 5 մլն դրամի կաշառք ստանալու համար մեղադրվող պաշտոնյաների վարույթի...05.04.2024 | 13:10
Զորախաչ եկեղեցին՝ ադրբեջանական թիրախում05.04.2024 | 12:10
«Կրոկուս»-ում ահաբեկչության մեջ մեղադրվող անձի հեռախոսում հայտնաբերվել են Ուկրաի...04.04.2024 | 15:10
Ցեղասպանության վտանգը տարածվել է Հայաստանի ինքնիշխան տարածքի վրա. Լեմկինի ինստիտ...04.04.2024 | 14:10
Զազրելի է, որ որոշ թունավոր տհասներ սկսում են հայհոյել դասագիրք կազմողներին՝ իրե...04.04.2024 | 13:10
Թուրքիայում 2 հայի են բռնել, որոնց կոշիկներում 109 հազար դոլարի ոսկու ձուլակտորն...04.04.2024 | 11:10
Քաշքշուկ Երուսաղեմի հայ համայնքի ներկայացուցիչների և իսրայելցիների միջև...03.04.2024 | 15:10
Փաշինյանն ավելի մեծ սպառնալիք է Հայաստանի անվտանգության համար, քան Արցախի վտարան...Չեմ սիրեր ապերախտութիւնը, երբ մէկը քու ծով զոհողութիւններուդ դիմաց կը մնայ քար-անտարբեր….տարրական ջերմութենէ զուրկ, իսկ երախտագիտութեան մասին խօսք անգամ չի կրնար ըլլալ…: Բարիքը կը գործեմ առանց որեւէ փոխադարձ ակնկալութեան՝ ինքնեկ ու սրտաբուխ, բայց կը սպասեմ բնականաբար դոյզն փոխադարձ ջերմսիրտ վերաբերմունք….մարդկայնօրէն եւ ոչ՝ աւելի…: Պտղատու ծառն անգամ պիտի չորնար հաստատապէս, եթէ զայն չոռոգէինք, չխնամէինք….
***
Անսխալական մարդ չկայ եւ չի կրնար ըլլալ….անոր համար ալ, ներողամիտ պիտի ըլլալ մարդկային սխալներուն հանդէպ, պիտի ներել եւ հասկնալ շարունակ…: Բայց կայ թերութիւն մը, որուն հանդէպ անհանդուրժող եմ, այդ ալ ՓՈՔՐՈԳՈՒԹԻՒՆՆ է…, երբ մարդիկ գձուձ հաշիւներով կ’առաջնորդուին, երբ իրենց տեսադաշտը այնքան նեղ է, որ միայն իրենց փոքրիկ ես-երը կը տեսնեն, երբ ուրիշին հարցերով միայն կը զբաղին եւ անխնայ կը խծբծեն զայն….երբ իրենց ամենադոյզն խնդիրը գերիվեր կը համարեն միւսին աղէտալի վիճակէն….ՀՈԳԻԻ ՄԵԾՈՒԹԻՒՆԸ ԳԵՐԱԳՈՅՆ ԱՌԱՔԻՆՈՒԹԻՒՆ Է ի հակադրութիւն փոքրոգութեան….
Ոստիկանությունը պարբերաբար բարելավում է քաղաքացիներին ծառայություններ մատուցող ստորաբաժանումների տեխնիկական հագեցվածությունը: Եվ ահա հերթական նորամուծությունը՝ ճանապարհային ոստիկանությունը վերազինվեց նոր սարքավորումներով, որոնք ճանապարհային ոստիկաններին հնարավորություն կտան տեղում որոշելու վարորդի սթափությունը:
Սարքերը ազգային չափագիտական ինստիտուտի կողմից ստուգաչափվել են, տրվել են համապատասխան վկայականներ:
Մնում է հուսալ, որ այս նոր սարքավորումները սթափության կոչ կլինեն կարգազանց վարորդների համար…
Մանրամասները՝ տեսանյութում:
ՀՀ պաշտպանության նախարար Սեյրան Օհանյանի շնորհավորական ուղերձը Լրագրողների համերաշխության միջազգային օրվա կապակցությամբ.
Այսօր` սեպտեմբերի 8-ին, ամբողջ աշխարհում նշվում է Լրագրողների համերաշխության միջազգային օրը: Այդ օրը բոլոր երկրների լրագրողներն ու պարբերականները դրսևորում են իրենց համերաշխությունը և աշխարհին ցուցադրում իրենց միասնությունը:
Գաղտնիք չէ, որ զինված ուժերի առջև դրված խնդիրների լուծման կատարելությունը մեծապես կախված է բանակի, զինծառայության և զինծառայողների նկատմամբ հասարակության վերաբերմունքից: Այս տեսակետից հատկապես կարևոր է լրատվության միջոցների և լրագրողների աշխատանքը: Զինված ուժերի գործունեության, իրադարձությունների անաչառ լուսաբանման միջոցով լրագրողների բանակը նպաստում է ոչ միայն զինված ուժերի զարգացմանը, այլև մեր երկրի պաշտպանունակության ամրապնդմանը:
Արցախյան շարժման առաջին իսկ օրերից բազմաթիվ լրագրողներ լծվեցին հայենիքի պաշտպանության գործին: Զինվորական լրագրողներից ոմանք նահատակվեցին այդ պայքարում: Հավերժ հիշատակ և փառք նրանց: Նրանց անունները ամենուր պետք է հնչեն հպարտությամբ:
Այսօր էլ մեր պաշտպանական համակարգի ստորաբաժանումներում իրենց ծառայությունն են կրում բազմաթիվ լրագրողներ: ՀՀ պաշտպանության նախարարությունը վերջին տարիներին ակտիվ համագործակցություն է ծավալել հայաստանյան լրատվամիջոցների և լրագրողների հետ: Կազմակերպվել են բազմաթիվ լրագրողական այցելություններ սահմանային զորամասեր, ասուլիսներ, հանդիպումներ, վերապատրաստման դասընթացներ: Միշտ լինելով դեպքերի և իրադարձությունների կենտրոնում, մեր լրագրողներն իրենց մեծ կամ փոքր նյութերով և շեշտադրումներով ներկայացնում են ազգային բանակը, զինվորականի առօրյան, նպաստել են բանակ-հասարակություն կապի ամրապնդմանը:
Լրագրողները նաև յուրօրինակ կամուրջ են հասարակության և զինված ուժերի միջև: Եվ վստահ եմ, որ բոլորն են գիտակցում այդ առաքելության ողջ պատասխանատվությունը ու հուսով, որ մեր լրագրողները կշարունակեն պատվով կատարել իրենց առաքելությունը` հավատարիմ մնալով բարոյականության սկզբունքներին, հավասարակշիռ, կառուցողական և օբյեկտիվ հրապարակումներով անդրադառնով բանակաշինության խնդիրներին, զինված ուժերում ընթացող բարեփոխումներին:
Հուլիս-օգոստոսյան դեպքերը հերթական անգամ ապացուցեցին վտանգի պահին հայ հասարակության տարբեր շերտերի, նաև` լրագրողների համախմբվելու և Հայկական բանակին սատար կանգնելու կարողությունն ու պատրաստակամությունը` մոռանալով բոլոր տարաձայնություններն ու գաղափարական տարակարծությունները: Մարտական հենակետերում և մարտիկների հետ ունեցած նրանց զրույցներում ծնված հրապարակումներն առավել բարձրացրին հայ զինվորի մարտական ոգին: Ամենայն պատասխանատվությամբ կատարելով իրենց մասնագիտական պարտքը և մեկնելով սահմանամերձ բնակավայրեր ու մարտական հենակետեր, լրագրողները ներկայացրին սահմաններում տիրող իրական պատկերը, սահմանամերձ գյուղերի բնակչության ամենօրյա հերոսական կյանքը, Հայկական բանակի ստորաբաժանումների վտանգաշատ, բայց վստահ ծառայությունն ու աներեր կեցվածքը:
Լրագրողների բանակը նույնպես հաստատեց, որ հայրենիքի պաշտպանության և իրենց հրապարակումներով բանակին աջակցություն ցուցաբերելու առումով միասնական են, համախմբված և պատրաստ իրենց մասնագիտական հմտություններով ծառայել հայրենիքին: Ներկայացնելով մեր զինվորների ու սպաների մասին բազմաթիվ հրապարակումներ, լուսանկարներ, տեսանյութեր` լրագրողն աջակցում է հայրենիքի սահմանին կանգնած զինվորին, բարձրացնում է անձնակազմի մարտական ոգին և վերջապես` զինվորների ծնողները տեսնում են իրենց զավակներին ծառայության մեջ` հայրենանվեր գործ կատարելիս:
Շնորհակալություն եմ հայտնում բոլոր լրագրողներին` դժվարին այդ օրերին ծավալած ակտիվ գործունեության և ուժերի ներածին չափով բանակին սատարելու, միասնական ջանքերով պաշտպանության նախարարությանն աջակցելու համար:
Շնորհավորում եմ բոլոր լրագրողներին և մաղթում համախմբվածություն, համերաշխություն, քաջառողջություն, երջանկություն ու հաջողություններ անձնական կյանքում եւ աշխատանքում:
Թող ձեր գրիչը լինի արգասաբեր ու բեղուն` ի նպաստ մեր հայրենիքի ու զինված ուժերի առավել հզորացման:
2011-2013 թթ. «արաբական գարնան» հետևանքով կրկնակի իշխանափոխություն՝ նախ հեղափոխություն, ապա՝ ռազմական հեղաշրջում ապրած Եգիպտոսn արդեն նոր իշխանությունների, նոր նախագահի՝ Աբդ ալ-Ֆաթահ ալ Սիսիի օրոք փորձում է վերագտնել ոչ միայն երկրի ներքին զարգացման բնականոն հունն, այլև վերականգնել արտաքին հեղինակությունն ու կշիռն ինչպես Մերձավոր Արևելքում, այնպես էլ Աֆրիկայում ընդհանրապես: Վերջին շրջանում Կահիրեն հատկապես ակտիվացրել է իր գործողություններն ինչպես ներքին, այնպես էլ արտաքին հակաահաբեկչական պայքարում՝ այս համատեքստում որոշակի քայլեր իրականացնելով նաև հարևան պետություններում՝ արևմուտքում՝ Լիբիայում, հարավում՝ Սուդանում, մյուս կողմից և հատկապես պաղեստինաիսրայելական հակամարտության կարգավորման, նաև ներարաբական հիմնախնդիրների հաղթահարման ուղղությամբ:
Մասնավորապես, Գազայի հատվածում տեղի ունեցած պաղեստինաիսրայելական վերջին դիմակայության ռազմական փուլի դադարեցման և Կահիրեում սպասվելիք բանակցային գործընթացի նախաձեռնման գործում առանցքային դերակատարություն ցուցաբերելուց հետո եգիպտական նոր վարչակարգը ձեռնամուխ է եղել արդեն ավելի քան 3,5 տարի շարունակվող սիրիական թնջուկի հանգուցալուծման գործին:
Վերջին օրերին սիրիական ընդդիմադիր մամուլում հրապարակումներ են լույս տեսնում «Եգիպտական ծրագիրը Սիրիայի անցումային շրջանի վերաբերյալ» ընդհանուր խորագրով: Նշվում է, որ նախաձեռնությունը համաձայնեցված է սիրիական հակամարտության հիմնական արտաքին դերակատարների՝ մասնավորապես արաբական պետությունների, Եվրոպայի, Ռուսաստանի հետ. այն կենսունակ է անգամ այնպիսի պայմաններում, երբ ԱՄՆ-ը հրաժարվել է համագործակցել Դամասկոսի հետ՝ «Իսլամական պետության» դեմ պայքարում:
Նշվում է, որ Եգիպտոսի նախագահը շուտով անձամբ է ժամանելու Սիրիա՝ քննարկելու ծրագրի մանրամասները:
Փաստաթուղթը պարունակում է հետևյալ բովանդակային առանձնահատկությունները:
• Ալ-Ասադը հրաժարվում է իշխանությունից, նրա հետ ևս 200 առաջատար իշխանական գործիչներ ստանում են անձեռնմխելիության երաշխիքներ:
• Սիրիական արաբական բանակն ու ապստամբական ջոկատները միավորվում են՝ դառնալով միասնական բանակ. զինված ուժերը դուրս են բերվում բոլոր քաղաքներից և տեղակայվում երկրի կենտրոնական շրջաններում:
• Ձևավորվում է նոր կառավարություն երկու հիմնական պայմանով՝ փոքրամասնությունների պաշտպանություն, ոչ մուսուլման առաջնորդ (Նշվում է Թուրքիայից գործող ընդդիմադիր Սիրիայի ազգային խորհրդի առաջնորդ, քրիստոնյա Ժորժ Սաբրայի անունը):
• Պարսից ծոցի միապետությունները վերականգնում են Սիրիան՝ այդ գործին տրամադրելով 100 մլրդ դոլար 4 տարվա ընթացքում:
• Արաբական պետությունների լիգան Սիրիա է ուղարկում խաղաղապահ առաքելություն:
• Բոլոր բանտարկյալներն ազատվում են:
Ներկա պայմաններում ծրագրի որոշ կետերի հետ որոշակի վերապահումներ ունի Իրանը. Իսլամական Հանրապետությունը չի համաձայնում ալ-Ասադի՝ անմիջապես հեռացման դրույթին՝ պահանջելով, որ հենց Արաբական Հանրապետության գործող նախագահը գլխավորի անցումային կառավարությունն, այսինքն երկրի ղեկին մնա, մինչև ահաբեկչության դեմ վերջնական հաղթանակը:
Եգիպտական ծրագրի կենսունակությունը գնահատելիս՝ պետք է հաշվի առնել մի քանի հանգամանքներ, որոնք կարող են և′ աջակցել, և′ խոչընդոտել նախաձեռնության իրականացմանը:
Նախ և առաջ ծրագրի օգտին են խոսում ծրագրի հեղինակի՝ Եգիպտոսի գործոնը՝ և հատկապես երկրի առաջնորդ Աբդ ալ-Ֆաթահ ալ-Սիսիի անմիջական մասնակցությամբ. Կահիրեն, մեծամասսամբ ընդունելի միջնորդ է հակամարտությանը ներգրավված ինչպես ներսիրիական, այնպես էլ արտաքին դերակատարների համար: Ծրագրի հաջողության օգտին խոսող մյուս կարևոր նախապայմանն այն է, որ ս.թ. հունվար-փետրվար ամիսներին ՄԱԿ-ի և ԱՊԼ-ի հովանու ներքո նախաձեռնված Ժնևյան գործընթացի փաստացի տապալումից հետո որևէ գործնական փաստաթուղթ չի շրջանառվել սիրիական թնջուկի հանգուցալուծման վերաբերյալ: Եգիպտական նախաձեռնության հաջողությանը կարող են նպաստել նաև տարածաշրջանային և միջազգային որոշ գործընթացներ, մասնավորապես՝ «Իսլամական պետության» դեմ միջազգային հանրության ջանքերի միավորման փորձերն, ուկրաինական ճգնաժամի հանգուցալուծման գործում նշմարվող առաջընթացը:
Իսկ ծրագրի հնարավոր տապալման հիմնական խոչընդոտն, ըստ իս, Բաշար ալ-Ասադի անձի բացառումն է հետագա ներսիրիական քաղաքական գործընթացներում՝ հատկապես հաշվի առնելով ՍԱՀ գործող նախագահի բարձր հեղինակությունը երկրի բնակչության մի ստվար հատվածի շրջանում, բանակային ստորաբաժանումների համեմատական հաջողությունները հակակառավարական ուժերի նկատմամբ, Իրանի անշեղ աջակցությունն ալ-Ասադի գլխավորած վարչակարգին:
Իսկ ընդհանուր առմամբ, սիրիական հիմնախնդրի հանգուցալուծման գործընթացը մեծապես պայմանավորված է ոչ միայն բուն ներսիրիական զարգացումներով, այլև՝ մերձավորարևելյան, վստահաբար նաև արտատարածաշրջանային գլոբալ գործընթացներով:
Արմեն Պետրոսյանի ֆեյսբուքյան էջից
ՀՀ գլխավոր հարկադիր կատարող, արդարադատության գեներալ-մայոր Միհրան Պողոսյանի գլխավորած պատվիրակությունը ՌԴ դատական պրիստավների դաշնային ծառայության տնօրեն, ՌԴ գլխավոր դատական պրիստավ Արթուր Պարֆենչիկովի հրավերով այսօր եռօրյա աշխատանքային այցով մեկնել է Հյուսիսային Օսեթիայի Հանրապետություն՝ մասնակցելու «Պարտապանի և նրա գույքի հետախուզում. ազգային կարգավորում և միջազգային համագործակցություն» թեմայով միջազգային գիտագործնական 5-րդ համաժողովին:
Միջոցառումը կանցկացվի քաղաք Վլադիկավկազում՝ սեպտեմբերի 9–11-ը, այն հաջորդում է Սանկտ-Պետերբուրգի, Կազանի, Վորոնեժի և Եկատերինբուրգի համաժողովներին, որոնք առանձնացել են իրենց արդյունավետությամբ: Այս մասին հայտնում են ԴԱՀԿ-ի մամուլի ծառայությունից:
ԱԺ լրատվության և հասարակայնության հետ կապերի նախկին վարչության պետ Գոհար Պողոսյանը նշանակվել է ՀՀ վարչապետ Հովիկ Աբրահամյանի մամուլի քարտուղար: Այս մասին տեղեկանում ենք կառավարության պաշտոնական կայքից:
Մեկնարկել է Ազգային ժողովի հինգերորդ գումարման վեցերորդ նստաշրջանի աշխատանքները:
Գրանցվել է 123 պատգամավոր:
Առանձին անհատները կարող են բարոյապես քայքայվել,ժողովուրդը` երբեք:
Յուլիուս Ֆուչիկ
Վերադառնալով այս օրվա ակունքներին (այսօր լրագրողների համերաշխության միջազգային օրն է) հարկ է հիշել Յուլիուս Ֆուչիկի մասին, որպես ազնվության, սկզբույնքայնության ու իր համոզմունքներին հավատարմության կերպար:
Իր ճշմարտության համար չեխոսլովակցի լրագրող, գրական և թատերական քննադատ, հրապարակախոս, չեխոսլովակյան կոմկուսի ակտիվիստ Յուլիուս Ֆուչիկը վճարեց իր կյանքով։ 1943թ. սեպտեմբերի 8-ին նա զոհվեց համակենտրոնացման ճամբարում։ Առավել հայտնի է իր բանտում գրած «Թոկը վզին ռեպորտաժ» գրքով, որի համար 1950 թ.ին հետմահու պարգևատրվել է Խաղաղության միջազգային մրցանակով: Լրագրողական հանրությունը հիշում ու նշում է այդ օրը։
Լրագրողները հասարկության սանիտարները պետք է լինեն, նրանք են, որ պետք է ոչ միայն նկատեն, այլ բարձրաձայնեն ցանկացած անարդարության մասին, նրանք են, որ սկզբունքորեն պետք է լինեն անաչառ, նրանց համար է, որ ճշմարտությունը պետք է լինի գերագույն արժեք։ և նրանք պետք է լինեն սոլիդար, որպեսզի հասարկությունը չմասնատվի։
Պատկերացրեք, Հայաստանում բոլոր լրագրողները իրոք լինեն անաչառ:
Սոլիդարության (հայերեն` համերաշխության, որն ըստ իս այդքան էլ իմաստային համարժեքը չէ) օրը ողջ աշխարհով մեկ անց են կացվում զանազան միջոցառումներ` համաժողովներ, համագումարներ, որտեղ հավաքվում են լրագրողներ ողջ աշխարհից։ Այդ հավաքներում նրանք ոչ միայն կիսում ե իրենց փորձը, այլ նաև մրցանակներ են ստանում իրենց վտանգավոր ու դժվարին աշխատանքի համար։ Հենց այս օրն էլ, սեպտեմբերի 8-ին անց է կացվում լրագրության ոլորտում ամենահեղանակավոր` Պուլտցերյան մրցանակի հանձնումը:
Իսկ մենք նույնիսկ լրագրողական արհմիություն չունենք:Մեզ հետ ցանկության դեպքում կվարվեն ինչպես ուզում են։ «Ժուռնալիստների միություն» ունենք, չգիտես ինչու՞ մնացել է «ժուռնալիստների», դե հա, երևի հենց «ժուռնալիստներ» են մնացել այնտեղ…
Լրագրողի աշխատանքը ռիսկային է, և մեր ամենօրյա գործունեության ընթացքում մեզնից շատերն են զգում հեռու-մոտիկ գրչակիցների ուսն ու թևը, որքան էլ որ մեծ հեռավորություններ բաժանելիս լինեն, իսկ ավելի շատերը չեն զգում…. Ավելին` զգում են, որ ոտի տակ են փորում, բան են ման գալիս որ սևացնեն։ Մեզ բոլորիս միավորում է ընդհանուր գործը` ինֆորմացիոն նյութերի հավաքումն ու տարածումը, որով բավարարում ենք մարդկության ամենահրատապ պահանջներից մեկը` ինֆորմացիոն պահանջի սպառումը։
Բայց ԶԼՄ-ները ձևավորում են նաև հասարակական կարծիք, այսինքն` կարող են ավելի շատ բան անել այսօր, քան գուցե նախկինում։ Բոլորին պարզ է, որ երկիրը վատ վիճակում է, ու հենց այստեղ կարելի է տեսնել լրագրողական այնպիսի տարաբևեռ մոտեցումներ, որ մարմինդ սարսռում է կոնտրաստից։ Վարձու լրագրությունը օգնում է երկիրը պայթեցնել:
Հ.Գ. Ամենահին ու ամենամեծ լրագրողական միջազգային կազմակերպությունն աշխարհում դա Լրագրողների միջազգային կազմակերպությունն է` ԼՄԿ։ Հիմնվել է 1946թ. հուլիսի 8-ին Կոպենհագենի կոնգրեսի ժամանակ հակահիտլերյան կոլաիցիայի 21 երկրների ներկայացուցիչների կողմից։ ԼՄԿ նպատակներն ու խնդիրներն են`
Ժողովրդների միջև խաղաղության պահպանումն ու ամրապնդումը հասարակության ճշմարիտ ու ազնիվ ինֆորմացվածության ճանապարհով, պայքար պատերազմի պրոպոգանադայի, ֆաշիզմի, ազգային ու ռասայական խտրականության, զանազան կոնֆլիկտների դեմ, մամուլի ազատության և լրագրողների պաշտպանությունը մոնոպոլիաների ու ֆինանսական խմբերի ազդեցությունից, լրագրողների` իրենց խղճին ու համոզմունքներին համաձայն գրելու իրավունքի պաշտպանությունը, պայքար մամուլից եկող ստի, զրպարտության և ապատեղեկատվության դեմ, լրագրողների իրավունքների պաշտպանություն, պայքար նրանց նյութական բարեկեցության համար։
Մի շարք այլ ժողովրդավարական կազմակերպությունների հետ միասին ԼՄԿ-ն պայքարում է մարդասիրական համընդանուր արժեքների, միջազգային նորմերի պահպանման համար, հարգում է այնպիսի համաշխարհային ինտիտուտներ, ինչպես ՄԱԿ-ը, պայքարում է նոր միջազգային ինֆորմացիոն կանոնակարգի ամրապնդման համար:
Միավորելով աշխարհի շատ երկրներում գործող ավելի, քան 420 հազար ԶԼՄ-ների պրոֆեսիոնալների, կազմակերպությունը իր շարքերն է ընդունում ինչպես ազգային լրագրողական միություններ, այնպես էլ անհատական անդամներ:
ԼՄՊ-ի կողմից սահմանված է Յուլիուս Ֆուչիկի անվան Միջազգային լրագրողական մրցանակ և Պատվավոր մեդալ, որը հանձնվում է խաղաղության պահպանմանը և լրագրողների համագործակցությանն ու միասնությանը նպաստող առաջադեմ պրոֆեսիոնալ գործունեության համար:
Հ.Գ. Լուսինե Վայաչյանն այս նյութը գրել է 3 տարի առաջ:
Ս. Աստվածածնի ծնունդը նկարագրված չէ Աստվածաշունչ մատյանում, այն մեզ է փոխանցվել Եկեղեցու Սրբազան ավանդության շնորհիվ:
Ս. Կույսի ծնողները` Հովակիմն ու Աննան երկար ժամանակ երեխա չէին ունենում, քանի որ վերջինս ամուլ էր: Եվ մեկ օր, երբ Աննան իջնում է պարտեզ աղոթելու, հանկարծ հայտնվում է Տիրոջ հրեշտակը և ավետում, որ ինքը զավակ է ունենալու, ում երանի են տալու բոլոր ազգերը: Աննան գոհություն է հայտնում Աստծուն, որ լսեց իր անդադրում աղոթքների ձայնն ու խղճաց իրեն: Նա խոստանում է իր զավակին Աստծուն նվիրել:
Նույն այս տեսիլքը երևում է նաև Հովակիմին` հայտնելով բարի լուրը: Ս. Կույսի հայրը նույնպես փառք է տալիս Բարձրյալին այդ մեծ շնորհին արժանացնելու համար և իր ընտիր արջառներից ու ոչխարներից մատաղ է անում` բաժանելով աղքատներին:
Աննան հղիանալուց հետո ծնում է մի աղջիկ, որին անվանում են Մարիամ, այսինքն` լուսավորված: Նա էր այն ընտրյալ անոթը երկրիս վրա, ում Աստված իր առաքինությունների ու արժանիքների շնորհիվ պատվեց լինելու Բանն Աստծու մայրը: Որպես մայր անհանգստացավ, տառապեց իր Որդու համար, սակայն երբեք չերկնչեց ու չընդդիմացավ Աստծուն` քաջ գիտակցելով Բարձրյալից իրեն վստահված առաքելության կարևորությունը: Նա առաքինի, հավատավոր մոր, ընտանեկան սրբության պահապանի մարմնացումն է, որին որպես օրինակ պիտի ունենա ամեն մի հայ մայր, ամեն մի հայ աղջիկ, որ պատրաստվում է մայր դառնալու:
Հայ Եկեղեցին Աստվածամոր ծննդյան տոնը հաստատուն կերպով տոնում է սեպտեմբերի 8-ին:
Մայր Աթոռի Տեղեկատվական համակարգ
Ս.թ. սեպտեմբերի 8-ին, ժամը 01:15-ի սահմաններում, ՀՀ ՊՆ N զորամասի ավտոհավաքակայանի շինության ետնամասում, ծնոտի շրջանում մահացու հրազենային մարմնական վիրավորումով հայտնաբերվել է պահակախմբում որպես ժամապահ ընդգրկված ժամկետային զինծառայող, շարքային Սամվել Սեյրանի Հարությունյանը /ծնվ. 1992թ., 2013-1 զորակոչ, Մաշտոցի զ/կ/:
Դեպքի առթիվ նախապատրաստվում են նյութեր:
Հայաստանի Հանրապետության պաշտպանության նախարարությունը կիսում է ծանր կորստյան վիշտը և իր զորակցությունն է հայտնում շարքային Սամվել Սեյրանի Հարությունյանի ընտանիքի անդամներին, հարազատներին և ծառայակիցներին:
-
-
13.04.2024 | 01:26
Վթարի հետեւանքով մահացած բոլոր չորս զինծառայողները ժամկետայիններ էին. -
13.04.2024 | 11:29
Գեղարքունիքում զինվորական «ԿամԱԶ» է վթարի ենթարկվել -
13.04.2024 | 12:28
Փաշինյանի «լռությունը» վախեցնում է «ուսապարկերին»․ «Հրապարակ» -
13.04.2024 | 01:06
Արարատի մարզում հայտնաբերվել է 36 կգ ոսկի գողություն կատարող կասկածյալներից մեկը․ գտնվել է գողոնի մի մասը -
13.04.2024 | 01:57
Մենք այլևս չունենք ԱԱԾ, այդ հաստատությունը Նիկոլի ռեժիմի հերթական գործիքն է․ Կարեն Վրթանեսյանը՝ ԱԱԾ կողմից հայ զինվորների նկատմամբ քրեական վարույթ նախաձեռնելու մասին -
13.04.2024 | 12:59
Ղազախստանում ձերբակալել են ռուսաստանցու, որը մեղադրվում է տաջիկներին այլ երկրներում պատերազմի մեջ ներքաշելու համար
-
- Տեսանյութ
- Օրվա միտք
- Խմբագրի վարկած
- Ֆոտո
-
Հասցե` Հայաստան, 0023, Երևան, Արշակունյաց 2
Հեռ: +374 (10) 06 06 23 (413, 414), +374 (99) 53 58 26
Էլ. փոստ` armv12@mail.ru -
2010-2011 © Բոլոր իրավունքները պաշտպանված են:
Մեջբերումներ անելիս հղումը armversion.com-ին
պարտադիր է: Կայքի հոդվածների մասնակի կամ
ամբողջական հեռուստառադիոընթերցումն
առանց armversion.com-ին հղման արգելվում է: -
Կայքում արտահայտված կարծիքների համընկնումը
խմբագրության տեսակետի հետ պարտադիր չէ:
Գովազդների բովանդակության համար
կայքը պատասխանատվություն չի կրում:
Բոլոր իրավունքները պաշտպանված են: Copyright “Armversion.com” 2010.