Հայաստանի կոմունիստական կուսակցության առաջին քարտուղար Ռուբեն Թովմասյանը այսօր լրագրողների հետ հանդիպման ժամանակ,  մեկնաբանելով ԲՀԿ առաջնորդ Գագիկ Ծառուկյանի` կոալիցիա չկազմելու մասին հայտարարությունը,  նշեց, որ իրեն հայտնի չէ կառուցողական ընդդիմություն հասկացությունը, ինչպիսին իրեն հռչակում է ԲՀԿ-ն: «Քաղաքական ուժը կարող է լինել կամ ընդդիմադիր, կամ ոչ ընդդիմադիր: Իսկ այդ «կառուցողական ընդդիմությունը զբաղվելո՞ւ է արտագաղթի ու գործազրկության հարցերով,-ասաց Կոմկուսի ղեկավարը, ավելացնելով, որ «Բարգավաճ Հայաստանն, ընդհանուր առմամբ, կարող է դառնալ ոչ թե կառուցողական, այլ «հովհարային ընդդիմություն: Ըստ նրա` ՀՀ 5-րդ գումարման Ազգային ժողովը կլինի ոչ թե իսկական Ազգային ժողով, այլ՝ ազգակցական ժողով, որովհետև պատգամավորները չեն ընտրվել, այլ նշանակվել են: << Դրանք այն մարդիկ են, ովքեր 20 տարվա ընթացքում երկիրն այս աղետալի իրավիճակին են հասցրե>>,- ասաց բանախոսը: Իսկ ինչ վերաբերում է Օրինաց երկիր կուսակցությանը, որը նախքան ընտրությունները կոալիցիայի մաս էր  կազմում, Ռուբեն Թովմասյանը խիստ զարմանք հայտնեց ընտրություններից առաջ արած հայտարարությունների եւ քվեարկության արդյունքների վերաբերյալ: <<Նրանք հայտարարում էին, որ ՕԵԿ-ն ունի 180 հազար անդամ: Այդ ինչպե՞ս ստացվեց, որ նրանք հավաքեցին անհամեմատ քիչ ձայներ,-նկատեց Կոմկուսի առաջնորդը>>: Հիշեցնենք, որ մայիսի 6-ին Հայաստանում տեղի ունեցան ՀՀ 5-րդ գումարման Ազգային ժողովի ընտրությունների արդյունքում ՕԵԿ-ը համամասնական ընտրակարգով ստացել է մոտ 80 հազար ձայն, այնինչ հայտարարում էր, որ ունի 170 հազար անդամ: Ռուբեն Թովմասյանը նշեց, որ իրենց կուսակցությունը մայիսի 6-ին ստացել է 16.000 ձայն, , որոնք ՀԿԿ-ն, ըստ Թովմասյանի, վաստակել է մաքրությամբ, սակայն արդյունքում ՀԿԿ-ն չկարողացավ հաղթահարել 5 տոկոսի շեմը և, փաստորեն, չանցավ խորհրդարան: <<Մենք տեսանք, թե ինչ կատարվեց այդ օրը, և ինչ կերպով քարշ տվեցին մնացած այդ հինգ տոկոսը հազիվ հավաքած կուսակցություններին>>,- նշեց Ռուբեն Թովմասյանը: Բանախոսը, անդրադառնալով առաջիկա նախագահական ընտրություններին, ասաց, որ դրանք միշտ էլ եղել են շատ կարևոր, սակայն պարզ չէ `  ՀԿԿ-ն կպայքարի՞ նախագահի սեփական թեկնածուի համար, թե՝ ոչ, դա: <<Մենք դեռ ոչ մի բան չենք որոշել, կգա այդ ժամանակը, և մենք կհայտարարենք այդ մասին: Հնարավոր է և մեր մասնակցությունը, և հնարավոր է նաև, որ չմասնակցենք ընտրություններին»>>-եզրափակեց Ռ. Թովմասյանը:                

Մի շարք եվրոպական երկրներ վտարել են իրենց երկրներում գտնվող սիրիացի դիվանագետներին, հաղորդում է Reuters-ը: Նրանք հաշվի են առել Սիրայում ներքաղաքական ճգնաժամի խորացումն ու կառավարական զորքերի կողմից քաղաքացիների և ընդդիմադիրների նկատմամբ շարունակվող բռնությունները` մասնավորապես Հուլայում տեղի ունեցած սպանդը, որի ընթացքում 100-ից ավելի մարդ էր զոհվել` մեծ մասամբ կանայք և երեխաներ: Ֆրանսիայի նախագահ Ֆրանսուա Օլանդը լրագրողների հետ հանդիպման ընթացքում հայտնել է, որ Սիրիայի դեսպանը կլքի Ֆրանսիան այսօր կամ վաղը: Սիրիայի դեսպանատունը հրաժարվել է մեկնաբանություններ տալուց: Իսկ Գերմանիայի արտգործնախարությունը պաշտոնապես հայտարարել է երկրից Սիրիայի դեսպանի վտարման մասին: Այնուհետև նրանց  հետևել է Լոնդոնը, որտեղից պետք է 48 ժամվա ընթացքում հեռանա 3 սիրիացի դիվանագետ: Իտալիան ևս հայտարարել է Սիրիայի դիվանագիտական ներկայացուցչի վտարման մասին: Կանադայի արտգործնախարար Ջոն Բեիրդը հայտարարել է 3 սիրիացի դիվանագետների վտարման մասին: Իսպանիան նույնպես հետ չի մնացել և հայտարարելէ Մադիրդում Սիրիայի դեսպանի և 4 այլ դիվանագետների վտարման մասին: Երկրի կառավարությունը նրանց 72 ժամ է տրամադրել Իսպանիայի տարածքը լքելու համար:  

Դատական հայցի լսումը, որով ՀԱԿ–ը պահանջում է անվավեր ճանաչել մայիսի 6-ին տեղի ունեցած ընտրությունների արդյունքները, ՀՀ Սահմանադրական դատարանը  քիչ առաջ հետաձգեց մինչև վաղը ժամը 12։00–ը: Հետաքրքիր է, որ վաղը Կենտրոնական ընտրական հանձնաժողովի դեմ «Հայ ազգային կոնգրես» ընդդիմադիր դաշինքի ներկայացրած հայցով քննությունից անմիջապես հետո ԿԸՀ–ում կհանձնվեն նույն ընտրությունների արդյունքում պատգամավորներ դարձած ՀՀ քաղաքացիների մանդատները։։ Մինչդեռ վաղվա նիստին հայցվոր կողմը պետք է ներկայացնի իր եզրափակիչ խոսքը և հիմնավորումները։  

Այսօր` մայիսի 29-ին, Հայաստանի նախագահի նստավայրում տեղի է ունեցել տարբեր բնագավառներում Հանրապետության նախագահի 2011 թվականի մրցանակների հանձնման արարողությունը: Նախագահ Սերժ Սարգսյանը շնորհավորել է մրցանակակիրներին՝ մրցանակի արժանանալու կապակցությամբ, շնորհակալություն հայտնել կատարած կարեւոր աշխատանքի համար եւ մաղթել նորանոր ձեռքբերումներ և հաջողություններ: Սերժ Սարգսյանն իր շնորհավորական խոսքում ասել է. <<Հայաստանի Հանրապետության նախագահի մրցանակի հարգելի՛ դափնեկիրներ, Ջերմորեն շնորհավորում եմ ձեզ՝ ձեր ձեռքբերումների կապակցությամբ: Գիտնականների եւ արվեստագետների հաջողություններն ուրախալի են բոլորիս համար, եւ մենք մեր պարտքն ենք համարում այս մրցանակներով շեշտել եւ ընդգծել նրանց աշխատանքը: Ինձ եւ, վստահ եմ, մեր ողջ հանրության համար բացառիկ կարեւորություն ունեն հատկապես երիտասարդական մրցանակները, քանի որ դրանք օգնում են ապահովել մեր մշակութային զարգացման անընդհատությունն ու շարունակականությունը: Եթե ճշգրիտ գիտությունների բնագավառում արած հայտնագործությունները կարող են մնալ գիտական հանրության նեղ շրջանակում, ինչը բնական է, ապա արվեստագետների, պատմաբանների եւ ընդհանրապես հումանիտար գիտություններին վերաբերող աշխատանքները պետք է ունենան լուրջ հանրային հնչեղություն եւ ազդեցություն: Դրանք նոր՝ ավելի հեռուն նայող, պահանջ ներկայացնող հասարակություն ձեւավորելու կարեւոր գործոններ են: Կարծում եմ՝ առանձնահատուկ զգացումով են ներկաներն ընդունում այն փաստը, որ Հայոց ցեղասպանության ճանաչման գործում նշանակալի ավանդի համար Հայաստանի Հանրապետության նախագահի մրցանակին է արժանանում Թուրքիայի քաղաքացի Ռագըփ Զարաքողլուն: Նրա գործունեությունը բացառիկ առաքելություն է: Պատմական ճշմարտությունը Թուրքիայի հասարակությանը հասցնելու համար մղած նրա պայքարը բարձր քաղաքացիական դիրքորոշման եւ խիզախության փայլուն օրինակ է: Խիզախություն է նաեւ Ձեր այսօր այստեղ գտնվելը եւ այս մրցանակն ընդունելը: Ձեր այս կեցվածքն ունի ոչ միայն անցյալն ավելի խորը հասկանալու նպատակ, այլեւ ուղղված է հարեւան ժողովուրդների փոխադարձ հասկացողությունը նոր մակարդակի բարձրացնելուն: Այն ուղղված է ապագային: Շնորհակալ եմ Ձեզ: Հարգելի ներկաներ, Ժամանակին, երբ Պողոսյանների ընտանիքի նախաձեռնությամբ եւ հովանավորությամբ, սկիզբ դրվեց այս մրցանակին, հիմքում դրված էին հենց այդ գաղափարներն ու վեհ նպատակները: Շնորհակալություն եմ հայտնում հովանավորներին այս գործը հետեւողականորեն շարունակելու համար: Նաեւ շնորհակալություն եմ հայտնում «Հայաստան» համահայկական հիմնադրամի գործադիր վարչությանը կազմակերպչական ջանքերի համար, ինչպես նաեւ մասնագիտական հանձնաժողովներին, որոնք դժվարին, բայց շնորհակալ աշխատանք են կատարում: Կրկին շնորհավորում եմ եւ մաղթում, որ մեր դափնեկիրներն այսուհետ եւս հաջողություններ արձանագրեն եւ նոր բարձունքների հասցնեն Հայաստանի արվեստն ու գիտությունը>>: Սերժ Սարգսյանի հրամանագրերով 2011 թվականի մրցանակ է շնորհվել Հարություն Մարությանին` Հայոց ցեղասպանության հիշողության շարունակականության երեւույթը, Մեծ եղեռնի եւ Ղարաբաղյան շարժման միջեւ եղած  աղերսների ուսումնասիրությունը նոր գիտական մեթոդաբանության եւ մշակումների կիրառմամբ իրականացված հետազոտության համար, Ռագըփ Զարաքոլուին (Թուրքիա)` Հայոց ցեղասպանության պատմական ճշմարտության մասին թուրք հասարակությանն իրազեկելու, թեմայի շուրջ ակտիվ թարգմանչական եւ գրահրատարակչական գործունեության, խոսքի ազատության եւ մարդու իրավունքները հարգելու համար մղած անդուլ եւ սկզբունքային պայքարի համար: Հայաստանի նախագահի 2011 թվականի մրցանակին են արժանացել. բնական գիտությունների զարգացման բնագավառում՝ Աշոտ Սաղյանին` <<Օպտիկապես ակտիվ ոչ սպիտակուցային ամինաթթուների գերարդյունավետ ասիմետրիկ սինթեզ>> մենագրության եւ գիտական հոդվածների շարքի համար, արվեստի բնագավառում՝ Գարրի Ռաշիդյանին` <<Արդի ճարտարապետության պրոբլեմները զարգացման նոր փուլում եւ առաջիկա խնդիրները>> հետազոտության, մշակման եւ ներդրման համար տեխնիկական գիտությունների եւ ինֆորմացիոն տեխնոլոգիաների բնագավառում՝ Ալբերտ Ղուլյանին, Ռոբերտ Սիմոնյանին, Արմեն Աբրահամյանին,Համլետ Փիրումյանին, Անդրանիկ Սանոյանին` <<Տարածքների հսկման ավտոմատ համալիրի մշակում եւ ստեղծում>> գիտական հոդվածների շարքի համար,   ֆիզիկայի զարգացման բնագավառում՝ Գագիկ Կրյուչկյանին, Տիգրան Գեւորգյանին, Դիանա Անտոնոսյանին, Աննա Շահինյանին` «Ֆոտոնիկա՝ <<Կառուցվածքային վակուումում եւ ոչ գծային նյութերում>> գիտական հոդվածների շարքի համար, գրականության բնագավառում՝ Հրաչյա Թամրազյանինի` <<Սրբազան խավար>>բանաստեղծությունների ժողովածուի համար, հումանիտար գիտությունների զարգացման բնագավառում` Հասմիկ Ստեփանյանին` <<Հայերի ներդրումն օսմանյան կայսրությունում>> գրքի համար: Դասական երաժշտության բնագավառում Հայաստանի նախագահի 2011 թվականի երիտասարդական մրցանակ է շնորհվել Լիլիթ Զաքարյանին (դաշնամուր), Հասմիկ Վարդանյանին (թավջութակ)՝ <<Գործիքային կատարում>> անվանակարգում լավագույն կատարման համար: Հայաստանի նախագահի 2011 թվականի երիտասարդական մրցանակ է շնորհվել. գրականության բնագավառում` Նառա Վարդանյանին` <<Անկախին սպասելիս>> գրքի համար: արվեստի բնագավառում՝ Արման Համբարձումյանին` <<Լեգենդներ>> քանդակների շարքի համար, Աշոտ Գեւորգյանին` <<Մետամորֆիկ տրանսակցիաներ>> քանդակների շարքի համար, Աստղիկ Ստեփանյանին՝ Ս.Պրոկոֆեւի. <<Ռոմեո եւ Ջուլիետ >> բալետի դեկորների եւ զգեստների ձեւավորման համար:  

Երևանի քաղաքապետ Տարոն Մարգարյանը մասնակցել է քաղաքապետարանի ենթակայության «Նորք Մարաշ» ԲԿ-ի և «NECO» (Ազգային Էթնիկ Կազմակերպությունների Կոալիցիա) միջազգային ընկերության միջև համագործակցության հուշագրի ստորագրման արարողությանը, այս մասին տեղեկացնում է քաղաքապետարանի տեղեկատվության և հասարակայնության հետ կապերի վարչությունը: Համաձայն հուշագրի «Նորք Մարաշ» ԲԿ-ում կմեկնարկի համատեղ բարեգործական ծրագիր, որի շրջանակում սրտի արատով տառապող երեխաների վիրահատական և անհհրաժեշտ բուժման ծախսերը կհոգա «NECO» միջազգային ընկերությունը, իսկ վիրահատությունները կիրականացնեն «Նորք Մարաշ» ԲԿ-ի փորձառու վիրաբույժները:  

Քիչ առաջ Մայիսի 29-ին՝ ժամը 18.27-ին, ահազանգ է ստացվել, որ հրդեհ է բռնկվել Երևանի Իսակովի պողոտայի 18/10 հասցեում՝ ՀՀ ՊՆ Ռազմական ոստիկանության շենքում։ Դեպքի վայր է մեկնել չորս մարտական հաշվարկ և ճգնաժամային կառավարման կենտրոնի օպերատիվ խումբը։ Այս մասին ասված է ՀՀ ԱԻՆ պաշտոնական կայքում զետեղված հաղորդագրության մեջ։  

Առողջ ու կենսուրախ լինելու համար գիտնականները սահմանել են մի քանի հիմնական կանոն, որոնց հետևելով կինը միայն կշահի.

1. Սև թեյ խմեք: Պարզվում է, որ սև թեյը կանխում է մանրէների զար-գացումը բերանի խոռոչում, ինչպես նաև պաշտպանում է ձեր սիր-տը:
3. Հետևեք հիգիենային, բայց չափավոր: Անշուշտ, հիգիենան ամենա-կարևոր ու անհրաժեշտ բանն է, սակայն ծայրահեղ մաքրասիրութ-յունը իդեալական առողջություն ունենալու ոչ արդյունավետ միջոց է: Օրինակ, եթե կինը սովորական օճառի փոխարեն մշտապես օգ-տագործում է հակաբակտերիալ օճառը, ապա նա ավելի շատ է վը-նասում առողջությանը, քանի որ վնասակար մանրէների հետ միա-սին նա ոչնչացնում է նաև մեր ՙբարեկամ՚ օգտակար մանրէներին:
5. Կոլա մի խմեք: Ձեզ թվում է, որ դիետիկ կոլա խմելիս պետք չէ ան-հանգստանալ առողջության համար: Պարզվում է, որ, կալորիա-կանությունից անկախ, այս տեսակի բոլոր ըմպելիքները պարունա-կում են համային ուժեղարար (E388), որն օրգանիզմից դուրս է հանում կալցիումը:
7. Մի օգտագործեք ալկոհոլային ըմպելիքներ: Նարկոլոգները պնդում են, որ ալկոհոլի ոչ մեծ դոզան թույլատրելի է, այն ինչ ուռուցքաբանները կտրականապես դեմ են ալկոհոլ պարունակող ըմպելիքի նույնիսկ մեկ կաթիլին: Նրանց կարծիքով, ալկոհոլն առաջացնում է տարբեր տեսակի ուռուցքաբանական հիվանդություններ:
8. Ո ՛չ ծխելուն: Իհարկե, ոչ մի նոր բան այս դեպքում հնարավոր չէ ավելացնել: Կարելի է միայն ասել, որ ծխող կանայք 2 անգամ ավե-լի հաճախ են հիվանդանում արգանդի ուռուցքով:
10. Նիհարեք չափավոր: Բաժանեք ձեր քաշը (կիլոգրամներով) հասակի վրա (մետր քառակուսի): 165 սմ հասակ ունեցող 30 տարեկան կինը պետք է մոտավորապես լինի 63-65 կգ, համապատաս-խանաբար իր մարմնի ցուցանիշը հավասար է 24-ի:
11. Ծննդաբերեք մինչև 30 տարեկանը: Պարզվում է, որ ծննդաբերությունը 20-ից մինչև 30 տարեկան հասակում, ինչպես նաև կրծքով կերակրելը նվազեցնում է կրծքի քաղցկեղով հիվան-դանալու վտանգը:
13. Բանան: Յուրաքանչյուր միջին տարիքի չորրորդ կին տառապում է դեպրեսիայով կամ այլ հոգեկան հիվանդություններով: Հիվանդու-թյան պատճառներից մեկը տրիպտոֆան ամինաթթվի պակասն է, որով հարուստ են բանանը, հնդկահավը, կաթնաշոռն ու սալորը:
15. Զբաղվեք սպորտով: Կանանցից շատերը տառապում են մեջքի ցավերից: Այս դեպքում ձեզ կօգնեն ուժային վարժությունները, որոնք ամրացնում են մկանները և օգնում են տափակ փորիկ ու գեղեցիկ կազմվածք ունենալ:

 

ՌԴ Կրասնոդարի երկրամասի Արմավիր քաղաքում մայիսի 28-ին բացվել է 2 հերոսների` Զորավար Անդրանիկին ու Գարեգին Նժդեհին նվիրված հուշատախտակ: Այն նվիրվել է Հայաստանի Առաջին Հանրապետության տարեդարձին (մայիսի 28-ին): Հիշեցնենք, որ մեկ տարի առաջ Սոչի քաղաքում հայ ազգային- ազատագրական շարժման հերոս Անդրանիկ Օզանյանի արձանը ապամոնտաժվել էր: Ինչպես հայտնում է Ռուսաստանի հայերի <<Երկրամաս>> թերթը, նախաձեռնությունը Ռուսաստանի հայերի միության Արմավիրի մասնաճյուղի երիտասարդական կոմիտեինն է, որը ոչ միայն նախաձեռնել է, այլև սեփական ուժերով ու միջոցներով իրականացրել: Հուշատախտակը կանգնեցվել է Մարիամ Աստվածածին եկեղեցու բակում: Բացման արարողությանը մասնակցել են Ռուսաստանի հայերի միության տեղական մասնաճյուղի ղեկավարները` Սերգեյ Ղարիբջայանի գլխավորությամբ, հայ հոգևորականներ, Կրասնոդարի երկրամասի Հայկական համակարգման խորհրդի ներկայացուցիչներ: Հայաստանի Հանրապետության ու Ռուսաստանի Դաշնության օրհներգերից հետո, հնչել են պաշտոնատար անձանց ու հյուրերի ելույթները: Նրանք կարևորել են հայկական պետականության վերականգնման գործում Սարդարապատում, Բաշ-Ապարանում ու Ղարաքիլիսայում թուրքական բանակի նկատմամբ տարած հերոսական հաղթանակները: