Զենք‑զինամթերք
Հուլիսի 13-ին, ժամը 09.40-ին, մի քաղաքացի զանգահարել է ոստիկանության «Զվարթնոց» օդանավակայանի գծային բաժնի հերթապահ մաս և հայտնել, որ օդանավակայանի հանրակացարանի մոտ զինամթերք է թողել:
Ոստիկանները նշված վայրից հայտնաբերել են պոլիէթիլենային տոպրակ, որի մեջ եղել է 7.62 մմ տրամաչափի 203 փամփուշտ, 2 նռնակ, 3 պայթուցիչ, 11 քուղ, լուսարձակող 1 սարք, 200 գ տրոտիլ և ինքնաձիգի 2 պահունակ:
Հայտնաբերվածն ուղարկվել է փորձաքննության:
Երևան-Մոսկվա չվերթի ինքնաթիռի ժամանումից հետո
Հուլիսի 13-ին, ժամը 09.00-ին, ոստիկանության քրեական հետախուզության գլխավոր վարչության և «Զվարթնոց» օդանավակայանի գծային բաժնի ծառայողները, Երևան-Մոսկվա չվերթի ինքնաթիռի ժամանումից հետո, «Զվարթնոց» օդանավակայանի սպասասրահից բերման են ենթարկել 1959 թ. ծնված Վախթանգ Ա.-ին, որը 2008 թ. մայիսի 22-ից հետախուզվում էր Բելառուսի Հանրապետության Մինսկ քաղաքի իրավապահների կողմից:
Վախթանգ Ա.-ն կալանավորված է:
Հայտնաբերման մասին հայտնվել է հետախուզումը նախաձեռնողին և ՀՀ գլխավոր դատախազությանը:
Կանեփի թփեր` տնամերձից
Հուլիսի 13-ին, ժամը 15.00-ին, ոստիկանության Մալաթիայի բաժնի ծառայողները նախկինում դատապարտված, 1975 թ. ծնված Արթուր Վ.-ի` Հաղթանակ թաղամասում գտնվող տնամերձ այգուց հայտնաբերել են կանեփի 30 թուփ` 32 կգ ընդհանուր կշռով, և պոլիէթիլենային տոպրակ` 90 գ կանեփանման չորացված զանգվածով:
Ըստ Արթուր Վ.-ի հայտարարության` կանեփի թփերը ցանել և մշակել է իր օգտագործման համար:
Հայտնաբերվածն ուղարկվել է փորձաքննության:
Կատարվում է հետաքննություն:
Թմրամիջոց` գուլպայից և գրպանից
Հուլիսի 13-ին, ժամը 13.30-ին, ոստիկանության Էրեբունու բաժնի ծառայողները, թմրամիջոց պահելու կասկածանքով, բերման են ենթարկել 1976 թ. ծնված Արտակ Հ.-ին, որի գուլպայի միջից հայտնաբերվել է 5 մլ տարողությամբ ներարկիչ` 3,2 մլ թափանցիկ հեղուկով, իսկ անդրավարտիքի գրպանից` 4,8 գ կանաչ զանգված:
Ըստ Արտակ Հ.-ի հայտարարության, հայտնաբերված թափանցիկ հեղուկը մորֆին թմրամիջոց է, որը նույն օրը ձեռք է բերել Բորիկ մականունով Բագրատ Բ.-ից, իսկ կանաչ զանգվածը մարիխուանա թմրամիջոց է, որը պատրաստել է իր անձնական օգտագործման համար:
Նույն օրը, Ժամը 14.00-ին, Բագրատ Բ.-ն բերման է ենթարկվել բաժին:
Հայտնաբերվածն ուղարկվել է փորձաքննության:
Կատարվում է նախաքննություն:
Կողոպտչին ճանաչեցին հեռուստահաղորդումից
Ինչպես տեղեկացրել էինք` հուլիսի 11-ի երեկոյան ոստիկանության ծառայողներին էր մոտեցել մի քաղաքացուհի և մատնացույց անելով մի երիտասարդի` հայտնել, որ վերջինս մեկ օր առաջ Օպերայի հրապարակին հարակից տարածքում իր ներկայությամբ պոկել է ընկերուհու ոսկյա շղթան` խաչով, և դիմել փախուստի:
Կողոպուտ կատարելու կասկածանքով ոստիկանության Կենտրոնականի բաժին բերման ենթարկվեց 1988 թ. ծնված Գագիկ Ավետիսյանը:
Պարզվեց, որ հուլիսի 11-ին, ժամը 01.10-ի սահմաններում, նա հափշտակել էր ՌԴ քաղաքացի, 1990 թ. ծնված Օլգա Ու.-ի պարանոցի ոսկյա շղթան` խաչով, և փախել:
Հուլիսի 13-ին, ժամը 13.00-ին, 1978 թ. ծնված Մարո Ա.-ն ներկայացել է ոստիկանություն և հայտնել, որ հուլիսի 12-ին դիտելով «Արմենիա» հեռուստաընկերությամբ եթեր հեռարձակված «Հերթապահ մաս» հաղորդումը` ճանաչել է Գագիկ Ավետիսյանին, որը ս/թ մայիսի 10-ի երեկոյան Մաշտոցի պողոտայի թիվ 9 շենքի մոտ բացահայտ հափշտակել է իր պարանոցի ոսկյա շղթան` կախազարդով, և դիմել փախուստի` պատճառելով 385.000 դրամի նյութական վնաս:
Հուլիսի 13-ին ոստիկանություն են ներկայացել ևս երեք կանայք, ովքեր նույնպես իրենց կողոպտած Գագիկ Ավետիսյանին ճանաչել են հեռուստատեսությամբ հեռարձակված տեսանյութից.
-1962 թ. ծնված Գայանե Վ.-ն հայտնել է, որ մայիսի 23-ի երեկոյան Գագիկ Ավետիսյանը Մաշտոցի պողոտայի թիվ 45 շենքի մոտ հափշտակել է իր պարանոցի ոսկյա շղթան` կախազարդով, և դիմել փախուստի` պատճառելով 450.000 դրամի նյութական վնաս/:
- 1993 թ. ծնված Աննա Գ.-ն հայտնել է, որ մայիսի 19-ին, ժամը 15.00-ին, Մաշտոցի պողոտայի թիվ 5 շենքի մոտ Գագիկ Ավետիսյանը բացահայտ հափշտակել է իր պարանոցի ոսկյա շղթան` խաչով և կախազարդով ու դիմել փախուստի` պատճառելով 100.000 դրամի նյութական վնաս/:
- 1985 թ. ծնված Հրաչուհի Գ.-ն հայտնել է, որ մայիսի 12-ին, ժամը 16.30-ին, Թումանյան փողոցում Գագիկ Ավետիսյանը բացահայտ հափշտակել է իր պարանոցի ոսկյա շղթան` կախազարդով, և դիմել փախուստի` պատճառելով 70.000 դրամի նյութական վնաս:
Նշված բոլոր դեպքերում տուժողները ոստիկանություն չէին դիմել:
Կատարվում է նախաքննություն:
11
- 16:54ՏաԹևեր ճոպանուղու աշխատանքը վերականգնված է
- 12:45Խորհրդավոր ու երկար գիշեր
- 12:07Լիբերալ կուսակցությունում անհամաձայնություն կա ՀԱԿ-ը լքելու հարցում
- 15:34«Հանրապետությունը» դուրս եկավ ՀԱԿ – ից
- 15:14Լոռու մարզի Սարալանջ գյուղի դպրոցի տնօրենը ինքնասպան է եղել
- 13:26Սոչի ուղևորվելիս վթարի են ենթարկվել չորս հայ դեռահասներ. 2 զոհ, 2 վիրավոր
- 10:54Նիկոլ Փաշինյանը պատասխանում է Սամվել Ալեքսանյանի` խնջույքի հրավերին
- 19:17Սամոն Նիկոլին հրավիրել է «Փարվանա»
- 13:22Վրաերթ մահվան ելքով
- 13:11Սուրբ Նշանում սկսվել է վերականգնողական աշխատանքները
19.05.2012 | 22:09
19.05.2012 | 16:54
19.05.2012 | 15:54
19.05.2012 | 15:48
19.05.2012 | 15:21
19.05.2012 | 14:41
19.05.2012 | 13:53
19.05.2012 | 12:53
19.05.2012 | 12:45 Ռուզան Ավոյան
19.05.2012 | 12:40
19.05.2012 | 12:38
19.05.2012 | 12:25
19.05.2012 | 12:21
19.05.2012 | 12:16
19.05.2012 | 12:12
Բոլոր իրավունքները պաշտպանված են: Copyright “Armversion.com” 2012. Կայքի նախագծումը և պատրաստումը SiteMax