Կենտրոնական բանկի նախկին նախագահ Բագրատ Ասատրյանը, այսօր` նոյեմբերի 4-ին, լրագրողների հետ հանդիպման ժամանակ կարծիք հայտնեց, որ անհանգստությունները մեծանում են եւ բոլոր զարգացած երկրները վերանայել են տնտեսական աճի սպասելիքները:
«2012-ը տնտեսության համար բարդ տարի է լինելու: Մենք աշխարհի հետ ենք, բայց, ցավոք, նայում ենք մեկ ուղղությամբ` դեպի Ռուսաստան, իսկ Ռուսաստանի իրողությունները ազդում են մեզ վրա: Ռուսաստանն էլ ակնկալիքներն իջեցրել է»,- ասաց Ասատրյանը:
Չնայած դրան նա հույս հայտնեց, որ առաջիկա տարվա ընթացքում ֆինանսական հոսքերի կայուն աճ կունենանք եւ 2012-ին մասնավոր տրանսֆերտների մակարդակը կհասնի նախաճգնաժամային իրավիճակին:
Անդրադառնալով փաստին, որ 2012 թվականի պետական բյուջեի նախագծում 100 մլրդ դրամով ավելացել են հարկային եկամուտները, ինչը նշանակում է, որ հարկային մարմինները պետք է 100 մլրդ դրամ ավելի շատ հարկ հավաքեն, ԿԲ նախկին ղեկավարն ասաց. «100 միլիարդ դրամը փոքր թիվ չէ, բայց այդքան էլ անհնար չէ այն հավաքագրելը, ելնելով նրանից, որ մեծ խնդիր չի դրվում հարկերի հավաքման իմաստով: 100-ից 55- 60 կախված է եկամուտների աճից, ինֆլյացիայից: Մյուս 40 միլիարդ դրամի մի մասն ընկնում է ակցիզային հարկերի եւ այլ հարկատեսակների վրա»:
Ըստ նրա ծրագրված է գնաճի կայունացում մինչեւ 4 տոկոս, եւ տնտեսական աճ.«Հաջորդ տարվա բյուջեի մասով ասեմ, մենք մի քիչ վաղ սկսեցինք քննարկումները, որ դեռ կառավարությունը մինչեւ վերջ չի բացել խաղաքարտերը:
Գալիք տարում աճի առանցքը պետք է կազմի արդյունաբերական աճը, մինչդեռ կրկին իշխանությունները նախատեսում են աճն ապահովել շինարարության մասով»,- նշեց տնտեսագետը:«Իմ ասածն իրականություն է դառնում, 4-5 տոկոս տնտեսական աճ, եւ բարձր գնաճ: Իմ ձեռքին են վերջին տվյալները 8 տոկոսից ավելի գնաճ է արձանագրվել:
Սպառողական գների աճը 10,2 տոկոս է, պարենային ապրանքների գների աճը կազմել է 13,5 տոկոս: Սոցիալապես անապահով խավերի համար սա հատկապես ծանր է,- կարծում է Ասատրյանը, – մեր հասարակության ամենամեծ պրոբլեմներից մեկը սոցիալական բեւեռացման ծայրահեղ մակարդակն է»:
Նա անդրադարձավ հարկային քաղաքականությանը նշելով, որ մեջ ամենակարեւորը արդարության գործոնն է: «Եթե քաղաքացին համարի, որ հարկատեսակն արդարացի է եւ տարածվում է բոլորի վրա, նա կվճարի: Չեմ ասում, որ մարմնավաճառներին պետք է ներառել ՀՆԱ-ի մեջ եւ հարկել, բայց ստվերի հարցը պետք է լուծել»:
Բ. Ասատրյանը նշեց՝ սոցիալական բևեռացման խնդրով առաջինն ենք ԱՊՀ տարածքում, և շքեղության հարկի մասին պետք է լրջորեն մտածել: Բանախոսի կարծիքով՝ երկիրը փոխվել է և այլևս «քոչարյանականը չէ»: Նա փաստեց, որ խնդիրները կուտակվել են և պետք է լուծվեն: Կա նաև Վրաստանի գործոնը, որը ՀՀ-ից հետ էր, բայց արդեն հարկեր/ՀՆԱ հարաբերակցությունը մինչև 25%-ի է հասել:
2
- 17:57Բազմազանության շքերթը` հայրենասիրական երգերի ներքո
- 12:52Մահացու վրաերթ. վարորդը դիմել է փախուստի
- 15:48Փուչիկների պայթյունից տուժած երկու երիտասարդներ արդեն վիրահատվել են
- 12:40Մեքենան ընկել է հողասահքի մեջ
- 11:58ՀՀ պետական բյուջեն եկամուտների մասով թերակատարվել է
- 1:01Բժշկուհի Դոնարա Խորենյանը Ձեր աջակցության կարիքն ունի
- 18:12Մահացել է ականավոր պատմաբան Ստեփան Պողոսյանը
- 15:00Փուչիկների պայթյունից տուժածները պլաստիկ վիրահատության կենթարկվեն
- 12:24Ես զարմանում եմ, թե ինչքան մեղք եք դուք.Գյումրիի քաղաքապետ
- 19:19Վարչապետ – Օսկանյան վիրավորանքները հակադարձվում են
21.05.2012 | 18:20
21.05.2012 | 17:57
21.05.2012 | 16:43
21.05.2012 | 16:38
21.05.2012 | 15:30
21.05.2012 | 13:14
21.05.2012 | 13:10
21.05.2012 | 12:57
21.05.2012 | 12:55
21.05.2012 | 12:52
21.05.2012 | 12:50
21.05.2012 | 12:36
21.05.2012 | 12:02
21.05.2012 | 11:18
21.05.2012 | 11:08
Բոլոր իրավունքները պաշտպանված են: Copyright “Armversion.com” 2012. Կայքի նախագծումը և պատրաստումը SiteMax